[ابويسرى]

لاقلتلك خلني تكفى تخليني ===== النفس ضاقت وتعرف من مضيقها
ماني بحاجة علومك لو تسليني ===== ابعد عن العين واحسن لو تفارقها
لاضقت انا حتى روحي ماتدانيني ===== وليا هدا البال غربها وشرقها
لو كان غيرك حرام انه يحاكيني ==== لو كان كل الدروب البيض يطرقها
تدري وش اللي ذبحني والبلا فيني ==== بعرف عروق الغلا وشلون تسرقها
يمكن تكون الخيانه من شرايني ==== والا حضوضك يجوز الله موفقها
ماقلت لحد سوا امي يابعد عيني ==== وشلون خليتني لعيونك انطقها
ياروح روحي ياقلبي يابساتيني ===== يابسمة العين ليه العين ترهقها
والله من زود حبك صنت رجليني ==== ماشفتني يوم اسوق الرجل وافهقها
انابصفك واضييع وانشدك ويني ==== وشلون لارحت جدراني اصفقها
ماتدري اني شريتك يوم تشريني ==== عشان حبك ابيع الخلق واحرقها
ارجوك ليا شفتني ضايق خليني ==== وليا هدا البال غربها وشرقها