سفرتي إلى بريدة الإربعاء: 28/11/1429، ماش الأمور مدوبره.

**بدر بن عبدالله** · 01-12-2008, 07:56 PM

أحيي أعضاء المنتدى وخصوصاً أعضاء الكشكول المنسمين، فأهلاً وسهلاً بكم،
وإن شاء الله إنكم بخير أتمنى ذلك:

* في يوم الإربعاء الماضي كان عندي مناسبة زواج ببريدة لأحد
أصدقاء الطفولة العزيزين على قلبي، فقررنا الانطلاق أنا ( كربة النخلة) واثنين
من أصدقائي هما (إبراهيم) و( سليمان)، واجتمعنا عند بيت إبراهيم بحي السلام
وكانت الرحلة على متن ( كورولا) حقت خوينا إبراهيم، ويوم جينا نمشي وإلا
كفر الكورولا منسم ويروح أخو إبراهيم ويصلح الكفر وما رجع لنا إلا بعد نص ساعة
من صلاة المغرب، ركبنا السيارة وعبينا ( full) ومسكنا الخط وكان اللي يسوق السيارة
( سليمان) ما أمدنا نتعدى تفتيش صلبوخ إلا بدت السيارة تروح يمين ويسار وش السالفة
أثر خوينا ( سليمان) نصه نوم، صفط سليمان يمين وقال واحد منكم يسوق قلت أنا لإبراهيم
يالله سق قال: أنا بي نوم طلعت من الدوام ومانمت الظهر، ومير أنزل أنا وأستلم الطارة
وأدوس 160 علشان يمدينا نلحق على العرس، المهم وصلنا بريدة الساعة تسع
وإلا أخوي اللي أكبر من سابقن العصر لبريدة ووصل الاستراحة اللي به العرس
يوم صارت الساعة تسع وربع تقريباً دق أخوي علينا وقال لعلكم تروحون للعليان
اللي بطريق الهدية وتعشون عنده قلت وشلون وش السالفة قال أخوي: الناس
قلطوا على العشاء والعريس مشى، قلت أنا: أفا، المهم أنا قلت لازم أسلم على العريس
لو كان أيش ماله داعي جاي من الرياض ولا أشوفه، دقيت على العريس وقلت
وين أنت به قال أنا بفندق السلمان، قلت أبجي أسلم عليك، قال لي: الله يحييك تعال
لا تمشي من بريدة إلا أنا شايفك، قلت أنا أبشر، وقبل لا نروح للعريس رحنا لمطعم
رشوش اللي بالشمال وطلبنا منه روست وتعشينا يوم خلصنا متعشين ونروح لفندق
السلمان ونسلم على العريس ونبارك له، ومشينا من عند الفندق ويدق علينا واحد
من العيال قال: وش عندكم؟ قلنا ماعندنا شيء قال: أجل تعالوا أنا مستأجر شقة
وفيه غرفة فاضية تعالوا ناموا عندي قلنا حنا: زين، وقبل لا نروح لشقة خوينا
قلت للعيال (إبراهيم وسليمان) أنا أبروح أسلم على أختي قبل لا يجي رجل أختي
لأنه لو جاء وشافنا يبي يلزم ناموا واقعدوا ومن هالكلام رحت لبيت أختي ويوم
وصلت لبيته ويطب علينا رجل أختي وا نشبتين وشلون نبي نفتك من رجل أختي،
وأسلم على رجل أختي ويلزم علينا ناموا عندي قلنا له حنا مواعدين واحد من العيال
ونبي نروح ننام عنده قال بكيفكم وبقدرة قادر ما أدري وشلون افتكينا من رجل أختي،
ونروح لشقة خوينا وحنا بالطريق قام خوينا ( سليمان) يطلع أصوات: آه آه آه
أح أح أح، ونلتفت عليه أنا وإبراهيم وش بك قال وقفوا عند صيدلية بسرعة،
ونوقف عند صيدلية وينزل خوينا (سليمان) ويشتري مرهم وشوله؟، سليمان
خوينا هذا دب وتعرفون الدب مسيكين تجيه حراره بالمنطقة الحساسة بسبب كثرة
الاحتكاك، المهم ويجي خوينا طاير من الصيدلية و يقول لنا بسرعة أقرب دورة
مياه - وأنتم بكرامة - وقفوا عنده ونوقف عند محطة بنزين وينزل خوينا سليمان
ويدخل دورة المياه ويقوم باللازم ( يدهن المواقع الحساسة)، خلص خوينا سليمان
من دورة المياه وركب السيارة، ورحنا لشقة خوينا ونمنا به، وقمنا يوم الخميس
الساعة وحدة ونص الظهر ونروح نتغدى، وعقبه رحت سلمت على أختي وعمتي
علشان نبي نمشي لعنيزة نبي نشوف ( العوشزية) وبعد ما نمشي لعنيزة، نمسك
خط الرياض، يوم طلعنا من عنيزة نبي نمسك خط الرياض ويجي راعي هيلوكس
ويقول لنا ترى الكفر منسم، نفس الكفر اللي صلحناه بالرياض، ونوقف عند محطة
ونلقى هندي بارد قعد ساعة يصلح الكفر وطلع بالكفر شقين، ونرقع الكفر، ونطلع
الاستبنه وأثره جديدة - ما شاء الله - ونركبه، ونخلي الكفر المرقوع رقعتين استبنه،
وبحمد الله مسكنا خط الرياض.

