[عزوزتي]

اقتباس المشاركة الأساسية كتبها أبو نشقه ليش ما علقت الا على هالنقطه ؟ ليش همشت باقي النقاط ؟ اذا كان كذا فمعناته كلامي صحيح لانك ماعلقت عليه وبالنسبه لمواطني دول الخليج مايحتاجون تأشيره . انا كلامي كله عن الخليجيين وش ينقصنا عنهم بل هم احسن منا . لاتخلينا احسن الناس أما سالفة إني أنشق ولا ما أنشق اظن المعرف ماله دخل بالحوار

يابو نشقه الله يهديك وتبين اجاوب


على كل سؤال ؟ صارت مسابقه هههه


كل مداخله سؤال واحد فقط عشان أجاوب


وبعدين وش جاكم أنتم 00 مافيه غير هالوطن


وإذا مو معجبكم روحو للي تبون !

[أبو نشقه]

اقتباس المشاركة الأساسية كتبها عزوزتي يابو نشقه الله يهديك وتبين اجاوب

اقتباس المشاركة الأساسية كتبها عزوزتي على كل سؤال ؟ صارت مسابقه هههه كل مداخله سؤال واحد فقط عشان أجاوب وبعدين وش جاكم أنتم 00 مافيه غير هالوطن وإذا مو معجبكم روحو للي تبون !

لا ياحبيبي انت ذكرت عدة نقاط واغلب نقاطك ما هيب بمحلها انا رديت عليك ببعض النقاط وانا تجاهلتها

هي ما هيب مسابقه انت طرحت موضوع وواجبك انك ترد على المداخلات

اذا مو راد او ماعندك خلفيه عن اللي تقوله ليش كاتب موضوع

0
0
0

اقتباس المشاركة الأساسية كتبها ROOZ أولا هو ماقارن بدول الخليج قارن بالعالم كله

اقتباس المشاركة الأساسية كتبها ROOZ

هو لو قارن دولتنا بالدول الفقيره تشاد والنيجر والبنقلاديش ما قلنا شي بس المصيبه يقارنها بالعالم على قولتك .

اقتباس وكل مواطن سعودي أيضا بنعمه

اقتباس يغبطه عليها كافة مواطني الدول الأخرى

يقول يغبطون ؟؟ اللي قرأ الكلام يقول حنا أحسن ناس من يغبطنا افريقيا ولا نيجيريا ولا تشاد لاتقارنوننا بدول فقيره مره

لاكن فيه دول كثيره احسن منا بكثييييييييير بكل اللي ذكره وانا شخصيا أغبط بعض دول الخليج على النعم اللي هم فيها

اقتباس ثانيا ذكر سهولة شد الرحال للحرمين الشريفين ومافيه مثل هذه السهوله بدول الخليج كما خصصت ولا بدول العالم عامه

بهالنقطه انا معك مع انه مافيه فرق واجد يعني لو قارنا بعض دول الخليج الكويتي واللي يجي من الحفر تقريبا نفس المسافه لمكه وكذلك اهل البحرين والشرقيه نفس المسافه يعني مااشوف فيها ميزه ذاك الزود .

اقتباس ثالثا الأمن تمشي بالسوق بكل أمان رح لمصر مثلا قبل تدخل السوق وانت مسروق وهي دوله عربيه وش لو هي مب دوله عربيه.

هذا مثال الحين ؟
لاتقارنينا بدول فقيره قارنينا بدول مستوانا بمستوى الثروه اللي عندنا
فيه دول ليست اغني منا وأفضل منا بكل الحالات
بعدين انا خويي وهو يكلم بالشارع مسروق جواله منه وهو بالسعوديه وببريده بعد

مثالك غبي جداً والسرقه بمصر خفيفه شنطه جوال 50 جنيه اشياء بسيطه السرقه عندنا 100 الف 200 الف احيانا تسرق سياره ولا ترجع ملايين سرقت بالمساهمات الوهميه .. ولا هذي ما تسمينها سرقات حضرتك

اقتباس اللي يشوفكـ على المعارضات ما يقول سعودي يقول بنقالي حاقد. الله يهديك

مشكلتنا لازم نمجد كل شي سواء خطأ او صح شي يخصنا لازم نمجده وهذا هو الخطأ

لازم نعالج مشاكلنا ونعترف فيها وكل هاللي أقوله صاير ومحسوس انا اعرف ارد واقول أي والله ما مثلنا أبد وأمدح واقفل الموضوع بسلام

