[doom4444]

السلام عليكم جميعا لقد فوجئت عصر هذا اليوم وبالأخص الساعة الثانية و 45 دقيقة بتوقف الطريق القادم من الشماسية والربيعية عند منطقة توقف الوادي بالنفود واذا بالطوابير الطويلة والسيارات المتوقفة دون حراك المهم نزلت عن الطريق مع الردمية لأتحقق بالأمر وسيارتي صغيرة بالكاد تسير واذا بعد مسافة دورية المرور واقفة بالعرض لاتسمح بالدخول لبريدةى وذا المسارين القادمين من بريدة مزدحمة جدا بالسيارات وافادونا بالرجوع مع طريق الشماسية الثاني القادم بمحاذات التشليح لأنه لا سبيل مع ازدحام السيارات القادمة واذا بالسيارات الكبيرة والتريلات تعرقل الحركة دقينا على 993 دون جدوى طوط طوط مشغول شكل الناس كلها تدق مثلي دقينا على 999 وقال مالنا دخل هذا تبع المرور وقلنا لهم ان المرور نايم القيلولة دون حراك اجاب سوف نرى ولم يكن هناك فائدة من الاتصال سلمنا انا والكثير من القادمين بالأمر الواقع وذهبنا مع طريق الشماسية التشليح والله لايوريكم انواع الحبوس وكل مرة موتري حاك ولا طايح بطين المهم طلعنا بأعجوبة وحنا عاكسين الطريق لأن أحد المسارات مسكر بالماء والطين بالكامل ولما اتينا بعد عناء الي اشارة التشليح فاذا هو انواع المطامر وقطع الاشاراة دون حسيب أو رقيب وزاد الغبار من الأزمة سوء المهم طلعنا بشق الأنفس ونحن نقول توبة من هالنوبة وياليت المرور ماكان موجود ليته نايم راعي الدورية اللي مسكر الطريق تحت شجرة وتاركنا نخارج انفسنا بدل ميعميها .....فيلم مرعب ولكم مني تحية

[die hard]

الحمد لله على السلامه اهم شي رجعتوا سالمين

[قاهر الروس]

.
.

مُشكِلَة والله !!


لَو لَم يَكنُ هُنَاكَ جُهودٌ مِنْ رِجَال المرورِ لإغلاقِ الطَّريقِ حِفَاظَاً عَلى الأروَاح
لَرَأينَاَ الشَّتَائِمَ والسَّب يُصَبُّ عليهِم مِنْ كُلِّ حَدَبٍ وَصَوب .

عَالَمٌ غَريبٌ ، لا يُعرَفُ لَهُ مَا يُريد


رِضَى النَّاسِ غَايَةٌ لا تُدرك

.
.

[عطاء]

أنا وعائلتي ممن علق وعايش ساعات الزحام وكنا قسمين أي في سيارتين ولم نتمكن من اللقاء ثم عدنا إلى المنزل بعد ثلاث ساعات ونصف الساعة مكتفين قصرا بمعايشة الزحام . المرور متواجد ويعمل وبجد ولكن سبب الزحمة ربما كان فوق طاقة المرور. أما إغلاقهم المنافذ فكان عين الصواب ولو كنت داخل الزحام لشكرت لهم . دمت ياوطني عزيزا

[الخفيات]

بصراحة المرور حاول لكن الناس صعب تلتزم ولكن عندي اقتراح يحل مشكلة الإزدحام رغم أنوف السائقين وهو تحديد الخروج الى الوادي عن طريق الربيعية وذلك من الساعة الثامنة صباحا وحتى الحادية عشرة مساءا وإلزام السائقين بأن تكون العودة الى بريدة عن طريق الشماسية ( السوادة ) فهو محاذي لطريق الربيعية ولا يحتاج إلا لصيانة بسيطة بسبب مياه الوادي وبذلك نحل مشكلة الزحام طوال فترة الوناسة مع الوادي ).
وش رايكم أصلح مدير مرور يا جماعة ؟ والله حل رائع لكن هل من مجيب ؟ تحياتي

[إبراهيم اليوسف]

أهـلا بكاتب الموضوع
أهـلا بالجميع

الصراحة انا شاهدت جهود المرور من قبل ما يأتي الوادي إلى بريدة في تصويتهم عدم البقاء على الكوبري اللي عند
التشليح وبعد ما جاء السيل ولله الحمد رأيتهم مغلقين المنافذ السفلية التي تؤدي إلى الوادي من ناحية وانت رايح
للرياض وأيضا وانت جاي من الرياض الصراحة جهود المرور كلاهما المرور العادي والسري أيضا كان لهم دور كبير
وبارز في الوقاية من الحوادث والغرق لا سمح الله.

