[فتى الارياف]

بسم الله الرحمن الرحيم
السلام عليكم ورحمة الله وبركاته

قد يتفاجىء الكثير من عنوان الموضوع ويريد أن يعرف ماهيته ومايدور حوله
هذا الموضوع كتبته احد الاخوات في منتدى واعجبني لاهميته ولانه جاء على الجرح مثل مايقولون
وماحبيت اطرح الموضوع بصيغه اخرى وانسبه لي لكون الاخت تتكلم عن تجربه الا اني عدلت فيه
اترككم مع الموضوع :
تقول الاخت
طبعاً موضوعي ناتج من شيء واقعي حدث أامام عيني عند زيارتي لأقاربي في الليالي السابقة
أليكم مادار بيننا ومن بعدها يتم طرح أسئلة على طاولة الحوار
كنت قبل شهرين أطلعت على كتيب جميل أسمه ( أفكار زوجية ) المؤلفة وضعت بعض النصائح والأفكار الجهنمية التي أذا مافعلتها الزوجة لزوجها تضفي على الحياة الزوجية طعم ألأكشن ( ورهيبة ياتسالي وبايسن بعد هه ) للتوضيح أكثر اضع فكره منها :
أن تقوم الزوجة بعمل سبرايز (مفاجئه) لزوجها أثناء قدومه من دوامه بأن تملىء البانيوا بالماء الدافىء وتضع جل استحمام ذو رائحة منعشه ولاتنسى الاضاءة الزرقاء تجعلها تعكس على الماء.
لينعم بأستحمام دافىء وشيق
المهم قرات الكتيب حقيقة في ليلة واحده ( وقد أندمجت معه بشكل تلقائي )
من بعدها تم تنقل هذا الكتيب لدى قريباتي المتزوجات اثناء أجتماعنا أخرجته أحدهم لتستلمه الاخرى وتقرأه قريبتي تصفحته بعدها اطلقت ضحكات أستهزاء وامتعاض ونقد وقالت مستحيل وش هالأفكار ووو
أندهشت من كلامها فقلت لها أن محتوى الكتيب جدا جدا رائع والأروع إذا ماتم تطبيقه على سي السيد ( أي الزوج ) قالت لي بكل ثقة وبالفم المليان ( رجال السعوديه يفشلون مو وجه رومنسيه وحنيه ) أيدتها الاخرى وقالت فعلا مافي وجهم فلحه فقابلتها بكلمات اكثر تأييد
وقالت الحركات هذي لغير رجالنا
أنا حبيت استفسر قالت لي هالحركات لرجال الاجانب هم الي يقدرون مو رجالنا
فقلت لها وش يضرك أنتي جربي حركه خفيفة على القلب مع بعلك استحسن الحركه واصلي مشوارك ماأستحسنها ستوب
قالت لي الأخرى : معروفة من اولها راح يفشلونك وراح يقولون حنا كبرنا على هالحركات
إلـــــــــــــــــــــــــــــــــــى هنـــــــــــــــــــــــــــــــا أتوقفــــــــــــــــــــــــــــــــــــــــــ
ونطرح الاسئلة على طاولة الحوار
للمرتبطين :
1/ هل أنت تؤيد هذا السبرايز من قبل زوجتك وهل تأنس به
2/ هل انت راض عن ماتقدمه زوجتك بهذا الخصوص
لغير المرتبطين ( مانسيناكم )
1/ هل تعجبكم هذا النوع من التصرف وتودون مستقبلاً تطبيقه ام تعتبرونه حركات ولدنه ومراهقة
2 / هل عاصرتم من يستنجد ويبحث عن سبرايز (مفاجئه) لزوجته
سؤال للكل
مامدى صحة هذه المقولة ( أن اغلب رجال الخليج وبالذات السعوديه يكرهون هذه الحركات ويعتبرونها حركات مراهقين )
آمل التفاعل مع الموضوع لاهميته
نهاية موضوعي يرجى التصويت
وايضا ننتظر التشمير عن السواعد وكتابة مايختلج صدوركم

