[نبض القصيم]

بسم الله الرحمن الرحيم

قضيتى هى قضية كثرةالمصاريف التى تنفقها المراة اثناء الولادة
.................................................. ........................................
.................................................. ...........

مالفت انتباهكم الموضة الى صارت عندنا من خمس سنين وجاى انة الوحدة اذ ولدت جابت مصممة

ديكور للغرفة الى الزوار راح يدخلونها صدق والله ؟؟؟؟؟؟؟؟؟؟؟؟

وطلب حلى ماركة باتشى وكريستيان ديور...... وموالح.......

التقديم اغراض الشاهى والعصير وخلافة يشرون على اخر مانزل بالسوق من محلات الاوانى

المنزلية

ماعندة شغالة تستأجر وصل حدهن الى 3000بالشهر

والهدايا الى تاخذها الحرمة وهى طالعة ومرسوم عليها صورة الطفل المولود

لاحظتوا الشى او لا

واصبحت المراة تبحث عن افكار جديدة من بداية الحمل

اضف الى هذة التكاليف ان ولدت بمستشفى خاص

وتجد الزوج لم يتم سداد ديون الزواج حتى يفاجا بمشكلة جديدة

ياترى ماهو السبب لتفشى هذة الضاهرة هل هو 1-الترف ام2- حب الضهور والسمعة ام 3-التقليد ام 4-مواكبة تطوارت العصر ام ماذ

[ابوفيصل 911]

1-الترف والجهل2 - دباشة بعض الرجال 3-التقليد

[الصريح الفصيح]

والله دلاخة بعض الرجال - اللي لبس ثوب رجل وهو الله بالخير - ضعف شخصية بعض الرجال وسيطرة النساء عليهم جعلت هذا الترف يظهر على الوجود - من الخارج الله الله ومن الداخل يعلم الله -قلة وعي وشخصية ضعيفة وسيطرةحواء وعادات دخيلة - هي السبب في تفشي هذه الظاهرة

[أبوعبدالملك]

اقتباس ياترى ماهو السبب لتفشى هذة الضاهرة هل هو 1-الترف ام2- حب الضهور والسمعة ام 3-التقليد ام 4-مواكبة تطوارت العصر ام ماذ

ياترى ماهو السبب لتفشى هذه الظاهرة هل هو:

1-الترف ، أم 2- حب الظهور والسمعة ، أم 3- التقليد ،أم 4- مواكبة تطوارت العصر ،أم ماذا ؟

جميع ماسبق ...

وزد عليها ضعف شخصية بعض الرجال....

[أبو رُبـــــى]

اقتباس -الترف ، أم 2- حب الظهور والسمعة ، أم 3- التقليد ،أم 4- مواكبة تطوارت العصر ،أم ماذا ؟ جميع ماسبق ... وزد عليها ضعف شخصية بعض الرجال....

لا أزيد ..

[رابعة]

يحدث ماذكرتي عند البعض وليس الكل .
ولكن ترى الحين ماهو مثل قبل الهدايااا الان صاروا النااس يمشون على لاتعطين ولااعطيك

وبعدين تغيير الاثاث وكذا فيه ناس مايجزمون يصلحون شي الا بداافع قوووي فالاولدت اجزموا وغيروا
وبعدين الغاالب تلقين المراة من مالها تغييير ماهو من زوجهاا .

ولو فكرتي الغالب عند الناس الفترة بين الولد والولد الثااني اقل شي اربع سنواات فما فيها شي لو تغيير بالعكس .

الحلا وكذا من وااجب الضياافة لكن وسط لاافراط ولاتفريط.

والشغااالة ياختي تبغيين تجيب عيااالها وهي بعد وانفاس واكل خااص تبغين امهاا تتكفل فيها اقل شي تجيب شغاله تقوم بعيالها والسعر لقت اقل ورفضت!!

وبعض الرجااال يغيير باليبت هدية مابعد الولادة .

ومن عطاااه الله تبصرررر..لكن بعتدااااااااااااااال.

