[دحيم السابع عشر]

في إحدى ليالي الخريف اللي ما به نور << ما نقوى حنا تشويق من أولها





كنت جالسن بغرفتي أترقب المجهول << تكفى





وبينما كنت منغمسن بعملن خطيرن بالحيل ألا وهو





ألا وهو





مراقبة النمل وهن يشيلن حبات البسكويت المتناثرة هنا وهناك





قلت في نفسي : يا لهن من مجتهدات المفروض يكرمونهن يوم مجمع الأبهات





و فجأتن وإذا الضمادا يطب علينا ويهجم على تلك النملات المسكينات





نعم لقد قام بجريمته الشنعاء





لقد دهسهن بنعلته





دهسهن دهسهن





نعم دهسهن << دهسك الشر والحد الأقشر اخلص وجع





دهسهن أقصد قال لي : دحيم ويحك ماذا دهاك ... تراقب النمل يا هل ترا كيف << يسمع بالسؤال الله يصلحه





أنا : الضمادا ما ذا تريد جعل ابليس يرديك << يسمع هو الآخر بالدعاوي





الضمادا : لاه ابليس توه مار ويوم شافن هج





أنا : بعذره يعني أنا ما قد شفت ولد خشمه كبر البراحة ماذا تريد اخلص علينا





الضمادا : أبدن بس اللهذام يبيك يقول بنعقد مؤتمر طبعن واللهذام من جنبه





<<< يبي اللهذام يجلد الضمادا





أنا : وشوو تقوله صادز





الضمادا : ايييييييه بس تدري أحسنا كشخة وعلى الأقل حنا أزين من غيرنا نصدر قرارات المشكلة هاللي يجتمعون وفاقعين روسنا بهالمؤتمرات والنهاية مغير طول المؤتمر كلن يقول متى الغدا والمفاطيح






أنا : أنت حسوفتن بك الحاير يالله بك أبو غريب





إلا على طاري أبو غريب من أنت ؟ << جحده





الضمادا : يالله بس خلينا نشوف وش عند هالشايب << ما زال يبي الضمادا ينجلد





المهم طلعت أنا والضمادا من غرفتي ويوم وصلنا الصالة وش نشوف يا حظي

اللهذام لابسن ترنقة خضرا ( حقت المنتخب ) و موقفن مستر محمد بجنبه وملبسه ترنقة نيجيريا





<<< هذا مستر محمد





لقيناهم يسوون حركات الاحماء





الضمادا : اللهذام وش تسوي





اللهذام: حركات تسخين عشان يقوى المؤتمر





الضمادا :اللهذام خلنا نجلس يبي يبدأ الشوط الأول .. بس تكفى لا تقول إن الحكم أجنبي





أنا : لا يكثر جميعا





مؤتمر القمة أقصد الأعضاء





اللهذام : عسى ما بوه إصابات << من تمرين الإحماء





مستر محمد :إلا والله يا اللهذام إنه جان شد عضلي بشعر راسي





رئيس التميز : مستر محمد إحمد ربك إنه مهوب شد عضلي بظلك وإلا كان تروح وطي





أنا : اللهذام وشوله جامعنا ؟





اللهذام : نبي نسافر





رئيس التميز : يالبيييييييه بنروح لم جيزان << طموح هالأخ





أنا :ونلبس الوزرة





الضمادا : ونشوف جبال الألب





اللهذام : لا الله يهديكم .. أصلن يقولون جيزان الحين مسكرة بعدين بيفتحون << تهك على بقر الله يهديك





وميض : لا عاد مالهم داعي يسكرون تتوقع مسكرينها للتقبيل





مستر محمد : أنا نفسي أعرف وشلون أنا عايش مع ناس أقل من مستواي الثقافي والتكنولوجي





رئيس التميز : لو سمحت لا تجمع موب كلنا تنك لوجيا الضمادا ممكن تنكة لكن أنا وسيم << رح منااااك





مستر محمد : الحين يالضمادا جبال الألب بجيزان أشوا ما فيه أحد عندنا وإلا كان ضحكوا عليك ياخي ترا جبال الألب بعرعر << أجل مثقف





وميض : طيب ياللهذام وين تبينا نسافر





اللهذام : بنروح لم ألمانيا .. يقولون عندهم براد زين







الضمادا : براد زين وإلا تبي تروح تبكي على الأطلال (ثمانية المنتخب )





أنا : طيب ياللهذام الحين موب لا طلعنا برا لازم نلبس بنطلون وتي شيرت << وش رايكم بتي شيرت تحسوني مثقف





