[Roony1]

اقتباس المشاركة الأساسية كتبها الفـــــــــــــرح [glow="ffff00"] وأنت فاضي تنصب سيارك بهالشوارع ؟ ياخي رح إنصب تحت أثلة وقعد صيد أحسن لك أو طاردلك ضب ياخي إمل فراغك بلمرجلة وأترك عنك ترا المرجلة ماهي بالمظاهر ِ أنت شكلك من اللي يجلون الدفرنس وبعدين ..!!!! والله شباب ضايع !!!! نصب !! وكل ما طق عود ...عود قالوا عسكر بريدة ناس تمشي على ديزل [/glow]

يعني المرجلة تسذا هع ,,


صح التفكير ..

بعدين موب كل من راح يصيد رجل ..,

بعدين انا منب من اللي يجلون الدفرنس .. انا فاهم وش تقصد ..

بعدين اللي يجلي الدفنرس على قولك .,

عنده قروش موب مثل بعض الناس كل ما راح يصيد يآخذ من ابوه قروش علشان يدعدع من عند خوياو ويروح يصيد ضبـآن هع .,

واذا رجع راح للورشة يلح الموتر من حساب ابوهـ ,,

اللي يجلي الحمد لله معه قروش تكفيه ,,

تقبل مروري ..

[أسير الواقع1]

عيب عليكم والله ما يصيير


يجي الواحد يوقف سيارته يوم ولا يوميين ما يحركها


وش هالخرابيط الفاضيه


حتى لو أضمن لكم أنها حركات بزرنجيه أشووفهم عند النهضة .

والله ما ألوووم العسكري اللي يخالف .

تحياتي

[عضو محترم]

ومنين يبي يشرون ربوع جدد

[وحيد زمانة !!]

مشكوور اخوي
والله كلامك صحيح

[عاشق البران]

زمن الدلع والترف اللهم لك الحمد ، شيبان خاطتن شواربهم واكبر همهم هالخرابيط !!

الواحد عمره فوق العشرين واكبر همه غبار سياره ونصب وهرج فاضي !

ياناس عيب استحوا على وجيهكم يوم حنا كبركم والواحد يعول اسره ويعتمد عليه اهله !

لا والاخ المحترم يقول حطوا مكان ينصبون فيه !

[عيون الإحساس]

طبعآ..
أنا مالي دخل ..لكن الموضوع عجبني والفكرة حلوة ..

لأنه يعطي الشباب فرصة علشان يطلعون الرغبات المكتومة بداخلهم بشكل آآآآمن ..ويعطي مجال لغيرهم يتفرج عليهم وينشغلون في أماكن محددة و معروفة ومهيئة لذلك بدلآ من التفحيط بالشوارع و أذية الناس ..وشكرآآآآ

الرجاء تقبل مروري ..

[*عزيزة نفس*]

الله يعينكم
,,

[صقر الحنايا]

اول ماشفت الموضوع

(الوضع خطير عند الشباب ,,لازم نلقى حل ارجواالدخول من المسؤولين)

توقعت ان الوضع عند بعض الشباب مثلا اكتساب ظاهره من الغرب تأثر على دينهم وعلى اخلاقهم وعلى اعراضهم صراحه قلت لاحول ولا قوه الا بالله ,, قلت لازم ادخل واشوف وش السالفه .. يمكن اقدر افيدهم بشئ ,,,

وآآخر شي يطلع الموضوع نصب ودوران وتلميع وخربطه بزران ,, ياخي والله عيب الواحد مالي وجهه الشعر وهو نصب ودوران وتلميع وآخر اليوم يشحذ من ابوه الخمسين والميه
ياخي اكبروا ترزقوا الله اشتغلوا اليمنى والبنقلا وغيرهم من الاجانب تأكل من خيرات البلد وعيالنا الواحد ما همه الا ذا الخربطه نبي شوارع ونبي محلات نصب ونبي ونبي ونبي ...الخ

يعني هذا اكبر همكم .. قضت مشاكل الشباب الا هالمشكله..

ياحيييف بس من عيال هالوقت والله قهر اللي هذا تفكير بعض عيالنا ..

آآآآسف للاطاله

[California]

والله ان كل كلامك صحيح

وياليت احد يسمع

وصراحة نبي لنا مكان يصير لنا يشباب

ويتركوننا المرور على راحتنا

[كاسر الخاطر]

اقتباس المشاركة الأساسية كتبها roony1 يعني المرجلة تسذا هع ,, صح التفكير .. بعدين موب كل من راح يصيد رجل .., بعدين انا منب من اللي يجلون الدفرنس .. انا فاهم وش تقصد .. بعدين اللي يجلي الدفنرس على قولك ., عنده قروش موب مثل بعض الناس كل ما راح يصيد يآخذ من ابوه قروش علشان يدعدع من عند خوياو ويروح يصيد ضبـآن هع ., واذا رجع راح للورشة يلح الموتر من حساب ابوهـ ,, اللي يجلي الحمد لله معه قروش تكفيه ,, تقبل مروري ..

الله يقطع سالفك على كلامك كأنك عرفتني هههههههههه!



أنا أتكلم عن اللي ينصبون عموما

لكن أبسألك سؤال :

لو سمح الله هجم على بريدة عدو من نحتاج هنا ؟

للي يعرف لحمل السلاح أو اللي ينصب سيارته

الرسول صلى الله عليه وسلم لم يقل عبثا

[glow="000000"]( علموا أولادكم السباحة والرماية وركوب الخيل )[/glow]