[أبو جـــهـــاد]

.
.

^^^^آآآآهـ بس .. وشو ذا .. أنت متأكد أنه آدمي ..

.
.

[أنسان خجول]

الله الي يغثن ويفقع مرارتي
ويرفع ضغطي ويلهدن الي
دايم عيالة المؤدبين وعيالة مايخطون وعيالة هم كل شي بالمدح وهم غير كذا
كنهم نازلين من السماء

[القصيعة بارك]

اللي يغثن قوووووووووة

تواعده من اسبوع ثمن يتصلون عليه اخوياو ثمن سحب يقفل الجوال

أقل شي دق قلي حصلي ظرف

[اخو دريحم]

وأنت يابوجهاد غثيتنا ماخليت لنا شي نقوووووله

وتشكر على الموضوع

[جهينة]

انا مايبط كبدي الا اللي اذا شافن اشري من البقاله او كنت شاري جوال يقولي ايه انت غني من مكافاة المعهد العلمي تارسينكم من الدراهم من كثر المكافاه عاااد االلهم لاشماته بس للمعلوميه هي كله 375 يعني وش بتكفي ناااس ماشافووو خير وللاسف فيه ناس


حسد ×حسد ويناظرون خير الناس وما يناظرون اللي عندهم وبس يتناحبون ياخي اقنع باللي عندك واشكر ربك ولاكن لايملا فيه ابن ادم الا التراب

[أبو جـــهـــاد]

مداخلات رائعة جدا ..

سأعود لها إن شاء الله ..

[Moonlight]

تقهرني المرأة اللي تفزع للبزارينه على أتفه حاجة

والمرأة اللي حاطة نفسه مقياس للصح والكمال (بشيء ماله علاقة بالدين) وتنقد بالخلق وتسبهم ثمن لصار بعد مدة تلقاه هي مسوية نفس الشيء

بس طبعا هي ميخالف لأنه هي الصح وأكيد هي كل شيء له مبرر والحين الوقت تغير و....

والمرأة اللي تكرف شغالة كرف ولاتكتفي وتكمل سب ما كأنه آدمية

والرجل اللي أهم شي عنده أخوياه وإلا الأهل دايم مشغول ( حتى الكورة شغل)

و المتثيقف/ة اللي يقرأ كم كلمة جديدة ثمن يبدأ يرددهن وعلى باله صار فيلسوف

واللي يعذر للمراهقين والمراهقات بحجة أنهم مراهقين والتصرف ذا متوقع منهم ما كأننا قد صرن بأعمارهم ولاسوينا

سواتهم

وبالنهاية شكرا على الموضوع

[أبو جـــهـــاد]

.
.
.
لا أدري كيف أبوح بشكري .. لمن كتب وعلق ..

لكن أقول شكرا لمن كتب وتفاعل ..

وأيضا أشكر من فكر في أن يكتب ..

فالأفعال المشينة كثيرة وبعضها خفية..

ولكن نتساعد على كشفها والتقليل منها ..

.
.
.

[عبق الجوري]

مداخله صغنونهـ

تغثن بالكلية الوحدة اللي ماتعرفن إلا وقت الحاجة إذا تبغى كتب أو ناقصه شي
سلام وتحفي وإشتقت لكـ !! وين الناس !!

وبعد الحاجه إذا شافتن تصد

شي يقهر ويرفع الضغط

[أم عبدالله]

موضوع وآقعي جدا

لكن عليك يآمن (غثك ) احد أو حآول يستفزك .

أن تستغفر له وتدعوا له والله قمة الرآحه...

أشآد بهذه الطريقه الشيخ الدكتور خآلد الجبير حفظه الله ..

وبذلك تغيض الشيطآن ولك من الله الأجر..

أعآنكم الله وحفظكم من كل سؤ..


وفقتم وبوركتم ..

أم عبدالله

[بريدساوي]

تدرون وش اللي يغثن قوووة
اللي يخطي ولا داري عن خطاه ولايعترف ومستحيل يقول اخطيت ولاكأنه زين شي
واللي يغث اكثر منه اللي دايم يهاوش لاخطا احد وبعد شوي هو يخطي نفس الخطا يعني ابعطيك مثال بسيط اذا جا للاشارة وبيلف يمين مثل ماقلتو قبل شوي وثر به واحد واقف يمين لكنه ابيطول بس يحتري الاشارة تفتح له يجيك خوينا اللي وراوه خذ من السب واللعان والدعاء والبواري والتكبيس ويجيب كل حاصله صح ان اللي واقف يمين يغث ماقلت لا بس وش اللي يغث صز هاللي بيلف يمين ـ تدرون وراه لانه بعد ماتفتح الاشاره اكيد بيروح يمين وبعد مايروح يمين بتجيه اشاره ثانيه وش ابيسوي خوينا اكيد مهب لاف يمين لانه توه لاف يمين يعني ابيطول ، عاد وشلون ابياقف عند الاشاره هو الحين ابيطول يعني يمسك الوسط هو مامسك الوسط مسك يمين لان الاشارة زحمه وقف يحتري الاشاره تفتح وهو بيطول امن يجيك واحد وراوه ابيلف يمين ويبدا يطنب لرفيقنا ومن خذ اهواش وش تبي تطنب اصبر ابتفتح الاشاره ونمشي كلنا ، والظاهر مهب هو اللي يغث انا اللي اغث لانكم مافهمتو وش اقصد .

[ابوولعf]

احلى موضوع

[أبو جـــهـــاد]

^^^ وأنت أحلى ..

لي عودة إن شاء الله ..

[Bleeder]

واللي يغثك زوود ويفقع مرارك
اللي يرفع موضوع له خمس أشهر