[شقاوي بريدة]

صبـاح الخـيــر

مراحب للجميع

(( إصبر على دنيااااااااااااااااااااااك ))

عزي لمن ظرفه على الناس حده ******* يقعد بها ما بين ناقد وثرثار

هني من يلقى خوي يعده ******* صدوق ما عنده تصاريف واعذار

ياقف معه ما فيه عذر يرده ******* لاقال تكفى ما يملص ولابار

هذا ان وجدته جوده لا تهده ******* حذار تفرط فيه لو صار ما صار

واعلم ترا ما كل شخص توده ****** مفروش لك قلبه موده ومقدار

بعض من أصحابك لو الود وده ***** تصبح فقير ولا معك ربع دينار

خبيث نية لو تصافحك يده ******* ظاهره زين وجوفه أسود من القار

مهما تسوي فيه عشه وعده ****** يغسل يديه ومثل ما كان بوار

ولا الخوي تلقاه عكسه وضده ***** أقل ما فيها خوي طيب أسرار

واياك تنخا أهل الوجيه المصده ****** يغنيك عنهم خالق ابليس من نار

واصبر على دنياك في كل شده ****** وأبشر بخير ان كنت مؤمن وصبار

ما با القصيدحاجة مستجده ******* أشياء معاده والهدف بين تذكار

وصلاة ربي تبلغ اللي نوده ******* المصطفى من ربه الشافع البار
---------------------------------
وسلامتكم وصح السان من قالها والحقيقه اني مادري من قائلها بس انها أعجبتني وحبيتها وكتبتها ابي تقولون رايكم فيها
واسمحوا لي اذا كان هناك اي خطأ
تقبلوا تحيات أخوكم (شقااوي بريدة)

[‏!مدحدره نحو القمه]

مافيك حيله وفالك البيرق
)¤.¤( صح الله لسان قايلها عزالله انه جابه على الجرح ومشكور ع النقل نترقب جديدك من الآشعار