[حورية البشر]

بسم الله الرحمن الرحيم
اهلين حبايبي
بقولكم مشكلتي انا متزوجه من اربع سنين بس من فتره زوجي اعترفلي انو مايحبني بس مرتاحلي وهذا اللي مخليني صابره بس انا والله ماقصرت معه بشي ابد اي شي يطلبه اعطيه واضحي كثيييييير علشانه واتنازل عن اي شي يبيه بس عشان يكون راضي علي بس وهو يردني في اي شي اطلبه قليل يلبي لي شي
انا كنت اقول يمكن عشان ماعندنا اطفال
بس متامله فيه خير انه يتغير وانا احبه رغم ذالك تخيلو احيانآ يزعلني وانا اراضيه يعني هو الغلطان
سوألي كيف اتعامل معه ابيه يحبني ويحترمني تكفون عطوني من تجربكم ابيه
يتغير
ابيكم تردون علي كيف اتعامل معه
ابي من تجربكم
ابي شي واقعي
مودي اتخلى عنه
ملاحظه"هو من كم يوم يقول انه راح يتزوج مسيار وانا ودي الحق عليه قبل مايسويها
ربي يخليكم لاتنسوني ولكم جزيل الشكر

[ام اصايل]

الله يهدية لج يارب
الحقيقة انا مو عارفة المشكلة وين
احس انج تحاولين ترضية وتحولين تملكين قلبة بس هو يمكن ناقصة شي
شوفي يمكن انج مقصرة بحقة كزوج او عدم اهتمام فية شوفي نفسج اولا
اذا ماكنتي مقصرة يمكن انتي هادية بطبعك وهو يبي وحدة مرحة او يمكن انتي عصبية ويبي يبتعد عن المشاكل شوفي نفسج من جميع النواحي واذا ماكان فية تقصير ادعي ان الله يهدية

[فرح وعشناه]

سبحان الله وبحمدة سبحان الله العظيم

[رابعة]

سوي كل الي عليك كزوجة من اهتمام بمظهر دااخلي وخاارجي
والطبخ والبيت واللسان الحلو ونصيحة علييك بالدعااااااااااء
وقيااااااام الليل والاستغفااااااااااار والصبر والله مارااح يخيبك

وللمعلومية احيانا التغلي والعتاب له دور في تغييير الزوج يعني انتي يمكن من النوع الي لاقال زوجك يمين قلتي يمين ولا قال يسار قلتي يسار لا خلي لك رايك وشخصيتك غلطتي عليه راضيه غلط عليك هو يراضيك واستخدمي اسلوب مكر الحريم والنت ملي بهالامور..

ارجع واكرر الدعاااااااااء وقيااااااام الليل وشوفي النتيجة..
والاطفال عالجوا ان كان فيه شي ترى لهم دور بتغيير الحياة الزوجية ان كان مانفع مستشفيات روحي لحرمة تعالج بس ثقة ومجربة قبل وطبعا لاتنسين الااتجاء للحي القيوم..

وانتي غيري من اسلوبك بالحيااة سوي شي ماقد سويتيه بحيااتك ارقصي او العبوا ان شاء الله برشاش الماء الي تقل مسدس او سوي حفلة بينكم من فترة لفترة..

لان اربع سنين كفيلة تفهمينه ويفهمك وموضوع الاحترااام صااارحيه وتكلمي بجد لان اهم شي الاحترام بين الزووجين..

الله يجعله يمووووووووووت بحبك ويصرفه عن كل حرااااااااااام..

[§¤بكرى اكيد احلى§¤]

الغلط سويتيه

لاتنازل في الحياة مادام هو الغلطان كذا دايم يبي يهينك ولايصير لك قدر حطي قدام عيونك الرجل يجب المراءه القوية

قوي شخصيتك وخلي لك كلمة ولاتتنازلين مادام ماقصرتي بحقه

ولا تركزين عليه وتخلين زوجك اكبر همك
عيشي ايامك وهيوايتك وربي عيالك
ولا تبين له حبك القوي والصريح خليك عاديه
تغيري شوي عليه مثلا بالاهتمام بالمعامله بس حبة لاتزودي شوفي ردة فعله
اشغلي نفسك وهو راح يبحث عنك
يقولون الرجل مثل الكوره شوتيه يلحقك خخخخخخخخخخخخخ
بااختصار خليك وسط لاتهملية ولاتقطعي قلبك

وعليك بالدعااااااااااااااااااااااااء

[هايين]

مريت

وساعود لرد اذا الله اراد
موفقه

[مشتاقة للجنة]

