 |
|
|
|
|
10-10-2003, 01:30 AM
|
#1 |
|
عـضـو
تاريخ التسجيل: Aug 2003
البلد: ســـــــــدير
المشاركات: 28
|
منقول : قالت الأخ عربي ! قلت لا انا فرنسي متلطم
السلام عليكم ورحمة الله وبركاته ..
ونظرا لان بطني تمزع ضحك .. فحبيت انكم تشاركوني [/U].. قالت الأخ عربي ! قلت لا انا فرنسي متلطم قصة واقعية دارت احداثها قبل 9 شهور هنا في امريكا ملاحظة # الله وزع الوسامة والجمال على عبادة سبحانة فية الزين وفية الشين بس ماهو ذنبي اذا كانت اشباهي وتقاسيم وجهي فرنسية بحتة! ولا يبين علي اني عربي القصة: كانت عندي محاضرة الله لا يعيدها الساعة 3 العصر شغلت الشبح حقيقصدك وقفت تاكسي ورحت للجامعة دخلت ونصيت المصعد لأن قاعتي كانت في الدور الرابع دخلت المصعد لحاليالى هنا حلو ) في ذاك اليوم باالذات كنت كاشخ باالمرة ولابس احسن ماعندي: 1\ بنطلون رياضة لونة برتقالي فاقع وفية ثلاث خطوط حمر مع الجنب 2\ تي شرت خظرا 3\ جزمة كورةوانتم بكرامة اول ماشريتها كان لونها ابض بس اللحين شهبت ليش ياترى أهو دا اللي قرا ) وكنت قاصً شعري قصة مجنونة روعة روعة وكاد شعري وحاطة على جنب مع وجود فرقة في الزاوية اليمنى المهم وانا في المصعد وهو طالع وقف فجأة عند الدور الثالث انفتح الباب والا والله نور غريب دخل علي مين مين تتوقعون؟ بنت خليجية موووت ماني قايل من اي بلد بلاش فضايح ) بتقولون وش دراك انها خليجية؟ ماهو عشان مرافقها سمر( علامة الجودة )لالالا حنا ياالشباب هنا فينا لقافة ماصارت مافية بنت خليجية تدرس معنا الا ولازم نعرف منهي ومن وين ووش سالفتها تفرغ كامل لهن ) دخلت وهي مسرعة وكانت مشغولة بشنطتها وكانت لحالها فرصة شكلها تدور على شي في الشنطة قلت لنفسي هذي فرصتي ابخش معها مافية الا انا وهي هنا حبيت اسوي نفسي مؤدب وأخلاق وأسالها على اي دور تبي تروح لأنها ركبت وبس التفت عليها وانا كلي ثقة بوسامتي واناقتي وكا العادة سبرت بعيوني اللي كبر الفصفص وحاولت ادخل البحة في صوتي باالقوة وقلت لها: عفواً انتي نازلة ولا طالعة فوق ؟؟ البنت بعد ماسمعتني رفعت راسها تقول احد كاب عليها سطل موية باردة وقامت تبحلق فيني للحظات!! خلال هذة اللحظات وش تتوقعون دار في مخيلتي اللي بتوديني وطي!! قلت في نفسي : شكل البنت خقت معي اي وقعت في غرامي وما توقعت اني بعطيها وحة واكلمها لكن ما كل ما يتمناة المرأ يدركة انقطعت احبال و سلالسل افكاري بصوتها قائلتً الأخ عربي ؟؟ فكرت بلحظة واللحظة الثانية رجعت احلام اليقظة ثانية لي وقلت في نفسي عربي الى ها الدرجة اللمحة الفرنسية اللي في اشباهي مغطية على اشباهي العربية ) رفعت عيني لعينها وحطيت يدي اليسرى على خصري واليمنى على باب المصعد في محاولة مني للتميلح ورديت عليها بكل غرور وقلت: اية نعم انا عربي وخليجي باالتحديد بس ما ادري وش اسوي بعمري كل من شافني يسألني انت عربي ؟ مع العلم انة صحيح ان اشباهي فيها لمحة فرنسية لكن انا عربي صدقت وتقمصت الشخصية وبعد ماخلصت كلامي رسمت ابتسامة صفرا على براطمي محاولاً إيهامها بأن غير راضي عن ذلك ردت البنت وقالت : هاهاها لا بس انا فكرتك هندي شكلك يقول كذا هندي ؟؟ ما صدقت اللي سمعت وقالتها ةهي تضحك بعد قوية وجة ) مادرت ان اللي قدامة هذااللي هو انا عبارة عن شكل انسان لكن في الحقيقة عبارة عن احاسيس ومشاعر تجمعت على شكل انسان رومنسي حالم كا الوردة في مهب العج وشلون صرت هندي ؟ وانا اللي افكاري واحلامي راحت بي بعيد بعيد وقلت خلاص هي لي وانا لها وبديت افكر في لون غرفة النوم حقتنا وغرف اولادنا وبديت اتخيل شكلي معها وطفلنا فيصل سميتة بعد واحنا نلعب في الملاهي في ديزني لاند ونصور جمب ميكي ماوس وباقي شلة افلام الكرتون ويوم جانا برد يروع وحنا في الملاهي فصخت كوتي وحطيتة عليها علشان تدفى زي ما نشوف في الافلام وانا باالطقاق وكيف هي ردت علي بإبتسامة حنونة وحطت راسها على كتفي ومشينا سوى وين وين راحت كل ها الاحلام وين صحيح حلم كبير كبيركبر عمارة الفيصلية في لحظة انهدم تصدقون مارديت عليهايوم قالت توقعتك هندي زين اللي ما صكيتها مخمس بعد تحطمت او بالاصح قتلت وخرت يدي عن الجدار ونزلت يدي اليسرى عن خصري( 2 سانتي ضغطت زر الدور الرابع وطلع المصعد ولو كان جدار المصعد سألني وش فيك ما رديت انت زعلت فهي سألت حسبي الله ونعم الوكيل يجيلك يوم يا ظالم مع تحيات بيزاا الحالم منقووول -------------------- |
|
|
 |
| الإشارات المرجعية |
|
|
النمط المتتابع