من حبي لديرتي اني انتقد المشاكل والاخطاء عشان لعل وعسى تتصلح

أنا مو حاقد ولا شي مادعيت للتفجير ولا الخروج على الدوله لاكن نبي الأفضل حنا من أغنى الدول بكل شي

المفروض نصير قمة بكل الدوله ومن احسن الدول بالعالم بسبب الثروه اللي عندنا عندنا مشاكل ما تصير الا بالدول الفقيره

قبل فتره بالدوام والكهرب زي العاده يطفى ويشتغل البنقالي قالي وهو مكشر خشته يقول سيم سيم بنقلاديش وقسم بالله هذا كلامه

انا استحيت منه قلت ايه يشتغلون فيه عطل

اقتباس (ربنا لا تؤاخذنا بما فعل السفهاء منا)

الحين يوم تقولين عني سفيه وش المناسبه
غلطت عليك أنا ؟

لا صرتي داخله غلط وفاهمه الموضوع غلط انا وش ذنبي

والله اذا كلامي كلام سفهاء الله يخلف على العاقلين

اقتباس يارب تديم النعم علينا

آمين

[ROOZ]

فيه دول ليست اغني منا وأفضل منا بكل الحالات

طيب ليش ماتحمد ربكـ أنك مب مثل نيجيريا و.......

بعدين انا خويي وهو يكلم بالشارع مسروق جواله منه وهو بالسعوديه وببريده بعد [/center]

السرقه كل دول العالم لم تسلم منها وأنا يوم أجيب المثال مو للسرقه للأمن يعني في بعض الدول عادي يسرقكـ العسكري

مثالك غبي جداً والسرقه بمصر خفيفه شنطه جوال 50 جنيه اشياء بسيطه السرقه عندنا 100 الف 200 الف احيانا تسرق سياره ولا ترجع ملايين سرقت بالمساهمات الوهميه .. ولا هذي ما تسمينها سرقات حضرتك

لا تنظر الى القيمه انظر الى الكثره أنت برأيك كل يوم يسرق منك حاجه لو كانت خفيه أو مره مرتين بالعمر يسرق منك شي ثمين ومع ذالك ماقصر الأمن يبحثون عن السارقين

مشكلتنا لازم نمجد كل شي سواء خطأ او صح شي يخصنا لازم نمجده وهذا هو الخطأ

أنا قلت وجهت نظري ومقتنعه فيها وأنت رديت على وجهت نظري بمعارضه برأيك من المخطأ

لازم نعالج مشاكلنا ونعترف فيها وكل هاللي أقوله صاير ومحسوس انا اعرف ارد واقول أي والله ما مثلنا أبد وأمدح واقفل الموضوع بسلام

أنا معكـ وكلامك صحيح لكن تختلف الآراء عن بعضه أنا الحمدالله راضيه وأفخر أني من السعوديه
لكن البعض يقول لا أنا أتمنا أني أكون من الدوله الفلانيه والكل بدافع عن رأيه إذا واجهه معارض توافقني ولا لا??

أنا مو حاقد ولا شي مادعيت للتفجير ولا الخروج على الدوله لاكن نبي الأفضل حنا من أغنى الدول بكل شي

أعلم أنكـ مو وأنا قلت اللي يشوف معارضاتك أنك حاقد
فقط لكثرتها واصرارك عليها

انا استحيت منه قلت ايه يشتغلون فيه عطل

كلامك عين الصواب فيه عطل ويشتغلون فيه مو تقصير منهم

الحين يوم تقولين عني سفيه وش المناسبه
غلطت عليك أنا ؟

لم أخصصك أنا أعم كل الي يتظجرون لان كل الحياة العايشين فيها نعمه من الله ما يخافون أن يرسل الله علينا عذاب بسبب كفرهم بالنعم
تدوم النعم بالشكرقال تعالى(ولئن شكرتم لأزيدنكم ولئن كفرتم ان عذابي لشديد)

لا صرتي داخله غلط وفاهمه الموضوع غلط انا وش ذنبي

لا وربي فاهمته صح لكن أقدر أقول أنا وش ذنبي تعارض على وجهت نظري؟؟؟


اعتذر إذا أنا غلطت عليكـ
وأرجو السموحه

[أبو نشقه]

اقتباس فيه دول ليست اغني منا وأفضل منا بكل الحالات طيب ليش ماتحمد ربكـ أنك مب مثل نيجيريا و.......