اللهذام : ايه





أنا : طيب أنا ما عندي إلا ثياب





الضمادا : ينفع أروح بسروال سنة





وميض : شباب ترا فيه تحت بالفندق محلات تبيع بنطلونات نروح ونشتري منها





رئيس التميز : وأخيرن بيتحقق حلمي





مستر محمد : عشان بنروح لألمانيا





رئيس التميز : لا عشان بلبس بنطلون





اللهذام : بس عندي لكم مفاجئة





أنا : هاه غيرت رأيك وبتقول بنروح لألمانيا وفجأة جيزان





اللهذام : بنروح للألمانيا لكن بالطيارة





الضمادا : يا شيخ احرجتنا .. بالطيارة ليش هالكلافة ترا ما بيننا حيا يعني وأنت كانت نيتك إننا بنروح ببعارين





اللهذام : شف لا تحدن





أنا : لا يا رجال أرجوك لا تحتد أخاف الحين لا احتديت بدال ألمانيا نروح لشرورة





وميض : طيب شباب بروح لم المطبخ بضف المواعين



أنا : لاااااااه وشوله ناخذ مواعين مهب لازم





وميض : يا دحيم منيب شايلن مواعين بس مويعينات





أنا : مويعينات وأنت تبي تشيل طقم القدور من القدر اللي كبر كفي للقدر اللي كبر خشم الضمادا





وميض : أقول إلفقه





رئيس التميز : الفقه وإلا التوحيد





وميض : يالله يادحيم امش لا أتهور وأصفقك





أنا : سمممممممممممم

خلاص وشوله تبونن .. يا شيخ كان يوم تبرعتوا لفسطين تبرعتوا بي موب أصرف





وميض : مير وشلون فاتتنا هالفكرة





أنا :





وفي الجانب الآخر





اللهذام : الضمادا يمال الطيحة تعال يالله تعال وتعلم الإبداع مني شفني وأنا أربط العفش فوق السيارة





الضمادا : ترفق علينا يا اينشتاين ومن زود الإبداع ما نطلع السيارة من الكراج وإلا كل العفش طايح





اللهذام : الضمادا وأنا أخوك الحقني زلقت رجلي وبطيح





الضمادا : أجل ماش الابداع راح





اللهذام : تعالي اسندني يا ولد يا تبن





الضمادا : افاااا تغلط علي وأنا كبر ولدك





اللهذام : تعال يا حبيبي





الضمادا : من يا تبن لحبيبي ما أقوى أنا يا شيخ أشوفك قلبت لبناني





اللهذام: الضمادا تعال خلاص طحت





الضمادا : أول شي قل بطتنا بطت بطتكم مثل ما بطت بطتكم بطتنا





طررررررررررررررربج << طاح اللهذام





فوووووووووووووووم <<الضمادا عض ثوبه وأطلق عصاقيله للريح





مخرج المطار أول لفة يمين







اللهذام : هاه يا مستر محمد وش رايك بهالربيع





أنا : اللهذام ذولن النخل غارستهن الدولة





اللهذام : ايه داري بس أنا قاعد أتدرب عشان لا وصلنا لألمانيا





مستر محمد : والله يا اللهذام إنه ربيعن زين .. هاه وش رأيك حلو جوابي عشان لا وصلنا ألمانيا أقوله





وميض ورئيس التميز :





مستر محمد : هوووووو اللهذام شف ذا المبنى يهبل وين مودينا لبيت الراجحي الله يصلحك





رئيس التميز : ذا المطار



مستر محمد : داري بس أموه بشوفكم عرفتوا إنه المطار وإلا لا << ايه هين





اللهذام : يا نفر تعال شل العفش





نفر : بابا ايس هازا أنتا جايب عفش مملكة





اللهذام : أقول لا يكثر أنت وشعرك هاللي يقوطر زيت





نفر : اقلب وجه مال انتا مالت عليك





اللهذام : تحسبن محتاجك يا الفار هذا عندي الضمادا عن ميه من أشكالك





الضمادا : يمدحون النحشة





الضمادا محمل بالعفوش ودحيم ورئيس التميز من خلفه يطبطبون عليه ويرسلون برقيات التعازي لذويه







اللهذام : وش رايك يا مستر محمد بالمطار





مستر محمد : حلو مرة .. اللهذام كل أبو دايم جبنا لمه نتقهوى بوه





اللهذام : والله يا زين شورك





وميض : أقول تراه مطار مهوب حديقة حيوانات





اللهذام : ما عليك الحكومة حاطته للشعب وأنا و مستر محمد من الشعب





رئيس التميز : أشك في ذلك والله لو الدولة تدري وش بتسوون كان تبرأت منكم وقالت الشرهه موب عليكم الشرهه على اللي خلاكم سعوديين





