[يـــاســـر]

السلام عليكم ورحمة الله وبركاته
ماهي البلدية
تعريف(البلدية هي التي تحافظ على البيئة في الوسط الداخلي والخارجي) هذا قول صحيح و واقعي
لكن هناك أمر ولكل مشروع يقع فيه ضحايا و الأخطاء تقع من كلِ إنسان
فحبيت أنبه على هذا الخطاء
وماذا وماهو هذا الخطاْ
أتحداك تدرون هههههعععععـ


المطاعم والبلدية
دريتم!!!!!مهب أنتم اللي جبتوه أنا اللي جبته صارت هوشة المهم
اللحين إذا رحت أنت وإخوياك في حديقة الملعب أمام الأستاذ الرياضي
أو حديقة المنتزة أو أي حديقة في بريدة أو مملكتنا الحبيبة
الواقع إنك تأخذ من المطعم ولا لا
الحين أنت تروح للمطعم وتشري الروست بـ7 والبروست بـ12 ريال أقل أو أكثر
وتأخذ من المطعم طلبك وأنت مستأنس فاله أنت وإخوياك
و همن رحتو وجلستو تفتح طلبك (روست ولا جامبو) "بس هذي لأنها طلباتي بالعادة"
المهم
وتاكل وأنت مستأنس وهمن تقضي من الأكل وشبعت وأنت مستأنس
همن بعد شوي تجد "متعوباً عليها وش قال قال يقول تجد"
أن بطنك يوجعك همن تشك في نفسك هل هو مسموم ولا لا
همن يوجعك أقوى وهمن "على طاري همن وش أخباركم مرتاحين الحمد لله"
تروح للمستشفى يكتبون حالة تسمم من وين العشاء ياخوي والله من المطعم الفلاني
تجي البلدية تعطي المطعم غرامة 10000 ريال أقل أو أكثر وهذا حق للبلدية صحيح ما أقول شي
لكن ياخوي أنت المتسمم وأنت اللي تعبان ولا يجيك شيء أقل شيء إذا كانت 10000 ريال يعطونك
1000 ريال ترضية

أَعلم أن هناك شروط للتسمم عند البلدية منها أن يكون حالة التسمم تقع في أكثر من 3 حالات
ولا تنسى أخي المواطن "متعوب عليها كل الليل وأنا أفكر فيها وش قال ؛ قال مواطن "
أن المطعم إذا علم أن هناك سوف تقع حالات تسمم من سبب التاريخ الصلاحية وضع شحنة رمل ؟ ؟ ؟
"اللي يبي يفهم يفهم واللي مايبي يفهم لا يفهم يعني زبره كبيرة من الرمل؛ فوق متيرين ونصف ولا تدري لا بدون النصف"
*عاد خلاص كثر التنكيت وأنت ماتعرف تضحك واشلون تنكت*
وكتب على باب المحل للتقبيل (أقهر شي عندي للتقبيل)

يا ناس يارجال ياعالم يا شباب يا بشر

هذا هو الواقع

فهل ترضاه لنفسك أو لأخيك أو لمسلم

معاليش أنا كثرت التنكيت مع أني جاد في الموضوع بصراحة

أخي لا تروح أنا بإنتظار تعليقك على الموضوع وبإنتظار رأيك

أشكرك أخي على المرور

ولا تنسانا من دعائك

[dhym]

ممكن تكبر الخط لوسمحت ترى الشوف عندي شجر

[زائر_008]

ياليت احد يدغدغن حتى اضحك

[ابريداوي عاشق]

اصراحة كسل اقعد اقراء الكتابه طويله ونبي نلحق علي المواضيع الثانيه تعرف حنا مهمين

ههههههه

بس جازلي العنوان (((( بطني والبلدية)))



sh.7072@hotmail.com

[الصقيع]

مافهمت

انت عطيتن اكثر من سوعال

يليتك تفهمن شوي ولا تزعل علينا

[أبوأسامة300]

همك انهم يعطونك ترضية.. تراه كثيره 1000 قل 100 اكثر شي..

[بريدة دانة العرب]

ماتلا حظ ان كل السالفه همن همن هههههههههه ترى كل الناس يقرون موضوعك يعني لازم يفهمون يعني فيه ناس من الرياض يقول وشي همن يحسبها وجبه مثل الروست يعني لازم تترجم وشكررررررررا بالنسبه للبلديه ياخذون الغرامه ومادري وين يودونها والسلام

[غريب احساس]

بطنك والبلديه
واااااااااااااااااضح من العنوان