[التويجري]

اقتباس المشاركة الأساسية كتبها بريدساوي شكراً لك يامشرفنا اخوي عمر ماادري وش سعر 500d وين احصل عليها في بريدة او الرياض وش فرقه عن 450d و شكرا لك .

سعرها 3350 ..

عند كام فور سيل ..

تفرق من ناحية قيمة البيكسل وتقنية الدقة العالية وتصوير الفيديو وهكذا ..

والفروق بسيطة جداً لاتكاد تذكر ..

في بريدة انسى تلقى محل كاميرات أو عدسات محترم ..

ماحولك احد الا اكسترا ..

لكن انتبه تشري منهم ترى الفرق يوصل 600 ريال وأكثر ..

يعني باختصار (علي بابا) ..

اقتباس المشاركة الأساسية كتبها PHOTO SNIPER أخوي عمر .. بنسبة للـ canon 500d الميقا بيكسل فيها عالي مره 15 ميقا بكسل .. وهذا اثر علة نقاوة الصورة وتعتبر من فية الكماميرات شبه حترافية بينما الـ canon 40d كاميرة احترافية .. بنسبة لكاتب الموضوع تقدر تتصل على الحارثي او كام فور سيل وتحول لهم المبلغ ومن بكرا الكاميرةواغراضها توصل لك ..

حبيبي ابراهيم ..

من يقول ان ارتفاع البكسلات يؤثر سلباً على الصورة ..؟

على كذا الله يعين هالشركات وبالأخص المحبوبة نيكون وكذلك كانون على الخسارة ..

لأنهم انتجوا D3X والتي تحتوي على دقة 24.5 بيكسل ..

وقبلهم الهازلبلاد بدقة 50 ميقابكسل في موديل H3DII-50 ..

ومن يقول ان الكانون 450 او 500 فئة شبه احترافية ..؟

اي كاميرا تتيح تغيير العدسة تعتبر احترافية بما فيها الكانون 1000 ..

الكاميرا الشبه احترافية هي التي تتيح لك التحكم بعوامل التعريض الصحيح للضوء وهي فتحة العدسة وسرعة الغالق والآيزو لكنها لاتتيح تغيير العدسة ..

بمعنى أوضح :

الكانون جي10 وماشابهها مثل النيكون P90 تعتبر شبه احترافية .. لم..؟

لانها تتيح لك التحكم بجميع أوضاع التقاط الصورة وخصائصها بل وتصور بنسق الخام (RAW) ..

لكن العدسة لاتتغير ولهذا فهي تتيح لك الوايد والزوم والماكرو في نفس العدسة وعلى نطاق محدود ..

لكن الكانون 1000 او النيكون 40 وهما اقل الكاميرات الموجودة حالياً فهي تتيح تغيير العدسة لذا فهي احترافية ..

وأرى أنه من الظلم حقيقةً مقارنة الكاميرا كانون 450 مع كانون 40 ..

لأنهما من سلسلتين أو خطي انتاج مختلفين ..

فكل واحدة تعتبر تطوير لما قبلها ..

ال300 تطورت الى 350 ثم الى 400 ثم الى 450 ثم أخيراً الى 500 ..

أما ال 20 تطورت الى 30 ثم الى40 ثم أخيراً الى 50 ..

فمثلاً ماتقدر تقارن بين الكورولا والكامري لأنهن فقط سيارات سيدان ..

لا

ولكن تقدر تقارن بين كامري 2006 وكامري 2008 لأن الثانية تطوير للأولى ..

وبالمناسبة ..

الكانون 50 التي لم تعجبك احتوت على تطويرات تجعلها أفضل من أختها السابقة 40 ..

أهم تلك التطويرات المعالج الجديد Digic4 بينما شقيقتها السابقة الـ 40 لها نفس معالج سلسلة الـ D1 الأقدم وهو DigicIII ..

وبالطبع أي تطوير لايمكن أن يكون للأسوأ دائماً ..





ومرة أخرى يابريدساوي ..

بما انك ضيف جديد على الفوتوغراف فأنا أؤيد كلام الأخ عمر ..

لديك خيارين مناسبين جداً ..

كانون 500 أو نيكون 90 ..