وإذا بزبيرية اللهذام تلقط خشة رئيس التميز





أنا : رئيس التميز اللهذام ما شاء الله عليه أسلوبه تربوي متحضر





الضمادا : وأنت ما دريت .. د. ميسرة داقن عليه وقايلن له يا شيخ علمني من بحر علمك









وبعد حوستنا في دهاليز التفتيش وركوبنا للطيارة





اللهذام : مستر محمد قوه نجلس هناك





مستر محمد : لا يا اللهذام غدينا نجلس بذا





اللهذام : لا هناك أزين





المضيف : لا وش رايكم تجلسون محل الطيار





اللهذام : مهيب شينه والله وش رايك يا مستر محمد





المضيف : وأنــت مغير جيدن لي بمستر محمد ترا أنا بعد عندي مستر بن





المهم جا المضيف وقام وقعّد كلن بمكانه وطبعن حامت تسبده من اللهذام من يوم ما جلس وهو مغير يناديه





اللهذام : يا أخ شف ذي الحرمة شله من جنبنا ماش خبرك معي مستر محمد ويوم جلّس حرمة قدامهم



قال مستر محمد : ماش يا أخ ما يصير حرمة تجلس بجنب اللهذام





المضيف : بس الحرمة موب جنبكم بالصف اللي قدام اللي قدامكم





مستر محمد : ولو ياخي يعني أقل من عشر أمتار ما أقبلها





بالنهاية ويوم انفقعت مرارة المضيف خلا المكان فاضي





طبعن أنا والضمادا ورئيس التميز ووميض جلسنا جنب بعض و عطينا رشوة للمضيف يبعدنا عن اللهذام ومستر محمد كود نرتاح مير وش نقول حتى وحنا بعيدين ما سلمنا

أجل فجأة وقبل لا تقلع الطيارة نسمع صوت اللهذام : دحيم هل تسمعني تعال لمي حوووووول << جايبن معه مكبر صوت









طبعن أنا تلطمت ورحت لم اللهذام





أنا : يالحبيب بغيت شي





اللهذام : لو سمحت ناد لي دحيم





أنا : أنا دحيم





اللهذام : دحييييييييييييييم فلذة تسبدي





أنا : ماش انفضحت ياخي قصر صوتك ما تشوف هالمضيفة قريبة منا





اللهذام : رح قلهم إننا نبي قهوة خبرك مستر محمد معي فشيلة ما أقهويه





أنا : أقول وهو بيت أبوك اركد مير ترا يقولون اللي يجلس عاقل بيعطونه كرتون





تمر سكري يحبه قلبك





اللهذام : تقوله صادز





أنا : ايه حتى شف ليش هالمضيفة تدور كل أبو شوي عشان تشوف من المؤدب

ومير يتكتف اللهذام ويرفع ايده





ومير تجيه المضيفة





اللهذام : سجلي عندتس تراي مؤدب وأحل واجباتي دايمن





أنا : << والله بعذري





و فجأتن ...





طن طن : أيها السادة المسافرين حان الآن موعد إقلاع الطائرة لذلك نرجو من الجميع الربوض في أماكنكم و تهجيد بزرانكم ترا ما تسهلناكم بلحالكم نتسهلكم مع بزرانكم . وشكرن << أسلوب





ومير يجي اللهذام يربط حزامه ويربط لمستر محمد الحزام و مير يفك حزامه و يقوم اللهذام ويربط لكل اللي حوله عشان يصير متعاون مع بقية الطلاب أقصد المسافرين ويعطونه التمر





وأنا و الشباب ربطنا أحزمتنا





و مير تبدأ الطيارة تمشي ويوم بدأ الطيار يلف خلاص عشان يقلع وإلا ما تسمعون صوت اللهذام : يا ويحي ويحااااااااه ياربي لا تخسف بنا ياتسبدييييييييييه أريدُ أبي <<الحين طلعت الفصحى





الضمادا : ساااااااادة قايلن لك خلنا نروح لم جيزان ما طعتني طيرانهم حلو يخزي العين





ويوم ارتفعت الطيارة شوي إلا يبدأ اللهذام يصارخ : أريدُ أبي أريدُ أمي أريدُ شريط عدنان ولينا << يا إني بنلزخ





ويوم ارتفعت الطيارة أكثر وإلا نسمع صوت

بووووووووووم





قائد الطيارة : عفون أيها السادة الركاب سنضطر للعودة للمطار وذلك لأن كفر الطيارة بنشر وما بوه على طريقنا لألمانيا بنشري رخيص