لي عوده للتعليق على الموضوع
محبكم
ابوريان

تامر أمر ياadmin واعتذر لتكرار الموضع لانه هذا هو سبيلي الوحيد بعد اغلاقه

[نـــNAــونا]

وعليكم السلام ورحمة الله وبركاته
تم التصويت لنعم

وكثر تداول هذا الكتاب بين الزميلات وإثنتين من صديقاتي طبق بعض مما فيه من الرومنسيات

والنتيجه كانت إيجابيه ولقيت إستجابه وقبول من الأزواج

وهو نوع من تغيير روتين الحيااة

[فخر القصيم]

اقتباس وقالت الحركات هذي لغير رجالنا أنا حبيت استفسر قالت لي هالحركات لرجال الاجانب هم الي يقدرون مو رجالنا

وهل عاشرت الاجانب لتعلم مدى تقديرهم

اذا فلا نلوم الرجل اللي يتزوج ثانيه من برا ليستمتع في ما بقي من حياته

ثم تجيك هالحريم هالشهبان مثل صديقاتك

ويقولن والله ما قصرنا بحقه

وهي ما غير قميص مليان بصل وكراث

وللزواجات والطلعات

تكشخ وتميلح

[ام الكتكوت]

من واقع تجاربي والبنات الي اعرفهم اقول وبكل ثقه نعم الرجل السعودي مو وجه رومانسيه صحيح يفرحون بالسبرايز هذيك الساعه لكن المشكله باساليبهم الي تفتقر الى ابسط ابجديات الرومانسيه وراح اذكر لكم بعض المواقف الي حصلت للي اعرفهم
وحده تقول كل ماشبيت شموووع جاء وطفاهن وجلس يهاوشه عشان عنده حساسيه
وحده ثانيه نومت عيالها بدري و مسويه جوو شموع وتورته ولعبه العصا وغيره المهم يوم جاء العم واكل وشبع قال روحي قومي العيال ياكلون حسافه تقعد ؟؟ على باله عزيمه
ووحده اشترت له بجامه فخمه ( لانه مافي امل يفكر يشريه) ويوم شاف السعر انهبل راح ورجعها وجاب بقيمتها كومه فنايل وسروايل
وغيرووووو وغيروووو
وفعلا الاجانب اكثر احساس من السعوديين يكفي انهم يحتفظون بالهدايا للذكرى ويحتفلون كل سنه بذكرى زواجهم ادري انه حرام بس الي ابي اقوله فيه فرق حنا الرجل عندنا يمكن مايدري متى تاريخ زواجه ؟ لانه مو في باله اصلا

[بـــ sunـــــريدة]

^^^
^^
أحمد ربك على العقل ، هذي عقليات أغلب البنات والزوجات وبالذات مع الأجانب و تقديسهم
ولا ننسى غطاء الوجه قدام السعودي تشهق و تسوي نفسها محافظه وقدام الأجنبي تنبسط
، طبعا بدون تعميم بس للأسف الغالب جاهلات وحتى يدينون أنفسهم من خلال كلامهم و سواليفهم !

عندي ملآحظات :

اقتباس أن تقوم الزوجة بعمل سبرايز (مفاجئه) لزوجها أثناء قدومه من دوامه بأن تملىء البانيوا بالماء الدافىء وتضع جل استحمام ذو رائحة منعشه ولاتنسى الاضاءة الزرقاء تجعلها تعكس على الماء. لينعم بأستحمام دافىء وشيق

بالنسبة للي باللون الأحمر المفروض تكون كذا ...أن تقوم الزوجه بعمل مفاجئه ( سبرايز )..
مو كاتبتها عكس الكلمه العربيه داخل القوسين والكلمة الأنجليزيه هي اللي خارج القوسين !

يا شين التطور بمنظور البنات وهي أحفظي كم كلمة أنجليزيه وأدخليها على
مجمل الكلآم علشان تصيرين متطورهـ بس تطوير العقل صعبه شوي عليهم .

