[ح ـايلـــيـة]

هااايل ياحبيبتشي !
موضوع ولا أحلى !
أسلوبتس حلو ياقدعة ,


ليه مانصدق !
أغلب القصص اللي قلتيه عاديه ودايم تتكرر ..
وخصوصا سالفة الدقر !
لكن الاخيرة أحس به شوية بهارات ,

طبعا أنا وجيراننا أصدقاء بيننا عيش وملح !
مواقفي كثيرة معهم .. ودايم يقولون وشلون عايشة ببيتكم !
طيب مب هم مخلوقات زينا زيهم ؟
صحيح يجي أحيانا خوف لكن أتذكر الأذكار والحمد لله !

مواقفي كثيرة منه ,
[ 1 ]
دريشتي [ شباك ] بجنب سريري .. يعني ما يقدر أحد يسكره أو يفتحه
إلا يرقى فوق السرير .. يعني فيه مسافة ..
وأنا من النوع اللي انام وكلش مسكر .. الباب والدرايش والنور وكلش .. الدعوى خرمس
وخصوصا ما أحب صوت الشوارع ..
سكرت الدريشة .. أنام .. أقوم ألقاه مفتوحة شي بسيط ..!
مين اللي فاتحة ؟ طيب من اللي اساسا يدخل الغرفة وأنا نايمة !
سألت أهلي .. ولا واحد منهم ..
من بكرا نفس السالفة .. وأقوم واسكر .. لين مليت وطنّقرت بمعنى أصح !
وقربت للدريشة وقلت بصوت عالي [ وبعدين يعني ؟ ] وقريت اية الكرسي على الدريشة
وتفلت ونمت ومارجعت تفتح ثانية !

[ 2 ]
أي أحد يقوم من النوم يكون سريره حوسة .. وهذا شي طبيعي ولا ؟
لكن أختي صار له شي غير ..
قامت الفجر تصلي وكان سريره فوضى .. دخلت دورة المياة الله يكرمكم
تتوضأ .. رجعت السرير مرتب .. السجادة مفروشة وشرشف الصلاة مرتب !
طبعا فيه فئة من جيراننا مسلمين ومسالمين .. يحبون الخير وما يأذون ,

[ 3 ]
أنا يامحاتسيتكم <- حسيتن الراوي ..
مسكت معي برتب غرفتي .. وكنا بالليل الطويل ..
أنتهيت مرتبته بوقت متأخر ورحت نمت .. يوم أذن الفجر جت الوالدة تقومن للصلاة ..
قمت وصليت .. حلو ؟
شوي كذا جت الوالدة مره ثانية تقومن @@ !
قلت له توتس مقومتن .. وقسم بالله تو هه مصليه !
يعني بوعيي .. مب نايمة
قالت: [ أبد ولا جيت .. توي هه قايمه ] !
وأكتشفت إنه جارة من جاراتنا ,

[ 4 ]
مره جالسين أنا وأختي بالصالة بالليل برضوه ..
ومشغلين لابتوباتنا وتسمعن شي مادري والله ما اذكر وشو بالضبط !
بس كان الصوت عالي جدا ..
شوي ونسمع خطوات ترقى وتنزل على الدرج !
ولا زاد صوت لابتوباتنا زااااد بقوة !
أختي خافت قالت تسمعين شي ؟
قلت إيه [ أزعجناهم ] !
شقلت لابتوبه .. وقفلت على روحه بغرفته وتركتن !
<- ونعم الاخت !

[ 5 ]
قصة الحمير [ الله يكرمكم ] اللي بطريق السفر كثيرة !
والوالدة شخصيا صايرة له مع جدي الله يرحمه ..
تقول وحنا بطريقنا للسفر ومنطقة لا يمكن يصير به حمير ..
تقول فجأة وحنا بالشارع نمشي طلعن لنا حمير !
شلون مادري !! .. تقول هدّى أبوي [ جدي ] ..ومشن الحمير زي السلام عليكم !

[ 6 ]
فيه شيء غريب يصير لي !
لا دخلت دورة المياة الله يكرمكم وانا ماسميت
او ماذكرت دعاء الدخول ..
أحس زي الشعر يمشي على رجليني .. وعنده أتذكّر اني ما سميت واسمي بداخلي !
[ سبحان الله أحيانا يكونون زي التذكير ..! ]

[ 7 ]
بسطحنا صوت غريب غريب غريب إلى بكرا !
كأنه ماكينة تشتغل !
أذكر دقّت أم جيراننا [ أنسية مب جيراننا ذولا ]
وقالت تسمعون الصوت ؟ [ بيتهم ملتصق ببيتنا ]
راحوا شافوا سطحهم .. وشفنا سطحنا ,مافيه أي شي !
والصوت يتكرر يبدأ الساعة 6 صباحا كل يوم .. ويقعد حوالي 10 دقايق ويسكت !
الله يجزاه خير أم جيراننا صارت تشغّل قرآن مفتوح 24 ساعة
واختفى الصوت !
وهالفترة وقّفت تشغيل ورجع ! ..
وش رايكم وش بيكون ؟

[ 8 ]
بالقصيم مع عمومتي إجتمعنا بإستراحة
وطلعوا العالم ورجعت دخلت الإستراحة بآخذ غرض ناسينه
يوم رجعت وأثاري الحمامات [ الله يكرمكم ] تدّهر أنواع المطافش !
من يقول إني ذرقت ؟

والمواقف كثيرة كثيرة ..

مميز ~