 |
|
|
|
|
08-03-2009, 10:59 AM
|
#30 |
|
حنا لها و قدها
تاريخ التسجيل: Mar 2006
البلد: حَيْثُ السُّكُوْن ~
المشاركات: 2,277
|
السلام عليكم ورحمة الله وبركاته
بسم الله علينا وعليكم  ..اللهم سكّنهم مساكنهم ..ما أتذكر حصل لي شي مثل كذا يمكن لأن جيراني يتواجدون في الحاسة السادسة فقط فـ ماعاد انتبه للي يصير <- حايلية !بس ماودي أطلع من الموضوع من غير كم سالفة صارت لناس أعرفهم [ قريبات ، صديقات ، جيران .... إلخ ] [1] 2 من بنات خوالي رقوا السطح قبل صلاة الفجر بـ ساعه الا ربع تقريباً تقول بنت خالي ../.. ملينا نبي نسوي شي مهبوول رحنا للخيمة اللي بالسطح ومعنا الاستيريو و مافيه سي دي او شريط عندنا الا وشغلناه شوي شوي ونسمع احد يضرب الخيمة من كل مكان ماتقدرين تلحقين بين اللي يضرب قدام واللي يضرب ورا ونطلع نشوف فيه احد ورا الخيمة ! المكان فااااااضي .. ونسينا نسمي ..ونكمل الرقص والهبال لين بدا نور الخيمه يولع ويطفي !! والاستيريو ماعاد اشتغل !! وحده منهم من الخوف استفرغت وانتم بكرامة والثانية مانامت يومين [2] وحدة من صديقاتي تقول ../.. كنا مسافرين مع شغل أبوي - نسيت وين بالضبط - المهم ،كنت بـ أرتب غرفتي عقب الاختبارات وقلت ما أبي أرتبها والأجواء هادية كذا وأشغل المسجل ع الأغاني وبـ أعلى صوت - الله يهديها ويهدي الجميع - فجأة وأنا أشتغل طفى المسجل !! أرجع أشغله يشتغل عادي .. من أعطيه ظهري ، يطفي !! أشغله ويطفي وأشغله ثم يطفي وعلى هالحالة لين احترق المسجل !!!! عرفت انهم - جيراننا - طلعت من الغرفة لين المطبخ عشان آخذ الراديو يوم قربت للراديو انفتح دولاب من دواليب المطبخ ثم انصك ! وينفتح اللي جنبه وينصك ! وأفففففرك ومعي الراديو لـ غرفة أخوي وأدخل وأقفل الباب أخوي / خير وش تبين ! أنا / جني يلاحقني - بسم الله علينا وعليكم - !أخوها سحب المصحف وطلع من غرفته وقام يقرا بأعلى صوت سورة البقرة ويمكن استمر ساعة او أكثر وهو يقرأ لين اختفى الصوت ! راح لها أخوها وقال لها هذولا صالحين لاتشغلين لا أغاني ولا شي [3] بنت عمي تقول عندهم مكان معروف بالبيت ان جلستي عنده نزلت لك قطوة من السطح !! والا طاح عليك ضاطور ميت - اللي هو البرصي أو الأبرص - وفعلاً دايم تحصل ان كلمتها وراحت لهالمكان اللي ف بيتهم تصرخ ثم تسمي بالله ..أنا / وش بلاتس ! بنت عمي / لا بس طلعت قطوة - أو - طاح علي ضاطور ميت ! ودي أجرب @@ <- ![4] تذكرت شي صار لي ..مرة كنت أبركب السيارة بنطلع ولا كنا مستعجلين ولا شي الوضع عادي يعني بس كنت أقول شعر وأنا في قمة انسجامي مادريت الا بـ رفسة مع الجنب رمتني بالسيارة أناظر يمين يسار والله مافيه أحد سميت بالله وقلت دعاء التوكل ودعاء الركوب لعلهم يبعدون عني ..[5] بنت خالي كانت رايحة للجنوب - هلا هلا - وراحت لخوالي اللي سابقينهم هناكتقول ../.. كنت أنا ونوف بالصالة في حالنا نسولف سواليف عادية بس كلما طاح شي او خبط شي مانسمي وتمر من عندهم قطوة سووووداء تركض تركض ولا ندري وين وجهتها ركضنا وراها وليتنا ماركضنا دخلت تحت مكتبة التلفزيون قلت لنوف روحي من قدام وحديها <- راحت نوف تحتري هالقطوة تطلع ، قلت لها مامسكيت القطوة :@ ! قالت نوف ماطلعت اصلا ..قرينا الفاتحة والكرسي والمعوذات ورحنا مع الحريم بالشقه الثانية [6] عندنا بالحارة قطوة سكنية - بسم الله علينا وعليكم - اقول لاهلي عنها ومايصدقون ! لين صار لخالتي موقف معها وصدقتني ..القطوة ذي الله يسلمكم كانت تمشي على سور البيت ولها مكان معروف تنزل منه لين توصل لأرض الحوش تعطيها الشغالة الأكل وترجع ترقى على السور من نفس المكان اللي نزلت منه خالتي تقول ../.. كنت فاتحة بيبان البيت عشان يتهوى عقب السفر ويتغير الجو فيه وألمح القطوة تمشي على السور بعيييييييدة مرررررره عن باب المجلس قفلت الباب بسرعة واشوفها توها على السور صكيت كل الشبابيك ولحقت على كل البيبان وصكيتها [ كل شي مسكّر ! ] واسمع صوت قطو بالمجلس ! دخلت ولقيت القطوة اللي كانت تمشي على السور بـ وسط المجلس ! ! ! [7] جلسنا فترة نسمع صراخ في بيت جارتنا ومافيه شك ان الصراخ من بيتهم لانه الجدار بالجدار والشبابيك حقات الغرف مقابلة بعض والصراخ يطلع من هالغرفة !! كل ليل من الساعه 12 الى 3 صوت أحد يصارخ ولا نميز هل هو كبير أو صغير !!!!! صرنا نشغل سورة البقرة - من باب الاحتياط - بـ غرف النوم ، وننام يمكن شهر كذا ونسمع انهم نقلوا ! والسبب انهم يسمعون اصوات غريبة من بيت قريب منهم ! ! ! اللهم سكّنهم مساكنهم هذا اللي يحضرني الحين ان تذكرت رجعت باذن الله
__________________
فـَ تَحَوَّلَتْ أَسْوَارُ القَلْعَةِ إِلَى { أَشْلاَءْ | ، ! |
|
|
| الإشارات المرجعية |
|
|
النمط الأحادي