[شوشتي طايره]

السلام عليكم
صباح\مساء
الخير
\\

بستشيركم بموضوع قريبه لي وارجو من الجميع التفاعل والرد بمصداقيه ان كنتي امراءه لو كنتي مكانها وش تسوين ولو كنت رجل هل تفعل هالتصرف مع زوجتك مااطول عليكم السالفه ان العام الزوج قعد يلمح لزوجته انه بيتزوج طبعآردة الفعل الطبيعيه صالت وجالت .....الخ
جلس يبرر اوبالاصح يبربرانتي ماقصرتي بحقي والشرع حلل اربع وبعدل وبعطيك رضاوه مبلغ وقدره طبعاً كـ بدايه قالت فلوس الدنيا ماتغني عنك بس لمست انه جاد بالموضوع جددت النياح والصياح دايركت جدد الوعود بالمبلغ من جديد ووافقت الرجال طاير طاير لاتطير الرضاوه بعد تملك قالت وين المبلغ قال العرس اكلن وجحدن وقلص المبلغ للنص ووافقت وجاب العروسه وقالت وين المبلغ تحجج باعذار واهيه ورفض يعطيها ولا ريال
وللمعلوميه هو مرتاح ماديا وقالت عطني اياهن لو اقساط ورفض وتقول كلن يسأل اهلي وقريباتي وخصوصآ العجائز وش عطاك رضاوه تقول بس اتصدد فشلت احس اتضح للناس ان مالي اي قيمه عنده وانا ابغاها كرد اعتبار واقيس مدى احساسه تجاهي وتقول انها مجروحه من الوعود الكاذبه وحست انها ولاشي عنده وتقول من ذاك اليوم مناقر يوميا عند هالسالفه انا عطيتها اكثر من رأي ومااقتنعت فكرت اعرض عليكم الموضوع واشوف مشورتكم لانه غاليه علي وماابيه تخسر حياته 0اوتتنكد في عيشته لان نفسيته زفت من القهر
(هل معه حق يواعده ويخلف وكيف تتصرف معه)
انتظر ردودكم احر من الجمر
الله لايحرمكم جنات النعيم

[سيار نجد]

اعتقد أنها تسكت وتكوون مثاليه ولاتسبب له أي قلق ,,, وبعد فتره تفتح الموضوع بهدوء وخصوصا اذا شافت مزاجه رايق ,,,
وتحاول تكووون مثاليه الا ابعد الدرجات لأن الرجال يبي يشوف زوجته الأولى هي الأفضل وهي أم عياله الحقيقه ’’’
بعد ذلك سوف يتغير تعامله وتكون أغلى عليه من عيونه ,,,
(( وجهة نظر ))

[رعد3]

ولا لاجدال بجواز زواج الزوج بدون رضا زوجته الاولى

ثانيا يشكر على ان اخبر زوجته ولمح وصرح قبل الزواج

ثالثا الغلط من الزوج ان يعد ويخلف وهذا اكيد مايجوز

لكن قولي لها تخسر الدراهم ولاتخسر زوجها وتصبر

والله يفرج كربتها وهو اعلم بحاله ربما لم يكن عنده

شي بالوقت الحاضر وكرامة الانسان مهيب بدرهم

ياخذها ولايهموها الناس ليست اول مرأة يتزوج عليها

وليست الاخيرة .

[فارس العرفج]

تمنيت أن يكون رجل ويوفي بوعده

لكن قولي لقريبتك أن تقول له : لست بحاجة الى فلوسك

فأنا محتاجة الى رجل يكون عند كلمته ويوفي بوعده

[فُـنون]

من رأيي أن تنسى شيء اسمه فلوس أووعد ولاتتهتم لكلام الناس (المبجح) .. هذا شيء !


الشيء الثاني : أن تجدد معه المودة والمحبة وتحسسه بإحسياسه وتتنفس بأنفاسه ولاتكتم له همَ ولا سرا !

ثالثاً: أن تكثر الأستشارة لمن لهم علم وتخصص في هذه المسائل ولا تلجأ إلى الاصدقاء أبد ..


