!~!~!~!~!~!~!~!~!~!~!~!~!~!

جاكور · 30-07-2003, 11:36 PM

أحيانا يا جماعة الخير تحس انك ما تدري وش تبي خاصة اذا صرت توك
صاحي من النوم تقعد فاق ذا الخشة والشوشه طايرة وصاير شعرك
كنه اعواد اسنان

لكن لو صرت في بيت ما تدري وش يبون ولا انت بنفسك ما تدري وش تبي
واذا كان هالبيت يقطنه اخوة " دلوخ"

يعني اذا الله بلاك بأربعة اخوة كل واحد يقول للدلاخه قومي وانا اجي مكانك
كل واحد مهم يعتبر زعيم زعماء بني دلاخه

اذا الله بلاك بأربعة اخوة كل واحد له شخصيته اللي تختلف عن الثاني 360 درجة مئوية
اذا الله بلاك بأربعة اخوة 25 ساعه قدام التلفزيون وكل واحد له برامج معينه يعزها
الى درجة انه صار عنده انعاكسات نفسية واجتماعية
وفسيولوجيه <=== لحد يسألني عن معناها لاني مدري
يعني صار كل واحد منهم يطبق هالشخصيات اللي يتابعها بل صارت هي شخصيته الحقيقية ..... وانت وسط هذه التناقضات وهذه التحولات حولك فماذا انت صانع
نبدا بتفصيل هذه الشخصيات <=== عند خياط الفاخره

اول هولاء الحمقى اسمه صالح مغرم بشي اسمه مسلسلات تاريخيه لدرجة انه يقول لا تسموني الا ( اباالمنذر ) ويتكلم مثلهم ...
اذا جاء يناديني يقول // يااا كربااااج اين انت يا فتى قبحت من أخ احمق

وهذا صالح ( ابا المنذر ) عليه طلعات يحبها قلبك اذا جاء ينادي الشغاله يقول لها // ايتها الجارية <======

وذاك اليوم لقيته يطب على بيت في الحارة اللي جنبنا ومتقلد عصا على باله سيف يقول ابسبي شغالتهم <==== ماعنده لعب

وذاك اليوم كنت نايم وما للشيطان طاري وانواااع الحلوم اللي يحبها قلبك كنت احلم ان مجموعتن من الخرفان تناقز تحت وسادتي وانا اعدها
وصلت لـ 39 خروفا بس فيه واحد ابن كلب عيى يناقز مثلهن
وكنت ناوي ادبغه لولا اني صحيت على صوت (ابا المنذر )وهو داخل علي بغرفتي ويقووول // يالثارااات كليب <=== بزعمه الزير سالم
وانا اللي افز واطير عن الارض متر و13 سم من زود الفزه
ولا ذا السبهه قدامي يقووول // يالثاراااات كليب
لعنبوا ابليس شيطان ولد خال عم جيرانكم يالسبهه وش فيك وش كليبه انت ووجهك
وهو يجيني بعصاه على باله بحرب وانا اللي امسكه وادبغه لين عض الارض انت ووجهك تسوي مثل الزير سالم حدك ( جحدر )انت ووجهك

وذاك اليوم مسكوه الشرطة سارقن بقالة الباكستاني اللي جنبنا يقوول هذي غنائم

بالله لو عندكم اخو مثله وش بتسوون وربي صرت من تالي متاثر مثله اذا بغيت اهزأ احد اقوله قبحت يا عبد السوء

هذا ما يتعلق بالافدغ الاول

اما بالنسبة للافدغ الثاني اسمه ناصر وكان مغرم بافلام الكرتون
كان يطق اخوه الاصغر منه ويحط عليه لزقة جروح بسرعه
على باله افلام كرتون
ولا اذا جاء يحووس في البيت وهو يمشي مليونين واذا وصل لباب اي غرفة وقف وقال // بيب بيب ثم حط رجله
وفي يومن من الايام مسكته وصفقته عشان يبطل حركات انا ناقص اباالمنذر عشان يكملها هو المهم يوم طقيته ما دريت الاهو يطلع ذيك العلبه فيها شي اخضر ويزرطها ويقوم يناقز على باله بباي
ما قلت لكم كل واحد يقول للدلاخه قومي واجي مكانك
وفي يوم من الايام لقيته شاري له عنز وحاطها بالحوش ونايم معها
على باله ماوكلي فتى الادغال والعنز اللي جايبها مسميها باقيرا
واذا شافني يناديني انت ايها الخارج عن القانون <=== شريخان
(( لاوالله اخوان يفرحون ))

