 |
|
|
|
|
24-09-2009, 02:01 PM
|
#11 |
|
عـضـو
تاريخ التسجيل: Mar 2009
المشاركات: 24
|
[ رثـــــاء ]...
ما أراني فاعلاً في الليل إن أرخـى سدولـه؟ ما أراني فاعلاً والصبح قـد حـان احتضـاره الشاب مات في اول يوم مـن ايام العياده عاجله سهم القدر واختـاره الله فـي جـواره طفلي اللي مات في غمضة طرف ما حال حوله يوم عمر الآدمي مـا كـان يومـاً باختيـاره يا وجودي يوم لفّوا شاحـب الأكفـان حولـه مـا تقـول إلا شظيّـة لؤلـؤٍ داخـل محـاره يا وجودي يوم أطالع فيه,في عرضـه وطولـه تنتحر في العين منـي دمعـةٍ كنْهـا شـراره نفس عين آبوي عينه بل ونفس الـزول زولـه وبالأماره, فيه من عمه(شبيـبٍ) كـم أمـاره جابه الله مثل هتّـان المطـر ساعـة هطولـه ديمٍ احيـا بهجـة امـه تـارةٍ وآبـوه تـاره ويوم شاف الشرّ من صوب آهلهْ يشعب ذلولـه حطّ دون صدورهم صدره من الرحمه ستـاره ومات توّي مـا بعـد بإيـديّ لبّستـه نعولـه مات توّي ما بعد ساويـت فـي ثوبـه زراره كنّ عينه يوم مات تقول:بابا, ويش هـو لـه؟ يوم تبكي وانت تدري مين انا ذلحيـن جـاره! كلنا راحل وخيـر النـاس مـن زوّد رحولـه باغتنام الصالحات وكـلّ كسـرٍ لـه جبـاره طفلي اللي صوّبت كبده قبـل ساعـة وصولـه بندقٍ من عين حاسد واودعت قلبـي طشـاره يا وجودي ما لقيت أنسـب لمولـودي مقولـه من مقولة: يا وجه صبحٍ تحرّر مـن خمـاره أو ثغـر بـرقٍ تهامـيٍّ تبسّـم فـي ثعـولـه ضوح مصباحه عليه يـورّد النجـدي بكـاره يوم اشيله ما تقول اشيـل شـيٍّ مـن نحولـه آتشمّم ريحته -من فجعـة القلـب- بحـراره يوم جيت العب معاه وغاب قلبي مـن ذهولـه يوم ما شفته تبسّم لي وانـا فـي اول زيـاره قمت أحدث عنه نفسي- والعرب حولي وحوله - ليت ما هو ميْتٍ؟إلا ميت! ما تبغـى استشـاره اتْخنقنـي عبرتـي يـوم آتذكّـر مـا تقولـه عنه أمّه يـوم أنـا فـي ديـرةٍ ماهيـب داره [آتذكّر يوم هو فـي بطنهـا يحـرّك رجولـه وانتعيرّ:ليت ما هـو أقشـرٍ؟ لبّـى القشـاره كم سهرنا معه ليله كاملـه مـن كبـر هولـه لين صرنا نعَرْف موعد قومته داخـل قـراره وان تأخّر ما صحى في موعده قمنـا نصولـه ننغزه يا من يميـن البطـن وإلا مـن يسـاره ما نبي شيْ بسْ نبي نضحك على ردّة فعولـه
__________________
قف بالقصيم مليــّاً في روابيــه++++++++++++واستلهم الوصل من أمجاد ماضيهِ قف بالقصيم وقَبِّل حُسنَ مقلتهِ++++++++++++ فيكفي بالقصيم(( بـريدتي)) وتكفيهِ يمنع وضع الإيميل |
|
| الإشارات المرجعية |
|
|
النمط الأحادي