|
|
|
11-04-2009, 07:07 PM | #1 |
عـضـو
تاريخ التسجيل: Mar 2009
البلد: ** الآن في أبهـــا **
المشاركات: 97
|
أخيراً وبصور أصغير
بسم الله الرحمن الرحيم السلام عليكم ورحمة الله وبركاته يا هلا والله براعين الكشتات والصيد مبارك عليكم الأمطار والخيرات طلعة النشاما يوم الخميس افراد الطلعه هم : أبو عاصم العمرو أبو زعاق الزويد أبو محمد المحيسن أبو خالد الصمعاني بسم الله ركبنا السيارة وطلعنا من الإسكان فجر الخميس وعيننا امير للطلعه : أبومحمد طبعا ناوين الزلفي ووقفنا قبل الزلفي بـ 3 كم تقريبا نتقهوى ونفطر الى الصور : هذا موتر ابو خالد اللي رحنا عليه وهذا ابومحمد يقطع البصل والطماط وهذا ابو زعاق يشاور ابو خالد عن الخلطة اللي يبي يحطه بالفطور ابو زعاق يبي يشب على البصل وهذا محل جلستنا فوق النفود وشوفوا النفود احمر ما شاء الله من الأمطار ابو زعاق يحرك الكشنه لا تحرق ابوخالد يحط الجبن على الدجاج ليصبح شهياً علشان يموع الجبن على الدجاج الفطور جاهز يالله يا عيال سموا رفيدزنا ابو خالد شبع وفسق حرث الارض الله يصلحه من جهة أخرى .. مشينا وقفنا عند مسجد بالزلفي وصلينا (سنة الضحى) الله لا رياء والشباب اخذوا غفوة عشر دقايق .. ايه بعدين رحنا للكسر وتمشينا هناك وصدنا اثنين من طائر الحجل والثالثه طردنا وراه لكن ليست من نصيبنا بعدين رجعنا من الكسر نبي نطلع على الزفلت والا هاك الحجره (أرض حجريه) اللي مليانه ضبان !! وبحمد الله صدنا اثنين وخلصن الفشق والا ناوين نقضي عليهن وهذا رفيدزنا ابو خالد يصب على الجحر ماء علشان يطلع الضب لكنه ابى ان يخرج جلسنا انتظرناه ربع ساعه ولا طلع ومشينا وخليناه محصول صيدنا من الطيور فوق الطبلون وهذا واحدن من الضبان في آخر حياته الشوزن والحجل تحته وهذي خلطة أبو خالد الغبية (ديو + نعناع) بعدين رحنا للغاط يقولون فيه عين تنبع ماء من الجبل قلنا يالله مشينا ووصلنا العين وهذي صور لمنبع الماء سبحان الله !! من فوق بدون تعليق ابوعاصم يقحن من الماء (والله ياهو عطشان قبل شوي آكل طحنية سايلة) ابو عاصم مستانس عسى الضحكة دوم ان شاء الله أبو زعاق الزاااااحف (راعي النوم) [SIZE="4"]ايه نسيت اقولكم اننا صدنا أرنب (من محل الوطنية بالزلفي)[/SIZE] بعدين رجعنا به محل زين بين الزلفي والغاط جلسنا عند طلحه وبجنبك الماء يا سلام استعراض لصيدنا مشوي حجل وخضرة جالسين حدر الطلحه أمير الرحله أبو محمد جالس يتقهوا أبو زعاق شد بلد نووووم وماشاء الله عليه بأي محل ينام !! جالسين وطبعا تلاحظون ابوزعاق نيم وهذي الخضرة ينتسب الغداء نثرية طيبة يا أبو عاصم يالله يا عيال اقلطوا الغداء جاهز سبحانك اللهم وبحمدك أشهد أن لا إله الا أنت أستغفرك وأتوب إليك
ضفينا قشنا ومشينا , صلينا المغرب والعشاء جمعا وقصرا بالغاط ووصلنا بريدة بحمد الله وسلامته وهم يصلون العشاء بس الله الله بالردود ..!! كان معكم في كتابة وتصوير التقرير / أمير الرحلة : أبو محمــ(خالـد)ـــد ( THE MINION ) وصلى الله وسلم على نبينا محمد وعلى آله وصحبه أجمعين .. ومازلت أشكرك بعنف يـ(الجني العبد) ..!!