فيه شايب متزوج سوريه عندهـ شحنة عيال وأعمارهم الآن بالثلاثين تقريبا يسأله صديقه الشايب
طبعا صديقه الشايب معدد ومتزوج أربع المهم يسأل رفيقه يقوله ورى ما تتزوج ثانيه أشوفك نشب
بالسوريه هذي و بعدين عندك درآهم وما ناقصك شئ و زوجتك الحين عمرها بالخمسين قال الشايب
يا أبن الحلال أذا كانت زوجتي الإ الحين يا له لك الحمد كل ما سمعتني أفتح باب البيت و ركضت و
أستقبلتني عند الباب تهلي و ترحب وبأبتسامه عريضه وتفصخ جزمتي وتأخذني وما توقفني الإ
بالحمام وألقى البانيو مليان ماء دافي وتطببني بالبانيو وخذ دعك بي و تنظيف وتطلعيني من البانيو
وتلبسني ومدلعتني وش أبي بالشقا أتزوج ثانيه ، زوجتي و كافيتني وما ابي غيرها وقايمه بالواجب .

عطيتك القصه هذي علشان تتخيل سوريه عمر أولادها بالثلاثين ومن يوم يتزوجها زوجها قبل
ثلآثين سنه تقريبا أو أكثر وهي عارفه واجبها تجاهـ زوجها ،، وحريمنا يتناقشون كيف تضبط
الأجواء مع زوجها يعني الجهل معشش بعقولهن وش نسوي بهن الحمد لله و الشكر .


عموما المفآجات ( surprise ) بالحياة الزوجيه مطلوبة ، بس الغريبه أن البنات أو الزوجات
دائما ينتقدون الأزوآج السعوديين ومع الأسف أنهم يتناقشون كيف يعيشون مع أزوآجهم و يغيرون
الروتين اليومي بمفأجات ، يعني معقوله كل السنين توهم يفكرون أنهم ينبسطون مع أزوآجهم و يعرفون
معنى الحياة الزوجيه و كيفية تجديدها بكل ما هو ممتع سواء من طرف المرأة أو الرجل ...

فعلا شر البليه ما يضحك ، لا ألوم الأزوآج عندما يهرب من بيته و يبحث عن مكان يتسدح بوهـ
بعيد عن وجه الشهباء لأنها غثيث ما تعرف تعيش حياتها مع زوجها أو بالمعنى الصحيح جاهله
بأبسط مقومات الحياة الزوجيه السعيدهـ دآخل بيتها .

تقبل مروري .

[بـــ sunـــــريدة]

اقتباس المشاركة الأساسية كتبها ام الكتكوت من واقع تجاربي والبنات الي اعرفهم اقول وبكل ثقه نعم الرجل السعودي مو وجه رومانسيه صحيح يفرحون بالسبرايز هذيك الساعه لكن المشكله باساليبهم الي تفتقر الى ابسط ابجديات الرومانسيه وراح اذكر لكم بعض المواقف الي حصلت للي اعرفهم وحده تقول كل ماشبيت شموووع جاء وطفاهن وجلس يهاوشه عشان عنده حساسيه وحده ثانيه نومت عيالها بدري و مسويه جوو شموع وتورته ولعبه العصا وغيره المهم يوم جاء العم واكل وشبع قال روحي قومي العيال ياكلون حسافه تقعد ؟؟ على باله عزيمه ووحده اشترت له بجامه فخمه ( لانه مافي امل يفكر يشريه) ويوم شاف السعر انهبل راح ورجعها وجاب بقيمتها كومه فنايل وسروايل وغيرووووو وغيروووو وفعلا الاجانب اكثر احساس من السعوديين يكفي انهم يحتفظون بالهدايا للذكرى ويحتفلون كل سنه بذكرى زواجهم ادري انه حرام بس الي ابي اقوله فيه فرق حنا الرجل عندنا يمكن مايدري متى تاريخ زواجه ؟ لانه مو في باله اصلا

