[معشوقتي بريدة]

السلام عليكم

رحت لم احد الموضفين الكبار في احدى الدوائر الحكومية في بريدة المهم دخلت لمه ودي يدبر لي وظيفة
قل ( ابي وظيفة ) قال مافيه قلت يقولون نازل وظايف جديده قال اقول مافيه قلت شفلي وظيفه منا ولا منا
يعني قعدت اترجاه شوي قال بالحرف الواحد ( عندك واسطه قلت لا قال اجل اقلب وجهك )..

يعني الى الدرجه هذي الناس ما تنفع الى بواسطه . السكرتير الي عنده يقول عنده وظايف ما تحصيها من
كثرها

يعني بالله عليكم الدنيا مصالح يوم يقول عند واسطه اخ بس


6 سنوات وحنا نمسح وجيهنا بالارض علشان نبي ربع وظيفه مو وظيفه واخر شي يقول عندك واسطه ولا اقلب وجهك



وشرايكم وش ازين .. ما اقول الا الحمد لله على كل حال

[رَمــــــآد ~]

وش تبي نسوي لك دآم حظك زفــــــت ولا عندك وااسطه >>> أمزح كلنا مثلك

مالك الا الدعــاء

وبالتوفيق

[د/منوشـآ]

~ لا حول ولا قوة الا بالله اللحين مابه شي يمشي الا بالواسطه
لا يضيق صدرك اخوي ما على الله ببعيد اللي مقّدرة الله لك يبي يصير
انت افعل الاسباب وقم الثلث الاخير من الليل وادع ربك
الله ييسر لك ويرزقك من حيث لا تحتسب
اللهم امين

[فـارس]

معقوووولة ؟؟؟
سلم لي على القطاع الخاص
على كل حال ديوان الخدمة المدنية تقدم فيه وتاخذ رقم وكل فترة تشيك وش وصل رقمك
والتقديم عن طريق مدراء الفروع هذي اكيد لازم يكون يعرفك
لانه يرفع لك من عنده للوزارة على طول
ولا يبي يترجى ناس عشان واحد ما يعرفه

الله يوفقك يارب لاعلى المناصب والدرجات
في الدنيا والاخرة
ودام هذا كلامك
والله انك تستاهل كل خير
وابشرك انشالله بيرزقك الله وظيفة قريييب
لان نيتك زينة

[ون سفن]

هذا الواقع الله المستعان

[الشمالي999]

اي وضيفه تريد؟؟؟؟؟؟؟؟؟؟؟؟؟؟؟؟.. عندي شوي واسطه ............جندي بالدفاع المدني مع اقدمية سنه.

[كيك]

نيتك مطيتـــــــــــــــــــــــــــك .. والحمد لله أولاً و آخراً .. قربت نهــاية الواسطة .. إن شاء الله . .

[الكحلي1000]

اخوي الي تيبي وظيفة حنا تعبنا وشفنا الشقى قبل نتوظف

اشتغلنا بشركات ما تسوى رواتبة بس لا زم تتمرمط شوي قبل الوظيفة

عندي لك شور اسمة راشد

اعرف واحد يبيع بسوق الحراج بداء براس مال 50 ريال والله العظيم وخلا 3 سنوات اغتنى بعد الله

سبحانة يمكن يملك ما لا ندخلة حنا الموظفين بسنين ربي يرزقة يستاهل بس الدنيا ماتبي نوم وتكبير وسايد تبي كد وتعب علشان تحس بطعمه هذي نصيحة اخو ببلاش حاول تطور نفسك .
بعدين اذا قدمت على وظيفة لازم تعرف تكتب خطاب وسيرة ذاتية وحركات علشان يدرون انك مهتم بنفسك ومطورة ولك مني اجمل تحية وبالتوفيق يارب واسف على الإطالة.

[ღ.. متآبع بصمت ..ღ]

كان كشخت وهوشته شوي ويعطيك وظيفه

[وررردة الجوري]

تبي واسطة تراي جاااااهزة ..

[وررردة الخزامى]

هع هع توسطي لروووح يالجوري هع

الا تبي واااسطه ترى انا جاهزه

[تورتاية]

اقتباس المشاركة الأساسية كتبها الكحلي1000 اخوي الي تيبي وظيفة حنا تعبنا وشفنا الشقى قبل نتوظف اشتغلنا بشركات ما تسوى رواتبة بس لا زم تتمرمط شوي قبل الوظيفة الدنيا ماتبي نوم وتكبير وسايد تبي كد وتعب علشان تحس بطعمه هذي نصيحة اخو ببلاش حاول تطور نفسك . بعدين اذا قدمت على وظيفة لازم تعرف تكتب خطاب وسيرة ذاتية وحركات علشان يدرون انك مهتم بنفسك ومطورة.

،

صدقت بارك الله فيك


الوظيفة تبي كد وتعب ومرمطة ع بال ماتتوظف بوظيفة حكومية ثابته

،

عليك بالدعاء واللجوء لله
ولا ترجو أحد غيره
ترى العباد مهما كانوا ومهما وصلو ،،، توفيقك مو بايديهم


الله يوفقك ويوفق كل اللي ماتوظفوا

ويعين الموظفين والموظفات ع الأمانة اللي بين ايدينهم

اللهم آمين

،

[عاشق هنا في غلاتي]

السلام للجميع

كلانا معندنا وسطات كلنا احرجنا نفوسنا وابائنا عند فلان وفلان ومافيه فايده وكلنا تكلامنا ولا فيه فايده


خلاص ننام ماعندنا وسطه نموت جوع

حبيبي فكر صدقني عندي وعندك خير واجد اصنع شي معجز بيدك تاخذ لك بصمه في الخير مع دعاء ابوك وامك وكلاما خرجت قم بادعاء وفتح الرزق كل شي احسبه بنيتك لاتستحقر شي واكثر من الاستغفار انا مثلك ولكن الحمدلله فرجت وكنت اضنه لن تفرج

[محبوب الكل]

الله المستعان
المشكل إذا طبقوا قولت عندك قرش تسوى قرش والإماعمده قرش مايسوى شيء