[صاحب الامتياز]

انا متزوج لي سنه تقريبا وانا احب زوجتي وهي نفس الشي

بس هي تقول انك ما تحبني لانك ما تجلس معي كثير ولا تطلعني كثير

انا احبها وودي اجلس معها واقضي كل يومي معها بس ما اقدر

ليش لاني مدخن وحاولت بعد الزواج اتركه وتركته اسبوعين

بس عجزت ورجعت وانا دايما اطلع ادخن بس اني ما اطلع ادخن

وارجع للبيت لا مثلا لما اطلع اصلي ما ادخن او لما اغيب عنها ما ادخن

ادخن بس لما اقول لها بروح للستراحه لان فيه ناس تدخن هناك

وبها الشكل ما راح تشك وانا تعبت اعلمها او لا ووش الحل

[غربة الخاطر]

أخي الفاضل .. مبروك الزواج .. و... الله يتمم لك على خير...

يسعدني أكون أول واحدة أرد عليك...

أيها الفاضل ..

اشتر لزوجتك شريط الدكتور القاري بعنوان :

مفاتيح العلاقات الزوجية .. كيف يفهم الرجل االمرأة . . وكيف تفهم المرأة الرجل..

وأنت كذلك استمع معها .. أو في السيارة..

ثم يا أخي .. تذكر : أنت أقوى من السيجار.. خففه ثم اقطعه مرة واحدة لا رجعة بعدها ..

ليس صعبا.. ما دمت مسلم فهذا ليس صعب عليك..

وتذكر عندما تمسك بالسيجارة . بأنك لو كنت عزيزا عند الله ما عصيته ...

نعم .. لا يعصي الله إلا من هان على الله ..

أخي الفاضل ..

تقرب من زوجتك .. أكثر .. وأشعرها بالأمان أكثر .. لكن ابتعد أنت وهي عن التعلق ..

لأن من علق قلبه بشيء غير الله .. وكل إليه وعذب به وخذل من جهته..

وقبل كل هذا اطلب من الله أن يشد أزرك.. ويعينك ..

غربة الخاطر..

[صاحب الامتياز]

مشكووووووووره اختي على الكلام الجميل

[صاحب الامتياز]

الي اقصده اعلمها اني ادخن او لااااااااااااااااا عشان ما تهرب منهااااا

[رابعة]

اخوي انتي قصدك ان زوجتك ماتدري انك مدخن ..؟

اخي الفااضل قبل ان تترك التدخين من اجل زوجتك اتركه لانفسك وصحتك وتذكر الاولاك ان شاء الله كيف سيكون حالهم عندما يعرفوا ان ابيهم مدخن واعلم ان هذا سيؤثر في تربيتهم فكيف اقبل بنصيحة من رجل مدخن
وانت اترك الاسترااحة غير اصدقاائك اقضي وقتك مع زوجتك وفيه كثير من الطرق الي مع الوقت تتركه تتدريجيا..

انصحك ان لاتخرب حياااتك من اجل سيجاارة فانتصر عليهااا واهجرهااا..

واعلم ان من الاستحاالة ان زوجتك لاتعرف انك تدخن لان الرائحة واللبس والبكت الذي من الممكن انك نسيتيه يوما كلها من شانها ان تعرفها بذلك ولكن الفطنة عند بعض النساء ان لاتستعجل بالحكم على زوجها وتنتظر ان يخبرها بنفسه..

وفقك الله انت و زوجتك واشغلك الله بطااعته..

[نـــNAــونا]

واعلم ان من الاستحاالة ان زوجتك لاتعرف انك تدخن لان الرائحة واللبس تكشفك

[حبوبة]

أخوي صاحب الامتياز

أنا رايي تعلمها عشان يتبين لها سبب خروجك المستمر وبكذا يرتاح بالها

وان شاء الله تساعدك وتكون عون لك للإقلاع عن التدخين

ربي يسعدكم ويوفقكم

[أنحف دب]

اخوي صاحب الامتياز
الزواج من بديته لايعرف شئ اسمه التصنع
لكن انت بامكانك ان ترتاح حينما تواجه الواقع وتصارح زوجتك
والناس معادن ليس كلامي يمكن ان يطابق واقعك والعكس صحيح
انا متزوج والصراحه بين الزوج وزوجته هي الاساس ولعمك ان الثقه فوق كل شئ

[مشاعل]

قبل كل شي اترك الاستراحه ونا اختك عشان تقدر تترك الدخان ...

