[*الرحال*]

اهلين شباب وشبابات

اليوم جايبن لكم موضوع مهم صراحه

الا وهو التغاريز ووش تسوي لو غرزت

يله نبدا


من اكثر المشكلات التي يتعرض لها رواد و عشاق الرحلات البريه هي مشكلة (( التغريز)) . وسوف يشتمل الموضوع على طرق الخروج من ((التغريز)) سواء للسيارات العاديه او سيارات الدفع الرباعي .

اولا : السيارات العاديه و التي هي غالبا الوانيت او الهايلكس ذات الدفع الخلف :
بالنسبه للتصرف مع هذا النوع من السيارات وقت التغريز فهناك العديد من الطرق ،
اول شيء حاول ارجاع السياره إلى الخلف وإذا ما نفع الوضع فأنزل من السياره وازل الرمل من حول (( كفرات السياره الاربع)) ودع الركاب الذين معك يدفون السياره اما الى الامام او الى الخلف حسب الطريق الانسب و السهل .
كذلك حاول تنتيع السياره إلى الامام و إلى الخلف و ذلك عن طريق الكلتش و البنزين لاكن (( هذه الطريقه تؤثر على الكلتش مع كثرة استخدامها لاكنها مفيده )).
اما اذا تأزم الوضع وكنت لوحدك او معك مرافق واحد لا يستطيع دف السياره ما لك إلا تنسيم الكفرات على 20 او 15 و خصوصا للكفرات الخلفيه ، كذلك لا تنسى جعل كفرات السياره الاماميه في وضع مستقيم و لا تكون الطاره لافه يمين او شمال لانه له اثر كبير .
كذاك انتبه عند تحريك السياره و هي مغرزه ان تدور الكفرات بقوه في مكانها ، لان ذلك يعني انغراز السياره زياده و صعوبة إخراجها ، علشان كذا اذا شفت الكفرات دارات مكانها وقف وحاول الدف او التنتيع ، او هز السياره وذلك بركوب المرافقين على الصدام الخلفي و هز السياره (( بس اكد عليهم يتمسكون زين علشان ما يطيح احد ))
كذلك هناك طريقة وضع مسار اصطناعي تحت الكفرات علشان ما تحفر زياده وكذلك تمكينها من الخروج ، وذلك بإستخدام الواح ، او استخدام (( لستك كفرات وايت او قلاب)) وذلك عن طريق قصها من جهه و ملئها بالرمل ووضعها تحت الكفرات و خاصه الكفرات الخلفيه و هي تعمل كأرضيه صلبه للكفرات .

ثانياَ: سيارات الدفع الرباعي :
هذا النوع من السيارات مخصص للمناطق الوعره و هو قليل التغريز إلا في بعض المناطق الصعبه او مع ناس ما تعرف تستفيد من قدرات هذه السياره ((و يا كثرهم اهل جيوب و مغرزين )) عند التغريز اولا استعمل الدبل على الوضع الخفيف و هو h4 ، و إذا ما نفع حطه على الثقيل l4 ، وكذلك يجب ان تراعي عند بداية المشي بعد تشغيل الدبل ان تحرك السياره بهدوء حتى تتأكد من طلوعها من منطقة التغريز ثم امعط الجيب و عطه الصاخن .
لا تمشي على الدبل الثقيل بسرعات عاليه لأنه مصمم لإخراج السياره من المناطق الصعبه و كذلك لسحب السيارات الأخرى . اما الدبل الخفيف فهو يستعمل مع السرعات العاليه .
لاكن حاول قدر المستطاع التخفيف من فترة تشغيل الدبل ، لأنك بذلك تحافظ عليه و على سلامتك من الاعطال .

بعض السيارت الرباعية الدفع مزوده بنظام (( الهزاز )) و هو يفيد عند تعلق السياره على جنب و دوران الكفرات من احد الجهات دون الأخرى وهو بذلك يعمل على توزيع القوه إلى الجهه التي لا تعمل و من ثم اخراجها ، و هو نظام ممتاز و مفيد جدا .

كذلك من الافضل تقليل هواء الكفرات في الجيب إذا كانت كل المنطقه رمل و طعوس لسهولة مشي السياره .


الطين و ما ادراك ما الطين :
من اكبر و اخطر مشاكل التغريز انك تغرز في طين (( او صبخه مزبوطه )) ، سواء سياراتك عاديه او دفع رباعي ، حتى الدبل قد لا يفيد في الطين إلا في بعض الحالات و اسئل الناس اهل الجيوب الي غرزو في تمير يوم الامطار والتي كانت عام 1416 على ما اعتقد او 1417 .
لاكن الذي عليك فعله عند التغريز في الطين ، قم بتجميع اكبر كميه من الاعشاب و الاشجار الصغيره (( عرفج ، حرمل ، ......)) وقم بوضعها تحت كل كفرات السياره حتى لا تنزلق الكفرات في الطين (( هذه الطريقه جربتها و نفعت )) كذلك لا بد من الدف بواسطة اشخاص آخرين هذا بالنسبه للسياره خلفية الدفع ، اما السياره الرباعية الدفع فتستخدم نفس الطريقه مع استخدام الدبل .
يستفاد من سيارات الدفع الرباعي المزوده بـــ (( ونش)) حيث يمكن تثبيته في اي شجره قريبه و من ثم سحب السياره اوتوماتيكياَ .

