[أم ابتسام]

أخوي أبو محمد تحول موضوع ابنتك إلى قضية رأي عام وتشهير بالاسماء اليست الشكوى من ولي أمر طالبة أم لا واذا كانت من ولي أمر طالبة لماذا تذكر الاسماء فقد يوجد من هو مظلوم ويذكر اسمه وهو لايعلم بأمر موضوع ابنتك فأرجوا ن الاعضاء احترام الآخرين والرد بدون التشهير بالاسماء ولكم جزيل الشكر.

[دوني دندوني]

أنا كان عندي دوره وكانت مدة الدوره أسبوع ......شفت في الدوره مديرتي

في أبتدائي ................تدرون وشلون شعوري

كنت إذا جلست في وقت الأستراحه أشوفه مقابله لي وأتصدد أحس أنه لو تشوفن تبي

تعرفن لا كن شعوري هذا ناتج عن بقايا ذكريات طفولتي

فالأن أقول الله يسامحها كانت شبح رعب لي وكان ذلك بسبب ربطة عنق لبستها وفرحانه

وأخذته مني ...فمنذ ذالك اليوم لم أنساها

فنداء مني إلى مديرات ومدرسات الأبتدائيه ....ترى ذولا أطفال فعاملوهم بلطف ولين يكون

التوجيه أحسن وأبلغ تراهم ماينسون طول عمرهم؟؟؟

[رُوَاءَالرُّوح]

مديرة مدرسة الاربعين
منذو مبطي معذبة الجميع
كبر وغرورعلى ايش ما ادري والله لاثقافه ولا اخلاق
انا طالبه من طالباته وبعد 8سنوات أصبحت اختي طالبه عندها تشكي معاملته للمعلمات
والطالبات
قمة الاستحقار للامهات في الحفل وكأنها توجه كلمة لطفل
حسبي الله ونعم الوكيل كل ماتحويه ادراج غرفتي عندها
لا رابطات ولا اطواق ولا بكلات ولا شرايط
وقبعات الشتاء ليش ماادري؟؟؟ ممنوع وبس
والغريب انها لـــــ حد الان على عماها مازالت تتصرف بقساوه
تصرفها مع إبنتك لايعتبر عدل ولا صواب قسوةٌ وتسلط
لم ادرس عندها الا سنتين والله ما انسى تلك البراءه ارتجف بالسياره خوفا
منها ومن معاملتها وكأني مجبره كل صباح لحظور عصابة شبح مخيف
اما الحين ياليت اقدر اشوفه كان..............................

الى مربيات الاجيال في المدارس
وخاصة المرحله الابتدائيه وما قبلها
عليكن بقراءة السيره النبوية
والاقتداء بمعلم البشرية
ومن ثم
قراءة علم نفس الطفل
حرام عليك حطي بنتك
مكان من تُعذبين

عن عائشة رضي الله عنها، قالت: سمعت النبي صلى الله عليه وسلم في بيتي هذا يقول: ((اللهم من ولي من أمر أمتي شيئاً فرفق بهم فارفق به، ومن ولي من أمر أمتي شيئاً فشق عليهم فاشقق عليه)).

[زوج الحلوه**]

