 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
22-07-2009, 02:42 AM
|
#1 |
|
عـضـو
تاريخ التسجيل: Mar 2008
المشاركات: 107
|
ما شاء الله من ورانا خابرينك .......
مشهد -1- عبدالله... شاب ملتزم .... جميل الروح ... طيب القلب ... أحبه في الله جلس ذات مساء مع بعض أصحابه ... وكان من بينهم عبد الرحمن .. عبدالرحمن شاب مثقف وشاب ذكي وذا حنكه ... بعد أن تسامر الجميع وكالعادة لاتخلوا الجلسات من بعض النقاشات حامية الوطيس .. في أمرٍ معين قال عبدالرحمن أنا سمعت إن الشيخ الفلاني أجازه فجأة عبدالله قال ما بقي إلا ذاك يحلل ويحرم أصلاً ذاك عميل و شيخ دراهم عبدالرحمن وكعادة هادئ وذا حنكة ياعبدالله حرام عليك تسب المشائخ مهما كان علمك لا يصل لعلمه حتى تخطيه أنت لست ملزوم بالأخذ بما يقول لكن يجب عليك أن تصون عرضه ولا تقذفه.. عبدالله : لا لالا أبد مني قل عنه الي تبي حلال محلل عبدالرحمن : ياعبدالله لحوم العلماء مسمومة اتق الله ولن تحاسب بخطئه عبدالله: ياخي أنت أشك فيك وفي دينك هذا أنتم عملاء وخوافييين... عبدالرحمن وكالعادة يحب أن يصمت حتى لا يحتد النقاش في أمر ليس له نهاية مع فكر غالباً (إمعي) لايقبل بوجهات النظر الأخرى ... خرجوا من النقاش .. وبدأ الجميع بالتسامر والضحك فجأة عبدالله: أبو دحيم تعرف عبدالعزيز عبدالرحمن: أيه أعرفه الله يذكره بالخير خابره بالرياض الله يسير أمره.. عبدالله: ياخي من راح للرياض وهو ماجاز لي لايتصل ولا يسلم ولا شيء عبدالرحمن : الله يستر عليه يمكن مشغول يمكن دوامه طويل والغايب معه عذره عبدالله: وش شغله طويل لالا أعرفه شايف نفيسته يحسب كل من جاه وظيفة خلاص وصل القمر عبدالرحمن: والله الرجال أحلى من العسل المهم بكيفه الله يستر عليه .. عبدالرحمن: إلا يا بو عابد وش أخبار داومك المسائي عساك إن شاء الله مبسوط عبدالله: وش مبسووط أنت تدري إن مديرنا فلان الكريه متكبر و يشفوك كأنك صبي عنده إذا تأخرت ذلك وإذا قلت له عن إذنك بطلع بدري قال لا ويتمنن عليك ويحاسبك على كل صغيره وكبيره عبدالرحمن: طيب يعني قصدك إنه نظامي عادي هو طبق عليك النظام وانت تبي الخنبقة يعني على شانه حاسبك على التأخير تتكلم عنه وتسبه ياسبحان الله عبدالله: جاك الثاني وجاك المثالي>> يقصد عبدا لرحمن<< ياخي تراي تأخرت 20 دقيقة .. عبدالرحمن : حتى لو ثانية واحدة تعتبر في خانة الخطأ ولا لك حق تسبه المهم ماعلينا ابو عابد وش ذا الرقم الي دقيت علي منه قبل أمس رقم بيتكم !!! عبدالله: لا هذا رقم الشركة فيه صفر ؟؟!! عبدالرحمن : يعني هالرقم لكم ولا للشغل عبدالله: لا على شان شغل الشركة عبدالرحمن: حرام عليك تستخدمه بشيء ما ترضاه الشركة وبغير الشيء الموضوع له وانت قاعد تهمق علي وتسولف معي لو إني داري سكيتها بوجهك عبدالله: ياخي وش دخلي فيهم قلعتهم لو تتأخر 10 دقايق حاسبوك خلني أنتقم منهم !!!!!!؟؟ عبدالرحمن: تنتقهم من خطأ أنت أخطيته يا سبحان الله عبدالله: لا تقلق راسي.. إلا تعال ياعبدالرحمن ياخي خف ربك تملس اللحية لييه ترى الي يلمس لحيته فاسق .. في هذا اللحظة عبدالرحمن انحرج لأنه وبِّخ أمام الجميع ولم ينصح بانفراد. احترام لمشاعره واقتدءاً بهدي محمد عليه الصلاة والسلام في طريقة واسلوب النصح عبدالرحمن لا يزال ملتزم الصمت ... عبدالله : وش فيك صحت من جد انت واخوك تلمسون لحاكم عبدالرحمن انفجر وهنا يأتي (اتق غضب الحليم) ياخي للأسف أنت جالس تنصحني بشيء وتسوي نفسك ملائكي وذنبي أخف من ذنك لا أعترض ولا أدافع من باب تأخذني العزة بالأثم لكن طريقتك أمام الناس بنصحك لا يقبلها احد وتشمئز منها النفس.. بالله عليك وش أعظم ذنب حلق اللحية ولا سب العلماء وش أعظم ذنب حلق اللحية ولا غيبتك الي ما توقفت من جلسنا والغيبة كبيرة من كبائر الذنوب ورد فيها نصوص صريحة من الكتاب والسنة بعكس حلق اللحية التي أقلها لم يرد فيها شيء بالكتاب>> طبعاً ليس اعتراض على ذنب حلق اللحية لكن مقارنة الذنوب وش أعظم ذنب حلق اللحية وإلا ظلم الناس بممتلكاتهم وعدم الأمانة واستخدامك أغراض الشركة وخيانة الامانة وعدم التورع لم أراك يوم تصلي إلا وتنقرها وتذهب لك أراك يوماً إلا وتحكم على الناس بل وتفسقهم من مظاهرهم عبدالله : كالعادة لا تعليق لأنه أساسه ضعيف وشكلي فقط !!؟؟ ياكثرهم .. ولايزال عبدالله وغيره الكثير اعتبر الدين بشيئين فقط تقصير الثوب وإعفاء اللحية مشهد -2- خالد صديق عزيز على ليوسف.. يتميز بغيرته على الدين ... يكره العلمانية والليبرالية ... وكتاب الصحف والمجلات .. يصف كل من يناقشه في الهيئة أو الحجاب او أي شيء آخر بالعلماني خالد ذخب إلى اليونان بانتداب لمدة 90 يوما ... دعاء يوسف إلى لقاءه هناك ... قال له سوف القاك بعد شهر من إنتدابك .. ذهبت إلى اليونان واستقبلني بحفاوه وترحاب ... حمل حقائبي إلى الفندق .. وأدخلني غرفته .. أخذت حماما سريعا وتوضات وخرجت ... أعطاني قدحا من القهوة ... قلت له انت وأنا ارتشف الكوب من وين القبلة يا خالد ؟ هو: وش عندك ؟ يوسف : وش رايك ... بصلي .. فاتتني صلاتين .. هو : ماشاء الله اسلمت .. يوسف : عن البثارة وين القبلة .. هو: والله مدري .. شف جوالك ولا الشمس ولا أي شيء يوسف : وش دعوى خالد ... لك شهر هنا ؟ هو: اقول لا تسوي فيها مطوع ... تراني خابرك زقرتي.. مشهد -3- جلس أحمد مع زملائه لمشاهد المباراة النهائية لكأس ولي العهد ... بين الهلال والشباب ... كان معظمهم هلاليا .. أنتهى الشوط الأول بالتعادل ... وأنتهى الثاني كذلك ... وهو الحال بالنسبة للشوط الأضافي الأول ... ارتفعت حدة المباراة ... وارتفعت أعصاب زملائه ...بدأت الشتائم والكلمات البذيئة .. قذف ولعان .. وسب وصل لأمهات اللاعبين ... وفجأة سجل المفرج هدف الحسم ... ارتفع صياح زملائه ... وقاموا بضم بعضهم البعض ... وسجد المفرج على ارض الملعب ... وسجد زميله علي ..