[نـــNAــونا]

اقتباس المشاركة الأساسية كتبها نبض القصيم بسم الله الرحمن الرحيم قضيتى هى قضية كثرةالمصاريف التى تنفقها المراة اثناء الولادة .................................................. ........................................ .................................................. ........... الوحدة اذ ولدت جابت مصممة ديكور للغرفة الى الزوار راح يدخلونها صدق والله ؟؟؟؟؟؟؟؟؟؟؟؟

مصمه مره وحده هذي أصلا وين توجد

أنا أشوف إن الوصف مبالغ فيه

صحيح أنه فيه بعض التغيرات اللي تصير بس مو لهذي الدرجة

والشغاله على اللي معتاد عليها أو اللي محتاجتها من بيقوم فيها وفي عيالها إذا الأبو بسلامته ماهو قاعد عندهم ولا حتى ساعه وحده

وطبعا ممكن تجيب مفرش جديد وأغراض للتقديم جديد لأن كل قرايبها بيزورونها فلازم تظهر بشكل حلو مهما كان الناس ما تسكت لكن بحدود معقوله مو لازم أشكال وألوان

والغالب الغالب إنه من رواتبهن ماهو من الزوج المحترم

وبالنسبه للهدايا والله اللي أعرفه إن اللي يزورها هو اللي يهديها مو هي اللي تهديه

واللي تطلب منه زوجته شيء مبالغ فيه عنده لسان ويعرف يقول لا للمظاهر

[نـــNAــونا]

اقتباس المشاركة الأساسية كتبها نبض القصيم بسم الله الرحمن الرحيم اضف الى هذة التكاليف ان ولدت بمستشفى خاص

كم يعني الولادة بالمستشفى الخاص ما راح تكون أكثر من 3000 ريال

بلاكم ما تدرون عن المستشفى الحكومي كيف حالته أنواع البهذله والإهمال

واللي عندها تولد بخاص أحسن خدمه وأستر لها

[ضايق الصدر]

اللي ماعندهوش مايلزمووش

[مدحت شوقي بريده]

نبض القصيم ..
اعلمك بعد ..


بعض الحريم فاضياااااااااااااات .. همها الوحيد وشلون تجدد عن الناس ..
علشان اذا رجعن الحريم من عنده قعدن يهمقن ..
شفتي اللي هم حاطين .. شفتي طريقة السرير وشلون ..
لاماشفتي وشلون عطتنا الولد .. جدعته وقعد يدور شوي .. الصراحة حركة حلوة ..



وكله كوم .. ويوم جيت الحمولة كوم .. انواع الدبتسة ..
هاليوم عاااااااااااد تقول أو مرة تشوفهم ..
وتقول لأمه .. شوفي يمه ترى عمتنا تبي تجي معهم ..
تراه تحب الفصفص المالح .. وشاهي النعناع ..



تدرون من الضحية ..
الضحية زوج اللي تصير ( مخفة ) وتشوف هالعالم تسوي تسذا ,,
وتبي تسوي مثلهم .. وزوجه مايقدر ..
هذا اللي والله مسيكين وتورط ..



أما من ناحية الفرق بين الولادة بالحكومي والأهلي ..
فالصرااااااااااااااحة إن الولادة بالأهلي ( ستر ) وراحة ونظافة وعناية ..
تخيل الزوجة بغرفة لحاله بالولادة وتقعد عنده الين تجي ساعة الصفر ..
وعند رآسه ممرضة بس تناظر وجهه .. الين تولد ..


أما الحكومي .. إستهتار وإهمال وكل شي ..
عاااااااااادي من الزحمة يحطون ثنتين بسرير ..
همن كل وحدة ترفس الثانية ..
لاوتجدعه بالمستشفى الحكومي .. همن يقولون لك اذا قضت دقينا عليك ..
والله لو إنك جادعن عنز بالمسلخ ..


من المواقف اللي ماتنساه لك الزوجة .. هي ساعة الولادة ..
اذا وقفت معه ووقفت بجنبه وهي بساعاته الأولى وخففت عليه وهونت عليه ..
ومع كل طلقة تظغط على إيدك .. وكأنه تقولك .. خلك معي ..
واذا جت ساعة الصفر لازم تبعد .. حتى هي ماتبيك عنده بعد ..

هالموقف مستحيل تنساه لك ..




سي يو ..

[نبض القصيم]

اقتباس 1-المشاركة كتبت بواسطة ابو فيصل 911الترف والجهل2 - دباشة بعض الرجال 3-التقليد

ترف صح
جهل فيهن مدرسات
لاتضلم الرجال احيانا مايدرون بكل شى

اقتباس المشاركة كتبت بواسطة الصريح الفصيح والله دلاخة بعض الرجال - اللي لبس ثوب رجل وهو الله بالخير - ضعف شخصية بعض الرجال وسيطرة النساء عليهم جعلت هذا الترف يظهر على الوجود - من الخارج الله الله ومن الداخل يعلم الله -قلة وعي وشخصية ضعيفة وسيطرةحواء وعادات دخيلة - هي السبب في تفشي هذه الظاهرة

سيطرة النساء ماديا يمكن

اقتباس اركة كتبت بواسطة ابو عبد الملك المشجميع ماسبق ... وزد علية ضعف شخصية بعض الرجال....

