[فكر واعي]

إن ما أراه من شباب بريدة صغار كانوا أم كبارأ من العصيبية الزايدة والتي أحس انها منتنة , ووالله ما من مكان نذهب اليه الا ونجد شبابنا و كأنهم سفراء بريدة لإعلان العصبيبة والتي اسميها الهمجية بمعناها الصحيح ,

كتابات في دورات المياه والمديح في بريدة و كأن بريدة لا تقوم الا على كتاباتهم , مشاكل الشباب وتجمعاتهم ضد غيرهم من شباب المدن الأخرى أو المحافظات المجاورة , المهازل التي كانت بالشامية في مكة من تجمع شبابنا والسعي وراء المشاكل وايذاء الناس في اطهر بقاع الأرض , والله انه أمام عيني شبابنا في الشامية ذات مرة وكان وقت صلاة المغرب وهم جالسون على أعتاب الطرقات و لم يحرك قلوبهم صوت الإمام وهو يصلي , سؤال لماذا اتيتم الى الحرم ؟ وبعد هدم الشامية لأجل التوسعة اتجهوا الى الجهة المقابلة لشركة مكة وتراهم على شكل مجموعات همهم التسكع وكأنهم ليسوا بجانب الحرم
انا لا أقول هذا الكلام الا من حبي لبريدة العزية لقلبي , ذات مرة كنت في مكة وركبت مع راعي تاكسي وحنا ماشيين قال لي من وين الأخ قلت من القصيم قال لي من بريدة قلت ايه قال ياخوي بسألك ايش قصت شباب بريدة اذا جوا لمكة بتشوف المشاكل تجي معاهم حتى ما ينظرون لنا الا على قولتهم ( ابو حجز ) مع العلم إن بريدة دار العلم والمشايخ المفروض شبابكم يكونون على درجة من الأخلاق , عجزت ارد لأني أشوف شبابنا قدام عيوني وش يسوون , لا يرعون اداب الطريق وكأنهم شعب الله المختار

الحمدلله بريدة فيها خير ولا أصبح لبريدة سمعة الا بمشائخها وطلبة العلم التي تملأوها وطيبة رجالها و تعد بريدة المدينة المحافظة في المملكة العربية السعودية سمعتها وصلت دول الخليج والدول العربية وهذا ما رأيته في أثناء سفري خارج المملكة

فياليت شبابنا يكونون رمز فخر لهذه المدينة التي بنى مجدها أهاليهاالكرام ومشائخها الأفاضل , كلامي هذا قد يكون جارحا ولكن لأجل أن نتكاتف لأبقاء سمعة مدينتنا التي سمي هذا المنتدى المعطاء بإسمها ( برية ستي )

[sαяzσσ ()]

والله مشكللللللللللله .. ><"

انا مااني من بريده..

وساكنه فيها..وأدرس معهم .. <<أكييد ذذ..



احيانااغلط واقول..حاجه..

وآآآآآآآآآآآآآآآآو تنزل المصيبه على راسي

((من زينكم .. وش جاببتس..)) ..الخ . .


يعني بزياده مالها داعي..

وهو صدق معهم ..حق بس كلش بحدودها..

الله يهدينا ويهديهم والمسلمين..

*مشكور ع الطرح ..المميز.. !

[فكر واعي]

شكرا على مرورك الكريم "عاشقة لاند كروزر "

[غـــلـــوز]

..
..
..

نآآآس فــاضيهـ .. مع أني من بريداوي وأحسن ان الي مؤيد هذه الكلمة عنده " نقص"



ودمتم بود

[فكر واعي]

عجيب هالزمن الدعوة والسعي نحو الكمال يسمى نقص , أجل النقص وش يسمى !!!!

عالعموم اشكرك على مرورك " غلوز "

[نـــNAــونا]

والله أنا من بريدة أصل وفصل

لكن ما أأيد مثل هالكلام

بريدة مثلها مثل غيرها ماهي بزود بشيء

لو إنها مكه أو المدينه ربي مشرفها

لكن بريدة مدينة مثل غيرها وبالعكس متأخره عن غيرها من المدن

[اللهذام]

.
.
%99 بصراحة يعتبر كلامك صحيح ..

بِحكم سكني خارج مدينة بريدة رأيت كثيراً من الأشخاص لاتعجبهم تصرفات أهل بريدة وكأنهم كما ذكرت
( شعب الله المختار )

كبر وشوفة نفس وتطنز بالآخرين
وإذا حبّوا احد رفعوووووووووووووووه فوووق
وإذا كرهوا احد سفّلوووووبه تسفيييل
.
( طبعاً .. ليس كل أهل بريدة .. لكن كأنه صار الغالب ..)

.. وهنا دعوة لنصحح ونجمّل اخلاقنــا أمام العالَم .. خاصة أن بريدة بلاد العلم والعلمــاء ..

شكراً لكم وتحياتــي للعقلاء ،،

[ليــان]

السلام عليكم

أنظر الى النصف المملوء من الكأس ..

انت كذا تحكم على بريدة من خلال بعض تصرفات

الشباب الطايشين ..

واذا بتلاحظ كل الشباب لهم نفس الحركات الطايشه

لكن بما انه مسلط علينا الضوء

على أننا من أشد المدن محافظه والتزام

بتلقى الناس تدور الزله علينا

حتى يقولون ( من بريدة وكذا... اذا هذولي بريدة ماعلينا شرهه... الخ)

ترانا مو ملائكة وفينا الصح وفينا الغلط

وكل واحد يشوف اللي يبيه ..^_^


أما عن

اقتباس احيانااغلط واقول..حاجه.. وآآآآآآآآآآآآآآآآو تنزل المصيبه على راسي ((من زينكم .. وش جاببتس..)) ..الخ . .