مستر محمد : يا ويحك يا بو عاصم هذي نهايتك الحتمية اللهذام تحبني





اللهذام : ايه أحبك حتى حبك خاارقن قليبي ومخليه كأنه منخل





بو عاصم أنت ما تدري وش كثر أحبك أنا أحبك كبر بيتنا





مستر محمد : وأنا أحبك كبر عمارة العويضة





اللهذام : أجل أنا أحبك كبر برج المياه





مستر محمد : أجل أنا أحبك كبر بريدة بمبانيه << بزران





المضيف : أنت وياه واربطوا أحزمتكم زين





الضمادا : الكاسر تهقى الحين اللهذام يهون لا رجعنا للمطار





أنا : والله ما استغربه على هالشويب << أشهد أنه لا إله إلا الله <<يتشهد على روحه عشان التكفيخ اللي بيجيه من اللهذام زاد غسل شراعه





الضمادا : أجل خليني أروح اصرفه





أنا : كودن أروح معك وأدهن سير مستر محمد بعد





رئيس التميز : ايه حنا ما صدقنا نسافر





وميض : صح محرومين طول عمرنا من السفر ولا قلنا بنسافر قال مستر محمد يا زين حوش البيت





ويوم وصلنا لمهم





الضمادا : اللهذام





اللهذام : لا تحاول بنرجع لم بيتنا





الضمادا : داري بس حرام عليك ما تاخذ كرتون السكري وهو من حقك أنت مؤدب حرام ما تطلع الأولي أقصد تاخذ التمر





اللهذام : ايييييييييه والله عاد هم بعد بيضيق صدرهم كيف ما آخذ التمر وأنا وسيم << عرق بالعايلة الوسامة الظاهر





الضمادا : الله يحوم تسبدك أقصد ايه وشلون ما يقدرون شيافتك أقصد وسامتك





اللهذام : ايه زين سويت وذكرتن بالموضوع





أنا : مستر محمد





مستر محمد : لا يكثر يا زين بيتنا ولا بغيتوا نكشت نطلع بحوشنا





أنا : مستر محمد ترا اللهذام لو يرجعنا للبيت بنرجع للشغل والتعب والتنظيف





مستر محمد : صح





رئيس التميز : وترا الشغل بيكسر ظهرك ثمن بتشيب وأنت توك بريعان شبابك





وميض : اخصصصصص يا رئيس التميز أجل ريعان ياخي من زمان أقول إنك مثقف





رئيس التميز :يوووووه الحين زادوا المعجبين بي إذا تبين أوقع لك تراي أبصم << أجل مثقف وبصمة





المهم ويوم سنعناهم رجع كل واحدن بنا لم مكانه

وبعد نص ساعة





قائد الطيارة : طن طن أقصد أعزائي الركاب تم تصليح كفر الطيارة وسنقلع الآن وبمشيئة الله كل شي صار تمام





اللهذام يرفع أصبعه للمضيف وجاه





اللهذام : سجل عندك أتفقد كفرات سيارتي قبل ما أسافر موب مثلكم

<< يا هو صدق ما ينقال له شي





المهم أقلعت الطيارة وحنا بالهوا طايرين بدوا يقدمون الأكل

و مير يوم وصلت المضيفة عند اللهذام

اللهذام : لو سمحتي أبي زنجبيل





المضيفة : what ??





اللهذام : ما شااااااء الله حتى زنجبيلكم ماركات خلاص جيبي لي زنجبيل وت





مستر محمد : لو سمحتي جيبي لي كسيرة مرة كود أغطسه بقهوتكم





المضيفة :what??





مستر محمد : ما شاء الله ماركة وت مشهورة حتى المرة عندهم





طبعن حامت كبد المضيفة طول ما هي عند اللهذام ومستر محمد وما صدقت خبر تروح من عندهم وكأني وإذا بي شفتها تكتب اعتزالها عن عالم الطيران





المهم والناس هايجة ذا ماسكن جريدة وذي تسكت بزره وذا يقول لمرته سكري نقابك وذا يقول للمضيفة لو سمحتي وين المره ما جت <<< مستر محمد





فجأة << يا كثر مفاجئاتك





واحدن يقوم وله شوشة صايرن به تقل خروف نعيمي









الشخص قام وأطلق رصاصة









والناس قاموا يصارخون ومستر محمد يقول : اللهذام هونت عن السفرة لا عادت تكفى نزلني من هالطيارة





