[نمرود]

إن عودوا يمي لقوني علـى العهـد = وان ابعدوا يا علِّهـم مـا يـردون
خبري ما اصيد الا عريبات من جد = انقى الجزال اللي لها مـا يطولـون
وش حلل الصاحب يجازين بالصـد = ياشارب الما اشرب الما على هـون
يمكن تلاقي قشاش واهوال ما تعـد = كاس العنا من دون في دون في دون
ما اشره عليهم شرهتي على احمـد = حسبة اخو ولكـن القـوم يعـدون
اببلعه والا اركنه في جـال او سـد = الله غفور وسـوو اللـي تسـوون
طبعي كذا ما اجازي الصد بالصـد = ما هو غلا كـلا ولا نيـب مفتـون
احمل هموم لو هي على طويق ينهد = وحزني تركته بين الاضلاع مسجون
آمنت بان العبـد مـا ينفـع العبـد = لو هو وريث لكامل املاك قـارون
يا حامل المسحاة كبـر لنـا اللحـد = وسع لنا منزل عن النـاس مكنـون
ساعاتنـا وايامنـا وانفاسنـا تـعـد = آجالنـا تفجـع وآمالـنـا تـخـون
نبحر من الشاطي على قارب المهد = ونصارع امواج عصيبـات وفتـون
بعد الشقا نا صل وناقف على الحـد = والقارب اللي شالنا صـار مدفـون
وتسلَّـم ارواحنـا مـن يـد لا يـد = وكلن بمـا سـوى بدنيـاه مرهـون
هذي نهايتنا وكـل شـي لـه حـد = باكر لزوم نموت مع اللي يموتـون

لمن لم تظهر له القصيدة


مشكووووووووووووور أخوي