[بـنـت الدلع]

السلام عليكم ياجماعة الخير .


انا اعرف وحده مسكينه ، لعب عليها الشيطان ودخلت بعلاقه مع ذئب بشري
وانا كنت ادري بحكم قربي من اختها ، وصرت ارسل لها اشرطه وكتب مع اختها بدون ما اخليها تحس اننا شاكين فيها .
وفعلاً يا احبائي البنت التزمت ! وحسينا انها مستانسه ومسفهله
بس فجأه تردت حالتها : ( ومن سيئ الى اسوأ .. بعد ما ألحينا عليها بالسؤال اكتشفنا انها كانت تعرف ذئب بشري ! وانه شكوكنا كانت بمحلها
وتقول عاد انه يوم التزمت وتركته ، صار يرسل له رسايل تهديد ويزعجه الله يهديه : ( يعني المفروض يترك البنت بحاله يوم شافه اهتدت الى الصواب والتزمت ، ولكنه تسلط عليهااا
تخيلوا البنت وش تقدر تسوي الحين ؟ وهو موب راضي يخليها بحالها ؟
يعني الحمدلله انه ما قد ارسلت له صور ، ولا هو ماسك عليها شي
بس يعرف اسمها ، ويزعجها بالإتصالات ويهددها انه بيفضحها
ويقول له انه ماراح يتركها بحالها الا اذا رضت تطلع معاه !
وانا خايفه انه البنت تستلم وتضعف ويقص عليها الشيطان وتصدق انه اذا طلعت معه بتفتك من ازعاجه واحراجه المتكرر لها
يا إلهي ماذااا نفعل
البنت من التزمت صار لها سنه الحين ، ولين الحين التسلب ذا ما يأس ! ومستمر بالتهديد

انا قلت لها انتبهي تغلطين ويقص عليتس ابليس وتطلعين معه وتصدقين انه بيفكتس من شره اذا نفذتي هالطلب ، لا صدقيني منتب مفتكه بالعكس يمكن يغتصبتس ويصورتس وعاد وش يفكتس منه ، وتصيرين عرضتي نفستس للمنكرالعظيم وهو الخلوه الغير شرعيه

انا قلت لها علمي الهيئه ، يكلمونه وينصحونه ويمكن يهتدي الى الصواب ويترك بنات الناس بحالهم
وهي خايفه انه اذا علمت الهيئه ينتقم منه بعدين !

فـ البنيه تبي رايكم ياجماعه ، لا تبخلون عليها

[سارق الفرح]

ابتلشت

[بـــارق]

غريبه فعلا

انتي نصحتيها انها ماتغلط تطلع معاه!!

يعني لسا ماتابت؟؟

يمكن تتوب لما تطلع معاه مثل غيرها

[الصباخ]

http://www.buraydahcity.net/vb/showthread.php?t=155008

[بـنـت الدلع]

اقتباس المشاركة الأساسية كتبها بـــارق غريبه فعلا طايب دامها ماطلعت معاه ولامعه صور لها فأين المشكله؟؟

المشكله انه يعرف اسمها و يهدد بفضحها ؟ ويزعجها من سنه لين اليوم !

[بـنـت الدلع]

اقتباس المشاركة الأساسية كتبها الصباخ http://www.buraydahcity.net/vb/showthread.php?t=155008

الله يجزاك خير ، بخليها تشوف الموضوع
انا ودي تقتنع وتكلم الهيئه ، بس هي خايفه انه يغربلها ويسوي اللي براسه

[الكــــــبسوله]

بلاغ للهيئه وانتهينآ ,,,

[بـنـت الدلع]

اقتباس المشاركة الأساسية كتبها سارق الفرح ابتلشت

قل خيراً او اصمت

[الكــــــبسوله]

واذا استمرت المضايقات اكثر , تلغي رقم جوالها وتشتري رقم جديد ,

وخلاص مادام تقولين مامسك عليها شي ,مارح يقدر يسوي شي . ولو عمل اي حاجه تنكر المساله وانتهينا ,,

والله يخلصلها منه ,,

[بـنـت الدلع]

اقتباس المشاركة الأساسية كتبها بـــارق غريبه فعلا انتي نصحتيها انها ماتغلط تطلع معاه!! يعني لسا ماتابت؟؟ يمكن تتوب لما تطلع معاه مثل غيرها

الله يهديك ، اقرا زين ولا تتطنز على بنات الناس ، ترى هذا ابتلاء من الله لهم .

بعدين انا قلت يمكن ترضخ لتهديداته وتسوي له اللي يبي عشان تفتك منه
لأنه قال ماراح اخليتس بحالتس الااااء اذا طلعتي معاي

[ديآر بلآ وطن]

اذا مو ماسك عليها شي تقطع عنه وسيلت الاتصال بها
وياباب مادخلك شر أوما أنها تردعليه كل ماكلم
فهي بقمة الغباء

[بـنـت الدلع]

اقتباس المشاركة الأساسية كتبها الكــــــبسوله واذا استمرت المضايقات اكثر , تلغي رقم جوالها وتشتري رقم جديد , وخلاص مادام تقولين مامسك عليها شي ,مارح يقدر يسوي شي . ولو عمل اي حاجه تنكر المساله وانتهينا ,, والله يخلصلها منه ,,

غيرت رقمها وجاب الرقم الجديد ! ماندري شلون . الظاهر ماخذه من وحده من هالبنات الفاسدات الله لا يبلانا

المشكله انه عارف اسم البنت ياجماعه وهو حقيير ولا يخاف الله
يقول لها انا بتكلم فيتس بالمجالس تخيلوا

[ضايق الصدر]

الحين برامج بالتلفزيون و99 كل اثنين طالع وفيه حلول عن هالنوع من المشاكل

ولا لقيتو الحل ؟ ا الحل واضح عندك رقم الهيئه

والله لو يدقون عليه الهيئه ولا يطبون عليه ان يتوب ويمكن يسويها على روحه .

حسبي الله عليه هالوقح

والله يثبتها ويستر عليها ,

[~الـ غ ـــريـبه~]

اين ولي امرهـ
لماذا تساهلت من اول شي لماذا لم تخبر اهلها
او الام اول شي
الكثير من الفتيات التي اسمع عنهن
انهن يخافن ان يقولن لحد وهنا اكبر خطأ
اختي بلغو الهيئه والله ترتاح ولا راح يفضحه إن شاء الله
وانبه كل فتاهـ
إذا اتى ذئب ضال عليكِ بأخبار اهلك اول بأول
كي لا يتطور الامر ولا تخافي بالعكس سوف يكونون بجانبك
ويوقفون الذئب عند حدهـ
الله يحفظنا ويحفظ بنات المسلمين