الشخص : كلكم اسكتوووووووووا قصم لو أحد يصرخ وإلا ينطق يا ويله بذبحه بهالمسدس





اللهذام : طيب ما يمديني أقول أنشودة يا مكة كود تريح أعصابك





الشخص : أقول لا يكثر





اللهذام : افااااا تقول لي هالكلام وأنا كبر أبوك يالهيص





الشخص يقرب من يم مستر محمد وقال من ذا





مستر محمد : تراي ما أعرفه وأصلن أوووول مرة أشوووفه إلا من أنت << جحده





اللهذام : يمستر محمد تجحدن عند هاللي ما يسوى





الشخص : أقول انطم لا قصم لا أطلق على دمجتك رصاصة وتروح فيها





اللهذام : شف يا وليدي وش رايك أعطيك التمر اللي بيعطونن إياه عشاني مؤدب << قصم ينرحم مصدق





الشخص : أقول انطم ولا يكثر





اللهذام : سم





رئيس التميز : اللهذام وين اللي تقول لنا قوي وقوي ومحد بقوتي وأنا نطحت أسد بالغابة وفزت عليه





اللهذام : ايه و أنا أخوك بالغابة موب بالطيارة





الشخص : اسمع يا قائد الطيارة أبيك تروح لم ملاوي ( ملاوي = دولة افريقية )





اللهذام : وشو نروح لم كلاوي ما يحتاج أجيب غنمه وأبطحها لك وأعطيك كلاويه وشوله نروح لمه





الشخص : أقول يا صبر الأرض عليك





قائد الطيارة : طيب ما معنا بنزين إلا اللي يوصلنا لم كلاوي أقصد ملاوي لو تعدينا المسافة المحددة عندي بنطيح





الشخص : نمر أقرب محطة بنزين ونعبي





قائد الطيارة : طيب معك فكة





الشخص : ولا يهمك جايب معي مصروفي





قائد الطيارة : أجل مشينا





أنا : هيه وشو تودينا لم كلاوي لا ما يصير





و مير يجيني الشخص ويمد مسدسه على جبهتي





أنا : يقالك تخوفن مالت عليك موب أنا اللي أخاف من مسدس





الشخص : أجل وش تخاف منه





أنا : الصارور << برااااااا





الشخص : وشو اللي موب عاجبك أنت هاه





أنا : الحين يوم ربي قدرك وخطفتنا تروح يالدلخ لكلاوي أقصد ملاوي هذي مجرد تسرق لك محفظة أي أحد توديك لمه وترجعك بعد يا غبي استغل الفرصة وأسرق فلوس الركاب وخلنا نروح لم جيزان ونلبس الوزرة << يا قلبي يا أنا ودي ألبسها





الشخص : تقوله





أنا : ايه بس توكل وسوا اللي قلت لك عليه





طبعن كل الركاب يناظرونن بنص عين مدري ليه يعني هذي جزاتي بوديهم لم جيزان

المهم الخاطف دار على الكل وجمع كل فلوسهم وجان





الشخص : هاه وش رايك وش أسوي الحين





أنا : خلاص الحين نمر أقرب محطة نعبي بنزين وثمن نروح لم جيزان





الشخص : طيب وش رايك نروح نعبي بنزين بنيويورك وهمن نروح لم جيزان عشان نسوي زي الأفلام





أنا : لا أنا مقاطع





رئيس التميز : حتى أنا





الشخص : محد طلب رايك





رئيس التميز : مخشت مشاعري يا مجرم





الضمادا : تبي ديتول





المهم فجأة قائد الطيارة : يالخاطف تسمعني





الشخص : اييييه وجع





القائد : مركز المراقبة بيرسلون لنا طيارة ثانية ويقولون إذا ما عندك مانع نحط به الركاب وأنت تاخذ الطيارة لك بلحالك عشان يمديك تاصل قبلنا وتصير الأولي

الشخص : اييييييه والله صدق خلاص موافق





المهم وصلت طيارة الإنقاذ ويوم بدوا يفضون الطيارة وأنا طالع وإلا يمسكن الشخص وقال كلكم روحوا إلا ذا والشباب اللي معه أبيهم يبقون معي





أنا : يعني شف ترا ما تسوى علي إن قلت لك أسرق ياخي بروح أنا والشباب





الشخص : أنت عبقري وابيك معي وتصير مدير أعمالي





أنا : هي مهيب شينة خصوصن في وجود البطالة المنتشرة مير أضمن وظيفتي قبل لا أتخرج << ثمن استدركت << والله المفروض يحطونن وزير أجل قلت استدركت

بس ماش الهند طلبون أصير وزير هناك





رئيس التميز : وأنا بعد طلبون أصير رئيس





الشخص : محد قال لك تكلم أنت





رئيس التميز : وراك علي بس تهاوشن شف الضمادا ووميض عندك هاوشهم موب بس أنا أنا الحيطة المايلة هنا ليه لييييه << المعذب رئيس التميز