وأفضل شخصياً الثانية وكلا الكاميرتين تتوافق مع الميزانية ..

لاتستعجل وتمشي وتجمع بالعدسات قبل تعرف وش انت عليه وأي مجال تحب تتعمق فيه ..

الصورة ليست مجرد صورة ..

لأن فيه مجالات متعددة ..



وفق الله الجميع ،

[PHOTO SNIPER]

اخوي التويجري..

انا عانيت من البيكسل العالي واشوف صور الدي 40 نتائجها افضل بكثير ..

انا ماراح اطبع صور وغيره عشان استخدم ميقابيكسل عالي ..
وبنسبة للكميرات 24 و 50 ميقابيكسل اكيد بتكون دقتها علية اذا كانت فل فريم مع كاميرة اطار مقطوع ..

[بريدساوي]

التويجري ، PHOTO SNIPER
للمعلومية فقط انا اعشق التصوير وعندي صور من عام 1410 لكن الصور اللي اصور الغالب للذكرى ومن سنة تقريباً وان اصور صور طبيعية ليست للذكرى عندي مايقارب 1200 صورة ورق تحميض اما الصور المحفوظة بالجهاز فعد وغلط والكاميرات اللي عندي كانت كلها كانون بس غير احترافيات يعني كانت الاولة ام فلم وبعدة جن الديجتل ولذلك انا مهتم بالكاميرا ونوعه واهم شي المواصفات وبتوكل على الله واباخذ 500d لكن مثلي وش ياخذ نوع العدسة وهل يبدلون العدسة اللي مع الكاميرا بأخرى حسب طلبي واخيرا شكرا لردكم والمعلومات اللي جت اكيد عن خبرة ومعرفة واالحقيقة استفدت شي كثير ماكنت اتصور بتجين مثل هذه المعلومات والله كنت ناوي اذهب لكسترا واخذ برأي البائع، الله يجزاكم خير ومشكرورين التويجري ،و PHOTO SNIPER على الرد وما انسى مشرف القسم عمر ايضا وايضا البقية على مروركم

[التويجري]

اقتباس المشاركة الأساسية كتبها photo sniper اخوي التويجري.. انا عانيت من البيكسل العالي واشوف صور الدي 40 نتائجها افضل بكثير .. انا ماراح اطبع صور وغيره عشان استخدم ميقابيكسل عالي ..

حبيبي ابراهيم ..

كون الكاميرا التي استخدمتها ربما تعاني من خلل فني أو عدم ضبطك للإعدادات بشكل أفضل فهذا لايخول بالحكم على كاميرا أحدث من سابقتها بأنها أسوأ منها ..

وتبقى الدي 50 أفضل من سابقتها ..

ولايصح الحكم عليها من خلال تجربة شخصية من قبل واحد ..

ويبقى الميقابكسل العالي ميزة تفرق الكاميرا عن غيرها ولو لم تقم بالطباعة أو حتى تفكر فيها ..

لأن تطوير البكسل سيحمل معه تطويرات أخرى ولن يكون التطوير للعدد فقط ..

اقتباس المشاركة الأساسية كتبها بريدساوي التويجري ، photo sniper للمعلومية فقط انا اعشق التصوير وعندي صور من عام 1410 لكن الصور اللي اصور الغالب للذكرى ومن سنة تقريباً وان اصور صور طبيعية ليست للذكرى عندي مايقارب 1200 صورة ورق تحميض اما الصور المحفوظة بالجهاز فعد وغلط والكاميرات اللي عندي كانت كلها كانون بس غير احترافيات يعني كانت الاولة ام فلم وبعدة جن الديجتل ولذلك انا مهتم بالكاميرا ونوعه واهم شي المواصفات وبتوكل على الله واباخذ 500d لكن مثلي وش ياخذ نوع العدسة وهل يبدلون العدسة اللي مع الكاميرا بأخرى حسب طلبي واخيرا شكرا لردكم والمعلومات اللي جت اكيد عن خبرة ومعرفة واالحقيقة استفدت شي كثير ماكنت اتصور بتجين مثل هذه المعلومات والله كنت ناوي اذهب لكسترا واخذ برأي البائع، الله يجزاكم خير ومشكرورين التويجري ،و photo sniper على الرد وما انسى مشرف القسم عمر ايضا وايضا البقية على مروركم

بريدساوي ..

