[الأشعل]

مرحبا بالجميع
كلنا نعلم بما قدمته أمانة القصيم والبلدية من إنشاء الحدائق والمنتزهات والجلسات ونشكرها على ذلك
لكن المشكلة أنها خلطت أغلب هذه المنتزهات العوائل بالعزاب !!
فعلى سبيل المثال المنتزه الواقع بالدائري الشرقي عند كبري الهدية ,, المفروض أنه للعوائل لأن فيه
الألعاب والجلسات الخاصة بالعوائل ,, فذهبت إليه أنا والأهل بالأمس مع الفطور فنظرت إلى العجب
العجاب !!!!!!!! ممتلأ بالشباب العزاب والعوائل والدعوى خليطي ولم أجد مكان اجلس فيه فرجعت لمنزلي
فيامسؤولين الأمانة والهيئة خصصوا أماكن للعوائل وأماكن للعزاب .. وراقبوا هذه الأماكن ,,
إنظروا إلى المدن والمحافظات الأخرى لايوجد فيها هذا التلاعب والإختلاط .. فلماذا يوجد عندنا ونحن
البلد المعروف بالمحافظة والإهتمام بالدين
ولكم تقديري .

[أبوعبدالعزيز]

الحضاري عوائل البلدية عوائل الشماس عوائل البصر عوائل الاسكان عوائل الرفيعة عوائل الضاحي عوائل .... المفروض العوائل يستحون ولا يجون الدائري الدائري معروف خارج العمران الاصل للشباب وسلامتكم

[sg'hk]

انا اليوم مفطر هناك والله ماوجدت الشباب كل الموجودين عوائل ..

بس فيه أول المزروع من جهة الجنوب معروف للشباب أما آخره من جهة الشمال المرتفع فهو عوائل بحت ..

أحببت أن أصحح لك اللبس اللي انت فيه ؟

تحياتي للجميع ـ ابو سليمان

[ابوولعf]

لاحول ولا قوة إلا بالله



مته السالفه هذي تنتهي بسعوديه

[الأشعل]

اقتباس المشاركة الأساسية كتبها أبوعبدالعزيز الحضاري عوائل البلدية عوائل الشماس عوائل البصر عوائل الاسكان عوائل الرفيعة عوائل الضاحي عوائل .... المفروض العوائل يستحون ولا يجون الدائري الدائري معروف خارج العمران الاصل للشباب وسلامتكم

أولآ أشكر مرورك ياابوعبدالعزيز ,,
ثانيآ أشوف مزروع الدائري كله ألعاب ومراجيح يعني إنه للعوائل ( إلا إن كان الشباب يتروجحون ويلعبون هذا شيء ثاني ) !!
والمفروض إن البلدية وضعت لوحات تبين إنه مخصص للعوائل
لأن بعض الشباب مايستحون ويريدون هذا الشيء ,, ويضعون مكان مخصص للشباب مثل دائري عنيزة ( العوائل لها مكان خاص والشباب لهم مكان خاص ) .

[الأشعل]

اقتباس المشاركة الأساسية كتبها sg'hk انا اليوم مفطر هناك والله ماوجدت الشباب كل الموجودين عوائل .. بس فيه أول المزروع من جهة الجنوب معروف للشباب أما آخره من جهة الشمال المرتفع فهو عوائل بحت .. أحببت أن أصحح لك اللبس اللي انت فيه ؟ تحياتي للجميع ـ ابو سليمان

جاي ياابو سليمان تكذب كلامي عيب عليك !!! وإذا رحت تفطر مرة ثانية فتح عيونك الله يهديك
وبعدين رايح أنا لمه برمضان ثلاث مرات وكله خليطي شباب وعوائل وليس عندي اللبس بل عندك ورح لمه ثانيه وتأكد بعد ماتفتح عيونك !! لأني دايره من شماليه لجنوبيه كله خليطي والأغلب شباب ..

[*M-I-K*]

صحيح كلامك يالأشعل
حنا رحنا نفطر فيه وكله شباب مالينه ملي !!!
وأشكر حرصك وإهتمامك لبلدك ..
مع التحية

[عبدالله]

افطروا في بيوتكم حتى تدركوا صلاة الجماعة في المسجد

[الأشعل]

اقتباس المشاركة الأساسية كتبها ارا3993 لاحول ولا قوة إلا بالله مته السالفه هذي تنتهي بسعوديه

السالفه ماهي منتهية من السعودية ,,,, مادام الهايلوكسات ماإنتهن من السعودية ..

[ٍسلطـآإ،ن القـصيـم]

اذ الشباب جالسين ومايتمشون عندك مافيه مشاكل اذ كنت واثق بااهلك انا كذا مره جيت مع اهلي وفيه شباب لكن ماعلينا منهم داامك جالس مع اهلك محدن بيناضركم واسمح لي اذ تفكيرك كذا تبغى عوائل فقط ماراح تجلس بااي حديقه الشباب بكل مكآآن ياخوي

[BRHOOM]

...

طيب عادي

اذا صار الواحد او الوحده ماشي مستقيم

ولأ علية من احد

مافي اي شئ

...

[الأشعل]

اقتباس المشاركة الأساسية كتبها *m-i-k* صحيح كلامك يالأشعل حنا رحنا نفطر فيه وكله شباب مالينه ملي !!! وأشكر حرصك وإهتمامك لبلدك .. مع التحية

أشكر مرورك أخي الكريم ,,
وعلم اللي مايدرون ونايمين !!