وايضا لا تتردد في طلب المساعده من اي اشخاص قريبين من مكانك اذا لم تتمكن من اخراج السياره لأي سبب سواء ليست سيارتك دفع رباعي او لا يوجد معك اشخاص مرافقين يساعدونك في اخراج السياره .


لذلك يا شباب هذي نصيحه و من واقع تجربه اذا كنت طالع للبر على سياره عاديه فمن الأفضل ان يكون عددكم اربعه او خمسة اشخاص لأنه العدد الذي يمكنك بإذن الله من اخراج او دفع السياره وقت التغريز .
والله يحفظ الجميع من كل مكروه ..........................


_ لا تبخلو علينا بأرائكم و أفكاركم و خبراتكم لأن الموضوع في غاية الأهميه و إلا وش رايكم .

[~ [ جناح ] ~]

يعطيك العاآآآآآفية ،،
>>أتوقع مكانه نسمات برية أفضل ،،

[قم قاعد]

88888

صدقت وهو الان بالنسمات

[(((abo saleh)))]

تسلم والله معلومات مفيدة

[cross the ocean]

المهم ما يكون معك عائله

[خوي ارا3993]

الموضوع مهم ومفيد جداً

طيب لا صرت متعلق بسيف

يعطيك العاآآآآآفيةعلى الموضوع

[ابوولعf]

خوي ارا 3993 والله من الغشمه نسينا خل حسين الغلطان اللي يركب معك

[خوي ارا3993]

الغلطان اللي يقولك قوه معي

[..ى س ص 006..]

موضوعك في غاية الأهميه ......
تذكرووون المطر اللي مشا منه الوادي بدا المطر بعد المغرب صح ؟؟؟أكيد صح..
العصر كنت طالع أنا وبعض الشباب نتمشى بالغضا حق عنيزه المهم يوم صلينا المغرب صاار عند خويي سفره طارئه
وقال لازم أرجع هو معه سيارته ومعه واحد من الشباب وأنا معي واحد ..أنا المسكين جآآي بيوكن أكس إل يعني طويل
وبدون دبل وهو عقدته الطين والرمل اللي ماجاه مطر .....قلنا لخويي نبي نرجع سوا مالنا قعده قال أعرف طريق يطلع
على طريق عنيزه بريده شلف قلت قدام مشينا ومشينا ومشينا وبتلنا نمشي نفد وعلوم وتطعيس وإبداع مهوب صاحي
اليوكن كبر بعيني حسيت انه ربع بعد المشي اللي مشيناه بالبر والطعوس يووم وصلنا السفلت ولاه ماهو الشارع الرئيسي باقي حول
300متر (يعني قريب) المهم يوم كملنا ويطلع لنا ذاك الطين اللي ماهووب صآآآحي وأنا قدام خويي وأمشي حول 10 أمتار ويوقف وأقدم وأرجع ولا مابه فايده وأنزل ولا الطين لمين نص الساق وخويي مغرز بعد لكن بعدي بشوي ويتك الدبل ويطلع المهم دفينا وحطينا حطب وحطينا كفرات مابه فايده وبدا المطر وزاد الطين بله وكل شوي يزيد ويزيد ,,,بتقولون ليه ماسحبك خويك ..موتره باثفندر يعني يالله يمشي حاله ,,,,وركبت معه ورحنا لبريده وقلت أروح لا وقف المطر ووعاد أخذنا فكس آر الصبح وسحبناه ...........وحرمت أمر بطين...عآآآد الحين كل أربعاء أو خميس نبدع
بمديور الربيعيه.........................................

وأحذر كل االشبان الطيوره أشكالي مايقربون الطين بجموس......واللي يبي يطعس يفصل الإنزلاق ..... أوأحسن يفصل جهاز الثبات كله .......تعرفون الزر اللي عليه رسمت سياره تحته خطوط ,,,أظغطه مره يفصل الإنزلاق ,,,,وّذا علقت عليه يفصل الثبات..............وخلوا تطعيسكم بالأول وإذا ومافيه غراز حطه ب3 أو d................

مع خآآآلص تحياتي................................علآآآآآآوي

[المتعكرم]

وش الدعوة يالرحال وراك على الدفع الأمامي ما طريته ...
الزبدة على السواق ونا أخوك مهب الموتر بس ...
وشكرا لك على الموضوع .

[مخفي]

السلام عليكم أخوي الرحال


أحب أزود على موضوعك الممتاز الله لا يهينك



طبعا هذي لوحه تباع بدبي بـ1500 درهم وتوضع تحت الإطار أذا كان الموتر مغرز

[((دموع الحزن))]

مششششششششششششششششششششششششكور ....


والي معه فورد إذ بلبطت وش يسوي...