* يا بعدي يا شيبان بريدة أجل العشاء الساعة تسع وربع، مالت علينا يا حقين
الرياض العشاء ما نحطه إلا الساعة عشر ونص أو الساعة طعش، ولا بعد إذا
صار العرس به حريم جب فراش معك لأنهم مهب طالعين إلا الفجر.

* آسف على الإطالة.

* ودمتم بود.

خوي السرور · 01-12-2008, 08:15 PM

ههههههههههه ياخلفهم ياراعي الكرب ..

والله مغامرة روعة .. خصوصن رفيدزكم راعي المرهم ..

تسد بلشنا بخوين لنا دب فوحج بالمسعى

ثانكيوات عمو .

عربجي قاااضي · 01-12-2008, 10:34 PM

ياااخلف الشنان ياكربه .. الدعوااا بالعرس مب شيبان !!

أنت ناظر متى يقضون من صلاة العشا .. نقضي حوالي 7:15

وغاالبا العروس نروح له من بعد صلاة العشا الى ساعه

والله يانا أبحتري تجي الساع 10 وانا ماتعشيييت .. الليل تغير يابووو

الواحد يكبر بالليل من طووله فلذااالك أنا أتوقع انه مناسب القلطة على العشاا الساع 9 الى 9:30

وبعدييين وش صاار على العريس اللي واعدته بفندق السلمان .. أو نسيته ؟!!

عاشق الريف · 01-12-2008, 10:46 PM

قصه جميله يعطيك العافيه اخوي كربه

نبوغ الفكر · 02-12-2008, 12:05 AM

.

وانا أقول منور حي السلام هاك اليوم أثرك به

وأنا أقرا جالس أتخيلكم

وناااااسة وفلللللللة

شكراً

.

-الذهبي- · 02-12-2008, 12:08 AM

آآوية للدب أجل راح يدهن

مشكور . وسلملي على سليمان

**مـغـتـرب** · 02-12-2008, 12:19 AM

هههه هههههه

قصة حياتك طال عمرك...

سي تو...

((يازين النخل))

الـدعساوي · 02-12-2008, 01:07 AM

تنسيم ياكربة أجل صارت رحلة تنسم الكفر

شف هماك هشتن هالك اليوم يوم أجي للرياض وزعلت علي لأني مادقيت عليك ولاعلمتك هالحين وراه ماعلمتنا ولاقلت لنا ولاحاجة

شف أنا زعلن عليك <<< واقفة

ياخي مر خلنا نورك النخل والخبوب والبراد والمزارع يالله من فضلك اذا رجعت للرياض منتب قايلهم رايح لبريدة تبي تقول رايح لعالم آخر شبيه برحلة زيزو ولا المنخرش<< مايحقر نفيسته

فـــــ1997ـــــارس · 02-12-2008, 01:11 AM

ـههههههههههههههههههههـ

اجل يدهن المواقع الحساسه

سلملي عليه تكفى

بوركت

الموج الهايج · 02-12-2008, 04:17 AM

هههههههههههه

لكن الموضوع يحتاج تنسيق وترتيب أوجع راسي وانا اقراه

نصيحه حطه على شكل نقاط -كل حدث بنقطه- أريح لك وللقاري.

**أبو رُبـــــى** · 02-12-2008, 09:37 AM

أكيد الدب هذا هو فاكهة الرحلة ( لأنه دايم الدب يا خفيف دم يا وطب ) ما تلقى وسط ....

