[=> قناص بريدة <=]

[align=center]


تحية طيبة وبعد ....
عندي طلب .. وهو بإذن الله جاي لمي ببريدة ضيف من الرياض له تقريباً
12 سنه ما شاف القصيم وراح يقعد إربعاء وخميس وجمعة إلى العصر
وودي أسوي له برنامج تمشي ومطاعم فأبي مساعدتكم لي بإقتراح المطاعم والأماكن
اللي تستحق الزيارة .
[/align]

[الوزير الفدرالي]

خذه غداء بفندق موفنبيك وبعدين رجعه يقيل والعصر خله يتفرج على بريدة من تحت ..

وقبل اذان المغرب رح به لم البرج

[*سـكـر خـشـن*]

بالنسبة للمطآعم سينيز فيشون تشآو بموفنبيك
وحـلـوو بعدهآ تحتسوون القهوة من فن جن كيف او بيت القهوة العالمية

الآمآكن

البرج جآمع محمد بن عبدالوهآب قبة رشيد النخيل بلآزآ سوق الجردة شآرع الخبيب توديه للسنيدي
تتمشون بالسيآرة وتسولف له عن المشآريع اللي تحت الآنشآء تروحون للحدااائق تلعبون بملآهي الحكير وتبآشر عليه من بآسكن روبنز




اتمـنى لضيفك اقآمة سعيدة . . وشـكـراا

[الــمـدلــع]

اخوي قناص بريده
اول شي خذله غدا تيس من مطبخ الروشن الي بعد كبري الراشديات على اليسار
وبعدين تمش فيه على بريده من الجنوب الى الشمال
والعشاء عندك مطعم عمو حمزه وعندك الشام شامك
وترا الطريقه مجربها انا مع شخص عزيز على له 10 سنين ماجاء لبريده
وتقبل تحياتي

[رَمــــــآد ~]

هههههههههههه ووش فيهم هم وردودهم واحد يقول خله يقيل العصر والثاني يقول روحوا لملاهي الحكير

قبل كل شئ ماوضحت هو هاادئ عشاان يوضح لك الاماكن المناسبه له ..{ يبغى له كفي هاادي وعشاء فالموفنبيك

ولا رااعي كشتات وفله ,,, يبي لك تكشت فيه بكل مكاان بالقصيم

ولا كبير فالسن يبي لك توديه للمستشفى >>>هع هع

[YAAZEED319]

شف
خذه االمغرب
اما النهار لاتطلعه ههههههههه
بالليل عشان كل شي مكشوف يتغبى
ووده لاي مطعم ا قرب شي حق شاكر

[معاند الحب]

اخوي قناص .
شوف خويك مو جايك الا من معزته لك ويبي يتمشى
انا بشاركم الراي
اول شي اول ما يجيك اكيد تستقبله وتوديه لبيتكم وتوجبه بما تجود به نفسك
ياليت تبدون في احياء بريده لأن اهل الرياض مالين من شي اسمه مجمعات ومطاعم لأنها في كل مكان
وبعدها اذا كان يحب البر حاول تطلع انت وياه مع واحد او اثنين من الزملاء
وبعدها مشيه على المعالم والضاهر انا ما عندنا معالم ببريده معالمنا سوق الجرده
وحاول انك تمشيه في المحافظات القريبه من بريده مثل عنيزه البكيريه العيون
واذا تبي مطاعم . مطعم الشام شامك جوه مره حلو للجلسه

[المستشار]

و الله ما ألومك إذا بلشت وين تمشي خويك هههههه الصراحة ببريدة تبلش ما تدري و ين تروح ..

و الله بالنسبة لي ، فأنا أقول على حسب خويك ذا وش يصلح له ..
إن كانه يحب الفلة و الوناسة ، فطامر به بين الربيع ،، ترى الأرض زينة بالحيل بالحيل ..
و خاصة الجهة الشرقية لبريدة ( الشماسية و المستوي و الربيعية و البندرية و ... الخ )
و إذا حولك مخيم شبابي و لا حاجه ما فيه مشلكة مع أني أفضل إنكم تصيرون طرقية ع الخفيف أحسن ..