واذا ماتبي تتركه صارح زوجتك يمكن تقدر تأثر عليك..

بس شوري عليك خل الشلل وغثاهم وقرقهم وتسدح وتبطح ببيتك ابرك من الاستراحات واريحلك ولعيالك ولصحتك ..

[الجازي]

السلام عليكم ورحمته الله وبركاته

اخي الفاضل..

انا مررت بنفس تجربت زوجتكـ كان يهرب زوجي مني علشان الدخان

بس انصحك انه انت تعلمها احسن من هي تطيحبك وتدري كذا يصير مشاكل بينكم

ورااح هي تقدر ضروفكـ

[&*& كندا &*&]

وفقك الله اخي

لكن نصيحتي انك تعلمها لانه ان مادريت اليوم بتدري بكرى وعلشان تاقف معك وتساعدك ..

زوج خالتي كان مدخن وتركه بعد الله وبوقفته معه

علم زوجتك وخبرها وقلها اني ودي اتركه وابغاك توقفين معاي اطلب مساعدته ..

بس لاتعلمها الا لما تكون نفسيته حلوه طلعها طلعه خفيفه برى البيت حديقه مثلا لكن ابتعد عن الازعاج

لاتصارحها مباشره تعال لها بشويش و ابتدأ بمواضيع اخرى ... ثم موضوعك

شفاك الله وعفاك والله يخلي لك زوجتك....

[مديرمدرسه]

أخي الغالي عالج نفسك أذا كان عندك قوة ارادة وتحب زوجتك راح تتركة ياخي انظر الى الطفل الصغير عنما يفطم من ثدي امه وهو مصدر غذا له وهو طفل ليس عنده قوة اراده ومنذ خلقة الله وهو يتغذى على صدرها وبتدريج ينفطم فكيف الحال بك وانت رجال وعندك قوة اراده تنساق وراء الدخان اتركه باالتدريج وعالج نفسك فهو ليس مخدرات اذهب الى الصيدلية وستجد ادويه تساعدك على تركه مع قوة ارادتك فاعرف الكثير ممن تعافو بهذة الطريقة ليس الدخان يكون أغلى من زوجتك

[D E E M]

يا رجال و الله سالفتك ما تحتاج اخذ رأي

اترك الدخان او علمها

و فهمها ان المحبه مهيب بالمقابل و التبطح بالبيت


انت رجال و مطلوب منك روحه و جيه


و ان كان ما يطلعك من البيت الا الدخان

ريح راسك و اتركه ان قدرت

و ان ما قدرت لا تفهمها ان خروجك بسبب الدخان

لان بالحاله هذي انت تقر ان الدخان اغلا منها


عموماً الدخان ما فيه خير اجزم على نفسك و اتركه و اللي تركوه قبلك مهمب اطيب منك

و لا تذكرت انه عباره عن هوا

تبي تتركه

[أحن امرأه بالعالم]

اخوي انا اعتقد ان زوجتك عارفه انك تدخن لأن الشخص

المدخن يبين عليه حتى لو ماكان يدخن يوميا لكن اتوقع انها ماتبي تصارحك عشان ماتدخن قدامها،،،

لكن اذا ماقدرت تتركه ياليت انك تصارحها عشان مايجي في بالها ان تهرب من البيت عشان اشياءء ثانيه؟؟؟؟؟

واكيد لو عرفت انك تهرب عشان التدخين راح تهون عليها بدال ماتلعب الوساويس براسها......................

الله يصلح شانكم .....