هذا ما يتعلق بالافدغ الثاني

اما الافدغ الثالث كان يقدر شي اسمه مسلسلات بدويه (( الله من زين هالذوق ))
عاد هو اسمر وفي عز الحر يلبس ثوب صوف اخضر يعني صاير كنه بيدجانه

والشماغ اللي من سنة 414 قبل الميلاد ما انغسلت ولا الباروده اللي اربعه وعشرين تبن ما يفكها (( يلعن ام التاثر اللي كذا ))
يومن من الايام كان نايم الساعه 9.30 (( قايل لكم متاثر من المسلسلات البدوية )) دخلت عليه فجأة وهو اللي يفز واقف ويزهب الباروده ويقول // وش هالزول ارم سلاحك لا اطخك ارررررركد يابن الحلال من زينك يطب عليك احد انت وثويك الاخضر

واذا ناديته ابي منه شي يرد علي // يا عونك ياخوي
وذاك اليوم بغى يودينا في داهية يوم شب نار في المجلس يسوي فيها قهوه (( يلعن ام الاستبياع اللي كذا ))
يقول لازم اشب النار في شق ابوي الشيخ وش يقولون عنا العربان

هذا ما يتعلق بالافدغ الثالث

اما الافدغ الرابع فكان يعز شي اسمه نشرة الاخبار السعوديه ومايتابعها في العالم الان الا هو بس
كان دايم مكشر ورسمي
سالته ذات يوم // ما شفت ابوي

قال // قام والدي حفظه الله بزيارة هذا المساء الى بيت عمي حفظه الله وكان في وداعه في صالة بيتنا انا واخي صالح ( اباالمنذر ) الطالب في الصف الثالث الثانوي واخي ناصر الطالب في الصف الاول الثانوي ووالدتي هذا وقد وصل حفظه الله الى بيت عمي هذا المساء وفي معيته الوفد المرافق له وكان في استقباله في بيت عمي عمي حفظه الله واولاده الخمسه اللي مدري وش اسمائهم او مناصبهم ولا كان ماقصر واعدها عليك ثم ودع بمثل بما استقبل به من حفاوة وتكريم

اناا // اقوول ليت ابوي نام ذيك الليلة ولا جابك
الشرهه مهيب عليك الشرهه على اللي يسألك

ومرتن سالته وش صار على ولد جيرانا ما لقلى له وظيفة
قال // صرح مصدر مسئول ان ولد جيرانا قام هذا اليوم بتقديم اوراقه الى احد الوزارت لكي يتوظف عندهم ولم يكشف المصدر عن نوع هذه الوظيفه او مقدار راتبها ثم قال // كان هذا هو الوجز واليكم الانباء بالتفصيل
(( كذا التاثر ولا بلاش ))

لو عندكم مثل هالاخوان ومثل هالشخصيات اللي تعايشونها كل يوم وش بتسوون وش انعكاساتها عليكم

أكيد بتطلعووون حلوووووين مثلي

**مدحت شوقي بريده** · 30-07-2003, 11:57 PM

ههههههههههههههههههههه

هلا بالجاكور ...
والله البلشه ... عاااااااااااااااد القهر انهم مضمومين بدفتر العائله ..

لكن وراكم ماتتبرعون بهم ... ترى بعض البيوت به ناس اعوذ بالله
ماودك تروح لمهم .... دايم مكتمين ورسميين ... تقول كل يوم عندهم عزا ...
تقول مولودين بمغسلة اموات ..
اغديهم يحسرون بهم ويطلعون بهم الصمرقع ..

سي يو ..

