 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
28-01-2002, 11:16 PM
|
#1 |
|
عـضـو
تاريخ التسجيل: Jan 2002
المشاركات: 56
|
قصتي مع الجني (يمنع لمن هم اقل من18 سنه )(مسابقه التحشيش)
السلام عليكم:
اول شي اللي اقل من 18 لا تشوفه عيني في ذا الموضوع والا يجيب واحد مرافق معه انا اخليت المسئوليه [COLOR=darkblue] طلعنا البر نبي نضبب انا وخوي لي اسمة دليخان وخويي ذا جيد وراعي فزعات وكريم بس انه طقوع ولا فيه خير وعليه براطم من كبرها ماتنشاف ملامح وجهه بس حاطين لة شباصات في اطراف براطمة حتى ماتفرش ويقدر يشوف وصلنا البر ونصبنا خيمتنا ونزلنا معاميلنا وانسدحت في الخيمة ابي اتلين لي شوي واشوف مع باب الخيمة ضب فوق شجرة ترنج قريبة من عندنا واقمز واجيب الساكتون من ورا كرسي الشاص واطلق عليه طلقة وحده بالساكتون وتكسر رجلية الاربع واقرب من الضب ابي اذكية الضب حط يدة على رقبتة وهويقول تتفى ياحاير خلني لعيالي تتفى تتفى اثر الضب جني واثرم وحرف الكاف عندة يخلف الله علية رايح في خرايطها قلت : معصي مانيب مخليك ماكلك ماكلك الا اذا انت قلت .. كاف وكفكاف وكفي بكفها.. ( احرجتة ههههه ) وقال الضب: تاف وتفتاف وتفي بتفها قلت: هههههههاي غلط ( يو قت لوست ) (لغه سيريلنكيه معي) وانااعفط رقبتة وهو يصايح تتفى تتفى وانا اقطع راسة واشيلة مع عكرتة واجي راجع لخيمتنا واصلخة واحطة في وسط قدر ونطبخة لين استوى ويعطيني دليخان فنجال يبيني اشرب معة من مرقة الضب واغرف بفنجالي من المرقة واشوف في وسط فنجالي نقطة سودا وانا انثر الفنجال وكل ماغرفت بفنجالي من المرقة لقيت في وسطة هالنقطة السودا ودليخان يرشف من المرقة مايشوف من كبر براطمة واخذ النقطة من وسط الفنجال واحطها في وسط راحة يدي يوم قامت تحرّّْك وانا ارعصها بيدي بقوة يوم قام لها صياح تتفى تتفى خلني ذبحت ابوي وتبي تذبحني ياحاير النقطة صارت ولدك يالضب الأثرماللي حنا نتعشاة وكلمة تتفى الظاهر انها وراثة عندهم قلت اعقب لا اللحقك ابوك واتعشاك ويقعد الجني النقطة في وسط يدي لة صياح امي ماتت وابوي مات وانا يتيم ,والله يوم انة كسر خاطري واعزمة يتعشى معنا على ابوة الضب واخلية في فنجالي يشرب معي ودليخان ماهوب يمي مايسمع من صوت رشف براطمة للمرقة الجني طمر من فنجالي وتحول على شكل ادمي صغير ووقف على رجلية وقال ياحاير مانيب شارب من فنجالك لين تلبي طلبي قل تم تتفى تتفى وانا اللي اتمي لة وطلب مني اتبناة (انا ما تبنيت اوادم اتبنى جن) واومي براسي يعني اني موافق وهو يقمز ويحب راس خشمي واقول كمل عشاك وانا عمك تعش(مسوي كبيير) واكل له لقمتين عن خاطري وطار لبيته وجاب معة عفشة مغير صنيديق خشب صغير مزكرش بخرز وزري !!! وسألتة عن الصندوق!!! قال لي : الصندوق وارثة عن ابوي ومتى ماضاق صدري ولا زعلت فتحت الصندوق وناظرت فية وتتفى ياحاير ماتسألني عن اللي فية ولا تناظر وسطة !!! وعدتة اني مااقرب صندوقة والشرهه عاد على اللي جاب خبر صندوقة ابو زري وضفينا اغراضنا وخليت الجني في حوض الددسن وزعل يبي يقعد معنا داخل الغمارة واتلطم بشماغي واادعس بالموتر لديرتنا ودليخان ماهوب يمي امتلطم ابراطمة ونايم وحنا في الطريق اشوف الجني بالمراية زعلان ليش انه في الحوض وهواللي يفتح الصندوق ويناظر داخلة وهو يصيح لين وصلنا المراد ان الجني صار دايم مخاويني وياكل ويشرب معي لين متنت جنوبة وغدا عيير ولة خدود ودب وصندوقة الخشب المزكرش حاضنة معة وكل مازعل ناظر وسطة وقعد على الارض يصيح دخلت على ابوي في المجلس ومعي الجني وابوي اول مرة يشوفه وسالني من ذا البزر اللي معي الا يوم نقز الجني وقال يابوحاير ولدك حاير رجال ورافع راسك ولدك كريم ..