[مدحت شوقي بريده]

راح العراق وراح قبله فلسطين
للشاعر... خلف بن غصاب ال فراج


راح العراق وراح قبله فلسطين
والثالثه يابوفهد من تحرا

دارت رحاها والعرب راحوا طحين
محدٍ قدر يقول لا او تجرا

الدار تقصف والمره والبزارين
واليوم يامشكاي كلٍ تبرا

كلٍ يصد يقول يالله تنجين
مالي دخل بالي من الحد برا

مدري ردا والا من الدين عارين
ولا علينا بوش زام وتضرا

اليد قصيره والسهر لازم العين
وعزي لشعبٍ من حقوقه تعرا


وغداً نوافيكم بالرد على هذه القصيده ...

على العموم القصيده منقوله ..... وهي لشاعر معروف بتوجه ولله الحمد ...

[مدحت شوقي بريده]

غداً ...
لا لا لا ... الا اليوم ... هالحين صرنا غداً ...

خوذو الرد ... مووووووووووت بعد ..

وهي للشاعر أبو غصاب المنّاعي ...


أشوف مجلسنا عزته القيافين
من شاعرٍ ماهوب توه إيضرا


متمكن في نظمها قد له اسنين
إسمه علم والعلم منه إيسِرا


وجه كلامه يمّ نجل الكريمين
(أبوفهد) بالطيب دايم إيطرا


حبيت اشارك يوم شفت المساكين
في شاشة التلفاز والله اتهرا


شفت الشيوخ اتصيح مثل البزارين
واللا الحريم إتطر ذالجيب طرا


صدام رأس أبليس سيد الشياطين
شالوه عمانه هل الغرب برّا


من عقب مارزوه خمسة وعشرين
قالو تراه اليوم يزداد شرا


ثم اسقطو منه الحكم والنياشين
واشوف تمثاله أعصيرٍ إيجرا


والدور بعده يمّ من ينفص العين
أوماظنتي به واحدٍ بيتجرا


كلٍ يقول أعيش ضمن الكريمين
في شرع بوش أولازم انها تدرا

[مدحت شوقي بريده]

وكمان هذا الرد الثالث ...
شعراء متفاعلين ...
حبايب الب ميدي .....
والله يانا مستانس بعد .. ليه ... مأدري ...

هذي للشاعر .. ابن وقيان ...

قلبي تقطع ياخلف والشرايين
وأوجس بجوفي مثل شوكٍ إيجرا


كنّا يا أبوغصاب منّاب صاحين
مغير ملي ابطوننا وأنتدرا


بوشٍ وربعه ذبحوا في المساكين
وقول الحقيقة عندنا مايطرا


واللي قهرني فعل بعض السلاطين
وسط الجحر ويجيه يوم اويغرا


والثالثة كل العرب والمسلمين
أعلومهم ياخوك ماهي تسرا


تحركو يارجال وين الغيورين
نبي مريكا تنمحي ما تطرا


نبغي نولعها بكل الميادين
واللي يصير ايصير بحرٍ وبرا


نبغي نعيد المجد وتعود حطين
معاد يلقون اليهود المفرا


الله يعز الدين ياربي آمين
وتنشب امريكا كل يوم أبشرا