سلم لي على خوياك يا كربة ....

**بدر بن عبدالله** · 02-12-2008, 04:40 PM

اقتباس من مشاركة خوي السرور:

ههههههههههه ياخلفهم ياراعي الكرب ..

والله مغامرة روعة .. خصوصن رفيدزكم راعي المرهم ..

تسد بلشنا بخوين لنا دب فوحج بالمسعى<<هههههههه، خوينا (إبراهيم) راعي الكورولا
مرة بلشنا به لكن مهب بالمسعى، جته الحرارة وهو بالطواف.

ثانكيوات عمو<< welcom خالوا.

أبو سر أشكرك على مرورك الجميل، والمهم إن الموضوع أعجبك.

لك ودي واحترامي.

**بدر بن عبدالله** · 02-12-2008, 09:24 PM

اقتباس من مشاركة عربجي قاضي:

ياااخلف الشنان ياكربه .. الدعوااا بالعرس مب شيبان !!

أنت ناظر متى يقضون من صلاة العشا .. نقضي حوالي 7:15

وغاالبا العروس نروح له من بعد صلاة العشا الى ساعه

والله يانا أبحتري تجي الساع 10 وانا ماتعشيييت .. الليل تغير يابووو

الواحد يكبر بالليل من طووله فلذااالك أنا أتوقع انه مناسب القلطة على العشاا الساع 9 الى 9:30

وبعدييين وش صاار على العريس اللي واعدته بفندق السلمان .. أو نسيته ؟!!
ـــــــــــــــــــــــــــــــــــ
أنا معك يا عربجي إن الوقت تغير وإن الليل طويل، لكن ببريدة يطلعون من صلاة
العشاء تقريباً الساعة 7:30 ،وعلى ما بال الجنب يجون، ولا فيه موكب بعد، وبيت
المعرس بالقاع البارد والاستراحة بالإسكان عند المخازن الكبرى يعني مهب واصلين
إلا الساعة 8:15 ، يعني يأخرون العشاء إلى الساعة عشر بما إن الوقت مبكر، وعموماً
ما حصل إلا الخير، أما بالنسبة للعريس فشكلك أنت قريت الموضوع وأنت طاير، أبشرك سلمت
عليه وباركت له.

أخوي عربجي أشكرك على مرورك الجميل والرائع.

لك ودي واحترامي.

**بدر بن عبدالله** · 02-12-2008, 09:27 PM

اقتباس من مشاركة عاشق الريف:

قصه جميله يعطيك العافيه اخوي كربه << الله يعافيك أخوي عاشق.

أشكرك على مرورك.

لك ودي واحترامي.

