[الرس وبس]

السلام عليكم

هلا بأهل بريده

انا جاي اليوم ولا بكره لبريده لشغل

وبعد ذلك بروح للمعارض
ياليت لو احد يدلني للمعارض

المواقع اللي اعرفها ببريده

مكتبه جرير واسواق العثيم
اسواق النافوره
القصور الملكيه
موفنبيك

ياليت لو توصفون من عند الاماكن اللي ذكرتها
ووش اسم الحي اللي فيه المعارض

[فؤادعنتر]

لاتجي المعارض صاكه برمضان رح لعنيزة سهل الوصف من عند دوار الساعة

[وطني]

حياك الله ياولد الرس وهلابك بين أهلك وربعك..

إذا كنت جاي للمعارض فقط مافي داعي تدخل وسط بريدة خليك مع الدايري الغربي حق بريدة حتى يجيك مخرج طريق
حائل اتجه مع طريق حايل اول مخرج يمين ثم يمين حتى تجيك المعارض ..تحياتي لك..

[ولد الوهابا]

العثيم خلك عند الاستاد الرياضي واتصل واجي ادلك

[المواطن]

اقتباس ووش اسم الحي اللي فيه المعارض

اسمه حي المعارض : اسئل اي واحد يوقف بجنبك عند اي اشاره وبيدلك

[اخو دريحم]

الرس وبس

شف الله يخليك المعارض ماتفتح العصر والاحد يبدأ القيام يعني اقترح عليك تأتي عقب مانفطر الست ان شاء الله

[مستر مناحي]

يالرس وبس حياك الله
وش رايك تجي تفطر معي بكرا
وإذا تعشينا نروح نتروح بمسجد إمامه زين ما هوب بعيد عن المعارض
ولا لك إلا أوصلك للمعرض اللي تبيه

[أبو عبد الله]

بدوا الشريطية يتلقفونه << أمزح

شف وانا اخوك خل القصور الملكية على يسارك وانت ماسك طريق الملك عبدالعزيز ورايح شمال كأنك رايح لحايل طول لمين تعدا الدائري أول كبري بعد الدائري خذه ورح يمين كيلو أو أقل وتجيك المعارض

[سفـ الكلمة ـير]

انت تقصد معارض السيارات

او معارض تسوق تجارية

[العنزي]

انت يارعي الرس كمل هلعشر بالرس ولاتعيدنا يمديك علي السياره ..

[ودي اتزوج]

وشولة تروح للمعارض خابر لك سيارة توديك لوتبي هونج بونج بس انت اتصل على وابشر بسعدك .