الحمد لله والشكر ماقلنا شي بس لا تخلونا أحسن الناس حنا من أغنى الدول نعم لا كن فيه دول ليست أغنى منى وأفضل منا بكل الحالات
حنا مو دوله فقيره يعني نبي يصير زي اللي عند غيرنا وش ناقصنا ؟؟

اقتباس بعدين انا خويي وهو يكلم بالشارع مسروق جواله منه وهو بالسعوديه وببريده بعد السرقه كل دول العالم لم تسلم منها وأنا يوم أجيب المثال مو للسرقه للأمن يعني في بعض الدول عادي يسرقكـ العسكري

مادام تقولون السعوديون في نعمه كبرى ؟ ليش تقارنونا بدول فقيره شعبها عايش على السرقه والاجرام ؟
قارنونا بالدول اللي قدنا واللي أقل منا ليش هم أحسن بكل الحالات حنا وش ينقصنا ما نصير مثلهم
لاتقارنونا بدول فقيره ناظرو دول الخليج كلهم ليسو اغنى منا وإيرادات دولتنا تساوي بعض ميزانياتهم .. ليش يصيرون احسن منا في الامن مثلا والمواصلات والمعيشه والدخل ووو الخ .
لاتجين تقولين لي فيه دول مايلقون شي ياكلونه ؟ انا ما اتكلم عن دول فقيره
حنا من اغنى الدول نعم .. لاكن ليس من افضلها بخدمات مواطنين ودخل الموظفين وو الخ .
خــيــرنا يـروووح لـ غ ـيــرنا

اقتباس مثالك غبي جداً والسرقه بمصر خفيفه شنطه جوال 50 جنيه اشياء بسيطه السرقه عندنا 100 الف 200 الف احيانا تسرق سياره ولا ترجع ملايين سرقت بالمساهمات الوهميه .. ولا هذي ما تسمينها سرقات حضرتك لا تنظر الى القيمه انظر الى الكثره أنت برأيك كل يوم يسرق منك حاجه لو كانت خفيه أو مره مرتين بالعمر يسرق منك شي ثمين

الآن بالسعوديه يوميا فيه سرقات لاكن كل سرقه في مكان معين ما تجي في مكان واحد
وعلى قولتك بمصر تسرق شنطتك ومدري ايش انا قبل رمضان بمصر رحت ورجعت ما سرق مني شي والحمد لله ولا تعرضت لأي محاولة نصب لانه اصلا معروف من اللي ينصب عليهم وينسرقون اللي يروحون للأماكن المشبوهه .. وهذا يستاهل

اقتباس ومع ذالك ماقصر الأمن يبحثون عن السارقين

أضحك الله ضرسك نكتة الموسم

أنا أتمنى تراجعين قسم الشرطه بقضية سرقه قسم بالله ان تبوسين رآس السارق وتقولين رح الله يستر عليك مانبي شي .
مره قدمت بلاغ ضد واحد سارق والسارق شايفه بأم عيني وأعرفه وقاعد يقنعني الظابط انه مو شرط يكون هو ومن هالخرابيط و يترجآني الظابط اني اسامح كل هذا عجزآن يكتب تقرير ويرفعه للادارة قسم بالله كأني أطرره طرااره وبالأخير تم استدعاء السارق وجاء واعترف ورجع الغرض اللي سرقه وبعدها سامحت .
خلاصت السالفه انا دقيت على كم واحد لين جاء السارق وبالقسم انا قاعد احجر له لين اعترف والظابط ماله أي دور

اقتباس مشكلتنا لازم نمجد كل شي سواء خطأ او صح شي يخصنا لازم نمجده وهذا هو الخطأ أنا قلت وجهت نظري ومقتنعه فيها وأنت رديت على وجهت نظري بمعارضه برأيك من المخطأ

طيب مادام أنتي قلتي وجهة نظرك انا أحترمتها ما قلت شي
بس ليش يوم اقول وجهة نظري أطلع سفيه وتستشهدين بالآيه
(ربنا لا تؤاخذنا بما فعل السفهاء منا)

اقتباس لازم نعالج مشاكلنا ونعترف فيها وكل هاللي أقوله صاير ومحسوس انا اعرف ارد واقول أي والله ما مثلنا أبد وأمدح واقفل الموضوع بسلام أنا معكـ وكلامك صحيح لكن تختلف الآراء عن بعضه أنا الحمدالله راضيه وأفخر أني من السعوديه

أنا ما قلت هالكلام الا حباً لديرتي ومافي أحد ما يفخر بديرته بس نطمح للمزيد

اقتباس لكن البعض يقول لا أنا أتمنا أني أكون من الدوله الفلانيه والكل بدافع عن رأيه إذا واجهه معارض توافقني ولا لا??

