[حبيب الوطن]

السلام عليكمـ ..

في الحقيقة بعد التفكير الكثير قررت اسألكم بعض الاسألة عن مشكلة حصلت لي مع احد الاصدقاء..

المهمـ .. راح ابدأ بسرعة .. والموضوع ما يطول ..

حاب أسألكمـ سؤال واحد !

لكن في مقدمة بالاول :

في البداية انا اتكلمـ عن صديق لي .. انا عرفته لي 3 سنين او 4 تقريباً .. المهمـ هذا الصديق وقفت معاه في كل شي كان بامكاني اسويه له .. ووالله ما اقولها مدح لـ نفسي .. وطبعاً مو انا لـ حالي كان هناكـ احد اخواننا واصدقائنا .. المهمـ .. حاولنا نساعده في كل المشاكل واتوقع سوينا اللي علينا .. وتعدى هذي المشاكل بفضل الله وتعاوننا معاه . وهو الله يجزاه خير ما قصر معآنا .. لكن وش رايكمـ اذا انت خاويت لكـ واحد 3 او 4 سنين وعطيته كل اللي عندك واعتبرته من أعز اصدقائك .. وفجأة تشوف كلامـ يقولكـ انه يبينا نفترق وينسى كل اللي فات وراح ! وش رايكمـ في اللي يسوي كذا ..
مع انه قال لي نصيا " خلاص كل واحد يشوف طريقة "
هل تعتبرونه صديقـ ؟؟ ويستحق الوقوف معاه ؟؟ او ما يستاهل شي ؟!؟!

(( مع اني انا ربي رزقني بـ اخوان ليسو من أمي .. لانهم أعز اصدقائي .. والدنيا مو واقفه على شخص .. لكن من المؤسف انك تفقد صديق من دون أي سبب .. ! ))


انا جيت أسالكمـ .. واتمنى كل واحد يعطيني رأيهـ .. وجزاكمـ الله خير ..

* قد حصل بيننا بعض المشكلات اللتي تحصل بين اي صديق وصديقه !
** كنت أساله دايماً هل انت شايل في خاطرك مني شي .. فـ يقولي لا .. وأتفاجأ انه شآيل الكثير علي .. والدليل : الكلام اللي قاله لي ..



اخوكمـ ..
ابو مـــســـاعـــد

[أبو ريّـان]

لي عودة ياحبيبي . فانتظرني







.

[حبيب الوطن]

اقتباس المشاركة الأساسية كتبها أبـوريــٌان لي عودة ياحبيبي . فانتظرني .

بإنتظارك على احر من الجمر ....!
فما لي خياار غير الانتظار ...

[خالد التميمي]

اخوي الصداقه الحقيقيه تبدا من 5 سنين وفووووووووووووق اشلون 4 سنين تعطيه كل الي عندك ..... يمكنه خايف يحصل مشكله كبيره بينك وبينه قال خل اقوله قبل تكبر تشكراااااااااااااااااتي اخوي

[مَــهــَجــٌوُرَ]

انا من رايي اللي باعك بيعة

[تباشير المطر ~]

اخي :

في هذه الحياة لاتنتظر من احد الشكر

حكمه عامل بها الناس وهي :

[ افعل المعروف وارمه في البحر فإذا تجاهله السمك فاالله يحفظه ]

ايضا ً :

الإنسان قد لايشعر انه اخطأ
فربما اخطأت معه
اعذره واصفح عنه ولاتجعل بقلبك شيئا ً عليه

فإن رحل عنك فلا تحزن
وادعو له

بهذا تنال السعاده والذه في صدرك
والأجر العظيم من ربك

وفقك الله

[.." الموهوب "..]

الله يجمع بينكما في الدنيا على طاعته وفي الجنة تحت ظلال عرشه ،،،

بما أنه حصل معي مثل هذه الظروف ، أقول :
إن كان تخلّى عنك لسبب تافه دون أن تخطئ عليه بخطأ يستحق الفراق ، فاعتبره كما قال الشاعر :
إذا المرء لا يرعاك إلا تكلّفا ،،، فدعه ولا تكثر عليه التأسّفا

أما إن كان الفراق سببه أنت ، وهو يستحق الصحبة فأنصحك بأن تعتذر وتعتذر حتى يعود ويرجع إليك ، فإنقاذ الصداقة أولى من الفراق .
ومن الخطأ أن يكون الحل النهائي هو الفراق ، فبعض المشاكل لا تستحق الفرقة والجفاء .
كيف بعض الأصدقاء ينسى معروف سنوات ، لأجل مشاكل حدثت خلال أيام معدودة ؟؟!

