[خلودي البريداوي]

حبيت اعرض لكم معاناتي في هذا اليوم الله يكفيكم الشر بسم الله

الساعه 1:30 صباحاً
كالعاده قاعدعلى النت وداخل منتدى بريده ستي << يسوي دعايه احم احم
طبعاَ لحالي<<< اخس شجاع الولد
المهم سمعت صوت برا يعني في الحووش طلعت اشوف وش السالفه برا<< اخس يارجال البيت
وانا طالع شي يتحرك جنبي عاد انا شفت وش اللي جنبي<<< يقاله ماخاف
الا هو بسه ((قَطه)) قلت بردها الله بالعافيه رحت لم الصوت اللي من اليوم مشغل بالي
ورحت الا ايضاَ نفس القصه بسه المهم رجعت ابدخل بالبيت طبعا انا في الحوش الا الباب مصكوك ((مغلق)) ياولد وش البلشه وش السوات يمين يسار طبعا الاهل نايمين لو اطق من اليوم لبكرا محد سمعني لاجوال ولا شي

2:00 صباحاَ
الحين انتم تقولون وشلون يعرف الوقت المشكله معي ساعه ولا جبت اغراضي مثل الجوال المهم قاعد افكر يمين يسار وش السوات وطبعا لابد من الخوف والتخيلات والبسه جنبك عيونها بس تبرق عليك المهم فكرة جتني فكره اني ارن الجرس بشارع على طول اقوم انقز واروح لشارع ابرن الجرس وافتح الباب الجرس بعيد اشوي عن الباب يعني لازم تطلع وتروح تضرب مشوار لم الجرس لا عاد مو لهذه الدرجه يعني لازم تصير بعيد عن الباب المهم جيت ارن الجرس واسمع صووووت قوي يقول طعععععععععععععععععععععععع الا هو ان الباب انصك ((تسكر)) ياالله وش الحاله ماتصدقون الجو بارد وش السوات وحالتي حاله المهم قاعد عن الباب تقل شحاد

2:40 صباحاً
قاعد عن الباب واشوف السياره جايه من بعيد واتمقل واناظر الا هذا اخوووووي ياسلاااااااااااااام وش الوناسه ويجي اخوي وش فيك قاعد هنا<<< بلاك ماتدري وش السالفه
قلت اني كنت ابروح اجيب الجريده من الصندوق<<< اخس عندهم جريده انا خابر الجريده تجي 8الصبح مو الساعه 2بليل
المهم قلت مار ينصك علي الباب قال الاخ يلا ادخل وانا من الوناسه جيت دخلت البيت وقعدت احبب الجدران الا اخوي وراي ويقول الحمد الله اللي عطانا عقل

وهذه مأساتي ....


اخوكم:: خالد

[أكــــــــابر]

شكل هالقطه >>البسه<< الله والعالم كانت ناويتن عليك من هالدعــــــــــــايه اللي انت مسوي
ودهــ تشارك بهالمنتدى
لكن فكره مني لكم حطوا المفتاح >>بكالوبه<<مشبك<<قضابه<<بالثوب
ولاتفوكونه يعني كل ثوب مفتاح
>>تحب الجدراااااااااااااااااااااااااااااااان<<متنا من الضحك؛؛؛الله يوسع صدرك ع هالقصه

[حمودي..بريداوي]

ههههه.طيب.وش.صار.على.البس.<<<<<.القطه.اللي.بالبيت