توقع الامر كذا

[نبض القصيم]

اقتباس المشاركة كتبت بواسطة ابو رباالترف ، أم 2- حب الظهور والسمعة ، أم 3- التقليد ،أم 4- مواكبة تطوارت العصر ،أم ماذا ؟ جميع ماسبق ... وزد عليها ضعف شخصية بعض الرجال.... لا أزيد .. .

سعدت بمرورك

اقتباس المشاركة كتبت بواسطة رابعة يحدث ماذكرتي عند البعض وليس الكل . ولكن ترى الحين ماهو مثل قبل الهدايااا الان صاروا النااس يمشون على لاتعطين ولااعطيك وبعدين تغيير الاثاث وكذا فيه ناس مايجزمون يصلحون شي الا بداافع قوووي فالاولدت اجزموا وغيروا وبعدين الغاالب تلقين المراة من مالها تغييير ماهو من زوجهاا . ولو فكرتي الغالب عند الناس الفترة بين الولد والولد الثااني اقل شي اربع سنواات فما فيها شي لو تغيير بالعكس . الحلا وكذا من وااجب الضياافة لكن وسط لاافراط ولاتفريط. والشغااالة ياختي تبغيين تجيب عيااالها وهي بعد وانفاس واكل خااص تبغين امهاا تتكفل فيها اقل شي تجيب شغاله تقوم بعيالها والسعر لقت اقل ورفضت!! وبعض الرجااال يغيير باليبت هدية مابعد الولادة . ومن عطاااه الله تبصرررر..لكن بعتدااااااااااااااال.

الهدايا انا قصدت الى تسويها المراة الى ولدت واذا طلعوا الضيوف كل واحد ياخذ وحدة صحيح هى احيانا بسيطة لكن تضم لقائمة التكاليف

فعلا كلامك فية ناس لازم يجى سبب قوى علشان يسوون اصلاحات فى البيت

اقتباس المشاركة كتبت بواسطة نـــnaــونا مصمه مره وحده هذي أصلا وين توجد أنا أشوف إن الوصف مبالغ فيه صحيح أنه فيه بعض التغيرات اللي تصير بس مو لهذي الدرجة والشغاله على اللي معتاد عليها أو اللي محتاجتها من بيقوم فيها وفي عيالها إذا الأبو بسلامته ماهو قاعد عندهم ولا حتى ساعه وحده وطبعا ممكن تجيب مفرش جديد وأغراض للتقديم جديد لأن كل قرايبها بيزورونها فلازم تظهر بشكل حلو مهما كان الناس ما تسكت لكن بحدود معقوله مو لازم أشكال وألوان والغالب الغالب إنه من رواتبهن ماهو من الزوج المحترم وبالنسبه للهدايا والله اللي أعرفه إن اللي يزورها هو اللي يهديها مو هي اللي تهديه واللي تطلب منه زوجته شيء مبالغ فيه عنده لسان ويعرف يقول لا للمظاهر

انا متاكدة انة موجودة مصممة الديكور وحصلت انا ماتكلمت الا لانى مرت على الحالاات

وفعلا اغلبهن تسوى الاشياء هاذى من مالة الخاص

اقتباس طة ضايق الصدرالمشاركة كتبت بواساللي ماعندهوش مايلزمووش

صحيح كلامك

[ما تَهَاب]

قضيتك هذه كانت قضية بيني وبين الخادمة كانت تبشرني ان عيد ميلادها قريب وانها اعتادت على الهدايا فقلت لها نحن في السعودية مانعترف في أعياد الميلاد ودار نقاش طويل ومررنا بالمولد النبوي وأمور كثيرة وكانت ليست مقتنعة فقالت "بلهجتها" أنتم في السعودية إذا يجي بيبي جديد سوي حفلة وجيب هدية , أبو بكر وعمر سوي كذا ..
فعلاً دار في ذهني سؤالها هل الصحابة كانوا يحتفلون بالمولود كما نختفل نحن ..!!
وبالنسبة لموضوعك أوفقك على ماقلتِ الا في جوانب أرى انها من إكرام الضيف وشي ضروري إعتدنا عليه ومالزوج دخل فيها بل تكون التكاليف على أهل الزوجة ان كانت في بيتهم , أما المصممة وكذلك سمعت بالصبابات فأعتقد انها أمور سببها الترف والتقليد أعمى ..


شكراً لكِ , وأعتذر على الإطالة ..

[سـنـكـرس]

الشكوى إلى الله