بسم الله الرحمن الرحيم لا املك الا ان اقول حسبنا الله ونعم الوكيل -- فقد شاء القدر لزوجتي ان يضعها معلمة في تلك المدرسه ولكنها لم تلبث طويلا لانها لم تتحمل تلك المرأتين-- فأقول لك ياأبا محمد ماقلته غيض من فيض وماخفي اعظم!!؟لااعلم اين قلوبهن الا يخفن من العقوبه على مايفعلن في المعلمات والطالبات؟؟ سؤال اريد اجابته!!هل المدرسه ملك لهن؟؟ المعلمه تكرف كرف الحمير بهذه المدرسه والمديره ومساعدتها تنقم فصفص ومكسرات!! المساعده تشحن المديره على المعلمات والمديره تنصاع وتخضع لاوامر المساعده !! ايطبقن الانظمه على المعلمات وهن يسرحن ويمرحن ويخرجن في اي وقت يردن حتى لو كان بدون سبب!!اين المسؤلين عنهن؟؟ الا يخفن من اسهم الليل التي لاتخطىء-- الم يسمعن بقصص تلك المديرات والمساعدات المتسلطات فأحداهن اتاها الخبيث في حنجرتها والاخرى اقعدها الم في ظهرها طريحة الفراش واخرى الم في عينها لاتعلم سببه وتتنقل من مستشفى لاخر بدون جدوى!! اعلم ان هذا قدرهن ولكن هناك سبب!! فمن يعيش في تلك المدرسه سيرى العجب والعجاب فأحذر الجميع بعدم التدريس بتلك المدرسه اما الطالبات حتى لو لبسن الفساتين لايحق لها فعل مافعلته تقولهن اخر مره وخلاص ماله داعي اللي سوته وللمعلوميه ومن مصدر موثوق والله على مااقول شهيد المديره قالت للطالبات لاتلبسن الفساتين يوم الاثنين وثلاثة ارباع طالبات المدرسه غائبااااااااااات!! فلماذا هذه القسوه واقول لاختي كاميليا انا متأكد انه ليس لديك طفله صغيره لتحسي بمثل ماتحس فأتقي الله وبالفعل فرحة طفله اغتالتها عجوز حمقاء وانا اقول فرحة طفله اغتالتها عجوزان حمقاوان

[ابوولعf]

حرام والله اللي تسويه المديره

[موتي ولا زعل امي]

ايـــــــــــــــــــــــــــــــــــــــــة الله يخلف بس
عجز يديرن المدارس مالات من التربية والبنيات الخريجات اللي كلهان حماس قاعدات بالبيت
وكم سنة الا ناسية كل اللي دارستة

شكل وزراة التربية والتعليم تعيين الوحدة لحد ماتخرف ثمن يدورون غيرها واللي يقهرك رواتبهن

مايهمة هي تستحقة او لا ماتدري انها على كل شي محاسبة

اخي ابو محمد لا تتركها بحالها هذا اذا سمعو لك

يوم حنا صغار عانينا امر من كذا

[لمسات حنونه]

اقتباس المشاركة الأساسية كتبها أبو محمد1 اختي لمسات حنونه انا كتبت الموضوع لهدف واحد وهو تسلط المديرة والمساعدة وتصرفهن وانا ارى ان الان بدا تصفيت حسابات بين اطراف . وبنات العز يعززن انفسهن بتصرفاتهن وباخلاقهم وكلامهم ونحن في بلد يحكم بالشرع فهل تتوقعي لو حصل ظلم او تعدي من بنت عز امثالك لاياخذ منها الحق

رح اشتك بدينك ورجلينك للأسف أباء متخلفون ياخي افهم انت قادر انك تلبس بنتك طيب غيرك مايقدر وهذا ان دل فإنه يدل على انانيتك وماهمك الا مصلحة بنتك لو انت اب تربوي كان كلمت المدرسه تشكرهم وخصوصاًان الاداره سبق وانذرت الطالبات لكن ما اقول الا الله يخلف على المجتمع اللي مليان من هالشكليه

[الواقعي 9]

الموضوع خرج عن هدفه
وتحول الى تشهير وتفضيح

نصيحة لكل معلمة بهذه المدرسة

اشتكي لربك

ثانيا : لا تهمك لا مجيره ولا مشرفه والله ما بيديهن الا التبن
خصوصا للي مستقرة ولا تبي نقل

يعني بالعربي انتن اللي مهبلات بأعماركن
وترجدن على غير سنع

[لمسات حنونه]

أصالة عن نفسي ونيابة عن جميع منسوبات المدرسه نصيحه أعدلن عن النقل شكل إدارة هذه المدرسه تعمل بالنظام صح بصح أنتن أتيتن إلى هذه المدرسه بعد مدارس أهليه وقرى ماتعودتن وشو العمل لازم تعلمكن النظام بحذافيره وإلا شوي عليكن سجن ابو غريب همكن تلاحقن تحسين المستوى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[القلم الذهبي]

