[ss_ss]

ملاحظة قمت بالإتصال بنفسي على الرقم وصار فعلاً يستقبل شكاوى المواطنين

لا تغفل عن الرقم

940


سالفة صارت وقفت عند احد مطاعم الفلافل وأنا كنت انتظر الطلب
وقف راعي سيارة ونزل وطلب

الشاب سئل العامل السوري ليه لابس قفاز واحد جاوب السوري هذا اشتغل فيها وهذا أحاسب والعامل السوري وهو يتكلم
كان ماخذ الخبز بيده اللي بدون قفاز وحطة على الطاولة وقال الشاب وهو يضحك طيب ليه تمسك الخبز باليد اللي ما فيها قفاز السوري أنحرج وصار يبرر تبريرات مالها معنى وقال الشاب المفروض اللي يشتغل ما يحاسب يكون واحد ثاني
وأنا في ذيك اللحظة قلت فيه ذباب وخره عن الصواني وقال الشاب شف هذا زبون يقول عندك ذباب في المحل والعامل السوري شوي بيقوله مالك دخل تبي تأكل ولا اطلع برى والشاب طايح فيه
أسئلة المهم من ضمن الأسئلة اللي كان يسألها وهو يضحك سؤال حسيت السوري منجد بينفجر وسؤال هو ليه منت مغطي شعرك وراح الشاب من ورى الكونتر يعني دخل عنده وارتسمت على وجه العامل علامة
استفهام وتعجب كبيره

وقال معك مفتش الصحية وتعال شوف وجه العامل من زود ماهو احمر من النار
يوم سمع كلمة مفتش الصحية صار وجهه
تقول طماطة المهم أن الرجال دخل المطبخ حقهم وصار يعطي الملاحظات وطلع واحد من العمال
مجروحة يده وقال لا أشوفك هنا إلا لما تعالج جرحك وسئل العامل الأول أبو وجه احمر مشهب عطني شهادتك الصحية قال ما معي قال اطلع برا أنت وياه
المهم شب فيهم لكن بأسلوب جداً مهذب وفيه نصح وقال أنا ما جيت هنا عشان استقعد كله عشان مصلحتكم ومصلحت الزبائن لو الواحد جاه تسمم أو أي مرض انتقل عن طريق العدوى راح يدعي عليكم

ويوم طلع الرجال قعدت اسولف وياه عن بعض المطاعم اللي تحتاج مراقبة فقال لا تتردد أي مطعم تشوف علية ملاحظة اتصل على 940 وعطهم اسم المطعم والشارع واترك الباقي عليهم وكان معه ورقة قال
شف هذي الورقة هذا اسم المطعم وتاريخ التبليغ والملاحظات اللي علية وها أنا جيته وشفت وش صار بعينك



يا جماعة عليكم بكل مطعم أو بوفية أو مخبز أو غيره تجدون علية ملاحظة تبلغون
أنا أول ما كنت مصدق فيه مفتشين أقول كلام فاضي ما فيه رقابه ولكن شفت بعيني ومن اليوم راح ابلغ عن أي مطعم عليه مخالفات






انشرها لمصلحة الجميع

[عاشق الريف]

تشكرات على الموضوع ويعطيك العافيه على التنبيه

[أبومووور]

الله يوفقك....
شكرا للتذكير

[ss_ss]

عاشق الريف & ابومووور

مشكورين على حضوركم

[حبة فستق]

كفو والله والله ياهو أسلوووب ..

[إبراهيم اليوسف]

تسلم يا الغلا

الصراحة الرقم 940 ما قصروا بقيادة حبيبنا محمد الحربي

كم مطعم أغلق وكم محل حلويات وايضا شارع كيرلا يشهد

تذكرون محل الحلويات اللي صورته لكم قبل فترة والوساخات اللي صارت فيه
بعدها اتبعها اخونا إياد بتصوير المداهمة اللي حدثت في شارع كيرلا
ووووو

هذا اللي نشوفه وكم مرة أشوف مطعم مكتوب عليه مغلق من قبلهم

جزاهم الله خيـــر

ويا اخاون لنتساعد لكي تكون مطاعمنا نظيفة

[النجم الذهبي]

مشكور ياخي على التذكير وجزاك الله كل خير


تحياتي للجميع

[ابوزياد2008]

تحيه للجميع


كل واحد تواجهه مشكله يجهز بيانات ودلائل مهمه ويتصل

بس ديم مشغول مادري حل مشاكل او تعليق خطوط

على فكره من إشاره كودو الى دوار النافوره وش رايكم بالطريق

ودمتم يألف خير

[اغليس ولد رماح]

فعلاً اصراحة ما قصرو وكثر الله من خيرهم وسدد خطاهم

[ss_ss]

الجميع مشكورين على مروركم

[الوساااام]

يعطيك العافيه على التنبيه

[صعب المنــ2ــال]

هين كيلا يعلدزون

لا يهمونك زباينهم افغانيه مكاينهم اووه قصدي معداتهم تشتغل على ديزل ما يجيهم شي

المشكله حنا الي بطوننا لو يجي ريحة وصخ تسان اخذت فراشك و رحت للحمام و انتم بكرامه

تحياتي لصاحب الرقم و تراي ابسوي ازعاج عليهم و الله يانا موبدن لي كم محل وصخين بس ابكنسهم كنس

سلام

[غالي ياوطن]

شكراً لك ... فعلاً شيء مهم جداً
أتمنى أن يتواصل الدعم والتفعيل الحقيقي لهذا الرقم

[ss_ss]

شكراً لكم على مروركم