بريدة






عـودة للخلف بريدة ستي » بريدة ستي » نسمات برية و جولات سياحية » مشاهد من زيارتي لبريدة بأيام المطر هاليومين .. سي يو

نسمات برية و جولات سياحية كل ما يخص البر والقنص والرحلات

إضافة رد
 
أدوات الموضوع طريقة العرض
قديم(ـة) 08-11-2008, 02:46 PM   #1
مدحت شوقي بريده
.. وللشطوب نكهة و نكهة ..
 
تاريخ التسجيل: Feb 2002
البلد: هناك
المشاركات: 16,085
مشاهد من زيارتي لبريدة بأيام المطر هاليومين .. سي يو



السلام عليكم ..
هلا بشباب بريدة ستي ومرحباً .. تحية تفوح مثل ريحة المطر على الزفلت ..

مسائكم سعيد ونهاركم قشطه وملوخية ..




الصراااااااااااحة ان لي يومين ببريدة جاي اشوف الأمطار والخيرات ..
اللي نزلت ببريدة خاصة وبالقصيم عااااااااااااااامة ..
لأني شفت الصور وشفت هالعالم اللي تخترش عند الشعبان ..
والناس مستانسين ومبسوطين .. عند هالبحيرات والأودية ..


تصدقون وأنا اناظرهم وهم عند هالبحيرات والشعبان ..

حسيت ان جدنا يالسعودين ( ضفدع )

ماهوب معقولة هالونااااااااااااااسة ..
حريم ورجال وبزارين وشيبان .. يبربسون بهالمياهه ..

عاااااااااد قررت اني اجي لبريدة .. واستمتع مع اهل بريدة بهالامطار ..



وانا ماشي بالطريق يوم الأربعاء بالليل .. يوم وصلت حول المجمعة ويشتد المطر ..
كإشتداد العذراء في خدرها .. قلت ياولد مالك الا توقف شوي الين يهداء المطر ..

واشوف هاك الكبري والقى تريلة موقفه .. قلت مالي الا اندعس جنبه ..
لو تشوفون سيارتي تحت هالتريلة تقول بسه ترضع من امه ..

يوم خف المطر شوي .. واكمل طريقي قلت اغدين اوصل لبريدة قبل الفجر ..
وبعد برهة من هراطق الزمن وصلت لبريدة .. ولقيت بريده غرقااااااااانه ..
حينها قلت ماالومهم اللي كانوا يدعون ان الله يوقف المطر ..
خايفين من الغرق ..


عااااااااااااااد على طاري الدعاء ..
تصدقون ان امي ياحبيله تدعي بالرياض ان الله يوقف المطر ..

تقول ثلااااااااااجاتي اللي بالسيب دخل عليهن الماء ..

وادخل عليه وهي ماغير تدفدف بهالثلاجات وتدعي ..
يالله يارب انك توقف المطر لايخرب الثىلاجات ويخرب اللي يهن ..
طحين شاريته انا وخالك هيلة .. وتمر جاين من لطيفة العبدالعزيز ..
ياربيه .. وه بس .. ياليته ياقف ..


مالكم بالطويلة يالبي .. نكمل حديسنا ..

تشوف بريدة هاااااااااااااااااااااااااجدة بتالي هالليل .. استعداداً للسعسقة بالبرااااااان في صباح الغد ..

طبعاً مواعدن ربعي نبي نطلع للبر وقايلين شف يالخكري ياراعي الرياض ترانا نطلع عقب صلااااااة الفجر .. مهوب مثلك بالرياض تطلع عقب الظهر ..



قلت ان شاء الله .. واروح لفندق السلمان وآخذ غرفة ..
يازينه هالفندق قسم بالله ياهو فله ووناسة وسعة صدر ..
تحس بالبساطة مع فخامة الغرف وأكلهم اللي يجنن .. خاصة الحمص .. والله ياهم يحوفونه حوف ..
بس قهر من اول يملون الصحن .. بس من عقب وفاة الشيخ صالح بدو يحطون نصه ..
ويحطون لك قطعتين خيار وقطعة جزر بداله ..
مادري وش يبي الجزر مع الحمص ..



عااااااااااااد حطيت الجوال بجنبي واغطيه علشان يدفى ..
والقمه الشاحن يرضع عشان ماينقطع بالبر .. وعليه الين صلاة الظهر ..


