 |
|
|
|
|
15-09-2003, 05:46 PM
|
#1 |
|
عـضـو
تاريخ التسجيل: May 2003
المشاركات: 92
|
تخافي ..لاتخافي ..نحن ابطـــال المطافـــي ..
سلامن عليكم يا معشر الربع و ولا خلاص
شبت حريقه & ببيت منيره & جت المطافي & قالت يا كافي هذي الانشودة التي طالما رددناها في صغرنا وحنا نتدهدر ما ندري انه تحمل انتقادات سياسيه خطيره ((جت المطافي وقالت يا كافي )) وحط تحت يا كافي مليون خط وهذا هو الواقع الخامر (المر) المطافي عندنا اكلف شي تسويه هو التفرج وتقول يا كافي في مرة من المراريت كنت ماسك خط القصيم وقبل طلعة الغاط شفت تريله تحترق سويت فيها مواطن عبدالله ( اخو مواطن صالح) ودقيت على المطافي وعلمتهم عن الحريقه وما قصرو تشكرو وقالو على هالافنس خمس دقايز وجوالي يتصل وارد واقول - الوووووو - سلام عليكم معك الدفاع المدني ياخوي انت اتصلت تو ؟ - ياخوي انا متصل على المطافي ما اتصلت على الدفاع المدني مير وش دراك اني متصل ؟؟ <<<<<<< حجرته - اقول لا يكثر هرجك حبينا نتأكد من البلاغ والرقم والفرقه بالطريق >>>> مهب عاقلين 911 بعد ثلث ساعه من اتصالي الاول دق الجوال وقلت - الوووووووووو - بالخير معك الظابط فلان - والكوبه (والنعم) - من فضلك وصف لي مكان التريله <<<<< النار تحتريكم وصفت له الموقع وسكرت الخط بعد تمام ساعه الا ربع من اتصالي الاول دق الجوال - الوووو - آآآآآآآآآآآآآن ويهو ويهو ويهو ويهو سلام علاكم <<<< سواق الوايت - وعليكم - ابك ياخوك وين التريله ماشوفها - بمخباتي - ابك وانا ولد ابوي تمهزا علانا - لعنبو دراك تريله له ساعه محترقه تبيه تحتريك ؟؟؟؟؟؟؟ اذكر ان احد الكتاب طالب ان يتم تعيين مدير بيتزا هت وزير للصحه لان الاسعاف يصل للبيت خلال نصف ساعه بينما البيتزا تصل خلال عشر دقايق لذلك انا اقول نحط مدير كنتاكي مدير للمطافي لانهم مع المقاطعه داجين ولو تتصل عليهم بالغلط ما يمديك تصك السماعه الا وهم طاقين الباب بالطلب على طاري توصيل الطلبااات .. فيه واحد من الجماعه .. قاعد يوصفلي بيتهم .. يقول لي ..: تخبر بوفيه m .. وانا اتبرطم مادري وشي بوفيه ام .. الوكاد بعد التوصيف الدقيق اكتشفت ان بوفيه ام = ماكدونالدز لا عاد ترى امزح المطافي مامثلهم بكرى يتصلون علي يقولون وش انت قايل رقم جوالي عندهم
__________________
 هذا هدية من اخوي الفالي الرزين الله يوفقك بالدنيا والاخرة |
|
|
|
16-09-2003, 12:45 AM
|
#2 |
|
عـضـو
تاريخ التسجيل: Sep 2003
المشاركات: 83
|
يابعدي المرة الجاية لو تشوف بريدة تحترق..
لا تتصل على احد .. اوحتى توقف.. وعساك سالم... لانهم يعطلونك ويشغلونك هذا بعد اذا ما اتهموكّّ... خبرك تعرفهم فاضين ويدورون الشر..
__________________
ما كل من يضحك لك تراه يودك ولا كل من يسلم عليك تراه مغليك |
|
|
|
|
16-09-2003, 02:17 AM
|
#3 |
|
عـضـو
تاريخ التسجيل: Sep 2001
البلد: &^ ضراس المحتلة ^&
المشاركات: 3,476
|
لا تخافي لا تخافي نحن أبطال المطافي ...... نحن خرفان نوافي
حيمنا ندعوى ننحاشي حاشي لا والله حاشي هالبدوات أقول الله يعينه هم أزين مابهم أنهم يجون لا صارت الدنيا فحم علشان يربصون الفحم بالماء هذولا سلمك الله تدري وش يصلحون له هذولا لا شبيت ضو مع خوياك بالدائري وقضيتو وتخاف الله يستر يمشي الجمر ويحرق بالمزرعة الي حولكم أنتم أول ما تصلون الاخير قبل ما تشبون الضو دقو عليهم علشان لا صار سلمك الله الساعة 12 بليل وصارت الدنيا فحم جو وطفوا صراحة جهد يشكرون عليه أقول // يحق لهم الهرجة رز بخاري وحمضيات على سفوح الثيل الي بجنب المقر صايرن تقل شلة بحوش الله والعالم أن الوايت لو يشغلونه الصبح أن ينحرون الشارع التجاري يغرون قزوزه والله من الشين مع ذلك ما قصرو عاد خلوكم رجال شعارنا لا تخافي لا تخافي نحن أبطال المندي والرز البخاري والمثلوثة هذي توي متعلمه من واحد من الرياض هالمثلوثة بس ولو خيال ..... أتــــــــــــــjjjــــــــــقق /ـ/ـ/ــــــــــــــــــــــــلام :D:D :D::D :D:D :D:D :D:D :D:D ________________________@@
__________________
 |
|
|
|
|
16-09-2003, 10:21 PM
|
#4 |
|
عـضـو
تاريخ التسجيل: Aug 2002
المشاركات: 980
|
هههههههههههههههههههه
الله يذكر ايام زمان كنا مسوين زاحفين ندق على الشرطه ونصك السماعه يوم حنا صغار ايام محبكم انا
__________________
قــريبا.. |
|
|
|
|
17-09-2003, 02:38 AM
|
#5 |
|
عـضـو
تاريخ التسجيل: Sep 2003
البلد: قصيم النماء
المشاركات: 514
|
ذكرتنا بأيام الطفولة
أذكر نتصل على الشرطة من الكابينة ألي بالشارع ونستهبل مسويين فاهميين وأزيدك من الشعر بيت كنا إذا اتصلنا من البيت على الشرطة كانوا يهددوننا أهلي يقولون تراهم يطلعون صورتك وأنت تتصل عليهم الله يرحم أيام الطفوله
__________________
|
|
|
|
 |
| الإشارات المرجعية |
|
|
النمط المتتابع