__________________
** اشتقت لأحبابـــي ** |
12-04-2009, 02:07 AM | #2 |
عـضـو
تاريخ التسجيل: Dec 2008
البلد: في دوحة الايمان والخوف من الرحمن
المشاركات: 2,222
|
|
12-04-2009, 04:51 AM | #3 | |||||||||||||||||||||||
Registered User
تاريخ التسجيل: Jun 2008
المشاركات: 191
|
ما شاء الله عليك يا ابو محمد راعي مزااااااااااااج على الشاهي شف الفرق بين الشاهي و الخلطة العجيبه حقت ابو خالد ياخي ابو خالد مشكلة لو يفكر يخترع مرة ثانية و الله طلعتن طيبه ما شاء الله بس لو انا معكم و بوه ابو زعاق الله يهديه كان سدحت المرتبه و نمت لين نرجع بإنتظار جديدكم انت و الشلة الطيبة تقبل مروري |
|||||||||||||||||||||||
12-04-2009, 07:53 AM | #4 |
عـضـو
تاريخ التسجيل: Mar 2009
البلد: ** الآن في أبهـــا **
المشاركات: 97
|
القتيلة ,,
صعب المنـ2ـال ,, مروركم قشطة بالعسل ..!!
__________________
** اشتقت لأحبابـــي ** |
12-04-2009, 08:36 AM | #5 |
عـضـو
تاريخ التسجيل: Mar 2007
المشاركات: 1,428
|
تقرير ممتاز
اجل صدتو ارنب وين هوبه صدتوه بس شكل الرز جريش لين مهوب نثر شف وشلون لزق بلكاتم
__________________
(فائدة جليلة)
في قصة يوسف فائدة قوله تعالى عن يوسف نبيه أنه قال: { أنت ولي في الدنيا والآخرة توفني مسلما والحقني بالصالحين} جمعت هذه الدعوة الإقرار بالتوحيد والاستسلام للرب وإظهار الافتقار إليه والبراءة من موالاة غيره سبحانه وكون الوفاة على الإسلام اجل غايات العبد وان ذلك بيد الله لا بيد العبد والاعتراف بالمعاد وطلب مرافقة السعداء. |
12-04-2009, 09:05 AM | #6 |
عـضـو
تاريخ التسجيل: Nov 2008
البلد: الــريــاض
المشاركات: 3,998
|
نص الدعدعه تيزي .. وشولوه مطلعين خششكم ,, خخخخخ الله يهدي الجميع
__________________
|
12-04-2009, 05:14 PM | #7 |
عضو اللجنة الإعلامية مـشـرف أفراح واحتفالات تاريخ التسجيل: Jul 2004
البلد: بريدة
المشاركات: 6,640
|
هههههههههههههههه
والله انه طلعتن طيبه بس لو الصور مصغرات تسن توب |
13-04-2009, 12:25 AM | #8 | |||||||||||||||||||||||
عـضـو
تاريخ التسجيل: Mar 2009
البلد: ** الآن في أبهـــا **
المشاركات: 97
|
يا مستر إبراهيم تبي اصغر من هذولي ياخي احمد ربك انك ماشفت اللي قبل كان يجيك مر نص ساعه تلف يمين ونص ساعه تلف يسار على العموم شكرا على مرورك ..!!
__________________
** اشتقت لأحبابـــي ** |
|||||||||||||||||||||||
13-04-2009, 12:43 AM | #9 |
عـضـو
تاريخ التسجيل: Dec 2008
البلد: buraidah"
المشاركات: 483
|
ماشاءالله ...........
طلعة مميزة ........ |
13-04-2009, 02:06 AM | #10 |
عـضـو
تاريخ التسجيل: Mar 2009
المشاركات: 828
|
ان شاء الله الوناسة دوووووم
الله يوفقكم كم انتم لايقين لبعض عقبال الطلعة الثانية
__________________
لاضاق صدري شلت صفرالمعاميل ونزلت في ضلع مـــــــــــــــــــنيفي اجرصوتي في قصيدومامــــــــــويل واشب ضوي لوانابعزصــــــــــيفي وادنيت لمي عزبةالبن والــــــــهيل وسويت لي كيفن على كيف كيفي |
24-04-2009, 02:50 PM | #11 |
عـضـو
تاريخ التسجيل: Mar 2009
المشاركات: 31
|
مشا الله عليكم
ابومحمد اثركم متفاهمين اكيد اسكان (5)متفاهمين |
الإشارات المرجعية |
|
|