بعده قمت ومر علي ابراهيم اليوسف .. استعدادا لبداية الرحلة ..
عااااااااااااد لاتسألون عن الهوش واللزخ والطحل اللي جان ..
همن قعدوا يعيرونن يقولون لي يالخكري هالحزة تبي تطلع .. عااااااااااااد يرضيكم يقولون لي ياخكري ..







الرحلة الأولى يوم الخميس ..
النبقية .. ومنه قول النبزيه ..

جوالات ولقاءات وبطولات شباب بريدة ..



تابعونا ابرجع لكم ..


سي يو ..
__________________
.
.
.

.. قلب البحطلة ينبض ..
ينبض ينبض ينبض ..







.
مدحت شوقي بريده غير متصل   الرد باقتباس


قديم(ـة) 08-11-2008, 02:54 PM   #2
A N A S
Bn Ibrahim
 
صورة A N A S الرمزية
 
تاريخ التسجيل: Jan 2007
البلد: بريدة
المشاركات: 9,058
ههههههههههههه


متابع يالخكري




بالتوفيق
__________________
.


وَمَا تَوْفِيقِي إِلَّا بِاللَّهِ عَلَيْهِ تَوَكَّلْتُ وَإِلَيْهِ أُنِيبُ

.
A N A S غير متصل   الرد باقتباس
قديم(ـة) 08-11-2008, 02:54 PM   #3
الـصـمـصـام
عبدالله
 
تاريخ التسجيل: Jun 2004
البلد: .
المشاركات: 9,705
..


اللهم لك الحمد على النعمة ..
أنا كنت في الطريق للشرقية ، و قبلها حسيت إن الجو فيه غبار ..
يبدو أنهم ما جاهم شيء ..

نحمد الله على النعمة ..
و الحمد لله على سلامتك ..

و ترانا مبطين عنك ..
__________________




ياربي ..افتح على قلبي ..
و طمئنه بالإيمان و الثبات و السلوة بقربك ..
[عبدالله]

من مواضيعي :
آية الحجاب من سورة الأحزاب ( أحكام و إشراقات )
::: كيف نقاوم التشويه ضد الإسلام و ضد بلادنا:::(مداخلتي في ساعة حوار مكتوبة و مشاهدة)

الـصـمـصـام غير متصل   الرد باقتباس
قديم(ـة) 08-11-2008, 02:57 PM   #4
نبوغ الفكر
عـضـو
 
صورة نبوغ الفكر الرمزية
 
تاريخ التسجيل: Jul 2007
البلد: ـ
المشاركات: 2,099
حمد لله على السلامة أبوابراهيم

أتمنى أن تكون الرحلة سعيدة

لا تطول علينا

ترانا باحترائك
نبوغ الفكر غير متصل   الرد باقتباس
قديم(ـة) 08-11-2008, 02:58 PM   #5
عبدالرحمن الشايع
عضو اللجنة الإعلامية
مشرف أخبار بريدة
 
صورة عبدالرحمن الشايع الرمزية
 
تاريخ التسجيل: Nov 2006
البلد: buraydahcity
المشاركات: 9,558
آقول يآبريدة city يآزين تكثير وشسمه ذآك ..





ايه يآلبي .. يهون عليهم يقولون لك يالخكري .. ؟


ايه بس يابو يوسف . .


متآبعين لك يآلبي ..
__________________
.

لتصوير الزواجات والحفلات / 0569499222

حسابي بالإنستقرام | @Dhoom06

تويتر |
http://twitter.com/abdulrahman_06


.


،
عبدالرحمن الشايع غير متصل   الرد باقتباس
قديم(ـة) 08-11-2008, 02:59 PM   #6
ضايق الصدر
Registered User
 
تاريخ التسجيل: Dec 2007
البلد: ► بين ثلوج زكوبن ►
المشاركات: 3,806
بانتظارك ,
ضايق الصدر غير متصل   الرد باقتباس
قديم(ـة) 08-11-2008, 03:01 PM   #7
د . علي
عـضـو
 
صورة د . علي الرمزية
 
تاريخ التسجيل: Sep 2008
البلد: بريدة
المشاركات: 795
الحقيقه يامدحت من قبل ما أسجل بالمنتدى لامني بغيت أونس الوالده أقرا عليه خرابيطك الي تمزّع التسبد والمصران والطحال من الضحك .