كريم ماهوب يبسمل(يعني يقول بسم الله قبل الأكل) قبل ياكل يخليني اكل معه وابشرك ياكل كثير من الجن معة ( الله يفضحك ) ماهوب مثل خوية دليخان مايخلينا ناكل معة مغير يبسمل وانا ابي ارقعها هههههههه بزران ههههههه هذي قناة سبيس تون وماتسوي ههههههه وبيني وبين نفسي اقول ايه هين يالجني اذا ماسويتلك رجيم اجل ماسمنك ولا كبر خدودك يالدب الا اني انسى ابسمل دواك عندي (ياتتفى) وصرت اذكر وابسمل في كل وقت لين راحت جنوب وخدود الجني وغدا اصيفر وعصقول ودخلت مرة غرفتي ابي انام والقى الجني فوق صندوقة وصاير مثل العود من ضعفة واقول لة هههههه وين راحت خدودك ياتتفى هههههههههه يوم اني نمت قام الجني واخذ صندوقة وقرب مني وانا نايم وهو يتعبر بالصيحة ويدنق علي ويحب خشمي وراسي وينحاش من البيت يوم اصبحنا ناداني ابوي وقال اهل جوزا يبونك تقرا على بنتهم جوزا يقولون داخل فيها جني اسمة النقطة والبنية مغير تهذري باسمك ياحاير رحنا انا وابوي لبيت جوزا وقبل مايدخلوني عرفت ان اللي داخل فيها خوي الجني تتفى قلت لاتدخلون معي خلوني مع الجني لحالي ودخلت على جوزا يوم شفتها شهقت من زين فيها مزيونة.. مزيونة بالحيل واقرب منها وانا فاق اثمي وقامت جوزا تهذري باسمي حاير يا حاير وانا اقول يالبية يالبية والجني قام يصيح تتفى ياحاير لاتطلعني من جوزا قلت للجني الله لايلومك شف عاد لايلعبون عليك يالخبل وتطلع انا لو اني جني مثلك ماطلعت (نفسي اصير جني). وانا اطلع من الغرفة وقليبي ناسية مع جوزا وقلت: يابو جوزا بنتك تحب ودواها هو العرس ومحاسيك هو اللي حايسن قلبها وعقلها ايه نعم ياعمي لا تستغرب انا ههههههه (يصطاد بالمويه العكره) الجني سمعنا وهواللي يطلع من جوزا ويحط اصابعة في اذانة ويصارخ تخوني ياحاير تخوني وهو يفتح صندوقة المزكرش ويناظر وسطة ويقعد يصيح ويدخل ابو جوزا ويخطف الصندوق من الجني ويناظر في وسطة ويقعد جنب الجني على الأرض يصيح ويدخل ابوي وياخذ الصندوق من ابوجوزا ويناظر داخل الصندوق ويصفط هوالاخر معهم على الأرض يصيح افا والله ابوي انا يصيح وادعس واخطف الصندوق من ابوي واناظر في الجني والجني يناظرني وهو يصيح و يهز راسة مايبيني اناظر داخل الصندوق والقط قواي واغمض وادخل راسي في الصندوق وافتح عيوني ؟؟؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ واقعد على الارض معهم اصيح تحياتي ابو صالح
__________________
طــــــــــنــــــــــش لـــــــــحــــــــــاك شــــــــــــــــــادو ســـــلـــــجـــاقـــو |
|
|
29-01-2002, 01:18 AM
|
#2 |
|
عـضـو
تاريخ التسجيل: Jan 2002
البلد: جزيرة العرب ..
المشاركات: 2,497
|
أثرك صاز دليخان هذا طقوووووووووووووووع هو وبراطمه.....
وبعدين اخوي طعطوش لاتنسى انه فيه مستشفى جديد خاص بالأسنان المفروض تودي تتفى علشان يركبون له سنون وينطقه تكفى...
__________________
 |
|
|
|
29-01-2002, 02:47 AM
|
#3 |
|
كاتب مميّز
تاريخ التسجيل: Jan 2002
البلد: السعودية
المشاركات: 1,743
|
طعطووووووووووش
تراي خابر واحد مسكّت يقرأ عليك , وباذن الله ما تشوف شر بعدين يا قلب الذيب ما خبرت الكاف تخرج من الأسنان , شكلك تاخذ الأول على الصف لو فيه مادة ( مخارج الحروف ) هأهأهأهأهئ هئ هئ:D خذ من سنون هذا وحط لـ( تتفأ ) لأن سنون هذا فيها زود إبداع يا أبا صالح , لكن شكلك مخبّط بأوامر الكود
__________________
إذا قرأت توقيعي فقل :
لا إله إلا الله هي خير ما يقال , وبها تكسب أجرا وتطمئن نفسا *** في حياتي سبرت الناس فلقيت عند قلـّة معنى الوفاء وقرأت في سلوك الكثيرين تعريف الدهاء وامرأة وحدها , وحدها فقط , علّمتني معنى الثبات على المبدأ وبذل النفس له |
|
|
|
| الإشارات المرجعية |
|
|
النمط المتتابع