وأنا أحس من موضوعك أنك تعزّه وتغليه ، لكن لا تجعل العاطفة والمودة يغطّي على العقل والقرار الصحيح .

،،،
،،
،

وفق الله الجميع . . .

[خواش]

خله لاتحاول تتصل عليه وتترجاه يرجع

هاذا اكبر خاين مصلحجي

وحتى لو رجعتو لبعض ماراح تصير اموركم وعلاقاتكم مثل اول

[حبيب الوطن]

اقتباس المشاركة الأساسية كتبها خواش خله لاتحاول تتصل عليه وتترجاه يرجع هاذا اكبر خاين مصلحجي وحتى لو رجعتو لبعض ماراح تصير اموركم وعلاقاتكم مثل اول

اخووي الله يهدييك
اقوولك سوى لي اشياء ما يسويها صديق عااي و انا ما ابالغ اذا قلت له فضل علي اكثر من ما انا لي فضل عليه ,,... ما اتوقع انسان مصلحجي يسووي لك خيير ما يسوية لك اخووك و يساعددك بأشياء موب سهلة من الناحية المادية و المعنوية ايضا ....!

[خواش]

حتى لو سوالك شي

ليش يترك بهالسهوله

الا انه مهب رجل

ولا عمر الرجال ماتتفرق وبينهم امور وعلاقات زينه

تبي الصراحه

(( يمكن مل منك))

[فـارس]

وجهة نظر
ممكن اللي بينكم كان تعلق عاطفي اكثر من صداقة

عشان كذا صارت النهاية بهذا الشكل

وواحد يجي بداله 20

[لندا]

تصــير كثيـــييــر بين العياال ذي ..(( ع هرج اخوي الكبير))..ولا أنت اول واخر واحد يتركه خوييه بدون سبب ..!

شف هـو اذا مارجع لك .. لا تدوورده .. ومادام عندك غيره قل الحمد لله ... انك مغتني ..

وانا عن نفسي فقدت صديقه غاااليه .. بس يوم عرفت خويات ثانيات واستانست معهن نسسنن قسم بالله انه هي جت لي تعذر لي من بعيد ودخلت بنات عشان تجي بنفسه ورفضته بشده خلاص رخصت ميب شي عندي مابيني وبينه شي

انسااااااااااه كلش وامش مع خويااك الثانين يرخص عندك بعدين ويصير مثل اي شخص.. وتنتهي المشكله ..

[© الــزيــن ©]

والله من الصداقات الوهمية ..

واسأل مجرب ولا تسأل طبيب ..

[السهيل اليماني]

اقتباس المشاركة الأساسية كتبها .." الموهوب ".. الله يجمع بينكما في الدنيا على طاعته وفي الجنة تحت ظلال عرشه ،،، بما أنه حصل معي مثل هذه الظروف ، أقول : إن كان تخلّى عنك لسبب تافه دون أن تخطئ عليه بخطأ يستحق الفراق ، فاعتبره كما قال الشاعر : إذا المرء لا يرعاك إلا تكلّفا ،،، فدعه ولا تكثر عليه التأسّفا أما إن كان الفراق سببه أنت ، وهو يستحق الصحبة فأنصحك بأن تعتذر وتعتذر حتى يعود ويرجع إليك ، فإنقاذ الصداقة أولى من الفراق . ومن الخطأ أن يكون الحل النهائي هو الفراق ، فبعض المشاكل لا تستحق الفرقة والجفاء . كيف بعض الأصدقاء ينسى معروف سنوات ، لأجل مشاكل حدثت خلال أيام معدودة ؟؟! وأنا أحس من موضوعك أنك تعزّه وتغليه ، لكن لا تجعل العاطفة والمودة يغطّي على العقل والقرار الصحيح . ،،، ،، ، وفق الله الجميع . . .

مع الماده كما وردت