الصراحة بعذرنا ^_^

يعني شي يقهر قاعده فيها وماخذه من خيرها

وتسبين ..*_*

ولاا زود المشكله اللي تقول لك انا مدري وش جابني لهنا ..!!


ومثل مافيه
جدة غير ..ووو...وغيرها

فيه ( يحول اللي ماله بريدة ) ^_^

تقبل مروري

اختك : ليــان ^_^

[أبويزيد1]

الحقيقة أن أهل بريدة فيهم من التعصب والعنصرية الشيء الكثير
وكأنهم أفضل خلق الله
بالرغم من وجود علماء وأهل خير الا أن هذه المشكلة متغلغله في نفوسهم

طبعا ليس كل أهل بريدة ولكنها الصفة السايدة

[انسانهـ لا أكثر]

انا اشوف .....ان كل انسان يرتبط باارضه ....وهذي فطره
والله انا لاحظت اتعصب في كل مكان ........بس سبحان الله اهل بريده مسلط على الضوء
او با الاصح ....ان اهل بريده فقدوا عزتهم بانفسهم .....وصاروا ينتقدوا انفسهم بانفسهم
والا ادخل كل مكان وراح تلقي ...كل المدن مكتوبه على الجدار ...هذا غير دول الخليج
وبعدين .....وش حارق رزك خل اهل بريده يتعصبون لديرتهم مهوب الحين يدرسون الناس الوطنيه ...هم منتمين من قبل مايدرسون الوطنيه ....مو ضارك او ضار الناس شي (((وياليت ماتعتبرها هجوم والله ان عندنا مشاكل ..وقضايا اهم من هذا بكثير ))

تقبل مروري بسعة صدر

[مهندس بريده]

والله انك صادق

كل ابناءبلد واحدة

مشكور اخوي

[صادقة الود]

كلامك صحيح ..
التصرفات والمبالغات والتفاخر تحدث الكراهيه .
وربما تكون بنسب عاليه عندنا ..

لكن حكم الناس على اهالي بريدة بسبب تصرفاتهم ايضاً خطأ ..

برأيهم أن التفاخر اعظم من الدعاره !
تقارن بريدة بجده والا الرياض !
( أقصد التفاخر بشباب بريدة .. ومجمعات الشر في جده والرياض )
لا اقصد اهل المدينه باكملها رجال الخير موجود
اذاً لِما خصصت بريدة بالكره عند الكثير ..

* المقصود من كلامي ان الخطأ لا يتعلق في بريدة بحد ذاتها ..
فكل مدينه فيها ما يعيبها وما يميزها .
نتمنى زوال هذه الفئه ونرى الافضل بالتصرفات العقلانيه والدين لاهالي بريدة
شكراً لطرحك .

[رُوَاءَالرُّوح]

فكر واعي شكرا لك اخوي موضوعك جدا مهم
انا من بريده واحبها ولا اعرف فيها الا قليل اقاربي من غير بريده
واذا جئت امدح بريده وارفع راسي فيها نزلوه بمواقف حصلت لهم من شبابنا وبعض بناتنا
اللي يقول مواقف الحسد والحقد والتنافس الشرير بسوق التمر
واخرين يذكرون عبارات الاستهزاء الموجهه لهم من عيالنا خجمه خكري وغيره
واطفال وعماله دايما يشتكون من عنف بعض شبابنا
احبكم ودي ارفع راسي بكم بس...............................
ياليت تعصبون لبريده بتطبيق الصفات الحسنه.

[فكر واعي]

بصراحة يا جماعة موضوعي هذا أرى انه كبير مع إن البعض لا يبالي ,
ديننا الحنيف دعى الى وحدة الصف والمؤمن للمؤمن كالبنيان يشد بعضه بعضا لا كما نراه من بعض العصبيات التي أراها تهدم بعضها بعضا , دائما تأتينا مصائب في العالم الإسلامي وكان من أبرزها مصيبة غزه , فكيف ندعمها و نحن نعيش نعرات عصبية بيننا و كأننا نحن الأفضل , ما هكذا تكون الأخوة في الإسلام .

كلامي هذا ليس من نسج الخيال , اذكر قبل 10 سنوات وذلك عندما كنت طالبا في الجامعة , كان لي صحبة من خارج بريدة يدرسون في الجامعة التقيت فيهم اثناء تعليمي الجامعي وصاحبتهم وكانت صحبتهم طيبة , وفي يوم من الأيام رأني زميل لي من بريدة المشكلة أنه من الشباب الطيبين وقال لي فلان كيف تجلس مع الحجز هذولا , قلت وش فيهم قال لا ابعد عنهم , عجيب ألهم رب ولنا رب ؟ أم لهم دين ولنا دين ؟

أقول كلامي هذا وربي يعلم ما في نفسي من قصد تصحيح المفهوم الذي نسيناه فلننظر الى حياة حبيبنا الرسول الكريم وكيف كان تعامله مع الناس مع مختلف القبائل والأعراق و الألوان لا يفرق بينهم الا أن هذا مسلم وهذا كافر
فليكن رسولنا قدوتنا , ولهذا كانت حياتنا وبدون ألفة ومحبة لا يستقيم حالنا .