وبالنسبة للأسواق و التمشي عندك :
- السنيدي ،
- سوق الجردة خله يشري له زبيريات و فروة ..
- و فيه سوق الحرف اليدوية جدا ً جدا ً ممتاز و أنا ما أمل منه صراحة .. صح أنهم غالين بس زين للفرجة ..
و فيه بالجردة حراج الحرامية مجمع الشيبان اللي يبعون كل شي و الخطة غمت عادي خله ياخذ له نظرة على هاللي يلعبون على العالم هههههههههه مهبل الشريطية ،، أذكر واحد من الشباب خربانه عندهم الغسالة و بعض القراشيع أخذهن بالصندوق و راح لهم و جاوه أحد الشريطية و قعد يتساوم هو و إياه باللي بالصندوق كاااااامل
على 300 ريال ،، الرجال بالبداية رفض لكن الشريطي أقنعه ، المهم الرجال باع ،، الشريط على طول طب فوق
الصندوق و حرج على الغسالة بلحاااااااااله بس جابت 300 من غير باقي الأغراض ،، و من زود البجاحة الشريطي
قاعد يبيع فوق صندوق الرجال ،،ههههههههههه
- و عندك الخبوب و المزارع و حركات الأولين و البساطة .. مشه بين المزارع و الأرياف وبيوت الطين ..

المطاعم :
- أول مرة خله بالبيت سواء كانت غداء و لا عشاء ، خله ياكل من زادك على شان يصير بينكم عيش و ملح .
- الوجبات الثانية الله يخليلكم العزبة و مرة مقلوبة و مرة مشوي و مرة نثرية و .. الخ الطبخات البرية أكيد
أنت أبخص <==== يحلفون إنه ما بلش

الكفيهات :
ضروري تشوف لك مشب ديكوره طيني و رايق ، و تشبون لكم شبة و تزكه زك من القهوة و الشاهي و الزنجبيل و الحليب .

أما إن كان خويك VIP أو HI MAN ، فالجدول كالتالي ..
الأسواق و التمشي :
* خذ به جوله على المشاريع التي تحت الإنشاء ، و سو نفسك متضايق من التحويلات و الحفريات و أصحى يحس إنك متعود عليهن لا يدري إنهن يعتبرن من المواصفات و المقاييس بكل شارع و في أي حته .
* مشه على موفنبيك ، و خله يشوف القفزة الإقتصادية اللي تمر به بريدة حاليا ً من حيث تواجد هايبر بندة و إكسترا
و العبيكان و جيان و الماركات العالمية بالنخيل و العثيم ) وكيف تطورت بريدة و صارت كله أسواق و بقالات كثار ..
و من أبرز المشاريع التجارية ( بقالة حارتنا ) تراه مهب شينه ،، تخيل ! أنه يبيع عصير أورنجينا تخيل !
أنت تخيلت معي و لا تهز راسك ؟ أنا درت كل البقالات أدور أورنجينا و أخيرا ً ما ألقاه إلا عند بقالة حارتنا )
* من أهم المشاريع الي تستحق الزيارة مشروع صحار ( بس إنتبه لا تعلمه إنهم أول ما حطوا المشروع قالوا للناس إنه لمساعدة الشباب و تيسير أمورهم و الفلة قيمته أقساط نفس الكاش يوم تبقشت الأمور طلعت القيمة بمليون و نص للوحدة الواحدة ) يعني تطلع عليك الغرفة الوحدة بـ ( 170 ألف ريال تقريبا ً ) أنتبه يدري


المطاعم :
- شف مهما وديته لأطلق مطعم ببريدة ما راح يجي شي عند المطاعم اللي بشارع التحلية اللي بالرياض فالله يرحم و الديك أستر علينا الله يستر عليك ، حثه على الصيام و الله لك أجر صدقن ،، أو تدري
وده لم رشوش ، كويس و رخيص .. أمممم لا .. ما يواجه تدري عاد ..
الرجال جايك من بعيد و عاني على شانك ما أردى من ( ذبيحة ) تقوم بالواجب ، و اللي يبقى الجمعية الخيرية تستقبله
خاصة إننا أفترضنا أن خويك هذا يعتبر هاي مان يعني vip

الكفيهات :
+ عندك فنجن كيف ميزته للي ما يحب الأماكن المظلمة و يحب يتفرج على اللي رايح و الي جاي
فنجن كيف ممتاز لأن إضاءته قوية نوعا ما و طريقة تقديمة ممتازة مع الجودة بالطعم ، و تقدر تشغل مقصات الرقبة
على الرايح و الجاي و بإمكانك إنك تمارس هواية الشرافة بحرية مطلقة و فنجن كيف فيه شاشة كبيرة .