هلا أختي اعترفلك انه مايحبك شوفي ليش احس ينقصكم الحواااار اجلس معه افتحي قلبه عادي شوفي وش يحب وش يكره غيري روتين حياتكم مثل انتي غيري لبسك شوفي اللي يحب اصبري لكم اربع سنين راح يحبك ان شاء الله بس مع مررور الوقت قوي قلبك وشخصيتك وعزيمتك ولاتضعفين أمامه احس الرجل يحب المراءة القويه بس يمكن شي نفسي لاسمح الله صابتكم عين شغلي القرآآآن يوميا بالبيت سورة البقرة
وسمي قولي بسم الله الرحمن الرحيم بكل شي تسوينه في البيت له أثر التسميه سبحان الله أستغفري ربك وصلي بالليل وتصدقي بنيه شي ولاتفكرين ان شاء الله يتغير ويحبك وتكبرين بعينه مع مررور الوقت
أتمنى لكي حياة سعيدة هائنه...........موفقه,,,,,,,,,,,,,,,

[نجدية حرة]

مرحبا حورية كيفك

حبيبتي حورية بحاول قد مااقدر مااتفلسف وبعطيك المفيد انشالله
حسيت ان زوجك من النوع اللي مايحب الاهتمام المباشر فيه ذكرتيني بسالفة وحدة من اعز صديقاتي كانت تشتكيلي من زوجها تقول اهتم فيه وادلل فيه وكل دقيقة اطالع وجهه هو راضي او زعلان ومع ذالك ماحسيته يهتم او يبالي بمشاعري مدري ليه؟! (هذا كلام صديقتي)

المهم انا جيتك ونصحتها عن تجربة طبعا قلتلها لا تضيقين عليه عيشته لا تحاصرينه بإهتمامك فيه لا تحسسينه انه هو اهم شي بحياتك وانه هو الهوى والماء والشمس انطلقي عيشي حياتك حبي نفسك مارسي هواياتك سوي شي فحياتك يرضيك عن نفسك عيشي حياتك لنفسك مو لاحد ثاني!!
((فغيرتي هي احترامي لذاتي)) خليها قاعدة بحياتك

بكذا راح تثبتين شخصيتك قدام نفسك اولا وقدامه هو ثانيا خليه يحس انك لك شخصيتك المستقلة عنه صدقيني صدقيني صدقيني راح يحبك ويعشقك بعد وهذا اللي قالته لي صديقتي تقول والله الرجال صار يموت فيني ويدورني ويعاتبني ويقول انتي ماتقعدين معي انا محتاجلك لهيتي عني!! يعني اقتلبت الآية وصار هو يلاحقها بدل ماكانت هي اللي تلاحقه!! والله الحين تتشكرني وتدعيلي

المهم انا قلتلك اللي عندي بختصار انتي ادخلي موقع ((مملكة بلقيس)) وادخلي على قسم الاستاذة: ناعمة الهاشمي اقري المقالات والقصص والاستشارات بالقسم‘‘ صدقيني ماراح تندمين..

والله يردلك زوجك يارب في اقرب وقت ويبعد عنك الضراير

وعلى فكرة مافيه رجل يقول لزوجته بتزوج مسيار الا اذا كان يبي يشوف هي تغار عليه اولا! او انه مايحترمها!!
فأنتي اذا اطرى الزواج والمسيار وغيرة حسسيه بالغيرة والغضب عصبي عادي عبري عن مشاعرك فهذا من حقك ترى الرجل يفرح بالزوجة الغيور ويكره الباردة اللي كله واحد عندها لان هذا الشعور يشعل احساسه بالرجولة قدامك وبحبك له!!
((غيرتي هي احترامي لذاتي)) خليها قاعدة بحياتك الزوجية

[نجدية حرة]

اللي بين قوسين((غيرتي هي احترامي لذاتي)) بالاصل تحت مدري وش وداها فوق!!

المهم بحاول بأقرب وقت انزر مقال (منقول) لاحد الاطباء النفسيين عن الطريقة الامثل لمعاملة الزوجة زوجها ويعتبر مثل التنبيه وهو كهدية مني لكم بس الكلام خطير وجديد مو من الكلام اللي مليناه بدون فايدة!!

[تاج الملكة]

السلام عليكم

اهلين حبيبتي

مسكينة والله أسئليه عن هذا الشئ المفاجئ يمكن يجاوب وأتمنى لك الخير دوماً

[مطعونه بشوكـه ~]

..والله ماادري وش اقولكـ .. بس الله يخليه لكـ ..
ان شاء الله .. هذولآ الرجال يتغيرون فجآءة .. بس
انتي كثري من الاستغفار وادعي له بالهدايه ...
وان شاء الله يرجع لكـ ويحبكـ ويموت بك ولا يشوف غيرك احد ,,,
والاستغفار له دور ياااختي لاتتهاونين ..

اتمنى اني افادتكـ ..
تقبلي طلتي

[حورية البشر]

ربي يخليكم ع الردود اللي تثلج الصدر
ربي مايحرمني منكم