[المنتهي215]

أنا متزوج من عشر سنوات تقريبا وعودت زوجتي خلال العشر سنوات اني ما أقول لها ( لا ) حتى لو مالي رغبة بهالشي ولو قلت لها لا أرجع مرة ثانية وأوافق على طلبها
وأنا بصراحة مليييييييييييييت من هالحال ثم غيرت معاملتي معها صرت أقول لا لأي شي ما أرغب فيه وأصر على ذلك
فصار بيننا مشاكل لها أول مالها آخر إلى درجة أن الزعل بيننا صار شبه يومي
والله اني صادق بكلامي
أرجو ثم أرجوا من تجد حل لهالمشكلة انها تدلني عليه وأكون ممنووووووووون لها وأدعي لها بأول صلح بيننا

[بريده أم المدن]

الغلط منك أول شي أنك تلبي أي شي
لازم يكون فيه شي ممنوع
بس يقول المثل ماينفع الصوت إذافات الفوت

بس يجب عليك موكل شي لا لان
هي له حق
بس الأشياء الي مالها دأعي
قل لا وفهمها السبب
وصارحها أنك ماتقدر على بعض الأشيا

وبالتوفيق

اللهم يجمع بينكم بالخير

[مؤمنة]

الحل صدقني مجرب ونااااااااجح جدا ..
إذا طلبت منك زوجتك شي قلها سمي وابشري ... وافق مبدئيا .. قل لها مايصير خاطرك الا طيب...
ثم بعد ساعة أو ساعتين حاورها ووضح لها وجهه نظرك ..((وتمسكن عليها شوي عشان ترحمك)) واقنعها بسبب رفضك باسلوب لبق .. وعطها من الكلام والأسلوب الحلو..
خلك على هالطريقة مدة ..
صدقني ..
المرأه يأثر فيها الكلام الحلو اللين ..
وشوي شوي لحد ما تعود على رفضك بأسلوب لبق ..
ثم يكون من السهل عليها أن تسمع منك كلمة لا...
لا تلمها أخي.. نحن نساء ونعرف كيف تحس.. المرأة تجرحها كلمة لا إذا كانت متعودة على نعم..
أصلح الله ما بينكما ..
تحمل زوجتك.. فالمرأة ضعيفة.. وحساسة ..غصب عنها .. هذه فطرتها..
وفقكما الله..
دعواتكم نبتغي..

[..احساس..]

^^


بوركتِ

[ اجدتي ووفقتي ]

[ضايق الصدر]

ياعزيزي
اولا ارجو من الله ان تجد حلا وان يفتح الله على قلوبكم وان تتم اموركم على كل خير امين .

ياعزيزي بنظري انك وضعت موضوعا يحتاج الى اخصائيين اجتماعيين او لأناس على قدر من الخبرهـ لحل موضوعك الذي اراه بسيط ان شاء الله ,

ولكن هنا يدخل الصغير والكبير والمثقف والجاهل , فستجد ردودا ًمختلفه وحلولا ليس بالحلول ,

عموما اريد أن اوضح لك ان هناك مواقع خاصه للمشاكل الاجتماعيه لعلك تجدا غرضك ان شاء الله,

[عبدالله الصالح]

ألزم الإستغفار ..

ثم إلزم الإستغفار ..

ثم لي عودة لموضوعك .. عسى الله يفرج همك .. وتذكر قول عمر بن الخطاب رضي الله عنه {{ وهل بيت يخلوا}}

[روح تحتضر]

عاد واذا زعلت يوم ازين خله تفتك منك

جد والله الزعل فيه راحه نفسيه لكل الطرفين...

لو انت ماتبيه تزعل منك قل له يالبيه بكل شيء تطلبه

والسلام خير ختام<<ماتقلد احد

[ليكزس]

اقتباس المشاركة الأساسية كتبها روح تحتضر جد والله الزعل فيه راحه نفسيه لكل الطرفين..

جربتي الزعل بين الزوجين ؟
من قال انه راحة نفسية .
بالعكس انه هم وغم و تعب نفسي والله يحلم علينا ان شاء الله

اقتباس المشاركة الأساسية كتبها روح تحتضر لو انت ماتبيه تزعل منك قل له يالبيه بكل شيء تطلبه والسلام خير ختام<<ماتقلد احد

اذا هي زوجة تحب زوجها ما بتزعل لو رفض لها طلب .بالعكس .. بتشوف اللي يرضي زوجها ويسعده

----

رد الاخت مؤمنة جواب كافي وياريت كل الرجال يقرونه .

[علي عزت بيجوفتش]

اقتباس المشاركة الأساسية كتبها المنتهي215 أنا متزوج من عشر سنوات تقريبا وعودت زوجتي خلال العشر سنوات اني ما أقول لها ( لا ) حتى لو مالي رغبة بهالشي ولو قلت لها لا أرجع مرة ثانية وأوافق على طلبها وأنا بصراحة مليييييييييييييت من هالحال ثم غيرت معاملتي معها صرت أقول لا لأي شي ما أرغب فيه وأصر على ذلك فصار بيننا مشاكل لها أول مالها آخر إلى درجة أن الزعل بيننا صار شبه يومي والله اني صادق بكلامي أرجو ثم أرجوا من تجد حل لهالمشكلة انها تدلني عليه وأكون ممنووووووووون لها وأدعي لها بأول صلح بيننا

أولاً بارك الله لكما في حياتكما وجعل الحب هو ديدنكما, فبالحب تقوم البيوت وتشتعل الحياة وتحضر لذة الدنيا .