+ عندك بريك كفي ميزته للما يحب الإضاء العالية و يبي نوع من الخصوصية ، بريك كفي إضاءته خافته جدا ً تقدر
تقول إنه ظلماء ، بس وينس جدا ً و من ناحية الطعم ، و طريقة التقديم فممتاز جدا ً لكني أفضل فنجن كيف أكثر منه .
و على فكرة بريك كفي ما فيه شاشة ، و كلهن بهن ( واير لس )


و على كل ٍ أخوي قناص ،،
لازم يطب الرجال بيتك ، هذي من أهم الأماكن حتى لو كان البيت متواضع أو لأي سبب ،،
من المرجلة إن الواحد يخش البيت و يشرب فنجال قهوة على الطريقية العربية الأصيلة من صنع الأهل ..


أيييييييه ..
يا زمنا منول ، إذا جاهم الضيف ، أذبحوا له الذبيحة و قالوا لحريمهم شبوا على الغدا ياولد ..
أما هالزمن ،، الخطة مطاعم ،، الله يدبر اللي به خير و خيرة ،،


أشكرك ، يا قناص ،
لأنك صراحة قنصت قلبي من الجذور ، و قلبت علي المواجع و فطنتن أن بريدة ما به مكان تنزرق به عند اللي يجي لمك
من برا الديرة و لا به مطاعم تفتح النفس ،، و لا حاجه ..

[الــنــاقــد]

وأنت تتمشى به حاول انه يطالع فوق سطح الأرض لأنه بصراحه مشكله الشوارع عندنا
وخطط من الحين معين بتمشى به أقصد ناظر الطريق الممتاز مع أن كل بريده شوارعها شينه
ورحبه لموفمبيك قل له هذا أشين فندق عندنا

[المستشار]

اقتباس المشاركة الأساسية كتبها الــنــاقــد وأنت تتمشى به حاول انه يطالع فوق سطح الأرض لأنه بصراحه مشكله الشوارع عندنا وخطط من الحين معين بتمشى به أقصد ناظر الطريق الممتاز مع أن كل بريده شوارعها شينه ورحبه لموفمبيك قل له هذا أشين فندق عندنا

كلام سليم ..
إن حصل تمشى به بـ كابرس صابونه موديل 93 على شان ما يحس بالبطانيج ..
و إن كانكم تمشون بالليل ،، شغل النور الصغير بس على شان ما يلاحظ تعرجات الزفلت و آثار الحفريات ..
و إن كانكم تمشون بالنهار ، ظلل الكاااااااابرس و لبسه نظرات شمسية مغطسات بقار على شان ما يشوف الزفلت و يلاحظ الهضبات و السهول و التلال ..

[k,S,A]

ههههههههههههههههههههههههههههههههههههههههههههههههههههههههههههههه

[خذ ما تبي]

واذكان راعي شيشه وده مقهى كان زمان افضل مقهى عندنا
انتبه توديه لمقهى المنصوره ههههه
الله يستر شكله بتجيني رساله من خوينا الله يستر

[راعي الفزعات]

يارجال رح انت وياه خذا العزبه وطلع انت وياه لزريب تغدا تعشوا هناك اذا رجعتو انت ويا ه ثمن رح عمو حمزه ولا الشام شامك بوعدين رحبه لصباخ ورا التراث تمشو انت وياه



اتمـنى لضيفك اقآمة سعيدة . . وشـكـر

[المستشار]

تنبيه :
أحذر أشد الحذر أنك تجيب الرجال مع طريق ( الشكوى لله ) الطريق فشيييييييلة ..
شف الصورة ..



شكل اللي مخطط الطريق و احد حسران و عرج ،،
مهب معقول الطريق ،، ما تقول إلا عصى ماوكلي ..