[خارطة الطريق]

لابد أن ذلك الذي نراه شمال ساكو وتحديداً في الطريق القادم من طريق الطرفية متجهاً غرباً والمتصل نهايته بطريق الملك خالد ، أقول لابد أنه أثر لنيزك أ جرم فضائي سبق أن سقط على هذا الطريق
..
لن أشرح المعاناة والمنظر المخزي بل سأترككم مع الصر لتتحدث .. وأنتظر تعليقاتكم على طريقة العمل والمراقبة أو المتابعة والصيانة في مديرية المياه والامانة ..

((1 ))

حفرة عميقة نتيجة سؤ التنفيذ وإنعدام المراقبة

(( 2 ))

منذ فترة طويلة وهذه الحفرة لم تجد لها متابعة

((3))

ومازالت الارض تنخفس لتعميق الحفرة

[الكــــــبسوله]

مو نيازك هذي ! الا زلازل العيص!! ياخوي العيص ماصار فيهم كذاا !!


وربي الشوارع عندنا مهزله × مهزله ووضعها اكثر من مزري !!


ع الله ينفرج الحال .ومشكور خارطه ع التقرير الجميل,,

[%شموخ حربي%]

888888888888888

صادق والله ولا زلازل العيص

لاحول ولا قوهـ الا بالله

الى متى وشوارع بريدهـ كذا

[الموسوس]

صحيح هاذا شوراع حفريات 24 ساعه والى كد شفنا خير حفريات لقضو مصلحين الشارع حطولك حفره لزم ياخي فيه حرب بينهم وبين السيارات

[من بريده]

أي نيزك وأي لمبة

هذا سغل الباكسانية في ردم ما تحت الإسفلت وعندك نقطة تفتيش يعني في تحت موية وماصورة نازلة شي

تحتاج رفع شوي وترميم

والله لو يطيح عليك نيزك كان تلقى حفرة أقل شي 15 متر ومن جميع الجهات

الله يستر

[ابو شرين]

عقبال مانشوف خفس في اللي ماني قايل

[خارطة الطريق]

اقتباس المشاركة الأساسية كتبها من بريده أي نيزك وأي لمبة هذا سغل الباكسانية في ردم ما تحت الإسفلت وعندك نقطة تفتيش يعني في تحت موية وماصورة نازلة شي تحتاج رفع شوي وترميم والله لو يطيح عليك نيزك كان تلقى حفرة أقل شي 15 متر ومن جميع الجهات الله يستر

ماشاء الله عليك تعرف النيزك ..؟
النيزك من ربك ونحمده ونشكره على كل شي ، بس الكلام بالناس اللي ياخذون فلوس ومناصب وهذا شغلهم ..

[الــبــتــار]

لا حيات لم تنادي

المره الجايه يبي يطيح مذنب وليس نيزك

[محمد عبدالله الجطيلي]

شكراً لك على النقل الرائع

[من بريده]

اقتباس أقول لابد أنه أثر لنيزك أ جرم فضائي سبق أن سقط على هذا الطريق

و الدليل ؟؟؟؟؟؟؟؟



أنا ما أتكلم عن البلدية بلديتنا ما يختلف إثنان أنها أحسن بلدية في العالم بلدية بريدة



شوف عندك شارع الملك فهد اللي كم له ما خلص مثل السلحفاة




لكن أتكلم عن النيزك اللي حطيته طايح بدون إثبات أجل كل حفر بريدة ساقط عليها نيازك

الله يصلح حالي وحالك هذي القشرة السفلية لمواصير الصرف الصحي رخوة ولذلك نزل

هذا السبب الظاهر

أما نيزك ما أذكر سقط نيزك على بريدة والله يكفينا شرها

[المهندس مشعل]

ياعالم حسو بالمواطن

[mans]

عاجال لسعادة الأمين والوكيل
(نقول لكم اتقوا الله بنا وغيروا مدراء الادارات بالامانه فهم نوم وفلاح وعلى شاكلتهم المراقبين ) فلا نشكوا بثنا وحزننا الا الى الله جل شأنخ وعز سلطانه أما الاخوه الظاهر انهم اصبحوا جنائز ويجب أن يصلى عليهم وهم احيا ،،،،،،،،،،،،،،،،،،،،،، والسلام

[بوابة شرق القصيم]

هههههههههههههههه ماعندك بلدية ((( وين الملايين ))))) تصرف على فاضي ؟؟؟؟؟؟؟؟؟

وين المرقبة ؟؟؟؟؟؟؟

[مراقب بريدة]

يعطك العافيه على التقرير المميز ولا ارى حل الا ان يقال رائيس الامانه ويحاكم حتى يتعض به غيره وانا اعلم ان مثل هذا بعيد ومستحيل لكن شي بالنفس
وتقبل تحيتاتي