الضمادا : يمكن يبي لك زيادة اسمنت عشان تعتدل





وميض : ترا عندي عمال إذا تبون





مستر محمد : اسمع يالخاطف ترا موب زينه بحقك تسوي كذا وين الاتيكيت عنك





الشخص : الكتكات





الضمادا : لا يا ذهين يقصد الكيك





رئيس التميز : عساه بالشطة





أنا : من راح يقوووووووود الطيااااااااارة وجععععععع





الشخص : أنا





أنا : تعرف له طيب





الشخص : لا بس بجرب





أنا : وجعععععع ذي أرواااااااااااااح وشلون الحين بنطيح يعني





اللهذام : واقلبييييييييييه أنا زاد وشلون ما تبريت منكم





رئيس التميز : ولا يهمكم أنا أعرف أسوق الطيارة << تسوق أجل





الضمادا : تعرف ؟؟





رئيس التميز : اييييييه أنا أعرف أسوق سيكل أبو ثلاث كفرات والطيارة بثلاث كفرات يعني زي بعض





أنا :





وميض : إلا يا شباب استغفروا ربكم وتشهدوا عاد أنا ما قلت لكم ترا رئيس التميز أمس وهو يسوق السيكل منقلب فيه لأنه ما يعرف يلف





أنا :





اللهذام : شوفوا دامنا رايحين فيها خلوه يسوق حنا بالحالتين ميتين أكيييييييد





مستر محمد :لااااااااا ولا مت من يرث فلوسي





الضمادا : تكفى يالوليد حدك ريالين ولا وواحد بهن ناطله من وميض أمس





وميض : وشو وأنا طول أمس أقول وين ثروتي راحت << ريال وثروة أشوا إن الراجحي مو معنا بالمنتدى وإلا طيحة وجه





رئيس التميز : هاه أسوووق تكفون خلون أطلع مهاراتي المكنونة تراي أطلق من بيتر لمن كان يسوق الزلاجة مع هايدي << يقطع أبو أمثلة تعرفها



المهم سلمنا حياتنا والدركسون لرئيس التميز

وبدأ رئيس التميز بمهاراته الفردية

رئيس التميز : شباب تتحدوني أمشي والطيارة مقلوبة

وإذا برئيس التميز يقلب الطيارة وحنا ننقلب معها صرنا بالسقف والكراسي فوق





الضمادا : يا قلبيييييييييييييه بس تكفى يا رئيس التميز يكفي <<< متأثر بالحملة المرورية





اللهذام : رئيس التميز تكفى بس خلنا نرجع للبيت قسم لأعلقك من أذانك << وهو فيها بعد هالقلبة رجعة





مستر محمد : يا ناس وشلون نخلي هالخبل يسووووق الطيارة





وميض : مويعيناتي راحن فيها





الخاطف : لا أبوكم لا أبو من خطف طيارة أنتم فيهااااااااا رجعوني للديرة والله رعي الغنم اصرف لي منكم





رئيس التميز : نيااهاهاهاهاهاهااي ونااااااسة شباب تبوني أسوي حركة الدودة





اللهذام : دودة تركب راسك يالمجرم يالـ ( وع )<< ياي





رئيس التميز : نيااهاهاهاهاهاهااااااي خلاص رحمتكم بسوي حركة القنابل العنقودية استعدوووووووووا نيااهاهاهاهاهاههاهااااا





الضمادا : يالارهااااااااااااااااااابي يا ويييييييييلي ويلاااااااااااااااااااااااااه

بطنييييييييييييييييييييييي أحسه طار وجا جنب عقلي





وميض : أنت أهون على الأقل ما زال موجود حكيك على اللي ما يدري وين بطنه





أنا : رئيس التميز انتبببببببببه بنطيح بالمحيط الهندي انتببببببببببه





رئيس التميز : لا تخااااااااف المحيط الهندي لا تخاف منه تراي كفيله





الضمادا : كفلك الشر والحد الأقشر يا شيييييييييخ بس يكفي





رئيس التميز : والآن نبي ندخل بالمحيط بسلم عليه





اللهذام : خبببببببببببببببل خبببببببببببل





رئيس التميز يترك الدركسون ويجي لم اللهذام : أنا خبل يالهدر





اللهذام : ياوييييييييييييلي الدركسون متنااااااااا





رئيس التميز : أحسن ليته





اللهذام : تراك يالذهيييييين معنا





رئيس التميز : هاه ايه والله صح نسيت وعووووووووووك





ويركض رئيس التميز ويمسك الدركسون

وطلعنا من المحيط بس بعد ما أخذنا معانا سمك للعشا

المهم بقى رئيس التميز بس يسوي لنا من حركاته اللي ما ندري وش تبي أجل عمركم سمعتوا عن حركة اسمها حركة رئيس التميز الشجاع القاضية





