[(صافي النوايا)]

السلام عليكم
مبروك الخير والامطار جعلها سقيا رحمة

من يدلني عن نفود الركية

وبحيرة النبقية المشهورة


ولكم كل التقدير والاحترام

[(صافي النوايا)]

شباب عطوني الوصف عاجل

وصفو من بريدة من طريق الهديه ؟؟؟ ضروري

[A N A S]

اللي أعرف وأن عليمي بمثل هذي الأمور .


مع طريق الربيعيه تروح لمها .


والباقي على الشباب .



بالتوفيق

[أبو عبدالله]

اخوي امسك طريق الربيعيه اللي بعد كبري الهديه لما توصل الربيعية وذا وصلت يجيك تقاطع يمينك محطه انت لف يسار ثم تجيك محطه ثانيه يمين بعده لف يمين تدخل الربيعيه ابتل سيده تجيك طلعه ابتل هذا طريق الملك عبدالعزيز
لما ينتهي الخط ثم اتجه نحو اليسار لما تطب بالنبقيه ( الروضه)

اما الركيه اوصفلك في وقت لاحق

[ابوفهد2001]

نفس توصيف اخوي ابوعبدالله ,ولا ان طلعت من الدايري اللي يدورونبه (طريق الربيعيه) سيدا (18كم) تجيك الربيعيه اول سايدين يسار يمينك محطة الزمام (الطريق اللي يوديك للاسياح) رح معه امشكل مسافه (تبي تجيك دارنا على اليمين مكتوب مزرعة الســ......) دوس سيدا تجيك طلعت الرويضه (طلعه ولافه ) عقبه يبي يتواسا الخط ثمن تبي تمشيلك مسافه يبي يجنك نفدان على اليمين وقبلهن شعيب وعلى اليسار مزرعه(السلمان) به رشاش محوري (هذي الركيه) , والبحيره حقت النبقيه تعدل مع هالخط تبي تجيك صومعتين يسارك(وخط يدخل يسار يوديك لصريف) اعقبه وعدال لمين تجيك النبقيه تجيك محطة المزيد يسار ثمن عقبه لفه يمين تدخل لديره لف معه وادخل الديره واطلع مقابل (ولا قبل ما تطلع اسال احد من اهل الديره عن روضه اللغف) لاني مانب اعرف اوصفه زين كود اخاويك (امزح)

[الـمـتـمـيـز]

بحيرة النبقية يقولون ما به ماآآآآء ’’’’

[(صافي النوايا)]

تسلم اخو ابوعبدالله

ولا يهون اخوي ابو فهد والمتميز وولد بريدة

[فارس 7]

اقتباس بحيرة النبقية يقولون ما به ماآآآآء ’’’’

النبتسية به ماء يالحبيب وانا أمس به