[ألوان وتناتيف]

والله السالفة سهلة .. لوأنا بمكانك أخذت رقمه منه ودقيت على الهيئة .. وإذا أنتم خايفين عطين رقمه ورقمه وأنا أدق على الهيئة وأقول لهم كل شي .. خل يأدبون اللي مايخاف ربه .. والشريحة ممكن تحرقه وتقول لأهله إنه ا حترقت طلعوا لي ثانية ولا تعطي رقمه الجديد أحد أبد أقل شي لين تخلص السالفة ولايكون الرقم باسمه أفضل ..

والأهل لايدرون أبد ماله داعي .. ومن تاب تاب الله عليه ..

وهاللي مايخاف ربه لاطاح بيد الهيئة أتوقع يقول وش وله الجوال فواتير على الفاضي ..خخخخ

[ألوان وتناتيف]

على فكرة تراي بنت .. يعني إذا أنتي ماتبين تتعاملين مع الأخوان اللي عرضوا مساعداتهم أنا بالخدمة ..

[اميرة البحار الـ7]

بما انها قدرت تغيير حياتها
فهي باذن الله سوف تقدر على تغيير رقمها وصديقاتها اللاتي لهن سوابق في مثل هذه الامور وهي ادرى بهن
واذا طلعت رقم جديد لا يلزمها اخبار الا المقربين منها مثل والديها واخوانها واخواتها فقط الى ان يهدأالوضع
وبعدين تعيش حياتها عادي ولا كأن شيء حصل معها وتعتبره درس ماضي

اللهم ثبتها واستر عليها واعنها على جهاد نفسها وانصرها انك سميع مجيب

[ماءالسماء]

نصيحة مني تتصل بالشيخ خالد الصقعبي أو الدكتور عبدالعزيز المقبل وهم بإذن الله يحلون الوضع .

[زيدالعبدالعزيز]

حكيمة جداياعنيزاوية

[اثيره]

شوفي هوالحين مايقدر يسوي شي لانه مايعرف عنه شي غير اسمها خليه تغير الرقم وتفتك

[عزوزتي]

اقتباس المشاركة الأساسية كتبها عنيزاويه برستيج ياجماعه ليش تغيير رقم جوالها؟؟ المفروض تنسى اسم جوااال ولاتفكر فيه.. وترميه في الزباله اعزكم الله مثل ماقلتي غيرته وجاب رقمها الجديد وهكذا كل ماغيرت رقم الجوال بيجيبه ..يااختي قولي لها تتركه وتنساه وخله يقول اللي يقول ماراح يقدر يسوي شي صدقيني يوم شافها ابعدت عنه قام يدور اي وسيله عشان ترد عليه وقتها يسجلها مكالمه ويفضحها صدق وبعدين الجوال مع البنت اللي ماتزوجت اكبر خطا ... بعض الاهالي الله يهديهم يتساهلون و يعطون بنتهم جوال وهي في مرحلة المتوسطه اوالثانوي عشان بنت فلان وعلان معها يعني تقليد اعمى المفروووض البنت ماتمسك جوال ... لانه ليس من الضروريات ..يكفيها جوال امها واذا عطيتو بناتكم جوال المفرووض يكون هناك رقابه على البنت ولايترك الحبل على الغارب وتضييع البنت

أجمل وأصدق ما قرأت 000 تحياتي

[عزوزتي]

السؤال لماذا البنت لا تسال إلا حين تقع في المحضور ؟

عموما حصل ماحصل 00 والحل بسيط ولايحتاج كل هالتعقيد

والاتصال بالهيئه 00 والمشائخ 000 لا وألف لا 00

هذه مسأله شخصيه 00 وحلها بسيط جدا 00 بس عندي

سؤال 00 البنت كما قلت تابت والحمدلله 00 وغيرت جواله

لكن 00 الذئب البشري 00 أخذ الرقم من البنات الغير ملتزمات !!

السؤال 00 بما أنها تابت وغيرت جوالها 00 لماذا أعطت رقمها

لبنت غير ملتزمه ؟ ألم يكن الأولى بمن تابت ( تقطع ) علاقاتها

بالشر وأهله 00 بما فيها 00 كل صديقاتها 00 في السوء 00؟

00 الحل بنظري 00 فقط عدم ( تفخيم ) المشكله 00 وتغيير الجوال

حالا 00 والبقاء بدون جوال 00 وإن كان لابد 00 فشراء رقم جديد

غير مستخدم !! ولا تعطي الرقم لكل من هب ودب 00 وخاصة صديقات السوء

ولو افترضنا جدلا 00 حصل على رقمها لاتكلمه ولاترد عليه وتهمشه 00

ولاتدخل معه 00 بتوسل 00 أو تهديد 00 تتركه وكأنه غير موجود 00

هذا باختصار 00 ولاداعي للهيئه والمشائخ إلا عند الأمور الصعبه !!