01-12-2008, 07:56 PM	#1
بدر بن عبدالله نسألك يارب غيثاً مغيثاً تاريخ التسجيل: Apr 2008 البلد: الرياض. المشاركات: 7,025	سفرتي إلى بريدة الإربعاء: 28/11/1429، ماش الأمور مدوبره. أحيي أعضاء المنتدى وخصوصاً أعضاء الكشكول المنسمين، فأهلاً وسهلاً بكم، وإن شاء الله إنكم بخير أتمنى ذلك: * في يوم الإربعاء الماضي كان عندي مناسبة زواج ببريدة لأحد أصدقاء الطفولة العزيزين على قلبي، فقررنا الانطلاق أنا ( كربة النخلة) واثنين من أصدقائي هما (إبراهيم) و( سليمان)، واجتمعنا عند بيت إبراهيم بحي السلام وكانت الرحلة على متن ( كورولا) حقت خوينا إبراهيم، ويوم جينا نمشي وإلا كفر الكورولا منسم ويروح أخو إبراهيم ويصلح الكفر وما رجع لنا إلا بعد نص ساعة من صلاة المغرب، ركبنا السيارة وعبينا ( full) ومسكنا الخط وكان اللي يسوق السيارة ( سليمان) ما أمدنا نتعدى تفتيش صلبوخ إلا بدت السيارة تروح يمين ويسار وش السالفة أثر خوينا ( سليمان) نصه نوم، صفط سليمان يمين وقال واحد منكم يسوق قلت أنا لإبراهيم يالله سق قال: أنا بي نوم طلعت من الدوام ومانمت الظهر، ومير أنزل أنا وأستلم الطارة وأدوس 160 علشان يمدينا نلحق على العرس، المهم وصلنا بريدة الساعة تسع وإلا أخوي اللي أكبر من سابقن العصر لبريدة ووصل الاستراحة اللي به العرس يوم صارت الساعة تسع وربع تقريباً دق أخوي علينا وقال لعلكم تروحون للعليان اللي بطريق الهدية وتعشون عنده قلت وشلون وش السالفة قال أخوي: الناس قلطوا على العشاء والعريس مشى، قلت أنا: أفا، المهم أنا قلت لازم أسلم على العريس لو كان أيش ماله داعي جاي من الرياض ولا أشوفه، دقيت على العريس وقلت وين أنت به قال أنا بفندق السلمان، قلت أبجي أسلم عليك، قال لي: الله يحييك تعال لا تمشي من بريدة إلا أنا شايفك، قلت أنا أبشر، وقبل لا نروح للعريس رحنا لمطعم رشوش اللي بالشمال وطلبنا منه روست وتعشينا يوم خلصنا متعشين ونروح لفندق السلمان ونسلم على العريس ونبارك له، ومشينا من عند الفندق ويدق علينا واحد من العيال قال: وش عندكم؟ قلنا ماعندنا شيء قال: أجل تعالوا أنا مستأجر شقة وفيه غرفة فاضية تعالوا ناموا عندي قلنا حنا: زين، وقبل لا نروح لشقة خوينا قلت للعيال (إبراهيم وسليمان) أنا أبروح أسلم على أختي قبل لا يجي رجل أختي لأنه لو جاء وشافنا يبي يلزم ناموا واقعدوا ومن هالكلام رحت لبيت أختي ويوم وصلت لبيته ويطب علينا رجل أختي وا نشبتين وشلون نبي نفتك من رجل أختي، وأسلم على رجل أختي ويلزم علينا ناموا عندي قلنا له حنا مواعدين واحد من العيال ونبي نروح ننام عنده قال بكيفكم وبقدرة قادر ما أدري وشلون افتكينا من رجل أختي، ونروح لشقة خوينا وحنا بالطريق قام خوينا ( سليمان) يطلع أصوات: آه آه آه أح أح أح، ونلتفت عليه أنا وإبراهيم وش بك قال وقفوا عند صيدلية بسرعة، ونوقف عند صيدلية وينزل خوينا (سليمان) ويشتري مرهم وشوله؟، سليمان خوينا هذا دب وتعرفون الدب مسيكين تجيه حراره بالمنطقة الحساسة بسبب كثرة الاحتكاك، المهم ويجي خوينا طاير من الصيدلية و يقول لنا بسرعة أقرب دورة مياه - وأنتم بكرامة - وقفوا عنده ونوقف عند محطة بنزين وينزل خوينا سليمان ويدخل دورة المياه ويقوم باللازم ( يدهن المواقع الحساسة)، خلص خوينا سليمان من دورة المياه وركب السيارة، ورحنا لشقة خوينا ونمنا به، وقمنا يوم الخميس الساعة وحدة ونص الظهر ونروح نتغدى، وعقبه رحت سلمت على أختي وعمتي علشان نبي نمشي لعنيزة نبي نشوف ( العوشزية) وبعد ما نمشي لعنيزة، نمسك خط الرياض، يوم طلعنا من عنيزة نبي نمسك خط الرياض ويجي راعي هيلوكس ويقول لنا ترى الكفر منسم، نفس الكفر اللي صلحناه بالرياض، ونوقف عند محطة ونلقى هندي بارد قعد ساعة يصلح الكفر وطلع بالكفر شقين، ونرقع الكفر، ونطلع الاستبنه وأثره جديدة - ما شاء الله - ونركبه، ونخلي الكفر المرقوع رقعتين استبنه، وبحمد الله مسكنا خط الرياض. * يا بعدي يا شيبان بريدة أجل العشاء الساعة تسع وربع، مالت علينا يا حقين الرياض العشاء ما نحطه إلا الساعة عشر ونص أو الساعة طعش، ولا بعد إذا صار العرس به حريم جب فراش معك لأنهم مهب طالعين إلا الفجر. * آسف على الإطالة. * ودمتم بود. __________________ . . (( مَنْ أَصْبَحَ مِنْكُمْ آمِنًا فِي سِرْبِهِ ، مُعَافًى فِي جَسَدِهِ ، عِنْدَهُ قُوتُ يَوْمِهِ ، فَكَأَنَّمَا حِيزَتْ لَهُ الدُّنْيَا ))