حبيبي أنت , والله أني أحبك قوووووه وأستانس على مواضيعك >>>>> أيه نلقاو وقت الحاجه هذا تبع الأدارة ههههه
__________________
سبحان الله وبحمده .. سبحان الله العظيم ..
د . علي غير متصل   الرد باقتباس
قديم(ـة) 08-11-2008, 03:05 PM   #8
كيك
عـضـو
 
تاريخ التسجيل: Jul 2008
المشاركات: 772
اقتباس
يوم وصلت حول المجمعة ويشتد المطر ..
كإشتداد العذراء في خدرها


وااااااااوك أجــــل مشتد المطــر قوة . .

متــــــابعيين . .
كيك غير متصل   الرد باقتباس
قديم(ـة) 08-11-2008, 03:05 PM   #9
M.Owyed
عـضـو
 
صورة M.Owyed الرمزية
 
تاريخ التسجيل: Aug 2007
البلد: في قلبهآ ،
المشاركات: 984




متابعين حبيبي !



M.Owyed غير متصل   الرد باقتباس
قديم(ـة) 08-11-2008, 05:04 PM   #10
سامي بريدة
مشرف الساحة المفتوحة
 
صورة سامي بريدة الرمزية
 
تاريخ التسجيل: May 2004
البلد: بريدة
المشاركات: 5,346
هلا بمدحت ...وأقول بريدة منورة أثرك جاي

لا وبعد لقيت روضة اللغف منسدة أثرك مارن من عندها

لاتقول جاي أبفزع لكم وابدعي ربي انه يوقف المطر سالفة راعي حايل
اللي جاء لبريدة واستغاث معهم ... أكمل
شكرا باحبيب ألب أمك
__________________
إذا مررت من هنا فتذكر

أن دعوة لأخيك بظهر الغيب سيكون لك مثلها

فلعل دعوة واحدة تسعدك بحياتك وبعد مماتك أنت ومن دعوت له
سامي بريدة غير متصل   الرد باقتباس
قديم(ـة) 08-11-2008, 05:59 PM   #11
اللهذام
عـضـو
 
صورة اللهذام الرمزية
 
تاريخ التسجيل: Sep 2007
البلد: AL MADINAH
المشاركات: 2,914


بانتظاركـ حبيبي ،،

__________________
.
.
هي موتة واحدة .. فاجعلها في سبيل الله
اللهذام غير متصل   الرد باقتباس
قديم(ـة) 08-11-2008, 07:41 PM   #12
بدر بن عبدالله
نسألك يارب غيثاً مغيثاً
 
صورة بدر بن عبدالله الرمزية
 
تاريخ التسجيل: Apr 2008
البلد: الرياض.
المشاركات: 7,025
يا حليلك يا مدحت أجل خكري<< والله أنت يا مدحت من جنب الخكارة.

يالله ننتظر الباقي.

وتقبل مروري.

لك ودي واحترامي.
__________________
.
.

(( مَنْ أَصْبَحَ مِنْكُمْ آمِنًا فِي سِرْبِهِ ، مُعَافًى فِي جَسَدِهِ ، عِنْدَهُ قُوتُ يَوْمِهِ ، فَكَأَنَّمَا حِيزَتْ لَهُ الدُّنْيَا ))
بدر بن عبدالله غير متصل   الرد باقتباس
قديم(ـة) 08-11-2008, 08:18 PM   #13
ضايق الصدر
Registered User
 
تاريخ التسجيل: Dec 2007
البلد: ► بين ثلوج زكوبن ►
المشاركات: 3,806
يالله وينك نحتريك
ضايق الصدر غير متصل   الرد باقتباس
قديم(ـة) 08-11-2008, 08:28 PM   #14
غارق
عـضـو
 
صورة غارق الرمزية
 
تاريخ التسجيل: Sep 2007
البلد: تايـــــــــهـ ـ ـ
المشاركات: 1,935
وينك يا مدحت ^ شكلوه نسي الموضوع
__________________
غارق غير متصل   الرد باقتباس
إضافة رد

الإشارات المرجعية


قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 11:59 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)