[روح الدواسر]

اقتباس المشاركة الأساسية كتبها @استشاري زواج افا بس ياابو ربا ... والله ماهقيتها منك .. للأسف !!!

أأيـــــــــدك بقووووووووووووووة طـ ح ـت من عيوننا يا أبو ربا,,,واذا صارت الحريم دجاج فأنت ولد الدجاجـــــــــــــــــة وشنبك ولحيتك اللي تفاخر فيهــا جابته دجااااااااااااجه

[رابعة]

نادر مايحصل ذلك..

والزوجة اذا ضربها زوجها غلطانة لو ضربته لانه بذلك تخرج من انوثتها كزوجها الذي خرج من رجولته عندما ضربهاا..

والزوج الذي يضرب زوجته لابد من عقاب صارم من الزوجة وان تكرر ذلك فبيت اهلي اولا بي واكرم بدل من اعيش مع مسمى رجل..

وياابوربا لااقول الا الله يعين زوجااتك وبناتك وخواتك عليك..

[نجدية حرة]

اقتباس المشاركة الأساسية كتبها رابعة نادر مايحصل ذلك.. والزوجة اذا ضربها زوجها غلطانة لو ضربته لانه بذلك تخرج من انوثتها كزوجها الذي خرج من رجولته عندما ضربهاا.. والزوج الذي يضرب زوجته لابد من عقاب صارم من الزوجة وان تكرر ذلك فبيت اهلي اولا بي واكرم بدل من اعيش مع مسمى رجل.. وياابوربا لااقول الا الله يعين زوجااتك وبناتك وخواتك عليك..

وجهة نظر احترمها
ولكن يمكن انا وانتي نقول هالكلام وغيرنا من اللي مامر عليهم مثل هالحالة المرضية وعساها يارب ماتمر علينا ابدآ ولاعلى اي امرأة..
لكن فكري بحالة وحدة قدامها كائن(و ماراح اقول رجل لانه لايستحقها!) لايتفاهم معها الا عن طريق الضرب المبرح وتلك المرأة جربت كل الطرق لجعله يتراجع عن اسلوبة الهمجي ولكن دون جدوى فطبيعي ان تدافع عن نفسها بنفس الطريقة! فهو لايستحق مني ان استمر في التعامل معه كؤنثى ناعمة ورقيقة فالموقف تخطى هذه الاحاسيس الرقيقة واصبح قاسيآ!!

وسأظرب مثال لإستيعاب الموقف اكثر:
مثلا لو ان امرأة تهجم عليها رجل في بيتها اما بهدف السرقة او بهدف الاعتداء عليها هل في هذه الحالة ستقف مكتوفة الايدي وستستسلم وتقول انا انثى وانوثتي لا تسمح لي بأن ادافع عن نفسي وسأجرب معه اساليب اخرى غير الدفاع عن النفس كي احافظ على انوثتي؟!!
طبعا لا بل ستدافع عن نفسها بكل ماؤتيت من قوة حتى وان تغلب عليها فستكون حاولة على الاقل

وانا سمعت قصص كثيرة عن بطولات نسائية استطاعت المرأة فيها التغلب على الرجل اما بعضلاتها او بذكائها..
فعلينا ان لا نقلل من قيمة المرأة ومن قوتها فربما تكون ضعيفة البنية ولكنها قوية بضعفها!!
والدليل اثارت الموضوع من بعض الاعضاء الذكور لاثبات مدى قوتهم!!فلو كانوا اقوياء فعلا لما كانوا بحاجة لاثبات ذلك لنا !!
وعموما القوة الحقيقية والرجل الحقيقي هو من يصون ويحترم ويحن على النساء..
لا يضربهن!!
فأنا متأكدة ان من يضرب زوجته لا يملك اي احترام امامها وامام ابنائة وبناته..
والله لايجيب ضرب ولا ضريب يارب
وش صايرلكم على هالموضيع

[•°انكسار الأماني°•]