مشكلتكم أنكم تبغون أزوآجكم يتقمصون شخصيات اللي بالمسلسلات ترى من العيب أن الزوجه
تكون بالغباء والدلآخه و تبغى تفرض أشياء ما تعجب زوجها أو أشياء ما تعودو عليها ربعنا ،
يعني مولآزم أنك اذا بغيتي تغيرين جو لآزم تولعين شموع أو تشترين تورته علشان تجددين الجو
فا نصيحتي لأي بنت تبغى تجدد أجواء البيت و تروق الجو ، أنها تبحث عن الأشياء اللي يحبها
زوجها و من زمآن عنها أنها تسويها له علشان تكون مفأجأهـ له و ينبسط وحتى الأزوآج بعد
نفس الطريقه ، فا المشكلة مو من الزوج المشكلة من الزوجه أنها ما شغلت مخها وقدرت تسيطر
على الرجل وتبسطه بالأشياء اللي هو يحب مو اللي هي تشوفها و معجبتها وتبغى زوجها يتقبلهم بأي طريقه

طبعا فيه أزوآج يحبون الأجواء (اقصد الشموع والتورتات)هذي ما يمنع أنك تسوينها بس
فيه أزوآج ما يبغون الأحتفالية بأشياء ما تعودو عليها ،، فيه أزوآج مو البجامة أو توليع
الشمعه تبسطهم وتحسسهم أنهم يعيشون أجواء .. يعني المسألة ذوق وحسن أختيار الوقت
المناسب و شو اللي يبسط زوجي !

والله يهنيكم بالأجانب اللي لعبوا عليكم بالمسلسلات وخلوكم تعرفون أن الزوجه مسئوله
عن تجديد الأجواء دآخل بيتها أو عرفتوا عن طريقهم أن الأزوآج محتاجين حريم يعرفون
يتصرفون ويصيرون سنعات

[الواقعي 9]

شف يا ابن الحلال

كل طرف يعاني من الاخر

وذلك بسبب انعدام الثقافة الجنسية

لكن في الحقيقة الشاب تغير كثيرا في الوقت الحاضر واصبح اكثر رومانسية

لكن من النادر ان تجد زوجة تتفاعل معه في تلك الرومانسية

من خلال معاشرتي لكثير من الناس فإنهم كثيرا ما اشتكوا من عدم اهتمام زوجاتهم بهم ومن برودتهن وعدم التفاعل

لذلك اصبح الجميع يبحث عن المسيار وعن امرأة تستطيع التكيف مع الجو الرومانسي

للاسف اغلب النساءلا تهتم بالزوج وتصب اغلب اهتمامها بذاتها وصديقاتها وان كانت طيبة اهتمت بأبنائها ونسيت الزوج

متى سمعنا ان المرأة اذا جاء زوجها استقبلته بوجه بشوش وقبلته وقالت له كلاما حسنا جعلته ينسى جميع همومه

وتعب عمله

للاسف اغلب الشباب ينتظر الساعة التي يخرج فيها من المنزل ليفتك من زوجته ؟؟؟

لماذا ؟؟

لانه اذا جلس معها لم يسمع الا الطلبات والتشكي و ....

لماذا لا تبادر المرأة زوجها بما يسعده ؟؟؟

@ الحقيقة ان الاهم لدى جميع الرجال هو ما يتعلق بالجانب الرومانسي وقضاء الوطر

يعني متى ما ارتاح الزوج مع زوجته في هذا الجانب بلا شك انه سيتغاضى عن كثير من نواقص المرأة

فياليت بناتنا يتنبهن لذلك ويحاولن قدر المستطاع اشباع رغبات الزوج

وفق الله الجميع لما يحب ويرضى

وادام الحب بين كل زوجين

[أشعة في بلقع]

أشعة في بلقع

أنا أعارض ما جاء في هذا الموضوع جملة وتفصيلا
وغير صحيح
وكل واحد يتكلم عن واقعه ومجتمعه وما يعمم

[lion-2009]

وعليكم السلام ورحمة الله وبركاته
تم التصويت لنعم

[أبوثامر]

كلنا صوتنا بـ " نعــــم " يالله عاد ورونا المفاجاّت يازوجاتنا الغاليات

[جروح الزمن]

الصراحة في رجال ماشاء الله عليهم ذوق مره

يعني مانحكم على الجميع

بس الي باط كبدي أحيانا تجيك الزوجة أنواع الأناقة والإهتمام واللباقة والرومنسية ويصير زوجها دلخ