البعض لهم مواقفهم فيه ناس تصير له مواقف في وطنه ما يحس بقيمته بذكر لك مثال
قصة الشيخ المقرن مقدم برنامج بقناة المجد اللي المستشفى رفضوا يستقبلون زوجته وهي حامل وصارت له مشاكل كتب في مقاله بالجريده ان زوجته تقول أنا لست من هذا البلد
وهذا اقتباس من قصته

اقتباس لقد كانت زوجتي دائماً ما تعاتبني إذا تحدثت عن تقصير موجود لدينا ، أو نقدت وزارة أو وزير ، أو طالبت بحق المواطن في موطنه ، ودائماً ما تقول : أنت تبالغ ونحن أفضل من غيرنا .. هل تعلم ماذا قالت في أول حديث لها بعد خروجها من العملية ؟؟ لقد قالت : لست من هذا البلد ، بل أنا وأشارت إلى بلد خليجي مجاور .

ولقرآءة قصته كامله هنا
http://www.alsakher.com/vb2/showthread.php?t=127121

اقتباس أنا مو حاقد ولا شي مادعيت للتفجير ولا الخروج على الدوله لاكن نبي الأفضل حنا من أغنى الدول بكل شي أعلم أنكـ مو وأنا قلت اللي يشوف معارضاتك أنك حاقد فقط لكثرتها واصرارك عليها

تقولين اللي يشوفك يقول بنقالي حاقد انا من حبي لديرتي انتقدها النقد أساس النجاح والرقي للأفضل
حتى الصديق اللي ماينتقد صديقه ولا يبين له اخطاءه هذا مو صديق

اقتباس انا استحيت منه قلت ايه يشتغلون فيه عطل كلامك عين الصواب فيه عطل ويشتغلون فيه مو تقصير منهم

الله يرحم والديك شي بالعقل شركة سنوياً تعلن ارباحها بالملايين وش ناقصها ما تزود المولدات وتحسن الجوده ؟ غير هذا نشتري العداد وندفع رسوم شهريا ولو ما سددت فصل ولو سدتت بعد الفصل تدفع غرامه ؟ ومع كل هذا كهرب زفت زفت زفت
لو هي مره وحده مشيناها عطل .. لاكن كل يوم عطل ؟ اليوم طافي علينا الكهرب وبكرا اذكرك بيطفى هل بيكون بكرا فيه عطل
خلي العطل على جنب حنا أغنى من دوله قطر بمليون مره وربما قيمه المخالفات المروريه والبلديه تساوي ميزانيه قطر ومع ذلك الكهرباء في قطر مجاناً .
حنا وش ناقصنا يوم هي تصير برسوم وزفت

اقتباس الحين يوم تقولين عني سفيه وش المناسبه غلطت عليك أنا ؟ لم أخصصك أنا أعم كل الي يتظجرون لان كل الحياة العايشين فيها نعمه من الله ما يخافون أن يرسل الله علينا عذاب بسبب كفرهم بالنعم تدوم النعم بالشكرقال تعالى(ولئن شكرتم لأزيدنكم ولئن كفرتم ان عذابي لشديد)

مقتبسه كلامي وجالسه تردين على وبالاخير تقولين سفيه والحين جايه تقولين ما أقصدك ..
بسوي نفسي إنها مشت علي

اقتباس لا صرتي داخله غلط وفاهمه الموضوع غلط انا وش ذنبي لا وربي فاهمته صح لكن أقدر أقول أنا وش ذنبي تعارض على وجهت نظري؟؟؟

ههههه والله عجب !!
يعني تبيني أوافق وجهة نظرك ؟ وانا مو مقتنع فيها
أنا أحترم وجهة نظرك لاكن لا أوافقها .
انتي ما تجبريني اني اوافقك الرأي لي رأي ولك رأي وانا ما أجبرتك تقبلي وجهة نظري هذي وجهة نظري اعجبتك الحمد لله ما اعجبتك لك رأيك ما أقول لا .

اقتباس اعتذر إذا أنا غلطت عليكـ وأرجو السموحه

مسامحك