[دمـعـة الـذيـب]

والله اقتراحك فخم . .

لكن من يسمع ؟؟

وبالنسبه لأخلاق رجال المرور (المرور خاصه) و (مرور بريده خااصه)

الصراحه أخلاقهم صفر !!

,, مره وقفن مرور سري .. ونزلت له ..

فقال لي : ليش تنزل ؟؟ من قال لك أنزل ؟؟

قلت : ياخوي إذا قعدنا مانزلنا قلتوا ليش مانزلت ؟؟

ويوم نزلت تقول ليش تنزل ؟؟ ! "بلشنا بهم "

قال : لاتقعد تخربط علي .. النظام أنك ماتنزل ..

قلت : بس ..

قال : أقول انقلع لسيارتك واركب ..

قلت : أبشر ..

.. وانقلعت لسيارتي ..

وجاء إلي وأخذ أوراقي وقال : عليك مخالفة حزام .. ودوران .. وتظليل ..!!

قلت : ياخوي ...

وراح واتركن سحب علي ..

أنا نزلت أبقنعه بالهداوه ..

وجيت لمه .. فقال : وش نزلك ؟؟ قلت : ياخي أبفهمك ..

قال : انقلع لسيارتك .. قلت يابن الحلال .. قال : بتنقلع وإلا ..لا ..

قلت : أنا أكلمك بأدب واحترام وأنت ليش أخلاقك كذا.. كأنك تكلم بزر ..<<<عصبت

قال : أنا محترم .. ياالله لو سمحت وتكرمت تفضل وانقلع لسيارتك .. << يستهتر هو ووجهه ..

قلت : بأي حق تكتب مخالفة حزام .. أنت شفتن ؟؟

بعدين والله العظيم أني مادرت (ما سويت دوران )

بأي حق تكتب مخالفات ..

قال : ممكن تضف وجهك لسيارتك .. لأنزل وأفقع وجهك ..<< إقاله هيبه ..

قلت : مانب رايح .. وش عندك ؟؟ << مسوي قوي ..

,, المهم .. كتب مخالفة تظليل ودوران ..

وعطان إياه .. وقال قشع التظليله .. قلت لا .. بتقشع قشع أنت ..

و راح قشع التظليله هو..

وأروح وأصبح عند المرور .. ورحت لمدير السير ..

وأقول له السالفه ..

قال: ياعسكري .. أكتب أقواله ..

وبدا العسكري يدور أعذار له .. يمكن .. ويمكن ..

قلت : أنا أخلاقي معه .. عالي العال .. يوم هو زوده .. لازم تخرب الأخلاق ..

كتب أقوالي وأخذ أسمه وسيارته ورقم اللوحه ورحت ولا أدري وش صار عليهم ..

...

أعتذر جداً جداً جداً على الإطاله ..

لكن شي يقهر الصراحه ..

أشكرك كل الشكر على الموضوع الرائع ..

..
.
.

أحوك .. أبو الوليد ..

.

.