مشاهداتي اليوم في الطريق تمنيت وجود الكمرا لألتقط لكم صورا من الطريق

من المعلوم أن الطريق مخطط مزدوج قبل خمس سنين ولم ينفذ
حادث وقع ومع ذلك تم التعامل معه وفتح الخط
طريقة فتح الخط على التالي
يفتح الخط حتى يبدأ الطريق بالإختناق بعد ذلك يغلق الطريق حتى يخف الضغط على الطريق
اللي شاهدته اليوم اشبه ما يكون بالحج أو أكثـر علما بأن الحج مسار واحد فقط واللي اليوم مسارين
أكثر من 20 دورية متواجده ومع ذلك الناس مصرة على الدخول ومع ذلك حطوا في الردميات دوريات وايضا الناس على إصرارهم على الدخول
بعد مزرعة الأمير متعب عبارتين ضيقات تآخذ فقط سيارة رايح وسيارة جاي واليوم سيارتين رايحات سيارتين جايات
لذلك من الزحمه أغلق الخط
رفض الناس الرجوع على ان الطريق مسكر
الناس كثااااااار وعدم تعاون الناس مع المرور
اليوم اللي متجه لبريدة ثلاث مسارات
مسجد الأمير متعب شفت فيه حول 10 دوريات تعلم الناس عشان ترجع مقفل الخط
الزوار اليوم من خارج بريدة بل ومن خارج منطقة القصيم الرياض والشرقية والبكيرية وحائل
عشرات الألاف من السيارات متواجده اليوم
وبلدية الشماسية مسكرين طريق الشماسية ( السوادة ) لو يكون هناك ردميات تخفف من نسبة المياة وتخفيف المسار

[ابو معلاقه]

هههههههههههه والله نكتتتته الزحمه اليوووم

كنّــا دارين انه مسدود لأن نشوف الناس يرجعوون
بس نحسبه فيه حآدث اوشي قلنا خن نبزع ونشووووف وش السآلفهـ

وآخر شي انحجرنا مع العآلم وتحسّفـنا على شرافتنا اللي ماله داعي
بس ونآآسهـ ..

الخفيات }..

ايـهـ والله تصلح مدير مرور ..

بس فيه شي المفرووض يحطونه المرور عشان يخففون من الزحآم وهو لوحه كبيره
بأول الطريق ويكتبون عليه ( نهآية الطريق مسدود ) عشان محد يتعّب روحهـ وينحجر...

تقبلووا تحيآتي..

ابو معلاقه

[buraydah.city]

== انا كذلك اليوم لكن الشكوى لله

عموما مثل هذه المشاكل لو تناقش في الجريدة او في مكان يكون العامة والمسؤولين قريبون من بعض

== الله يعين وبس...

buraydah.city

[SORRY]

والله ماشين يرضيكم !!!!!!

بالله فكرفيها , مسكرين الطريق لعانه ولا لسبب فيه مصلحه لناس , ولا قاهرتك سيارتك الصغيره يوم تحك .
الله يهديك بس

[فهد الفايز]

يا اخوان انا عايشت اللي حصل من اوله : وقع حادث مروري بين سيارتين هايلوكس وجيب gx تقريباً مع الاذآن وقد تأخر المرور في الحضور وصادف قدوم افواج المتنزهين وبتزايد مستمر ثم اختلط الحابل بالنابل وانتهى المسلسل بقيام المواطنين بمهام رجال المرور وهذا ما حضل بالضبط علماً انه تواجد في الموقع فقط رجلي أمن تابعين للمرور .

[الذيب الابيض]

..... الحمد لله على سلامك اهم شي....

انا وعيال عمي شركنا ضمنا انقاذ العالقين في السيارات في حي الاسكان السراحه بعد ذاك اليوم تعبنا لاكن الحمد لله على أجر بس الغريب بعض الشباب الله يهديهم يعني يجي يصور ولايساعد وتحاصل الواحد منهم يعرقل الحركه المهم دقينا على الدفاع المدني لاكن دون جدواء والله ماألومهم فيه ناس احوج منا

[doom4444]

والله غريبة ردود بعض الناس اللي يقول وش تبيهم يسوون والي يقول مو عاجبك ان سيارتك تحك شي من العقل يعني لازم يسكرون الطريق ولا يوجدون بدائل ويخلون الناس تتمرمط بالساعات والطين والطرق المسكرة خلني انا بس اللي معه مريض وبحالة حرجة ويبي يعبر يجي على طيارة ولا وش يسوي التسكيرة مالها سنع وقد شاهدة المواطنين جزاهم الله خيرا يساعدون في فك الزحمة دون رجال المرور ماهو التبرير لذلك واين المرور سكر وطنش الله يكون بعون الجميع

[شرقوي]

الحين يعرف المسؤلين قدر طريق بريدة// الربيعيه .اهميتها العظمي والذي يودي الي اهم واجمل المتنزهات الجمليه في القصيم .... وزحمة السيارات في الطريق يعود لعدم التنظيم من زمن مبكر ويعود الي عدم الاهتمام من مدير المرور الجديد !! الله يخلف علينا والله يذكرك بخير يابوسامي

[سليمان محمد العرفج]

انا ...ثاني مر ة يسونة معي اول مرة السبوع الماضي