[غ دير المح ـبة]

السلام عليكم ورحمة الله وبركاته ..

سؤالي من العنوان ..

من تختارين من هؤلاء للعيش معه وماهو سبب إختيارك؟

ومن وجهة نظركـ ماهي الطريقة المثلى للتعامل مع كل شخص؟

الإختيار منهم إجباري

رأيكِ أختي يهمني ؟..

[ما تَهَاب]

والله كل واحد منهم وضعه أشين من اللي قبله .. أستغفر الله ..
بس يمكن الشكاك على صعوبة وضعه وكرهي لهالصفة ولكن هو عندي أهون من الثانين , أما التعامل احاول ماأخبي عنه شي و .......... والله ماأدري كيف ..!! الله لايطيحني بواحد مثلهم : (

[((بقايا روح))]

والله انا عندي كل واحد اشين من الثاني
لكن اختار البخيل اهون بكثير من الحالات الباقيه لان البخيل ما فيه ضرر لي
مع ان البخل شين وبقوهـ لكن اهون من المريض النفسي والمدمن
والله كلهم شينين وإن شاء الله ماشوف الاشكال

[الداعية الصغيرة]

اعوذ باالله


لاانشاء الله مااعيش معهم



والله يثبتنا على الطاعه
ونسال الله العافيه

[●غزآل العآرضية~]

أعود وأقول المدخن والمدخن وبس مو حب فيه وف قرفه بس لأنه أهونهم
< إلى الآن بالهآ مع موضوع مآتهآب
والله خيارات ماتهاب أرحم بألف مرة منك يآغدورة ^_*

نرجع لفآرس الأحلام < الله لايقوله

المدمن .. اللهم لآ شمآته ولآ في الأحلام !
الشكاك .. هذا اسمه الموت ببطئ ، يعني مستحيل أقبل به !
البخيل .. طول عمري أحلم أشتري أشياء معينة وتمنعني المادة وأصبر وأحلم بالعوض وآخرتها آخذ بخيل !! .. من عآشر المستحيلات طبعاً !
المريض النفسي .. معقول ، وخصوصاً إنه مبتلى بهالشيء وماله أي يد ف الموضوع !مو مثل الفاحش رآعي الإدمان ولآ جايز له طبعه ومآحاول يغير نفسه مثل البخيل والشكاك !!
وبإذن الله أكون وآقفة معآه وأحتويه وأوفي له وأشجعه على العلآج وأبين له إن هذا مو نقص !
وكل المواقف اللي راحت بتقوي من وفانا وحبنا لبعض .. ويتعآفى بإذن الله وأكون دلوعته ويسعدني ^_^


الله لآيرآوينا هالأشكآل .. ويسعدنا باللي نحب ونتمنى !

[**روووح بريدة**]

والله كلااااااااامي زييييييييي البنااااات ما اختاااااااااار ولا واااااااحد منهم ؛؛؛ كل واااحد اشين من الثاني ؛؛؛وأي وااااااحد منهم يجي ((والله لايقووووووله ياااااارب))بنقووووووله يمسك الباااااب بسم الله علينا الله يعاااااااااافينا ولا يبلانا((يااااااااااااارب)).......ويمكن انا اقووول يمكن على الاقل عشااان خاطرك بس البخيييل ؛؛السبب بخييل ازين من الشكاك والمدمن بسم الله علينا وهههه خلاااااص مانيب قااااايله شي ابددددددددد ؛؛ومشكووووووووره

[غ دير المح ـبة]

بنات أنا مقدره إن الإختيارات صعبة ,,

لكن ,, إحدى صديقاتي تعاني من زوج شكاك.. وهي دائمة الشكوى والتذمر وأقول لها إحمدي ربك , على الأقل أحسن من المدمن ولا النفسي ولا البخيل
وترد وتقول لا لا ياليته بخيل ولا شكاك ..

وأنا فكرت بيني وبين نفسي وبصرااااحه دخت
وكل واحد أشين من الثاني وبقووووووووه

ماأقول إلا الله يعينها هالمسكينة ويصبرها
واللي تعاني من أي زوج بهالصفااات ..

حبيبااتي

ترى مثل هالصفات أكثرها ما تكتشف إلا بعد الزواج وللأسف..
خصوصاً بعد مرووور وقت .
يعني لاطاح الفاس بالراس

وش بتسوين في هالحالة ؟

تطلبين الطلاق ؟

وإن كان بينكم أولاد؟ وش السواااة؟

والله مشكلة ,,, ومالها حل .

[الام الحنون 8]

وشي الفائده من هذا اسال السذاج؟؟؟؟؟

[غ دير المح ـبة]

اقتباس وشي الفائده من هذا اسال السذاج؟؟؟؟؟

أمنا الحنون ,, هل بإمكانك إعادة ماكتبتيه فلم أتمكن من فهم حروفك ؟

[●غزآل العآرضية~]

اقتباس ترى مثل هالصفات أكثرها ما تكتشف إلا بعد الزواج وللأسف..

أبكتني عبآرتك هذي لواقعيتها
وش نسوي يآغدير ؟!
المجتمع عآيز كده !

للأسف احنا المجتمع الوحيد اللي صآير عندنا الزواج
مثل المصيبة
الزوج اللي صآر من حظك غصب ترضين به وتكيفين نفسك عليه شكاك مب شكاك ماادري إيش ماعندنا هالحكي نصيبك وارضي به !
مآلنآ أي حق نحب ونختار اللي نبي :/
يآالله ، ماباليد حيلة

[أم جحا]

اقتباس رى مثل هالصفات أكثرها ما تكتشف إلا بعد الزواج وللأسف..

أنا أخالفك في الرأي

لكن
الشكاك <<< هذا يمكن ماتعرفين الا بعد الزواج

المريض نفسياً <<< إذا كان المسؤول عنكي حريص عليك
سيعرف أنه مريض نفساً >>>> من السؤال عنه

البخيل <<< هذا بعد تعرفين أنه بخيل قبل الزواج وأنا اعرف بنات
يقولون لهن خطيبك بخيل الله يعينك عليه

المدمن <<< وهذا بعد تعرفين عنه قبل الزواج


يعني بس الشكاك اللي ماتعرفين عنه >>> الله يستر بس

[ظل القمر]

,

اقتباس المشاركة الأساسية كتبها غ دير المح ـبة وأنا فكرت بيني وبين نفسي وبصرااااحه دخت وكل واحد أشين من الثاني وبقووووووووه

ههههههههههههه يآحبيلك اجل دختي
والله انك صآدقة


مشكوورة ع الطرح

\

[نبض المشاعر]

والله ولا واحد كل واحد اعظم من الثاني

ان شاء اله ارجي من ربي خير ولا اعيش مع ولا واحد منهم

[تعبت أشكي]

مشكووووووووره اختي على طرحك للموضوع

انا بصرااااااااحه انتي سئلتي واضنك تبغين الاجابه من كل وحده
اكيد اعيش مع واحد بخيل ولا واحد شكاكيشك فيني في كل شي اسويه ولامدمن يضيع مستقبلي
انشاء الله ولاواحد منهم
هذا وجهت نضري
دمتي بحفظ الله