وفجأة << الله يقلع من علمك هالكلمة تراك طفشتنا





توقفت الطيارة





رئيس التميز : شباب اعذروني البنزين قضى وما فيه محطة قريبة حتى السحابة اللي تو عديناها ما فيها إلا بقالة





الخاطف : تدرون الشرهه موب عليكم الشرهه علي اللي خطفتكم عن إذنكم





الضمادا : إذننا وإلا خشومنا





الخاطف : قسم لو فيه بس قطرة بنزين كان صفقتك بس مابوه وقت

أنا معي مظلة بنط ودبروا أنفسكم





وإذا بالرجل يفتح باب الطيارة وينط



مستر محمد : يا قلبيييييييييه وش السواة ما بالطيارة مظلات





رئيس التميز : لا ما بوه





وميض : شباب أنا معي شراع كلن يمسك طرف وننط ما بوه حل غير كذا





اللهذام : هاته هذا آخر أملنا





وميض : طيب بس مدري وينه





اللهذام : ياربيييييييييه أنا وش مسوي عشان أتعاقب بهالنااااااااااس





الضمادا : شفه الخبل رئيس التميز جالسن فوقه





اللهذام : رئيس التميز الشرررر جب الشراع خلنا نلحق ننط قبل لا نصقع بالأرض





رئيس التميز : وراه أنت مو إنسان مؤمن خلاص إرضى بقدرك





مستر محمد : ترا قسم لو ما تضفونه عني لا اذبحه





اللهذام : هاته لا قسم أكون جادعك بالمحيط





رئيس التميز : عاد أنا كفيله





وميض : وجععععععععععععع جبه



رئيس التميز : طيب لا تنفخون وشوله مستعجلين





أنا : يا ذهييييييييين ما بقى إلا شوي وتعض خششنا الأرض





رئيس التميز : هاااااااه وراه ما علمتون





اللهذام : وحنا وش نقول لنا سااااااعة





رئيس التميز أمسكوووووووووووا





وميض : يالله شباب كلن مسك له طرف

الشباب خلاص كلنا





وميض : يالله بعد لثلاثة وننط سوا





1 2 3 ياللللللللللللله

































رئيس التميز : وااااااااااااااااااااااااااااااااااااااااااااااااا ااع ورانا نطير يا قلببببي نزلوني





اللهذام : ما عندي مشكلة أنزلك << يبي يجدعه





أنا : لا تتهور ياللهذام لا تجدعه





رئيس التميز : تحبني يادحييييم





أنا : لا وععععععع بس لو طيحك بنطيح كلنا





رئيس التميز :





الضمادا : شباب شوفوا بناصل للشاطيء





مستر محمد : شباب شوفوا وش مكتوب على اللوحة





وميض : دولة كلاوي أقصد ملاوي ترحب بكم





اللهذام : انتبهووووووا الشجججججججر







طررررررررررررررررررررررررررررببببببببببببببببببببب ببببببببببببببببببببببج























( كان دخولنا لهالدولة الغرييييييبة بداية لمخاطر عديدة راح نواجهها بدولة كلاوي اقصد ملاوي

لكن وش هذي المخاطر ووش راح يصير بنا ؟؟؟

وماذا سيفعل رئيس التميز بعد أن يورط نفسه والشباب بمأزق كبيييير؟؟ هل راح يقدر يطلعهم منه وإلا راح ينشبون بهالدولة للأبد )

ترقبوا بالحلقة القادمة << حركات اكشششششششششن



~ضمن مسابقة ملوك السرعة~

جائزة الملوك لا يستحقها الا الصعلوك

[wméédh]

WOW

[مـغـتـرب]

دحيم ..

ماتعبت وأنت تكتب...


((هذا الرد ضمن مسابقة ملوك السرعة))///عنــاد

[دحيم السابع عشر]

وميض

هلا بمصممنا

الا على طاري تصميم

وين معزبنا <<< ما ادري وش ابي

[دحيم السابع عشر]

اقتباس المشاركة الأساسية كتبها الـطـرطـعـانـة دحيم .. ماتعبت وأنت تكتب... ((هذا الرد ضمن مسابقة ملوك السرعة))///عنــاد

لعيون الصعاليك كلو يهون يا بعدي

هذا رد ضمن مجموعة مال صعاليك

[عبدالرحمن الشايع]

.