01-12-2008, 08:15 PM	#2
خوي السرور عـضـو تاريخ التسجيل: Jan 2005 البلد: بريدة ـ الاسكان 4 شرق مسجد كعب الإحبار <<< ييزي ؟ المشاركات: 8,848	ههههههههههه ياخلفهم ياراعي الكرب .. والله مغامرة روعة .. خصوصن رفيدزكم راعي المرهم .. تسد بلشنا بخوين لنا دب فوحج بالمسعى ثانكيوات عمو . __________________ في بريدة ستي .. كانت لنا أيام : http://www.buraydahcity.net/vb/showthread.php?t=262111 ( قلب حب 1 )

02-12-2008, 12:05 AM	#5
نبوغ الفكر عـضـو تاريخ التسجيل: Jul 2007 البلد: ـ المشاركات: 2,099	. وانا أقول منور حي السلام هاك اليوم أثرك به وأنا أقرا جالس أتخيلكم وناااااسة وفلللللللة شكراً . __________________ . أرى آثارهم فأذوب شوقاً وأسكبُ في مواطئهم دموعي وأسألُ من بفُرقتِهِم رماني يمُنُّ عليَّ يوماً بالرجوعِ .

02-12-2008, 12:19 AM	#7
مـغـتـرب .. فُــرٍجَـــتْ .. تاريخ التسجيل: Nov 2008 البلد: خارج الخدمة مؤقتا-أعتذر المشاركات: 3,091	هههه هههههه قصة حياتك طال عمرك... سي تو... ((يازين النخل)) __________________ سبحان الله وبحمدهـ

02-12-2008, 01:07 AM	#8
الـدعساوي أبتاه ، فقدك آلمني ..! تاريخ التسجيل: Jan 2008 البلد: لا إلى هؤلاء ولا إلى هؤلاء المشاركات: 5,958	تنسيم ياكربة أجل صارت رحلة تنسم الكفر شف هماك هشتن هالك اليوم يوم أجي للرياض وزعلت علي لأني مادقيت عليك ولاعلمتك هالحين وراه ماعلمتنا ولاقلت لنا ولاحاجة شف أنا زعلن عليك <<< واقفة ياخي مر خلنا نورك النخل والخبوب والبراد والمزارع يالله من فضلك اذا رجعت للرياض منتب قايلهم رايح لبريدة تبي تقول رايح لعالم آخر شبيه برحلة زيزو ولا المنخرش<< مايحقر نفيسته __________________ . . . جديد :. رحـلة العـليم .: \|والبيتزاء السريعة بوسط النفود الكبير \| . .

01-12-2008, 10:34 PM	#3
عربجي قاااضي Registered User تاريخ التسجيل: Oct 2007 البلد: سآآعوودي آآريبيآآآآ .. المشاركات: 856	ياااخلف الشنان ياكربه .. الدعوااا بالعرس مب شيبان !! أنت ناظر متى يقضون من صلاة العشا .. نقضي حوالي 7:15 وغاالبا العروس نروح له من بعد صلاة العشا الى ساعه والله يانا أبحتري تجي الساع 10 وانا ماتعشيييت .. الليل تغير يابووو الواحد يكبر بالليل من طووله فلذااالك أنا أتوقع انه مناسب القلطة على العشاا الساع 9 الى 9:30 وبعدييين وش صاار على العريس اللي واعدته بفندق السلمان .. أو نسيته ؟!!

01-12-2008, 10:46 PM	#4
عاشق الريف Guest تاريخ التسجيل: Nov 2008 البلد: كوكب الأرض المشاركات: 766	قصه جميله يعطيك العافيه اخوي كربه

02-12-2008, 12:08 AM	#6
-الذهبي- عـضـو تاريخ التسجيل: Aug 2007 البلد: BURAYDAH المشاركات: 516	آآوية للدب أجل راح يدهن مشكور . وسلملي على سليمان

02-12-2008, 01:11 AM	#9
فـــــ1997ـــــارس عـضـو تاريخ التسجيل: Sep 2008 البلد: :: ) المشاركات: 2,115	ـههههههههههههههههههههـ اجل يدهن المواقع الحساسه سلملي عليه تكفى بوركت __________________ . . . . .

02-12-2008, 04:17 AM	#10
الموج الهايج عـضـو تاريخ التسجيل: Nov 2008 المشاركات: 4	هههههههههههه لكن الموضوع يحتاج تنسيق وترتيب أوجع راسي وانا اقراه نصيحه حطه على شكل نقاط -كل حدث بنقطه- أريح لك وللقاري.

