[مدحت شوقي بريده]

اقتباس المشاركة الأساسية كتبها ملكة الرومانسيه ايه تحتاجون ! عالاقل تلقون شي يلهيكم عن انتقاد الناس والتقاط زلاتهم

طيب جلسات الكراث حقات الحريم ..

هذولي يبي لهم ( ملاااااكمة ) مهوب كرة قدم .. ويالله يالله يلهن ..

اللي يسمعهن يقول هذولي جلساتهن .. كله جلسات ذكر ..
ومن قوة الايمان .. اذا اجتمعن قعدن يسمعن لبعض من القرآن ..


وهن والله ماغير لحط بهالعالم ..



************



وشفتي فلااااااانه طلقة رجله .. بس فكه الله ماتمت الطلقة ..

( هو ) وشلون ..

وهو يقول انتي طالق .. عض لسانه .. وماكمله قال انتي طال أأأأح ..
قال الشيخ لاماتصير طلقة ..



***********

الا على طاري الطلااااااااق ابنشدتس عن هيلة البراهيم ..
وش صار عليه .. هي الى هاللحين ماحملت ..

لا ماحملت .. بس انا اللي اعلمتس ..
تبي تصير مثل اخته منيرة .. تبي تكبهم جميع .. وافطني له باتسر ...
وقولي ماقالتوه مزنة ..



***********



الا ماقلت لكن ..
تدرون من شفت امس بالسوق ..



شفت بدرية المحمد .. داخلتن محل النعال اللي بالمجد ..
عرفته من بنيته ..
مشلهبتن بهالسوق .. ياخيتي مادري وش عنده ..


ايه .. انتي ماتدرين يابنت الحلاال ..
اخته مريم اللي ماابطت معرسة ..
معه رجلن .. معلقة مع هدب عيونه .. هولة اعوذ بالله ..
مايطيعة تدخل السوق ولا يودية ..
ومايتقضى لبنياته الا اخته بدرية ..





يابنات خلن عنكن النااااااااااااااااااس ..
والله ماينفعكن هالحتسي .. اذكرن الله ..
<<((== وش عقبه عقب ماتسمعت وأخذت الأخبار ..



نسلم عليكم ..


سي يو ..