واحمد يراقب تصرفاته ... السجدة لم تاخذ منه اكثر من ثانيتين.. أحمد: علي ما شاء الله سجود شكر .. هو: ايه أكيد هذا ابو مفرج .. أحمد: اسألك سؤال صريح.. هو : تفضل .. أحمد: متى آخر مرة سجدت شكر ... هو: يوم سجل القحطاني هدف على الاتحاد .. عم السكوت المكان ولا تقطعه سوى تعليقات بسيطة على المباراة .. أحمد: خالد الحمد لله على السلامة ... يقولون جاك حادث قبل شهر .. هو: الله يسلمك بغيت اروح فيها ...السيارة انعدمت يارجل أحمد: عساك سجدت شكر على اللي صار عاد الصمت من جديد مشهد -4- في أحد الليالي اتصلت عمت ناصر (المطوعة جدا) قائلة له : ناصر الله لايهينك تقدر تمرنا انا وبنتي بالمستشفى وتودينا للبيت ، قال لها : تامرين أمر ياعمة .. وصل إلى المستشفى وركبت عمته وابنتها الدارسة في كلية اصول الدين سيارته وسلم على عمته وهي غاضبة .. ناصر : عمه وش بلاك معصبة .. هي: شفتي يا اسماء ذيك اللي ما تستحي على وجهها عثتني الله يغثها .. بنتها : ايه شفتها.. مهيب متربية .. ناصر : وش السالفة ؟ عمته: وحدة جاية ولابسة ذبك العباية المخصر ومتلثمة وتزاحم الرجاجيل تبي تفتنهم .... المشكلة إنها ميب لايقة عليها ... دبية وقزمة .. ناصر : وسعي صدرك ياعمة .. وش اخبارك يا اسماء وكيف الدراسة ؟ البنت: تمام الحمدلله ... ناصر : أسماء بسألك عن الحديث الذي رواه أبو داوود والترمذي وقال حديث حسن صحيح عندما قالت عائشة رضي الله عنها لرسول الله حسبك من صفية كذا وكذا تعني القصيرة قال لها رسول الله صلى الله عليه وسلم :"لقد قلت كلمة لو مزجت بماء البحر لمزجته "وش يدل عليه الحديث البنت : يعني أن الغيبة من الكبائر .. ناصر: وش الفرق بين الكبيرة والصغيرة .. البنت: الكبيرة هي اللي ورد فيها وعيد أو تهديد والصغيرة لا .. ناصر: واللثمة .. البنت: وش فيها ؟ ناصر: من الكبائر ولا الصغائر ؟ العمة: أتركيه ما عليك منه .. إلى اللقاء
__________________
أستغفر الله .... أستغفر الله .... أستغفر الله
آخر من قام بالتعديل ^جبل عمر^; بتاريخ 22-07-2009 الساعة 02:58 AM. |
|
|
22-07-2009, 02:58 AM
|
#2 |
|
عـضـو
تاريخ التسجيل: Dec 2008
البلد: في دوحة الايمان والخوف من الرحمن
المشاركات: 2,222
|
شكرا على المشاهد والطرح والتعليق ياتي لاحقا
|
|
|
|
22-07-2009, 12:40 PM
|
#3 | |||||||||||||||||||||||
|
عـضـو
تاريخ التسجيل: Mar 2008
المشاركات: 107
|
الشكر موصول أنتظر العودة
__________________
أستغفر الله .... أستغفر الله .... أستغفر الله
|
|||||||||||||||||||||||
|
|
|
22-07-2009, 01:07 PM
|
#4 |
|
عـضـو
تاريخ التسجيل: Jan 2009
المشاركات: 408
|
[FONT="Microsoft Sans Serif"][/FONالله يجزاك خير ياجبل عمر
والله إنك جبتها على الجرح ياكثر الناس اللي كذا T] |
|
|
|
| الإشارات المرجعية |
|
|
النمط المتتابع
