[الوساااام]

صادق يخوي وكلامك صح ولا تنساء انها ديار العنصريه والتفرقه ..!!

[قبل الرحيل]

أشكر جميع الردود

وخاصة : السمو الروحي * سيما

و ما زلت انتظر دردود أصحاب الفكر السامي و العقل الثاقب

صاحب وجهة النظر البعيدة لما أكتب

لا أريد ردود بدون تفكير

بل فكر و لا ترد حتى تستوعب الكلام

ولو ترد بعد حين أهم شئ فكر بما أقول

[~{ الوسـامـ ..]

فعلاً شي غريب .. اخي قاهر الروس كلامك رآآآئع ومنطقي جداً ..

[هايين]

فيه مشكله عندنا بالبطاقه الشخصيه

المفروض لكل ديره يحطون لون
والي مايفتخر ببلده يحطون كرت احمر يكتب عليه
ماله ارض في ارضه

[د/الفـهـد]

اقتباس المشاركة الأساسية كتبها قاهر الروس . . صَدِّقني أخي الكَريم هَذهـِ لَيسَتْ مُشكِلَةٌ في أهلُ بُريدَة بَلْ في بَعضِ العُقولِ التي لا تُسَاويْ حَتى مَطَايَا الأقَدام . . .

يكفي رد الاخ قاهر الروس

كلام جدا جميل

اشكرك

~

[(غيوووور)]

لالالالالالالالالالالا
تكفون يا عالم افهمو

انا من سكان مكه لاكن يا حبي لبريده واهله
ونا من عيون الجواء

اعرف الناس الي ما يحبون القصمان
هم ما يقلون اهل بريده لاكن يقولون القصمان
والله يعالم ايا بهم حقد حقد على القصمان شي مهب طبيعي
لاكن فيه ناس بالعكس يحترمون القصمان احترااام انت تتفشل اذا شفته
اخوي كلامك غلط
صحيح انه مهب كل القصمان رجال
فيه السلبس وفيه الاجابي
مهب بس بالقصمان بكل الديار وكل ديره لها عادتها

اعطيك مثل انا في مكه لاكن ما عندي ولا خوي مكاوي كلهم قصمان اخويياي

مهب عنصريه لاكن من نفس ديرتي العادات وكل شي نعرف بعض

عااد يفونك الناس يقلون القصمان عنصريه زاايده

انا ما اقول بس اهل مكه لاكن ياااكثرم
وفيهم حقد على القصمان
الا من رحم ربي

وللعم انا هناك مفتخر اني قصيمي
وارفع راسي شي طبعي اني افتخر بأصلي

شكرا لك اخي
لاكن ارجو ان تفتخر انك قصيمي وترفع رااسك ولك الفخر انت بردااوي

[ابوولعf]

اقتباس المشاركة الأساسية كتبها قبل الرحيل مرة واحد سألني قال لي أنت من بريدة قلت : لا لا لا أن أصلا مكاننا (؟؟؟؟؟؟؟؟؟؟) أنا أستحي أقول إني من أهل بريدة لعدة أمور منها : 1- أولا البجاحة 2 -شوفت النفس 2- فيه شوي كبر كأنه لا يوجد بشر أفضل من أهل بريدة 3- الفخر الطاغي بالنسب و المكان أكثر من العلم و الرقي 4 - الحقران للغير في أي مكان 5- يقولون إن راعي بريدة إذا عزمته يعتذر اعتذار شديد والسبب ما يبغى يرده لك و إذا وافق عزمك علشان يكون وحده بوحده 6- بعدين ينفعون اللي من بريدة فقط لكن اللي ماهو منها ما ينفعونه "والنبي يقول"حب لأخيك كما تحب لنفسك" أو كما قال صلى الله عليه وسلم 7- أهم شي مصلحته بغض النظر عن الإثيار و في شوي حسد و نغاره. تراي ما أقول كلكم في ناس على رأسي رجال و أهل نخوة لكن فيه كثير جهال لا بسين ثوب الثقافة غلط بصراحة كلامي صحيح و إلا لا بصدق جاوبني

[طير غيمار]

اقتباس بصراحة كلامي صحيح و إلا لا بصدق جاوبني

للأسف كلامك عارٍ من الصحة ...

صحيح أنه يوجد 1 بين مئة مما تذكر , لكنه لايمثل أياً بلداً كانت , بل يمثل نفسه .

فإذا دخلت إلى بلد ووجدت ثلاثة سكارى , هل تقول أتيت من بلدة السكارى .

أو وجدت نساءً , هل تقول أتيت من بلدة النساء , كما تقول أن بريدة بلدة البجيحين و ... و....

خالص الود ياعزيزي البريداوي المتملص

[قبل الرحيل]

لا تزال الردود عاطفية

سؤال أذا كنت في الرياض او الشرقية أو أبها و بعدين نبي نرجع لأهلنا نقول

نبي نروح لبريدة

و ما تقول القصيم

ليه راعي عنيزة و الرس و البكيرية و البدائع و عيون الجواء الخبراء و رياض الخبراء و المذنب و الشيحية و القرعاء و الهلالية و غيرها كثير

يقولون نبي نروح القصيم في الغالب
إلا راعي بريدة ما يعترف بالقصيم و يقول بريدة
بصراحة لا زلت استحي بعض الأحيان أقول من بريدة أو ضواحيها

[هايين]

لا
اخطاءت دائما يقولون
نبي نروح للديره
والله اني اسمعها كثيرا

[شنب النملة]

اقتباس المشاركة الأساسية كتبها قبل الرحيل 4 - الحقران للغير في أي مكان

واااااااااوتس منين جبته ذي

والله يانت مانتب سهل ياولد

اقتباس المشاركة الأساسية كتبها قاهر الروس . صَدِّقني أخي الكَريم هَذهـِ لَيسَتْ مُشكِلَةٌ في أهلُ بُريدَة بَلْ في بَعضِ العُقولِ التي لا تُسَاويْ حَتى مَطَايَا الأقَدام .

وش بلاك أنت دايم حمق ..

وسع صدرك وفرفش مع الناس ياخي

امزح تراي << تقعد تهوشن الحين