88

تدرون إني كرهت هالأنوثة إلا ذبحتونا عنده وصرت أعتنق التعاسة كل يوم يزيد في حياتي ليه أنا بنت سعودية .
كثير يتردد على بالي هالسؤال لكن أجاوب عليه بقضاء و قدر إذ خلقني الله أنثى في هالمجتمع التافه .
وش أنوثته الله يرحم والديك يارابعة ؟؟؟؟؟؟؟؟؟؟؟؟؟؟؟؟؟؟؟؟؟؟؟
حتى أنتِ تقولين كذا يعني لو غيرك أقول بنات خربطات ويتميلحن إقالهن هاي ماي بس منك والله ماهقيت .
يعني أخليه يكوفنن وأقول لا ياشيخي برستيجي الأنثوي مايسمح لي أدافع عن نفسي وخر وخر بليزز لاتضربن .
ياشيختي إذا بلاك الله بوحش صيري مثله ماتنفع الأخلاق في ذلك الحين مير دافعي عن نفسك لايجيك شيء .
والله أعرف وحدة زوجه جدع عليه كأس وأنكسر بالجدار تقول لو مانزلت راسي كان الله يرحمن .
يعني هذا تسكتين له من باب ماتضيع منك الأنوثة ؟
إذا كذا والله إني بريئة منها وتراي من اليوم ورايح جذع صايع بس المهم أعييييييش .
يقولون مسترجلة ولايقولون الله يرحمه

,,

[مايصح إلا الصحيح]

ممكن يقولون مسترجلة والله يرحمها بنفس الوقت

[•°انكسار الأماني°•]

اقتباس المشاركة الأساسية كتبها مايصح إلا الصحيح ممكن يقولون مسترجلة والله يرحمها بنفس الوقت

اللي يدافع عن نفسه مهب مثل اللي يسلم رأسه للبواق فيه فرق شاسع .
على الأقل أموت موتة عز وأحسبني شهيدة بإذن الله

,,

[مايصح إلا الصحيح]

اقتباس المشاركة الأساسية كتبها •°انكسار الأماني°• اللي يدافع عن نفسه مهب مثل اللي يسلم رأسه للذباح فيه فرق شاسع . على الأقل أموت موتة عز وأحسبني شهيدة بإذن الله ,,

أووووف موت وشهادة وين داخلة الأخت معركة خخخخخخخ أحس إنك حقدة على الرجال ماأدري ليييييييييش


على العموم اللي أبي أوصله البنت ماتقدر تدافع عن نفسها بالعنف والقوة لأنها معادلة غير عادلة بين الرجل والمرأة من حيث القوة
وأحد الأسباب إننا نحتقر الرجل اللي يضرب المرأة لأنها ضعيفة

(( أسد علي وفي الحروب نعامة ))

[•°انكسار الأماني°•]

اقتباس المشاركة الأساسية كتبها مايصح إلا الصحيح أووووف موت وشهادة وين داخلة الأخت معركة خخخخخخخ أحس إنك حقدة على الرجال ماأدري ليييييييييش على العموم اللي أبي أوصله البنت ماتقدر تدافع عن نفسها بالعنف والقوة لأنها معادلة غير عادلة بين الرجل والمرأة من حيث القوة وأحد الأسباب إننا نحتقر الرجل اللي يضرب المرأة لأنها ضعيفة (( أسد علي وفي الحروب نعامة ))

أحساسك باطل مستحيل أحقد عليهم لإنهم مايعنون لي شيء يعني إذا بحقد أدور ناس يستاهلون الحقد مهب الرجال .
وإللي أبي أوصله ترى مهب شرط أدافع بيديني وأتعارك معه كذا يصير فرق خاصة للنباتيين منذ الولادة مثلي وشرواي .
لكن الأمر أكبر من إني أقول أنا ضعيفة , لا , لا , فيه شيء إسمه سكين إسمه ساطور إسمه مسدس وبلاش قوة عضلات هذا في حالة صار حظي قهر وعشت مع حثالة .
مادون الحلق إلا اليدين ماسمعت أنت بقصة المرأة إللي قتله زوجه قبل ثلاث سنوات تقريباً ؟
وتبقى أي الزوجة ماتدري وش قدامه من مهبول يمكن يوصل للذبح ليش لا ؟
وترى الموت مايبي شيء أبد أحياناً تجي الضربه على مكان خطر وتنتهي الحياة بلمح البصر .
يعني قتل لم يخطط له مسبقاً ولكنه أصاب الهدف عاد عمد وإلا خطأ مهب موضوعنا .

اقتباس المشاركة الأساسية كتبها ساحرة القرن الأخير أَضحكتِني أضحكَ اللهَ سِنكِ عَزِيزَتِي إنكِسارَ الَأمآنِي .. أمم .. أشعُر وَكأنّنِي أعرِفُكِ ! تَحِِيتِي لكِ .