آح آح آح آووكـ .. !

والله يآنآ مـليت من القرآيه يوم وصلت ربع كلامك .. !


تف عليك مآشآء الله ..


بـ كمل بكرى ..


تآبع لملوك maD spEeD

[دريم]

ههههههههههههههههههههههههههههه
بحل يا مستكة على كثر هالقرق
تنسيم يادحيم السبعطعش ,, وراك بس ماتخلي مجموعتكم و تصير معنا ترى عندنا أتاري و سوني خمسه
و عندنا بسطه يبيع به الخفاش تشري اللي تبي و اللي براسك و إن بغيت تضفه كله ماعندك مشكله
بس اللهم تحاسب إذا قضيت

أجل تناظر النمل و هن يشتغلن ههههههههههههههههههه و الله من الفضاوه
تصدق يجين أوقات أشوفهن .. تشوف ثلاث يتشاقلن حبة رز و همن إذا أبعدن عن شلتهن هن و حبة الرز و رجعتهن من جديد
الصراحة أسلوب مشوق مع إني ماقريت إلا الربع الأول و تعبت <<< الربع الأول أو الشاص الثاني هاهاها << وع و الله من الملاغه

لي عوده بعد قراية الموضوع تسامل ..

يتبـع ملوك السرعة دمـّ

[اللهذام]

..

هلا بدحيّم وهلا بسواليفه تسيف أنت تسذا دايم مهب يقضي قرقك أبد << وش هو تحطيمه

أقول وراوه مختفي له 3 أيام توقعت انك متفاعل مع أحداث غزة وزعل وقاعدن بالبيت واكتشفت انك قاعدن تكتب قصة رحلتنا يالواوي

..
لكن اسمع ياصعلوك : إياي واياك تطلع فضايح الرحلة << هو بوه شيّن ماقاله !
ولا تراي أبكرشك من مجموعة الصعاليك المؤدبين << أجل مؤدبين
.
على طاري أشوفك ساحبن على بعض الصعاليك الثانين ولا ذولاك يطبون علينا بملاوي !
..

ماودي أكثّر قرق عشان ماتروح هيبتي << لاعمرك تطنز بدحيّم بس
..


لي عودة اذا احتمى الوطيس

[دحيم السابع عشر]

اقتباس المشاركة الأساسية كتبها @جرّوح@ . آح آح آح آووكـ .. ! والله يآنآ مـليت من القرآيه يوم وصلت ربع كلامك .. ! تف عليك مآشآء الله .. بـ كمل بكرى .. تآبع لملوك mad speed

قل ما شاء الله عشر مرات

انتظرك اذا كملت يا خلفهم

[دحيم السابع عشر]

اقتباس المشاركة الأساسية كتبها دريم ههههههههههههههههههههههههههههه بحل يا مستكة على كثر هالقرق تنسيم يادحيم السبعطعش ,, وراك بس ماتخلي مجموعتكم و تصير معنا ترى عندنا أتاري و سوني خمسه و عندنا بسطه يبيع به الخفاش تشري اللي تبي و اللي براسك و إن بغيت تضفه كله ماعندك مشكله بس اللهم تحاسب إذا قضيت أجل تناظر النمل و هن يشتغلن ههههههههههههههههههه و الله من الفضاوه تصدق يجين أوقات أشوفهن .. تشوف ثلاث يتشاقلن حبة رز و همن إذا أبعدن عن شلتهن هن و حبة الرز و رجعتهن من جديد الصراحة أسلوب مشوق مع إني ماقريت إلا الربع الأول و تعبت <<< الربع الأول أو الشاص الثاني هاهاها << وع و الله من الملاغه لي عوده بعد قراية الموضوع تسامل .. يتبـع ملوك السرعة دمـّ

هلا والله بدريم

شف من ناحية اجي معاكم لي الشرف

خاصة اني ابفتك من خشة اللهذام

لكن للأسف عطيت اللهذام كلمة

وانا كلمة وحده

مهب مثل اللهذام

<<< كأني زودته مع المدير

على العموم مشكور على مرورك يالغالي

[حـنيت]

ههههههههههه



لاهنت على الطرح

[nama-الشامخ]

هههههههههههههههههههههه
شكلك مختفي تتابع النمل يادحيم
انتظر البقية ولك مني تحية..
شكرا لك

[سعداف]

ضمن مسابقة ملوك السرعة ~

[MOONDRASS]

والله
حركات
يادحيم
السابع عشر
ابداع
وإمتاع

لوسمحتم تقبلو مروري عضواً جديداً معكم