02-12-2008, 09:37 AM	#11
أبو رُبـــــى مراقب عــام تاريخ التسجيل: Feb 2008 البلد: بريدة ستي المشاركات: 17,625	أكيد الدب هذا هو فاكهة الرحلة ( لأنه دايم الدب يا خفيف دم يا وطب ) ما تلقى وسط .... سلم لي على خوياك يا كربة .... __________________ راح الزعيم اللي علينا خسارة .. اللي بحكم الله يمشي القوانين Sense Designs شكراً

02-12-2008, 04:40 PM	#12
بدر بن عبدالله نسألك يارب غيثاً مغيثاً تاريخ التسجيل: Apr 2008 البلد: الرياض. المشاركات: 7,025	اقتباس من مشاركة خوي السرور: ههههههههههه ياخلفهم ياراعي الكرب .. والله مغامرة روعة .. خصوصن رفيدزكم راعي المرهم .. تسد بلشنا بخوين لنا دب فوحج بالمسعى<<هههههههه، خوينا (إبراهيم) راعي الكورولا مرة بلشنا به لكن مهب بالمسعى، جته الحرارة وهو بالطواف. ثانكيوات عمو<< welcom خالوا. أبو سر أشكرك على مرورك الجميل، والمهم إن الموضوع أعجبك. لك ودي واحترامي. __________________ . . (( مَنْ أَصْبَحَ مِنْكُمْ آمِنًا فِي سِرْبِهِ ، مُعَافًى فِي جَسَدِهِ ، عِنْدَهُ قُوتُ يَوْمِهِ ، فَكَأَنَّمَا حِيزَتْ لَهُ الدُّنْيَا ))

02-12-2008, 09:24 PM	#13
بدر بن عبدالله نسألك يارب غيثاً مغيثاً تاريخ التسجيل: Apr 2008 البلد: الرياض. المشاركات: 7,025	اقتباس من مشاركة عربجي قاضي: ياااخلف الشنان ياكربه .. الدعوااا بالعرس مب شيبان !! أنت ناظر متى يقضون من صلاة العشا .. نقضي حوالي 7:15 وغاالبا العروس نروح له من بعد صلاة العشا الى ساعه والله يانا أبحتري تجي الساع 10 وانا ماتعشيييت .. الليل تغير يابووو الواحد يكبر بالليل من طووله فلذااالك أنا أتوقع انه مناسب القلطة على العشاا الساع 9 الى 9:30 وبعدييين وش صاار على العريس اللي واعدته بفندق السلمان .. أو نسيته ؟!! ـــــــــــــــــــــــــــــــــــ أنا معك يا عربجي إن الوقت تغير وإن الليل طويل، لكن ببريدة يطلعون من صلاة العشاء تقريباً الساعة 7:30 ،وعلى ما بال الجنب يجون، ولا فيه موكب بعد، وبيت المعرس بالقاع البارد والاستراحة بالإسكان عند المخازن الكبرى يعني مهب واصلين إلا الساعة 8:15 ، يعني يأخرون العشاء إلى الساعة عشر بما إن الوقت مبكر، وعموماً ما حصل إلا الخير، أما بالنسبة للعريس فشكلك أنت قريت الموضوع وأنت طاير، أبشرك سلمت عليه وباركت له. أخوي عربجي أشكرك على مرورك الجميل والرائع. لك ودي واحترامي. __________________ . . (( مَنْ أَصْبَحَ مِنْكُمْ آمِنًا فِي سِرْبِهِ ، مُعَافًى فِي جَسَدِهِ ، عِنْدَهُ قُوتُ يَوْمِهِ ، فَكَأَنَّمَا حِيزَتْ لَهُ الدُّنْيَا ))

02-12-2008, 09:27 PM	#14
بدر بن عبدالله نسألك يارب غيثاً مغيثاً تاريخ التسجيل: Apr 2008 البلد: الرياض. المشاركات: 7,025	اقتباس من مشاركة عاشق الريف: قصه جميله يعطيك العافيه اخوي كربه << الله يعافيك أخوي عاشق. أشكرك على مرورك. لك ودي واحترامي. __________________ . . (( مَنْ أَصْبَحَ مِنْكُمْ آمِنًا فِي سِرْبِهِ ، مُعَافًى فِي جَسَدِهِ ، عِنْدَهُ قُوتُ يَوْمِهِ ، فَكَأَنَّمَا حِيزَتْ لَهُ الدُّنْيَا ))