متأكدة << والله ياأنا بلشت هـه
مير بسيطة ياألف وستميه << وش العلاقة بينك وبين الرقم

,,

[أبو رُبـــــى]

اقتباس المشاركة الأساسية كتبها مايصح إلا الصحيح ممكن يقولون مسترجلة والله يرحمها بنفس الوقت

هههههههههههههههههه والله تسلم لي على هالرد ... صحيح كلامك مية بالمية ... أنت

[ساحرة القرن الأخير]

اقتباس المشاركة الأساسية كتبها •°انكسار الأماني°• 88 تدرون إني كرهت هالأنوثة إلا ذبحتونا عنده وصرت أعتنق التعاسة كل يوم يزيد في حياتي ليه أنا بنت سعودية . كثير يتردد على بالي هالسؤال لكن أجاوب عليه بقضاء و قدر إذ خلقني الله أنثى في هالمجتمع التافه . وش أنوثته الله يرحم والديك يارابعة ؟؟؟؟؟؟؟؟؟؟؟؟؟؟؟؟؟؟؟؟؟؟؟ حتى أنتِ تقولين كذا يعني لو غيرك أقول بنات خربطات ويتميلحن إقالهن هاي ماي بس منك والله ماهقيت . يعني أخليه يكوفنن وأقول لا ياشيخي برستيجي الأنثوي مايسمح لي أدافع عن نفسي وخر وخر بليزز لاتضربن . ياشيختي إذا بلاك الله بوحش صيري مثله ماتنفع الأخلاق في ذلك الحين مير دافعي عن نفسك لايجيك شيء . والله أعرف وحدة زوجه جدع عليه كأس وأنكسر بالجدار تقول لو مانزلت راسي كان الله يرحمن . يعني هذا تسكتين له من باب ماتضيع منك الأنوثة ؟ إذا كذا والله إني بريئة منها وتراي من اليوم ورايح جذع صايع بس المهم أعييييييش . يقولون مسترجلة ولايقولون الله يرحمه ,,

أَضحكتِني أضحكَ اللهَ سِنكِ عَزِيزَتِي إنكِسارَ الَأمآنِي ..
أمم .. أشعُر وَكأنّنِي أعرِفُكِ !

تَحِِيتِي لكِ .

[أبو رُبـــــى]

اقتباس وياابوربا لااقول الا الله يعين زوجااتك وبناتك وخواتك عليك..

أخت رابعة ... آمين ..

وأنا قلت في نهاية كلامي ..

اقتباس صحيح أنا ضد من يتجرأ ويضرب إحدى محارمه وأستحقره ..

[أبو نشقه]

الرجل بمعنى كلمة رجل مايرفع ايده على الحرمه لانها مهيب رجوله بالعكس انقاص من كونه رجل

والرجوله مهيب بالضرب وما يتعدى على الحرمه الا وآحد يحس بالنقص

اقتباس وقد توقفت عند فتوى للشيخ العبيكان تجيز للمرأة أن تضرب الرجل دفاعا عن نفسها إذا أحست بالخطر.!!!!!!!

والله يا حبيبي أتوقع هذي ما يبي لها فتوى أي وآحد بيحس بالخطر بيدافع عن نفسه يعني أنت لو يجيك وآحد بيقتلك وأنت تعرف إنه لو تصكه بمربوعه على راسه مايمديه يقتلك أكيد بتفلق رآسه نصفين ما تحتاج بعد فتوى

بعض الناس يرد على الشيخ ويحس انها تقليل من رجولة البني آدمي والشيخ معه حق

اقتباس جرأة الشيخ أنتم هل أعجبتكم ؟

أعجبتني وبعنف

[سيف وفيصل]

اقتباس المشاركة الأساسية كتبها أبو نشقه الرجل بمعنى كلمة رجل مايرفع ايده على الحرمه لانها مهيب رجوله بالعكس انقاص من كونه رجل والرجوله مهيب بالضرب وما يتعدى على الحرمه الا وآحد يحس بالنقص والله يا حبيبي أتوقع هذي ما يبي لها فتوى أي وآحد بيحس بالخطر بيدافع عن نفسه يعني أنت لو يجيك وآحد بيقتلك وأنت تعرف إنه لو تصكه بمربوعه على راسه مايمديه يقتلك أكيد بتفلق رآسه نصفين ما تحتاج بعد فتوى بعض الناس يرد على الشيخ ويحس انها تقليل من رجولة البني آدمي والشيخ معه حق أعجبتني وبعنف

لي وقفة هنا ،،حتى غدا ألقاكم ،

[يسوووو]

لا تعلللللللللللللللللللللللللللليق؟؟