او العكس يجي رجل كشخه خلوق انيق يهتم بالتجديد والرومنسيه وتصير زوجته اللهم ياساتر لااهتمام ولا ولا صراحة ماادري وشلون صابر معها

لكن ارزاق

هل توافقوني

[السهيل اليماني]

الموضوع دسم مره حسافه يفوتني

لان الموضوع فيه نقاش شباب +بنات يعني اثاره

لي عوده

[ابو رينز]

اقتباس المشاركة الأساسية كتبها الواقعي 9 شف يا ابن الحلال كل طرف يعاني من الاخر وذلك بسبب انعدام الثقافة الجنسية لكن في الحقيقة الشاب تغير كثيرا في الوقت الحاضر واصبح اكثر رومانسية لكن من النادر ان تجد زوجة تتفاعل معه في تلك الرومانسية من خلال معاشرتي لكثير من الناس فإنهم كثيرا ما اشتكوا من عدم اهتمام زوجاتهم بهم ومن برودتهن وعدم التفاعل لذلك اصبح الجميع يبحث عن المسيار وعن امرأة تستطيع التكيف مع الجو الرومانسي للاسف اغلب النساءلا تهتم بالزوج وتصب اغلب اهتمامها بذاتها وصديقاتها وان كانت طيبة اهتمت بأبنائها ونسيت الزوج متى سمعنا ان المرأة اذا جاء زوجها استقبلته بوجه بشوش وقبلته وقالت له كلاما حسنا جعلته ينسى جميع همومه وتعب عمله للاسف اغلب الشباب ينتظر الساعة التي يخرج فيها من المنزل ليفتك من زوجته ؟؟؟ لماذا ؟؟ لانه اذا جلس معها لم يسمع الا الطلبات والتشكي و .... لماذا لا تبادر المرأة زوجها بما يسعده ؟؟؟ @ الحقيقة ان الاهم لدى جميع الرجال هو ما يتعلق بالجانب الرومانسي وقضاء الوطر يعني متى ما ارتاح الزوج مع زوجته في هذا الجانب بلا شك انه سيتغاضى عن كثير من نواقص المرأة فياليت بناتنا يتنبهن لذلك ويحاولن قدر المستطاع اشباع رغبات الزوج وفق الله الجميع لما يحب ويرضى وادام الحب بين كل زوجين

كفيت ووفيت
الله يعطيك العافية يالواقعي9

[عآشقة قسمهآ ..]

الفتاة تتعامل مع زوجها بجّبلتها ومااعتادت عليه في بيت أهلها .. والفتيات في ذلكـ يختلفن فمنهن

الجادة والرسمية ومنهن العاطفية الرومانسية ومنهن من خلطت بين الأمرين ..

فيتعاملن مع أزواجهن بمدى ما عُوملن به وما اعتدن عليه .. فهناكـ من تشعر بالحياء من زوجها

فلذلكـ لاتعطيه إلا اذا أعطاها وحبب إليها مايحب وبين رغبته اتجاه تلكـ الأمور .. أما أن تبدأ هي فنادرآ

مايحدث ذلكـ لخوفها من عدم تقبله واستحقاره لتصرفها واستصغاره لتلكـ الأمور .. (أعني هنا الفتيات

اللاتي لم يعتدن إلا على الجدية والرسمية)

فأذكر أم تنصح ابنتها وتحثها على الكلام اللين والفعل الحسن مع زوجها فقالت الفتاة (ماأقدر أستحي

ماتعودت!! )

وأتوقع لو أن زوجها عودها وبيّن لها رغبته في كيفية ونوعية التعامل والإسلوب الذي يريده منها ..

طبعآ بدون أن يأمرها .. لا بل يحسسها .. يتحدث لها عن صفات تعجبه في أخواته وهكذا .. يضع كتبآ على تسريحتها .. يبدأ هو معها ..

بذلكـ يصل الزوجان للمستوى المطلوب ..

يسر الله للجميع وسهل عليهم ووفقهم ..

رأي ووجهة نظر ..

تقبلوا مروري ..

تحيتي ..