 |
|
|
|
|
23-06-2003, 02:37 PM
|
#1 |
|
عـضـو
تاريخ التسجيل: May 2003
البلد: بجنبك
المشاركات: 404
|
ابي سيـــــــــــــــــــارة
--------------------------------------------------------------------------------
السلام عليكم ورحمة الله وبركاته : =============================== (( ترى الموضوع طوييل شوي )) بعد ما اكتشفت إن الأهل رايحين يطافشون و يستانسون بالاستراحة ولا جابوا خبر ولدهم اللي غايب عن البيت ضاق صدري .. التفت لي حمود ولد العمة في محاولة منه لمواساتي ( الأخ مطرحه ؟؟ خخخخخخخخخخخخ وقال : أنت زعلان ؟؟ قلت : لا جوعان قال : يعني تبي تروح تجيب لناغدا ؟؟ قلت : ما معي قروش – عطن قروش وعطن مفتاح السيارة ، أنت اقعد ادرس عسى الله ينجحك وتاخذ الأول على الجامعة = مهوب لله علشان مفتاح السيارة قال : ما يحتاج سياره خذ القروش ورح جب من البخاري اللي براس الشارع ... بعد ما تغدينا قال : أنا متعود اغفي عقب الغدا.. وأنا اللي انقز للسرير قلت : حتى أنا متعود أنام عقب الغدا (( أو الله البلشه )) انجطلت على السرير ورزيت عصاقيلي – بالظبط مثل رزة عصاقيل حتاحيت اللي بتوقيعه وقعدت أفكر بخطه جديده .. التفت على ولد العمة وإلا الرجال استوى.. يعني تو داخل عينه النوم .. قلت : أقول يا ولد العمة كم قيمة المازدا الـ 626 الحمرا الجديدة ؟؟ وخر الفوطة اللي كان مغطي به وجهه والتفت لي بزعل وقال : ما تبين أعلمك بعد كم مساحة المحيط الأطلسي ؟؟ ورى ما تلفقه و تخلينا ننام وتترك عنك الأسئلة البايخه اللي مثل وجهك ؟؟ .. ايييييه ما ينلام ولد العمة ما يدري إن كل اللي قاعد يصير بسبة المازدا 626 حمرا ..... قعدت أتخيل إن عندي مازدا واني أسابق هاني الحجازي علشان أوقف سيارتي بالظلال قبله فكرت بكل شي للسياره إلى خرق التمسيح ما نسيتهن ... وطرى على بالي فكره جهنمية جديده ... أقول لولد العمة يتصل على الوالد ويقول ترانا خطفنا ولدك ولا يمكن يرجع لك الولد إلا إذا اشتريت له سياره مثل سيارة هاني الحجازي بعد ما قام حمود من النوم علمته الحقيقة وعن سبب نحشتي من البيت وعرضت عليه الفكرة الجهنمية .. يوم احريت جية الأهل من الاستراحة قلت لحمود يالله تعال نزهم على أبوي وخلن اسمعه بالسبيكر وهو يصيح ويتطلبكم .. أتصل حمود وردت أمي : آلووووووووو <== مغير صوته الدلخ = نعم ؟ .. من اللي يتكلم ؟ بالخير يا عمه وأنا اللي ارجفه برجلي آووه احم .. اقول : لكم ولد ضايع ؟؟ واسطره طراق على العلبات أقول ترى حنا خاطفين ولدكم أبو الغنايم = وششششوووو ؟؟؟ واتسبدييييييييه وا ااا ويلي على وليدي يا بنت الحلال ما عنده خلاف اليوم غديته من المطعم على حسابي ، شوفيه بجمبي مبسوط ويكركر احم احم / اقصد ترانا يمكن نذبحه ونرسل لكم يد بجمبه بكيسة زباله · = لا .. الله يعافيك .. لا تضيقون صدر وليدي الحين أقول لتس نبي نذبحه تقولين لا تضيقون صدره .. وش بتس أنتي ما تسمعين ؟؟ وإلا داخلن باذانتس ماء من السباحة بالاستراحة .. وين أبوه خلينا نتفاهم معه = هه .. هذا أبوه معك .. مع السلامة .. ( والله أمي طيبه بالحيل ) مع السلامة يا عمه ( أو الله الدلخ ) خخخخخخخخخخخخخخخخخ آلووو = هذا الوالد اسمع .. ترى ما عندنا لعب .. ولدك أبو الغنايم عندنا خاطفينه . وأنا أقول وين هالتسلب ما نزل معي العفش واثروه مخاطوف ... ومن انتم ؟؟ اممممم .. أنا !! حنا ؟؟ <= ورط .. حنا الثوار الانفصاليين بنكيراقوا .. بس إننا مستاجرين شقه بغبيره طيب وش تبون ؟؟ نبيك تشترى لولدك سياره .. عاد أنا بجمبه و أقول : قل له مازدا حمرا ايه.. تشتري له مازدا حمرا مثل سيارة فؤاد الحجازي أولا : مهوب اسمه فؤاد اسمه هاني .. ثانيا : أنا ما عندي ولد اسمه أبو الغنايم :تورطنا .. ثالثا : إن تسانكم تبون مع أبو الغنايم زود اثنين من إخوانه فأنا حطيتهم لكم بخيشه وقعدتهم عند الباب وتعالوا خوذوهم وقل لإبو الغنايم إن جت الساعة عشر وهو ما جاء.. تراي ابضرب راسه بطنمب خيمه .. أقول بكم استاجرتوا الاستراحة اليوم ؟؟ أقول الفقه وخل الولد يجي لا اتوطى بحوض بطنك أنت وياه .. رجعت لبيتنا .. وأول ما دخلت البيت يوم شافتن أختي الكبيرة كانت شايله الصينية وبه بيالات وهي اللي تفتح أثمه وتطير عيونه وتجدع الصينية وتركض وهي فاتحة أيدينه " اخويا مدحت اخويا مدحت .. وأنا اللي اوخر عنه وتصبخ بالجدار خخخخخخخخخخخخخخخخخ يوم شافتن أمي وهي اللي تصيح وتجي تخمن " ياضنايا يابني " !! أثرهم توهم شايفين الحلقه الاخيره من المسلسل المصري " لا تطحلني مع التسلوه " يوم جاء الوالد ... هو مسكن والا ما مسكن !!! ؟؟؟ ّّّ ّ .... الظاهر أنكم تعرفون وش معنى ذولي كلهن ... الله وكيلكم .. الكبسه اللي أكلته عند حمود ( لا عادت على حمود ولا على ساعته ) طلعت مثل ما دخلت خخخخخخخخخخخخ ... بس تدرون وش اللي هونها وخلاني انسى كل اللي صار ؟؟ .. اكتشفت ان المازدا الحمرا مهيب لهاني صارت لخاله فؤاد اللي يجي قبل رمضان علشان يتاجر بالسوبيا بحلة العبيد منقول
__________________
|
|
|
|
23-06-2003, 03:43 PM
|
#2 |
|
عـضـو
تاريخ التسجيل: Sep 2001
البلد: نيويورك
المشاركات: 593
|
ههههههههههه
والله أنك رهيب يالجندي المجهول .. أبو الغنايم مسوي زحمه مفكر الدعوى أذا زعل بيحصل السيارة هههههههه شف جدران بريده .. أي واحد يعجبك طق راسك به .. بس تصدق رحمته أن عندي سيارة بتبرع له رحمته ---------> واحد تأثر تشاااااو |
|
|
|
|
23-06-2003, 08:10 PM
|
#3 |
|
عـضـو
تاريخ التسجيل: Aug 2002
البلد: في مكان مــا
المشاركات: 866
|
اقول يا المسافر وش الصورة اللي تحتك دعاية عم النظارات
__________________
 انا لله وانا اليه راجعون اللهم اغفر له وارحمه اللهم اجعل الفردوس الاعلى مثواه اللهم احشره مع النبيين والصديقين والشهداء اللهم اغفر له ذنبه وتقبله في عبادك الصالحين المخلصين |
|
|
|
|
24-06-2003, 10:27 AM
|
#4 |
|
عـضـو
تاريخ التسجيل: Apr 2003
المشاركات: 113
|
صراحتاً
تصلح
مخرج مسلسل مصري م ن ت ب ـــــــــــــــــــــ س ه ل ــــــــــــــــــــ ههههههههههههههههه |
|
|
|
|
24-06-2003, 04:12 PM
|
#5 |
|
عـضـو
تاريخ التسجيل: May 2003
البلد: بجنبك
المشاركات: 404
|
تسلمون لي كلكم مشكورين صحيح اصلح مخرج تراي على الشيله ما ابي شي باكر تلقان امطلع شريط
__________________
|
|
|
|
 |
| الإشارات المرجعية |
|
|
النمط المتتابع
