[مجوده]

مـادام حبـك داخـل القلـب مـزروع
مالـك ومـال الناس...خلّـك معـايـه
صرت اعشقك والعشق واقـع ومشـروع
اصبحت لي يا زيـن الاوصـاف غايـه
تعال واشعل فـي سمـا حبـي شمـوع
تضـوي متاهاتـي وتضـوي سمـايـه
تعال .. ليش الخوف ... ليش انت مفزوع
انـا المعـذب وانـت بلـسـم دوايــه
تعال حبـي لـك مـدى الدهـر مدفـوع
وبأكتبـه لـك قبـل موتـي وصـايـه
معاي عيـش العمـر مرهـف ودلّـوع
خـذ كـل وجدانـي وكـامـل دفـايـه
وتهيم في موطن مـن الـورد مصنـوع
واهتـم بـك واعطيـك كـل العنـايـه
واشيـل عنـك الهمّ..والغـمّ والـجـوع
واعلمـك فــنّ الشـعـر والرمـايـه
وتصير عـن كـل المتاعيـس مرفـوع
واسكّنـك بالـحـب داخــل حشـايـه
وتحت رجلك تلمـح المـاس مرصـوع
يجـذب احاسيـسـك تظـنـه مـرايـه
ويسيل عشقي لـك علـى شكـل ينبـوع
وادلّعـك وتقـول: ياسـر *كفـاااايـه*
واذوّبـك وتصيـر بالعشـق ملـسـوع
وابحـر بفكـرك واغرقـك فـي مدايـه
وتصير لي عنـوان وتصيـر موضـوع
وتصيـر بستـانـي وجـنّـة هنـايـه
واصير سلطانـك ولـي كامـل الطـوع
يحـق لـي مـادام تمـشـي ورايــه
وتصير لي تابـع وانـا اصيـر متبـوع
تهنـي ربيعـي واحضنـك فـي شتايـه
مدّيت يـدّي لـك وانـا حيـل موجـوع
مـا ودّي اشقـى وانطعـن فـي قفايـه
هذي شروطي قبل مـا نشتكـي اللـوع
شروط مـن يعـرف فصـول الحكايـه
الشرط الاول عن هوى الغيـر مـردوع
درب الخيانـه كــان سـبّـة شقـايـه
والثانـي ان البعـد يـازيـن ممـنـوع
تبقـى معـي مــادام هـمّـك لقـايـه
هذي شروطي وانت لـك منّـي اسبـوع
فكّر وقـرر ... واعـرف انـك منايـه
فكّر بكـل ركود...وبـرود.. وخشـوع
اسبـوع يكفـي كـل مـن كـان تايـه
ماريـد بكـره ترجـع تقـول مخـدوع
والا تعانـدنـي وتـلـقـى جـفـايـه
لأنـي عنيـد ومنّـي العطـف منـزوع
والعـزّ وصفـي والفخـر لـي كنـايـه
والعشق في قلبي مـدى الدهـر مطبـوع
عشته طفـل.. واجتاحنـي فـي صبايـه
مولـع بحـب الزيـن والقلـب مولـوع
بأحلـى الغـرام ودون حبـي ضمـايـه
ابدعت فيـك الشعـر والشعـر مبـدوع
ابـداع مـن لـه بالقـوافـي درايــه
صغت المذكر واصبح الشعـر مسجـوع
والمقصـد انثـى والشعـر لـي هوايـه
احـب شمـس تعانـد الليـل بسطـوع
شمـس(ن) يزينهـا الغطـا والعبـايـه





وسلامتكم -منقول-

[زهوور]

القصيده جدا رئعه تسلم يمناك اختي مجوده

[احزان الشيشان]

جزاج الله كل خير..