بصراحة نصائح من القلب أتمنى تصل للقلب

اقتباس المشاركة الأساسية كتبها سيار نجد اعتقد أنها تسكت وتكوون مثاليه ولاتسبب له أي قلق ,,, وبعد فتره تفتح الموضوع بهدوء وخصوصا اذا شافت مزاجه رايق ,,, وتحاول تكووون مثاليه الا ابعد الدرجات لأن الرجال يبي يشوف زوجته الأولى هي الأفضل وهي أم عياله الحقيقه ’’’ بعد ذلك سوف يتغير تعامله وتكون أغلى عليه من عيونه ,,, (( وجهة نظر ))

أخالفكـ

من المفروض أنت تنسى الماضي بمره فقط !

[ام ديم]

السلام عليكم

انامن وجهة نظري ان السالفة صارت عناد والرجال اغلبهم عنادهم شديد ويشبه عناد الاطفال

اقنعيها تنسى السالفة وتحسس زوجها انها 0 لم تهتم من اجل المال لانه ماقصر عليها وتتعامل مع

زوجها كما تتعامل مع الطفل العنيد 00 وتصبر وتشوف النتيجة

مع احترامي لجميع الرجال فالرجل كالطفل اذا اصر على رئية دعية مع نفسة وسرعان ما يعود الى

رشدة 00 اللهم ريح بالها ورزقها الاحتساب00

تحياتي

[مغترب بريدة]

الله يعين الرجال على سوالف الحريم
المفروض تزوج بدون وعود رضاوة وغيرها إذا يبي يعطيها بدون مواعيد
والحرمة لو زعلت يومين وهي مزعجة جواله
وعد الحر دين وعلى كل من وعد أن يفي بوعده مالم يكن معصية لله
وشكرا

[التوته]

عليها ان تلجأ الى الله وتدعوهـ ان يردهـ اليها ردا جميلاَ

ولاتهتم بمسألة الرضاوهـ فالمال ليس كل شيء

ولكن في هذهـ الناحيه يجب على الزوج ان يوفي بوعدهـ

لانه لايجوز اخلاف الوعود لانه من صفات المنافقين

[انا غير***]

الله يعينه ويصبره
واعتقد لو تترك هالسالفه شكله يعاند
والله يسخرله منهو اقوى منه

[مسك2010]

تمنيت أن يكون رجل ويوفي بوعده

لكن قولي لقريبتك أن تقول له : لست بحاجة الى فلوسك

فأنا محتاجة الى رجل يكون عند كلمته ويوفي بوعده

[متصفحة]

من وجهة نظري >> انه الرجل ماينتعوض بفلوس اعتقد اموال الدنيا ماتسوى ليلة يغيبها عنك زوجك , فإذا كنت راضيه انك تتعايشي مع الوضع بنصف زوج فعيشي حياتك دون مقابل , اما اذا كنت رافضه لفكرة الزواج اعتقد انك لك حرية الإستقلال ..

[متغربل]

شوفي يا أم شوشة طايرة .... أنتي غلطتي من أول ليش أقبلتي با المبلغ ... المفروض إنك ما قبلتي بأي عروض منه ... لأنه إذا انتي رفضتي يبي يفكر ويصول ويجول وشي ردت فعلك وش لون يبي يقنعك فيضطر إنه يجب المبلغ ويرمية بحجرك ولا بعد وراها حبة راس وذله اشوي ..

الرجال مالهم امان ...

لاكن الحين طاح الفاس با الرأس ما يمديك ....

وارضي بأمر الواقع .... وخليها تكفير اذنووووووووووووووووووب ..................

[ابوولعf]

والله ميحقله انه ميعطيه مهما كانت هذي ام العيال

[دمـعـة الـذيـب]

الصراحه الرجال ماله حق أبد .. ولا يجوز له ..

لكن انصحيها أنه تسكت وتنسى الموضوع .. وهو بعدين بيتحسف ..

وأهم شي لاتقاشره وتعانده .. ترى الرجال مب زي أول ماعنده إلا أنتي ..

الحين عنده غيرك .. يعني الهواش مب من صالحك ..

توددي له .. وخلك زوجه مثاليه .. ونافسي الزوجة الثانيه ..

لأن الرجال يقارن ..

فرق بين أنه يدخل ومايلقى إلا الهواش .. والنفس الشينه ..

وبين أنه يدخل ويلقى الإبتسامه .. والكلام الحلو الزين ..

لاتخسرين زوجك عشان فلوس ..

ولا يهمك كلام الناس .. مب نافعينك إذا خسرتي زوجك ..

..

أسأل الله أن يهديه ويسخره لك ..

..

أعتذر عن الإطاله ..

..

..

.