أخي الحبيب, ما اجمل الوفاق والحياة السعيدة التي تجمع الزوجين, أولاً من الجيد ألا تقول كلمة لا مطلقاً خصوصاً لأعز الناس في حياتك وهي زوجتك, وإن كان لابد من قول لا فإنه يجب أن تكون لا مبررة بمنطق وليس بمبررٍ واهي .

حينما كنتَ لاتقول لا لزوجتك, لأنكَ على مايبدو ( طايحتن سعابيلك عليها ) _ وهذا شيء جيد _ وهي مشكلة كثيرمن الازواج في بداية زواجهم فكلمة لا منزوعة من قاموس حياتهما ومع تقدم الأيام تبدأ مصطلحات الرفض بالشيوع, ويكون الامر مصيبة حينما تشيع مفردات العناد لأن ذلك مؤشر على مرض ينخر في الحياة الزوجية .

لا أعلم ماهي شخصية زوجتك ولكن ربما لأنها تعودت على تحقيق طلباتها أصبحت لاتتحمل رفضها, ثم أن العيب قد يكون فيها وقد يكون فيكَ أنتَ , لذلك أنصحك بتحكيم العقل والحوار الجاد والهادئ مع زوجتك, وتحقيق طلباتها, وإذا رأيت حقاً أنه لايلزم ان تحقق طلبها عليك ان تقنعها بمنطقية وعقلانية, ويجب ان تشيع كلمات الحب والرومانسية وتشعرها أنك مسخر لها وأنه لايملئ عينيكَ سواها, وعليكَ أن تراقب الله في تصرفاتكَ .

تحياتي لك وارجو أن أكون أفدتك وحفظ الله الجميع .

[نبض المشاعر]

اقتباس المشاركة الأساسية كتبها مؤمنة الحل صدقني مجرب ونااااااااجح جدا .. إذا طلبت منك زوجتك شي قلها سمي وابشري ... وافق مبدئيا .. قل لها مايصير خاطرك الا طيب... ثم بعد ساعة أو ساعتين حاورها ووضح لها وجهه نظرك ..((وتمسكن عليها شوي عشان ترحمك)) واقنعها بسبب رفضك باسلوب لبق .. وعطها من الكلام والأسلوب الحلو.. خلك على هالطريقة مدة .. صدقني .. المرأه يأثر فيها الكلام الحلو اللين .. وشوي شوي لحد ما تعود على رفضك بأسلوب لبق .. ثم يكون من السهل عليها أن تسمع منك كلمة لا... لا تلمها أخي.. نحن نساء ونعرف كيف تحس.. المرأة تجرحها كلمة لا إذا كانت متعودة على نعم.. أصلح الله ما بينكما .. تحمل زوجتك.. فالمرأة ضعيفة.. وحساسة ..غصب عنها .. هذه فطرتها.. وفقكما الله.. دعواتكم نبتغي..

فعلا بااارك الله فيك وانا اتفق معها

[احرق البحر لعيونك]

اخوي ترى الدنيا ماتسوى والشيطان يحاول يخرب بيتك ولا تعطيه فرصه لانه يدور له مدخال وخل الامور بسيطه بينكم تمشي الحياة ودامها ماسوت شي يغضب الله لاتمنعها خلها تنبسط وتستانس بحياتها واذا كنت مو مقتنع مره قلها باسلوب غير كلمة لا مثلا ياقلبي مايصلح او يابعد عمري لو احسن تسوين كذا وفيه طريقه حلوه جربها وراح تدعيلي اعزمها على كفي شوب بعدين يوم تشوفه مناسب او اطلعوا تعشوا برى لان جو البيت ما يصلح للنقاش واذا كان عندكم اطفال صرفوهم منا والا منا بعدين وانت راجعين لاتروح دايركت على البيت ؟؟ تمش شوي بالديره او امسك خط الدائري عن الزحمه وناقشها بكل هدوء وقلها حنا عشرة عمر ماودنا ينهدم البيت من امور ماتستحق اننا تبعد قلوبنا عن بعض وبين لها حبك لها لان المراة تحب تسمع هالكلمه حتى لوهي واثقه من هالشي وانك احيانا تطلبين حاجات ماودي فيها واقولك ايه وانا مو مقتنع بس ما ودي اضيق صدرك ومن هالكلام
واذا تبي راي سديد فيه عضوه اسمها عنيزويه برستيج تراها دكتوره في هالمجال انا راح ارسلها على الخاص ترد لك على موضوعك واسلوبه مره حلو ولديها ثقافه واسعه في الحياة الزوجيه لعلك قرات مواضيعها هنا او ردودها

[m.a.s.i_1]

[size="المرأة تحب الرجل القوي الشخصية وتكره الضعيف الامعة
قل لها لا ثم لا
وستجدها تحبك اكثر وتحترمك[/size]

تحياتي

[به محشش وراه]

الله يعينك يارب ويسعدك يغااالي الحل الدعاء واجلس انت وزوجتك الله يخليه لك يارب ويحنن قلوبكم على بعض ويسعدكم

وناقشو الامور بعقلانيه وفهمه امور الحياة

واذا ماستطعت فعليك بالجؤ الى ناس متخصصين بالمجال يعني بالزواج الامور الزوجيه ربما انهم يساااعدون والله يعينكم

[مايرا]

المفروض تلبي طلبها لا نك انت خلاص عودته على مستوى معين من المعيشه

اذا طلباتها معقوله حاول انك تنفذها واذا هي تطلب حاجات فوق طاقتك وحاجات فشخره ووبالاالاف

قل لها وبين لها انك ماتقدر
بعد ليش كل شي لا تلقاها متحمله اشياء بك انت ماتدري عنها

وكثره الااااااااااااااااااات تفكر المراءه تفكير ثاني لاسمح الله

وحده اعرفها نفس مشكلتك ولي عوده لوضوعك