لديك عدسة كانون 17-40 وتقريباً قيمتها 2600 عند كام فور سيل ..

وطبعاً تستطيع أن تطلب الكاميرا بدي فقط وتطلب معه ماتشاء من العدسات ..

لكن لاتطلب الـ kit لأنها مع عدسة إلزامية ..

ويبدو لي أنه لايتوفر حالياً سوى الـ kit ..

شف الحارثي يمكن تلقى عندهـ ..

[PHOTO SNIPER]

التويجري ..

أخوي انا ماقلت انها خايسة ورايحة فيها ماتصلح لكن سمعت كثير يقولون المشكلة هذي مو بس أنا ..

اليوم سويت ابد ديت لها وتحسن الاداء شي بسيط الحمدلله ..

اخوي بريدساوي عندك عدسات كثيرة اذا صار تصويرك عندك كذا عدسة من كانون حلوات فية 18-200 فية
Canon EF 24-70mm f/2.8 L USM

فتحتها كبيرة وثابتة وتفيدك بأي ضرف من ضروف التصوير ودقتها و وضوحها عالية بحكم أنها من فية L .. لكنها غالية حبتين ..

[الجدعان]

الشباب ماقصروا

وأنا أقول لو تقدر تزيد شوي خذ نيكون d300

أو أوليمبوس e3

بانتظار اختيارك

[التويجري]

اقتباس المشاركة الأساسية كتبها photo sniper التويجري .. أخوي انا ماقلت انها خايسة ورايحة فيها ماتصلح لكن سمعت كثير يقولون المشكلة هذي مو بس أنا .. اليوم سويت ابد ديت لها وتحسن الاداء شي بسيط الحمدلله .. اخوي بريدساوي عندك عدسات كثيرة اذا صار تصويرك عندك كذا عدسة من كانون حلوات فية 18-200 فية canon ef 24-70mm f/2.8 l usm فتحتها كبيرة وثابتة وتفيدك بأي ضرف من ضروف التصوير ودقتها و وضوحها عالية بحكم أنها من فية l .. لكنها غالية حبتين ..

العدستين اللي أنت قلت ياعزيزي ليست الخيار المناسب لمصور الطبيعة ..

الأولى 18-200 لاتناسب لأن البعد البؤري الذي تغطيه العدسة كبير جداً ..

وهناك معلومة بسيطة تقول كلما احتوت العدسة على أبعاد بؤرية متباعدة فهذا يكون على حساب جودة الصورة ..

ولهذا لاتصنف هذه العدسة من فئة l ..

أضف إلى ذلك الفتحة المتغيرة على حسب البعد البؤري ..

أما العدسة الثانية 24-70 فعلاوةً على جودتها فهي مرتفعة الثمن ..

وبغض النظر عن الثمن فإن أوسع زاوية تتيحها هي 24 ..

وكما تعلم مصور الطبيعة يحتاج إلى زاوية أوسع لإحتواء المشهد بتفاصيله ..

ولهذا أعتقد أنك تتفق معي بأنه لم يتبقى سوى 17-40 كعدسة مناسبة ومثالية من ناحية أعرض زاوية ومن ناحية ثبات الفتحة والبعد المعقول وكذلك السعر وكونها من فئة l ..


وفقتم لكل خير ،

[PHOTO SNIPER]

التويجري صحيح العدسة اوسع زاوية هي 24 لكن لا تنسىانها وايد انجل ..

وفية عدسة 10-20 السيجما وفية 10-20 التاميرون وتعطي حدة افضل من عدسة الكانون والسجما نفس الابعاد..

[بريدساوي]

شكراً للجميع على ردودكم ومروركم وابتوكل على الله واباخذ canon d500 مع عدسة 17-40 وانشاء الله تكون مناسبة ، شكراً PHOTO SNIPER ، التويجري ، الجدعان ، على المعلومات الوافية والكافيه .

[بريدساوي]

ابشركم شريت كاميرا كانون 500d مع عدسة 18-55 ومازلت بحاجة نصائحكم الثمينة , شكرا لكل من رد وكل من اشار علي لكم جزيل الشكر .