00 ورسالتي للذين 00يردون بردود 00 سخيفه 00 أقول إتقو الله

فليس هذا مجال 00 للإستهزاء والشماته 00 ولاأدري وين المشرفين

من بعض الردود 00 المسيئه لمجتمعنا المسلم 00 تحياتي

[•°انكسار الأماني°•]

,,

ياشيختي وإذا عرف إسمه ؟؟ وش بيسوي يعني ؟؟ بصراحه ماألومه لو خافت لإنه ربيبة مجتمع إسم البنت عيب يطلع فيه .
بس خليه تكسر عادات المتخلفين وتكتب إسمه فوق كبري الملك فهد ولايهمه لا ذيب ولا كلب .
ترى عطيتوا هالشباب أكبر من حجمهم والله ماعندهم سالفة بس لقوا بنات يخافن من مجتمع يلعن خامسهن ليل نهار لذا إستغلوا هاللعن .
إذا صادقة تابت والله ماتضره إتصالاته وإذا لازالت فتراجع نفسه والظاهر له عقل تفكر فيه ولايحتاج توصي أعضاء بريدة يفكرون عنه .

اقتباس المشاركة الأساسية كتبها عنيزاويه برستيج وبعدين الجوال مع البنت اللي ماتزوجت اكبر خطا ... بعض الاهالي الله يهديهم يتساهلون و يعطون بنتهم جوال وهي في مرحلة المتوسطه اوالثانوي عشان بنت فلان وعلان معها يعني تقليد اعمى المفروووض البنت ماتمسك جوال ... لانه ليس من الضروريات ..يكفيها جوال امها واذا عطيتو بناتكم جوال المفرووض يكون هناك رقابه على البنت ولايترك الحبل على الغارب وتضييع البنت

ممكن تحددين لاهنتي من اللي مايصلح أهله يعطونه جوال ..
البنت إللي ماتزوجت وإلا البنت إللي بالمتوسط والثانوي ؟؟
طيب وإذا بنت عمره 30 ولاتزوجت كذا مايصلح ؟؟ وعيالكم عادي يمسك جوال وهو ماتزوج ؟
التخلف هذا هو سبب ضياع بناتكم لاتحسبون هالشدة حرص .
قالوا إيش قالوا البنت اللي ماتزوجت تسجن علشان ماتخدع .
ليه بناتكم مجانين لدرجة ماتثقون في عقولهن ؟ إذا كذا دخلوهن شهار وفكونا .
والله حالة كذا كل البنات خبوله برأيكم ولعلمك ماأفسد بالديرة غير المتزوجات وروحي راجعي الهيئة .
فعلاً الكثير من سكان هذه المنطقة يحتاجون لعلاج نفسي .
الله يعين البنات اللي متولينهن هالأشكال .

..

[றїšš.βùŧţεяƒŁΫ ✲]

الحين مانقدر نقول ليش ومالـيش .؟

لان خلااص هالشي صار وانتـهى .. اهم شي الحيــن تلقى لها اقــرب حل

من وجهــة نظــري احسن شي انهـا تتـركه لان بالعكس اذا سوت الي يبغــى راح يهددهـا اكثر

ويسوي الي براسه مته مابغى ..

يعني الحين مايعرف الا اسمـه وهذا تهديـده اجل بعديــن لو تطلع معه ويكون معه صور ومن هذا القبيل

واللـه راح ينشرها بدون تـردد لان ماعنده مخافه من ربـه

لان يدري ان الاسـم ماراح يكون اكثر فضيحه من الصــور ..

,, احسن شي بعد تغير رقـم جوالــه وتخبر الهيـئه وراح يكفون ويوفون وياخذون عليه تعـهد ان مايعترض لهـا ,,

والله يســتر عليها وجميـع الفتيــات /..:

[فورتشنر]

بلاغ للهيئه وانتهينآ ,,,

[أبونادرالأجتماعي20]

تسلم الرقم لأخيها ويسلمه لأحد العماله ((مين أنتا انا مافي معلوم !!))
وتشتري شريحة جديدة وإن شاءالله لن يستطيع أن يعمل لها أي شي .

شكرا لك .

[لايف ستايل]

..
..
يعني الحمدلله حتى الآن يا اختي لم يحدث شي ولكن اذا طلعت معه وصورك تطلع الفضيحه

يعني غبئ غبئ .. تبي انه تطلع معه ويفضحها صدق ..

خلي ينتقم منها بعدين بكيفه اصلا ماراح يقدر يسوي شي ..

اذا قلتي للهيئه .. عموما تقطعه ماترد عليه او انه تقفل جوالها ..

ومايقدر يسوي شي اصلا اذا مامعه عنوانها ..

اصلا هو يخلي نفسه قوي .. ويبي يخدعها بابسط سهوله ..

علميها انه بعدين بيذلها صدق اذا طلعت معاه ..

وحتى اذا طلعت معاه اذا شبع منها بيفضحها

.

وادعي لها حسبي الله عليه .. حسبي الله عليه



..

[رمان]

افضل طريق الهيئة
مافي حل ثاني
ليت هالبنات يتعضن
تحب لها واحد بهالنت وتعلق فيك وترسل صورها له
وذا طاحت بالمشكله وكشر الذئب عن انيابه
قالت وش اسوي طبعا مافيه غير الهيئه
لا تحبن احد بالنت لا ترسلن صوركن لا تكونن سجناء لعواطفكن انتبهن الله يرحم والديكن