اقتباس المشاركة الأساسية كتبها لمسات حنونه أصالة عن نفسي ونيابة عن جميع منسوبات المدرسه نصيحه أعدلن عن النقل شكل إدارة هذه المدرسه تعمل بالنظام صح بصح أنتن أتيتن إلى هذه المدرسه بعد مدارس أهليه وقرى ماتعودتن وشو العمل لازم تعلمكن النظام بحذافيره وإلا شوي عليكن سجن ابو غريب همكن تلاحقن تحسين المستوى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اووووف عجرفيه حتى اسلوب ماافيه

وربي قمة السخااافه ... اقول ممكن تاخذين دوره وتتعلمين فن الكلام والذوق مع الناس



ابي افهم اسمك <<< لمسات حنونه <<<< ع ايش حنونه

[القلم الذهبي]

اقتباس المشاركة الأساسية كتبها لمسات حنونه رح اشتك بدينك ورجلينك للأسف أباء متخلفون ياخي افهم انت قادر انك تلبس بنتك طيب غيرك مايقدر وهذا ان دل فإنه يدل على انانيتك وماهمك الا مصلحة بنتك لو انت اب تربوي كان كلمت المدرسه تشكرهم وخصوصاًان الاداره سبق وانذرت الطالبات لكن ما اقول الا الله يخلف على المجتمع اللي مليان من هالشكليه

قووووووووووووووووووولي قسسسسسسسسسسسسسسسسسسسسم

والله ماالمتخلف الا انتي

اي مصلحه .. اصلاانتي لو لك بنت كان انطميتي

والله يخلف عليك .. وعلى اللي عايش معك وساكن معك ويقدر يتحمل خبالك

ابسالك سؤال وجاوبين بصراحه ... انتي ام

[كبير بريده]

اقتباس المدرسة هذه اسمها مدرسة التحطيم وليست التعليم....

خواتي درسو فيها يقولون والله دمرتنا والحمدلله اننا تخرجنا منها قبل ان تحطم مابقى منا من ثقه- تقول حتى معلماتها كانن في السابق انواع التحطيم وعلى فكره خواتي متخرجات من زمان يعني الان مربيات اجيال _
وهذي اختي جمبي تقول طلع بنتك لايعقدونها بس ترى الثقه بالنفس صعبه ترجع بسهووله ...

[كبير بريده]

لمسات حنونه شكلها اخت المديره او اخت المساعده>>>>يبعد الحوم_
والله اسلوب حلو والله يسعد الى انتي تتعاملين معهم من معلمات اجل يهونن عن النقل هااااااااااااااااااه

[تركواز]

أخي الفاضل/ أنا ممن درسن فيها والآن أنا تعينت مدرسة .....وأقول الله لايسامحها هذه المديرة المرعبة ..!!

ولا يوفق من تستر عليها ...قسم بالله اللي يشوف شكلها يروح فيهااااا كأنها وحش ..

تسببت في ترك الدراسة لأبنة عمي قبل سنوااااات بسبب تعاملها ..وهي لاتدري .!

من الظلم أن تكون مديرة للإبتدائي أطفااال صغااار يتئسسون على الرعب وكره الدراسه والعقد ..

وانتي يالحنونه <<اسم على غير مسمى ..!!

اعترفي انك احداهن وخافي الله في السر والعلن ... أما المعلمات اللي في الأهلية

افضل منكم ياأهل الروتين يوم كنت بأهليه أستخدم افضل الوسائل واحدثها في الشرح والتعامل

بالعكس الحكومي جيت لقيت غبااااااااار (بعض المدارس طبعا) ..نفس الطرق التقليدية ورفض التطور والجديد ..!

اهم شي الحضور والانصراف حاطين حيلهم فيه وهذا هو اختبار ودليل الجهل والنقص والفشل ..!!
لأن المهم الانتاجية في العمل والتجديد والتربية قبل التعليم وليس التسلط وتفريغ النقص والعقد والكبت ..

مااقول الا يــــــــاوزارة التربية والتعليم : معلمات الابتدائي يحتجن الى ترميم أو بيتهن اولى بهن << مع احترامي

للمجتهدات منهن والفاضلات اللاتي لهن فضل علينا ...فهن غير مقصودات للترميم !!!