[سديراوي]

بسم الله الرحمن الرحيم

السلام عليكم ورحمة الله وبركاته


المشهد الأول:

وحدة مزيونة بالحيل.. وحبيبة..

بس تخون!!

شو أسوي بجمالها؟؟

بياخذها الزمان وتبقى عجوز..

عادي.. طاح الحطب.. وحلوة الحياة




المشهد الثاني:

سيارة مسرعة.. وتدعس لها واحد.. مسكين هندي..

والعسكري صديق الطايش.. والخطأ نصه على الهندي..

والباقي على أبو الطايش..

وفي الليل.. الطايش يلعب ورقة

عادي.. طاح الحطب.. وحلوة الحياة




المشهد الثالث:

غني وظالم.. يطرد المساكين.. ويستغل الضعاف..

مغرور وفاسق.. ومجلسه عامر..

ومع ذلك يجمع حسنات.. من كثر اللي يسبونه..

عادي.. طاح الحطب.. وحلوة الحياة




المشهد الرابع:

يكد يدرس ويشتغل.. عشان يبني مستقبله..

تزوج وجاب عيال.. ثم تقاعـد..

صار يسكن في مكان.. وأم عياله في مكان..

والسبب العيال..

صار دار المسنين بيتهم ..

عادي.. طاح الحطب.. وحلوة الحياة




المشهد الخامس

تغازل وتأخذ أرقام.. وتطلع مع هذا.. وتواعد ذاك..

ويوم طاح الفأس في الرأس.. بكت..

وراحت تشكي لأمها غدر الزمان.. طبطبت عليها وقالت:

ولا يهمك.. سفرة لمصر.. وشوية سيولة وترجعين بنت..

عادي.. طاح الحطب.. وحلوة الحياة




المشهد السادس:

مرفوع الكفن أبيض.. وصاحبه وسط البياض..

بعضهم يبكي.. وبعضهم عادي..

دفنوه.. وتبكـبكـوا شوي..

وآخر الليل سكارى..

عادي.. طاح الحطب.. وحلوة الحياة




المشهد السابع:

ملتزم.. يصلي كل الفروض..

وإذا تعب.. فاتـته صلاة الفجر.. وإذا شبع راحت صلاة العصر..

وعنده دش.. ويكذب كثير.. وإذا صحا الصبح.. مشط اللحية

عادي.. طاح الحطب.. وحلوة الحياة




المشهد الثامن:

قارورة ماي.. ما تضره.. طايحة في السيارة

يناظرها بغضب.. زعلان منها.. فتح الشباك.. ورماها وسط الطريق..

وإذا اجتمع مع الشباب قال: متى بنـتـحـضـر؟؟

عادي.. طاح الحطب.. وحلوة الحياة




المشهد التاسع:

أهم شي الثوب نظيف.. والغـترة مكوية..

والقلم ماركة.. والساعة تضوي..

والنعال جلد.. والسيارة عجب..

و تلفونه ما يسكت.. إما بنات..

أو البنوك تبي فلوسها..

عادي.. طاح الحطب.. وحلوة الحياة




المشهد العاشر:

سطحية.. و مغرورة.. غبية.. ومتكبرة..

وياريتها حلوة.. تبي زوج مواصفاته:

ما يقول "لا".. ويكره الاستراحات

لازم وسيم وأنيق.. ومتعلم.. ودخله ممتاز ويحب السفر..

و بعد سنين.. تلاقي نفسها في الإنترنت..

تدور واحد يقبل بها..

عادي.. طاح الحطب.. وحلوة الحياة




المشهد الحادي عشر:

فتح الكمبيوتر.. ودخل المنتدى.. وكلامه ما يتعدى "إن الموضوع روعة ورهيب"

وهو ما قراه ولا يعرف منو كاتبه..

بس يبي يزيد المواضيع موضوع .. ويزيد همومنا هم..

علشان يصير صاحب الألف موضوع..

و يتميز.. والمشكلة إنه يتميز..

عادي.. طاح الحطب.. وحلوة الحياة

شكله يقصدني أنا

المشهد الأخير:

الكذب إثم.. ومع ذلك نستخدمه

و ندري إن هذا حرام.. ومع ذلك نجربه

نتذكر السهر والفرح والسفر..

و ننسى الجالسين على أكتافنا..

و نتناسى إن معهم كتاب يسجل أفعالنا ونوايانا..

كل شي محسوب.. حتى النظر..

نسينا إن ورانا يوم.. علاماته قربت..

ومع ذلك كلنا ناسين..

أن بقيت على حالك تتناسى.. لازم تعرف إن:

ذاك اليوم ليس بيومٍ عادي..

وأنت الحطب.. وليست به حـيـــاة!!

[سراب القايلة]

كلهن زينات الا السابع ما دخل راسي احس انه يولف على المطاوعة
لان المطاوعة عطي الله يا حبيلهم وبس والله احبهم وارتاح لا شفتهم
والله يخليهم لنا , ولعينن ترجيهم

وبعدين حبيبي اذا صار منقول ليش ما كتبت منقوول

مع السلامة من سراب القايلة

[صوت العندليب]

موضوع جميل
لكن السابع ماله وراك على المطاوعه الله يهديك بس

[طير غيمار]

والله كلام درر


كلام ينبغى ان يسجل بماء الذهب


ولك تحياتي

واسمع مني


واحد ينقل موضوع


ولا يكتب منقول

ويتقبل شكر على شيء لم يفعله

عادي طاح الحطب وحلوة الحياة
.

تراي منب اقصدك


تحياتي للجميع

[سعفة]

عادي.. طاح الحطب.. وحلوة الحياة

السابع ماله داعي ..

تراي أسمع العيال يقولون وقلت السابعة ماله داعي
تراي ما ادري وشي السابعة
قاريه بس اني ناسيه ومن الكسل ،، كسلان أرقا بالفارة


عادي.. طاح الحطب.. وحلوة الحياة
:D:D

الحياة حلوه واياك

[Focus]

درر درر درر درر درر درر .... الخ
منتاز

[المنخرش]

والله مادري وش تقول
الموضوع

الحطب وشوي موضوع

تبي تشب عليزه انت