الكشخة · 31-07-2003, 04:05 AM

مشكووووووووووووووووور

والله البلشة

الفارس الأصيل · 08-08-2003, 05:12 PM

مشكور يا اخوي

تحياتي

30-07-2003, 11:36 PM	#1
جاكور عـضـو تاريخ التسجيل: Apr 2003 المشاركات: 376	!~!~!~!~!~!~!~!~!~!~!~!~!~! أحيانا يا جماعة الخير تحس انك ما تدري وش تبي خاصة اذا صرت توك صاحي من النوم تقعد فاق ذا الخشة والشوشه طايرة وصاير شعرك كنه اعواد اسنان لكن لو صرت في بيت ما تدري وش يبون ولا انت بنفسك ما تدري وش تبي واذا كان هالبيت يقطنه اخوة " دلوخ" يعني اذا الله بلاك بأربعة اخوة كل واحد يقول للدلاخه قومي وانا اجي مكانك كل واحد مهم يعتبر زعيم زعماء بني دلاخه اذا الله بلاك بأربعة اخوة كل واحد له شخصيته اللي تختلف عن الثاني 360 درجة مئوية اذا الله بلاك بأربعة اخوة 25 ساعه قدام التلفزيون وكل واحد له برامج معينه يعزها الى درجة انه صار عنده انعاكسات نفسية واجتماعية وفسيولوجيه <=== لحد يسألني عن معناها لاني مدري يعني صار كل واحد منهم يطبق هالشخصيات اللي يتابعها بل صارت هي شخصيته الحقيقية ..... وانت وسط هذه التناقضات وهذه التحولات حولك فماذا انت صانع نبدا بتفصيل هذه الشخصيات <=== عند خياط الفاخره اول هولاء الحمقى اسمه صالح مغرم بشي اسمه مسلسلات تاريخيه لدرجة انه يقول لا تسموني الا ( اباالمنذر ) ويتكلم مثلهم ... اذا جاء يناديني يقول // يااا كربااااج اين انت يا فتى قبحت من أخ احمق وهذا صالح ( ابا المنذر ) عليه طلعات يحبها قلبك اذا جاء ينادي الشغاله يقول لها // ايتها الجارية <====== وذاك اليوم لقيته يطب على بيت في الحارة اللي جنبنا ومتقلد عصا على باله سيف يقول ابسبي شغالتهم <==== ماعنده لعب وذاك اليوم كنت نايم وما للشيطان طاري وانواااع الحلوم اللي يحبها قلبك كنت احلم ان مجموعتن من الخرفان تناقز تحت وسادتي وانا اعدها وصلت لـ 39 خروفا بس فيه واحد ابن كلب عيى يناقز مثلهن وكنت ناوي ادبغه لولا اني صحيت على صوت (ابا المنذر )وهو داخل علي بغرفتي ويقووول // يالثارااات كليب <=== بزعمه الزير سالم وانا اللي افز واطير عن الارض متر و13 سم من زود الفزه ولا ذا السبهه قدامي يقووول // يالثاراااات كليب لعنبوا ابليس شيطان ولد خال عم جيرانكم يالسبهه وش فيك وش كليبه انت ووجهك وهو يجيني بعصاه على باله بحرب وانا اللي امسكه وادبغه لين عض الارض انت ووجهك تسوي مثل الزير سالم حدك ( جحدر )انت ووجهك وذاك اليوم مسكوه الشرطة سارقن بقالة الباكستاني اللي جنبنا يقوول هذي غنائم بالله لو عندكم اخو مثله وش بتسوون وربي صرت من تالي متاثر مثله اذا بغيت اهزأ احد اقوله قبحت يا عبد السوء هذا ما يتعلق بالافدغ الاول اما بالنسبة للافدغ الثاني اسمه ناصر وكان مغرم بافلام الكرتون كان يطق اخوه الاصغر منه ويحط عليه لزقة جروح بسرعه على باله افلام كرتون ولا اذا جاء يحووس في البيت وهو يمشي مليونين واذا وصل لباب اي غرفة وقف وقال // بيب بيب ثم حط رجله وفي يومن من الايام مسكته وصفقته عشان يبطل حركات انا ناقص اباالمنذر عشان يكملها هو المهم يوم طقيته ما دريت الاهو يطلع ذيك العلبه فيها شي اخضر ويزرطها ويقوم يناقز على باله بباي ما قلت لكم كل واحد يقول للدلاخه قومي واجي مكانك وفي يوم من الايام لقيته شاري له عنز وحاطها بالحوش ونايم معها على باله ماوكلي فتى الادغال والعنز اللي جايبها مسميها باقيرا واذا شافني يناديني انت ايها الخارج عن القانون <=== شريخان (( لاوالله اخوان يفرحون )) هذا ما يتعلق بالافدغ الثاني اما الافدغ الثالث كان يقدر شي اسمه مسلسلات بدويه (( الله من زين هالذوق )) عاد هو اسمر وفي عز الحر يلبس ثوب صوف اخضر يعني صاير كنه بيدجانه والشماغ اللي من سنة 414 قبل الميلاد ما انغسلت ولا الباروده اللي اربعه وعشرين تبن ما يفكها (( يلعن ام التاثر اللي كذا )) يومن من الايام كان نايم الساعه 9.30 (( قايل لكم متاثر من المسلسلات البدوية )) دخلت عليه فجأة وهو اللي يفز واقف ويزهب الباروده ويقول // وش هالزول ارم سلاحك لا اطخك ارررررركد يابن الحلال من زينك يطب عليك احد انت وثويك الاخضر واذا ناديته ابي منه شي يرد علي // يا عونك ياخوي وذاك اليوم بغى يودينا في داهية يوم شب نار في المجلس يسوي فيها قهوه (( يلعن ام الاستبياع اللي كذا )) يقول لازم اشب النار في شق ابوي الشيخ وش يقولون عنا العربان هذا ما يتعلق بالافدغ الثالث اما الافدغ الرابع فكان يعز شي اسمه نشرة الاخبار السعوديه ومايتابعها في العالم الان الا هو بس كان دايم مكشر ورسمي سالته ذات يوم // ما شفت ابوي قال // قام والدي حفظه الله بزيارة هذا المساء الى بيت عمي حفظه الله وكان في وداعه في صالة بيتنا انا واخي صالح ( اباالمنذر ) الطالب في الصف الثالث الثانوي واخي ناصر الطالب في الصف الاول الثانوي ووالدتي هذا وقد وصل حفظه الله الى بيت عمي هذا المساء وفي معيته الوفد المرافق له وكان في استقباله في بيت عمي عمي حفظه الله واولاده الخمسه اللي مدري وش اسمائهم او مناصبهم ولا كان ماقصر واعدها عليك ثم ودع بمثل بما استقبل به من حفاوة وتكريم اناا // اقوول ليت ابوي نام ذيك الليلة ولا جابك الشرهه مهيب عليك الشرهه على اللي يسألك ومرتن سالته وش صار على ولد جيرانا ما لقلى له وظيفة قال // صرح مصدر مسئول ان ولد جيرانا قام هذا اليوم بتقديم اوراقه الى احد الوزارت لكي يتوظف عندهم ولم يكشف المصدر عن نوع هذه الوظيفه او مقدار راتبها ثم قال // كان هذا هو الوجز واليكم الانباء بالتفصيل (( كذا التاثر ولا بلاش )) لو عندكم مثل هالاخوان ومثل هالشخصيات اللي تعايشونها كل يوم وش بتسوون وش انعكاساتها عليكم أكيد بتطلعووون حلوووووين مثلي __________________ [SIZE="4"]سبحان الله ،، واستغفر الله ،، والله اكبر [/SIZE]

30-07-2003, 11:57 PM	#2
مدحت شوقي بريده .. وللشطوب نكهة و نكهة .. تاريخ التسجيل: Feb 2002 البلد: هناك المشاركات: 16,085	ههههههههههههههههههههه هلا بالجاكور ... والله البلشه ... عاااااااااااااااد القهر انهم مضمومين بدفتر العائله .. لكن وراكم ماتتبرعون بهم ... ترى بعض البيوت به ناس اعوذ بالله ماودك تروح لمهم .... دايم مكتمين ورسميين ... تقول كل يوم عندهم عزا ... تقول مولودين بمغسلة اموات .. اغديهم يحسرون بهم ويطلعون بهم الصمرقع .. سي يو .. __________________ . . . .. قلب البحطلة ينبض .. ينبض ينبض ينبض .. .

31-07-2003, 04:05 AM	#3
الكشخة عـضـو تاريخ التسجيل: Mar 2003 البلد: $$بــــريــــدة$$ المشاركات: 1,124	مشكووووووووووووووووور والله البلشة __________________ السبب في تسجيلي الطير وجزاه الله خير زيـــادةُ الـمــرءِ فـــي دنـيــاه iiنـقـصـانُ وربحـه غـيـر مـحـض الخـيـر خُـسـرانُ أحسن إلى النـاس تستعبـد iiقلوبهـم فطالمـا استعـبـد الإنـسـان iiإحـسـانُ يا خادم الجسم كم تسعـى iiلخدمتـه أتطـلـبُ الـربـح مـمـا فـيــه iiخُـســرانُ أقبل على النفس واستكمل فضائلها فـأنـت بالنـفـس لا بالجـسـم إنـسـانُ مــن استـجـار بغـيـر الله فـــي iiفـــزعٍ فـــــإن نــاصـــره عــجـــزٌ iiوخــــــذلانُ فـاشـدد يـديـك بـحـبـل الله معتـصـمـا فــإنــه الــركــن إن خـانـتــك iiأركــــانُ

08-08-2003, 05:12 PM	#4
الفارس الأصيل عـضـو تاريخ التسجيل: Feb 2003 البلد: بريدة المشاركات: 753	مشكور يا اخوي تحياتي __________________